تعب مع ابنتي المولودة ارجوا المساعد للخبيرات بالاطفال

[توب2010]

ابنتي عمرها شهران وانام انا وياها خارج غرفة النوم
علشان ماتزعج والدها المهم انا تعبت اذا نامت اهتميت بشغل البيت
واذا بغيت انام صحت نومها مو مضبوط اهملت ابني عمره 3 سنوات
حتى نفسي صياح تنام شوي وتصح شوي
سوالي كيف انظم نومها على الاقل 3 ساعات متصله؟يبدا من الساعة 1بليل؟
على فكر اذا صحت لازم اشيلها علشان تصكت بالعربي متعوده على الشيل
كيف اخليها تلعب لوحدها من دون شيل؟
ارجوكم ساعدوني الي عندها خبره

 

[وحيده في دنياي]

لاتعوديها على الشيل والنز
وحاولي تصحيها لين تنامي وترتاحي
ولما تصحي خليها عند ابوها شوي
وانتي اشتغلي
واقري عليها قران عشان تهدى

والله يكون بعــــــونك

 

[قرة عين يارب]

انا كنت بحاول اشتغل وخلاص كل اعمالى على شان لما تنام انام جنبها

 

[o.o]

الله يعينج شهرين المفروض تنام اكثر من ٣ ساعات اقل شي ٥
المهم جربي تخلينها صاحيها لوقت وبعدين سبحيها ودلكيها بالبيبي اويل ورضعيها من المرضاعه رضعه اكثر من اللي تعطينها اياها يعني حليب اكثر بالليل حاولي انها ما تنام وهي ترضع وبعدها خل تنام ..ولو صحت شوي عطيها المصاصه انا تميت في حرب مع ولدي غصب احط المصاصه عشان يرجع ينام لي ما انتظم نومه وصار يفكني

 

[انتوا سموني]

أنا ولدي كان مثل بنتك لدرجة أني وديته عند حرمة تقرأ عليها من كثر مايبكي وقالت لي تعالي لي

لمدة 3 أيام وبعدين الله يجزاها بالخير أعطتني شريط الرقيه الشرعية وقالت لي شغليه له عند الفجر

وأخر العصر وتميت على هذا الحال والحين الحمد لله تحسن نومه

وعلى فكره يمكن بنتك فيها مصع (( مدري فهمتيني والا لا ؟؟ ))) هذا اللي يصيب الأطفال من كثر الشيل

أو الشيل الغلط علشان كذا تبكي كثير

بعطيك بعض الإقتراحات يمكن تفيدك:

** أنصحك أذا كان في غرفتها أو في ملابسها صور أو ذوات أرواح تشيلنها لأن الشيطان راح يرافقها على طول

(( على حد علمي))

** جربي تعلقين على سريرها لعبة علشان لو صحت تلعب فيها

** قبل ماتنام ادرهني جسمها بزيت زيتون دافي ومقري فيه ولفيها يعني (( مهديها )) وأن شاء الله تنام مرتاحه00000 صدقيني هذي مجربه

** أذا جت تنام اقري عليها المعوذات و((أعيذيها بكلمات الله التامات من شر ماخلق )) (( الله يطامنك بأسمه))

(( الله ينزل عليك سكينته وطمأنينته )) وغيرها من الأدعيه

هذ اللي خطر في بالي الحين أن ذكرت شي ثاني قلت لك

 

[Pink Dreams]

غالبا الاطفال في هذا العمر صعب جدا التحكم في وقت نومهم
بنتك مثل ولدي كان قمه في الازعاج وماينام وربك عداها على خير
غالبا الطفل يبكي من مغص او غازات البطن
حاولي تعرفي السبب وتلاقيله حل
بالنسبه للشيل مرررررررره مو كويس للطفل لانه بيصير مؤذي بشكل كبير يعني الوحده تشيل البيبي والا تهتم ببيتها ونفسها وزوجها واولادها
حاولي تلهيها مثلا
حطيلها قناة اطفال في التلفيزيون مثل سمسم
او حطيلها الالعاب اللي تشغلها مثل هذي

وبالتوفيق​

 

[توب2010]

شكراااااااااااا الا كل من رد وبحاول انفذها وبحاول اطنش وهي تبكي
علشان تشيل فكرة الشيل من راسه

 

[رحيق]

عزيزتي
كل عام وأنتي بخير

لو بكت طفلتك

فاقتربي منها ولكن لا تحمليها اعطيها الرضعه
وامسكيها لها وهي في سريرها

لعبيها وهي في السرير
لا ترفعيها إلا لتغير الحفاظ أو الرضاعة الطبيعيه
وأنا أقصد ان هذا تفعليها أغلب الوقت والوقت الذي يفترض ان تنام فيه

واجعلي هناك أوقات مخصصه ترفعيها فيها وتلعبيها ويلعبها ابوها

وطبيا ينام الطفل في هذا العمر
20 ساعه
ليست متصله طبعا
لكن أغلب وقته يكون نائم

والأطفال يختلفون فبعضهم يبكي بسبب المغص و بعضهم
لأسباب أخرى مثل الحروالبرد

فأنتي إذا جاء الليل ورغبتي أن تنامي

حمميها ودلكي جسمها والطريقه
أن
تظغطي برفق على أقدامها وتصعدي إلى الفخذ ثم تفعل نفس الشئ مع

الذراعين

وتحاولي تلمي الصدر برفق

ثم أعطيعا رضعه

ومهديها

وشغلي قرآن
ونامي معاها

ولتكن هذه النومه في غرفة نومك

فليس صحيا ان تتركي زوجك لوحده

على الأقل نومة الليل

اذا نفعت مع بنتك هالطريقه ارجعي لغرفتك

والله يعينك
...................​

 

[حياتي مروقهر]

انا بنتي كانت جذي الله يخليها ويحفظها أزلا قمت وشريت بودرة بيبي جونسون الليعليها غطاء بنفسجي وسائل أستحمام بعد بنفسجي لان هذا حق يساعد على النوم وفي الليل دلكيها لمدة ربع ساعة وخليها اشوي من غير ماتلفينها وقعدي معها بحيث انك اتلاعبينها وبعدها حمميها بالصابون الخاص حق النوم والبودرة وعطيها رضعتها وانشاء الله تنام وقبل لتحيين موعد اللارضعة الثانية جهزيها واول ماتصحى رضعيها وانشاء الله بتكون تعبانة من التدليك واللعب وراح اتواصل نوم
والله يكون في عونك بس انا سويت هاذي الطريقة مع بنتي والحمد لله وايد نفعتني وخلتني ارتاح اسويها لها مرتين الصبح بدون تدليك علشان شغل البيت وباليل مع التدليك علشان انا انام وارتاح
والله ايخليها لك ويبارك لك فيها​

 

[% أميرة الورد %]

دا السن ماتقدري تتحكمي في نومها

اظن 5 شهور نومها يتنظم >> ناسية متى بالضبط

وفي السوق في مرجيحة حلوة مرة نفعتني اهز ولدي فيها

في نوع للجلوس لسن كبير وفي نوع ينفع ل 3 شهور حلوة مرة جربيها

تحياتي

 

[قلب مجرح]

شوفي حبوبه
اول شيء شوفي نومها ولعبها
يمكن انتى ماتخلينها تلعب اول ماتبكي على طول شلتيها
لا اول ماتقعد قطي الحفاظ ووحطي تحتها السماط عشان ماتوسخ البيت ووشوفي مكان الحفاظ يمكن يكون احمر من الحفاظه غسليه وحطي كريم الحفظات ووخليها تلعب وواذا بكت لا تشيلينها عطيها ماي غريب يمكن غازات ووبعد اللعب مايطول لعب ابو شهرين حده نص ساعه سبحيها ووزيتيه بجنسون واقري عليها او غنى لها وبعدها مهديها وورضعيها راح تنام حطيها في مكان مافي صوت راح تنام مرتاحه ووقتى حزة رضعتها الثانيه واذا قعدت تبجي هذي غازات قلبيها على بطنها لين تطلع الغازات ووعطيها ماي غريب يريح الجاهل
ووواشتغلى وواكلى وولا تخلين ابو الشباب ووالجاهل كل ساعتين يبي حليب