تعبت والله تعبت؟؟وش اسوي

[قلبي الكبير]

بنات انا عندي مشكله من جد مزعلتني لاني حاسه ان زوجي متضااااااايق مره مع انه ماتكلم بس لمح لي اكثرمن مره المشكله اني حامل بالشهر الخامس وقبل الحمل كنت استخدم حبوب الياسمين وتركتها طبعا عشان الحمل ومن يوم ماتركتها والحبوب ماليه وجهي بس ورحت للدكتوره قالت شي طبيعي بسبب اختلاف الهرمونات بعد الحبوب الياسمين بس كتبت لي كريمات وجبتها ورفض زوجي استخدمها لانه خايف عالجنين يصير فيه تشوهات وفعلا اخد الادويه وراح لاستشاري وقاله كويس انه ا ماستعملتها لانها خطيره عالجنين بس الحين مدري وشلون اتصرف خايفه استخدمها واضر نفسي وبنفس الوقت متضايقه من الحبوب الله يخليكم وش اسوي؟

 

[التحدي صعب]

الحبوب ياحبيبتي
علاجها سمعت من بعضهم يكون بالمر اذا تعرفين المر تنقعينه وبعدين تمسحين فيه وجهك ياسكر
او ياقلبي اذا الله كتب لك ورحتي مكة عليك بموية زمزم اشربي منها وامسحي وجهك وادعي ربي يوخر هالحبوب من وجهك

الله يفرج همك بس لو كانت شوي لاتشيلين هم لما تراعين نفسك بعد الولادة بترجع بشرتك موردة وحلوة ان شاء الله
الله يتمم لك على خير يارب

 

[كآرآميلآ]

حياتي لاتحسي بالنقص عشان لاتتنازلي انت مافيك شي ايش يعني حبوب

صديقتي بالجامعه عندها حبووووب كثير وتكون فترة الحمل شكلها وحده ثانيه لدرجة كل ماتشوفيها تحزني على مظهرها

بس انت تقدري تعوضي جمالك باشياء بسيطة تخليك جذابة

ليس هناك الجميل ولا القبيح انما تفكيرك هو الذي يصور لك احدهما خليه مبدئك ومبدأ زوجك

 

[فراشة طائرة]

في معجون اسنان من شركة ماليزية اسمه dxn اسم الشركة طبعا والله بنت اختي وجهها مليان حبوب وجربته وخفت كثير مرة طبعا على حسب بشرتك انتي جربيه مرة واذا نفع استمري عليه "
بس على فكرة راح تحسين بلسعة خفيفة منه بس عادي "
الشركة لها فروع كثيرة بالسعودية ابحثي عنها بالنت واي خدمة انا تحت امرك

 

[قلبي الكبير]

التحدي الصعب مشكوره حبيبتي عالرد بس المر كل يوم استخدمه؟ووشلون فعاليته؟الله يخليك اختي كارميلا الحبوب مو مره كثيره بس مزعجه وانا والله من النوع اللي اهتم بنفسي لين اولد يعني تشوفيني دايم له مكياج ولبس وشورتات وحركات لين التاسع مع اني والله اكون تعباه من الشغل والبيت بس مستحيل اهمل نفسي اوشكلي قدام زوجي وهو ملاحظ

 

[سمو الأميرة]

عادي هذي طبيعية مع الحمل و مش بسبب حبوب ياسمين و بس ..
انا لما حملت بولدي كانت تطلع لي حبوب .. صح تعبت نفسياً شوي منها لكن تقبلت الموضوع لأن ما بيدي شي .. و بعد الولادة رااااااحت ولا حتى خلت آثار ..
انتي بس اهتمي بنظافة الوجه و استخدمي غسول وجه نيوتروجينا كل يوم .. ممتاز و الله .. و ما له ضرر على الجنين .. و في بعد زيت شجرة الشاي تحطينه على الحبوب قبل النوم و الصبح تغسلينه .. جداً ممتاااااز .. تلاقينه في بودي شوب ..
و لا تشتكين لزوجج من الحبوب أبداً .. بس اذا هو اللي علق قوليله عاااادي هذا يصير مع كل الحوامل .. و يروح بعد الولادة ..
و استخدمي مكياج من كلينيك و بس .. النوعيات الثانية تحسس البشرة خاصة بودرة ماك ..
حطي كونسيلر و بودرة علشان تغطين الحبوب .. و حاولي ما تخلين المكياج فترة طويلة على البشرة يعني من ساعتين الى 3 ساعات بالكثير ..
و بالتوفيق .. ^_^

 

[كبريـــاء]

حبيبتي استعملي مغلي البابونج شطفي فيه وجهك ,,,

(( خذي مقدار قبضة يد بابونج مجفف واغليه شوي بس واتركية لحد ما يبرد واشطفي فيه وجهك دايما كذا مرة باليوم ,, هذي طريقة مره معروفة ونتايجها طيبة حتى تبيض وتفتح البشرة )) ,,

وبرضوه فيه كريم اسمه (( سكينو رين )) علبته لونها اورنجي بس ما ادري اذا تنفع للحامل اسألي الدكتور أول كثير ممتاز ,,

واذا تبغي شي مفعوله سريييع ويومي اشتري كريم اساس من ماركة (( كريولاين )) اسمه (( أو بي ون )) وخذي البودره تبعه ناتشورال يخلي وجهك ورقة من الصفاء ,, اختي بشرتها حبوب ومره متأثرة من حب الشباب وتستخدمه وشكلها يطلع جونان ,,


.
.
.


ربي يريحك وينور وجهك دنيا وآخره ويجملك في عين زوجك يارب ,,

 

[قلبي الكبير]

فراشه الطائره مشكوره ياقلبي عالرد بس حبيت اسالكالمعجون القاه بالصيدليه؟وهل له ضرر عالحوامل؟

 

[ام حنونه جدا]

حبيبتي ربنا يسهلك وتولدي ان شاء الله وتجيبي احلي بيبي والله انا رأيي لو زوجك متضايق من الحبوب هو حر لان انتي حامل وهوالمفروض يراعي ظروفك بس اللي انا شيفاه انه لما اخد الادويه وسأل معنها انه مش بيهتم بالبيبي وبس لا بيكي انتي كمان مش تشغلي نفسك هو الحمل بس بيخليكي حساسه واي بنوته كده حاولي تصفي نفسك وذهنك ومش تشغلي نفسك علشان صحه البيبي وعلشان نفسك وربنا يقومك بالسلامه

 

[مصاصه بالفراوله]

مثل ما قالت الاخت التحدي الصعب
المر كويس للحبوب

و ربي يتمم حملك على خير

 

[&دره&]

حبيبتي طالما ريلج ما رضى انجج تستخدمين الادويه

يعني متقبل التغير اللي صار لج

فكوني واثقه وان شاء الله تزول بعد الولاده

والله يسهل عليج يارب

 

[فراشة طائرة]

بالنسبة للمعجون مو موجود بالصيدلية في ناس اعضاء للشركة هذي ويطلبون لك اذا بغيتي وبحثي بالنت مثل ماقلت لك راح تلاقي تاجرات يبيعونه
وبالنسبة لاضراره مااعتقد لان مكوناته طبيعية وهي شركة ماليزية او اندونيسية تقريبا "