تعبت نفسيتي والله .. دخلواا وشوفوا مصيبتي مع زوجي

[ليل الالم]

بسم الله الرحمن الرحيم


مشكلتي اني عايشه مع زوجي خمس سنوات ومو عايشه عندي ولدين الكبير سنتين والثاني سبع شهور كثرت المشاكل بينا تقريبا يوميا طلبت الطلاق لقيت الرفض الكبير من الاهل...
مشكلتي انه على اقل شي ضرب وانتقاد ، يهدد بالطلااق بدون تفكيرباي حل اخر حتى لو الموضوع بسيط من قبل مجئ الاولاد ومن بعدهم قرر ان من يكتمل لاولاد سن السنتين فرقاي عيد... يا رب

انسان كرهني فيه غصب وكرهني فيى نفسي وشكلي وحتى اسمي الي اتدكر بس مرة ناداني اياه من خمس سنوات انسان ما يعرف الا الصراخ والانتقاد لا يعرف اللين معي يعاملني كالحشرة موجودة غير موجودة واحد يغضب لما ادلله لما ازعل ما يهتم لما امرض ما يهتم يا رب عايشه بجحيم ورب البيت
بينما اولاده دايما يدللهم ويكلهم بهدوء ورقه الا انا ليش ؟؟؟ ما يحب يسمعني بس اسمعه ايه وهو يتكلم بس انا ممنوع ويش الحل افيدوني والله نفسيتي تعبت والله..

لا تهملوني ارجوكم امانه ردوا علي حياتي ميته ميته... ونفسيتي تحت .....:no:

 

[قمر-15]

اولا

السلام عليكم ورحمة الله وبركاته


انا عندي حل خليه يسافر يمكن يشتاقلج وتشتاقين له ويحس بوجودج

جربي

او مو شرط يسافر انتي غيري من اسلوبج يمكن الله يهديه


ويهدي سركم

 

[$$البرنسيسه$$]

ادعى ان الله بسخره للك والله يوفقك يارب

 

[هديل001]

ياحبيبتي أدعي له

واكثري من الاستغفار والصلاة وقت السحر ربك سميع الدعاء

الله يهديه ويحنن قلبه عليكِ يارب

 

[منال الليل]

يا حبيبتي الله يكون في عونك ويصبر قلبك ..... بصراحه ما عندي الا ادعيلك وانتي كثري الدعاء والاستغفار واللي الله كاتبه ان شاء الله خير .... وسامحيني عالتقصير

 

[حالة خاصة]

ياحبيبتي أدعي له

واكثري من الاستغفار والصلاة وقت السحر ربك سميع الدعاء

الله يهديه ويحنن قلبه عليكِ يارب .
صح زي ما قالت أختي ..

 

[غااليه]

صح كلام الأخوات .. عليك بالدعاءان الله يحنن قلبه ويسخره لك وحاولي تكسب وده وعطفه بالكلام الحلو والتغيير

في اسلوبك معاه وشكلك وحاولي تزينين غرفه النوم وتعمليين له حركات رومانسيه مره ومرتين وبيلين قلبه ان شاء

الله ..

 

[ميمي 1404]

مشكلتي اني عايشه مع زوجي خمس سنوات ومو عايشه عندي ولدين الكبير سنتين والثاني سبع شهور كثرت المشاكل بينا تقريبا يوميا طلبت الطلاق لقيت الرفض الكبير من الاهل...


غاليتي ..
ممكن اعرف كم عمرك .. وليش عايشه ومو عايشه ..ليش .. ايش سبب المشاكل .. يا حبيبتي في مشاكل يوميه تنحل باسهل الطرق والله العظيم .. وصدقيني اللي تبغ تفكر في المشاكل اليوميه والله حتلاقي اللي يخليها تروح بيت اهلها من اول شهر ...
فكري بهداوة وعقلانية لا تتسرعي .. خذي نفس عميق من يوم ما تشوفي او تسمعي اي شي يضايقك ..


مشكلتي انه على اقل شي ضرب وانتقاد ،

ليييييييييييييييييش الضرب يا حبيبتي .. ليش تهيني نفسك .. الله كرمك من فوق سبع سماوات .. ليش تخليه او تسمحي بالضرب ..
وليش لقيتي الرفض من الاهل .. هم اللي عايشين ولا انتي ... المواضيع ماتنحل بالزعل والصراخ .. كل شي يجي بالتفاهم والحكمة .. وعدم العجلة ..

يهدد بالطلااق بدون تفكيرباي حل اخر حتى لو الموضوع بسيط من قبل مجئ الاولاد ومن بعدهم قرر ان من يكتمل لاولاد سن السنتين فرقاي عيد... يا رب
انسان كرهني فيه غصب وكرهني فيى نفسي وشكلي وحتى اسمي الي اتدكر بس مرة ناداني اياه من خمس سنوات انسان ما يعرف الا الصراخ والانتقاد لا يعرف اللين معي يعاملني كالحشرة موجودة غير موجودة واحد يغضب لما ادلله لما ازعل ما يهتم لما امرض ما يهتم يا رب عايشه بجحيم ورب البيت
بينما اولاده دايما يدللهم ويكلهم بهدوء ورقه الا انا ليش ؟؟؟

طب اسألي نفسك .. ليش الاولاد وهم اللي ما يفهمو ولا حتى يتكلمو .. حاولي تحتويه .. صدقيني هذي نعمة انه يحب عياله فخلي هذي النقطة من صالحك .. دايما خليهم الطرف اللي يصلح المشكلة .. اذا صرخ عليكي قوليله عشان العيال لا يا خذوا عنك فكرة سيئه .. طبعا انا اكره الضرب .. بس اذا حاول ذكريه فيهم ..
خلي كذا في يوم وديهم عند اهلك .. وكلميه ..
انت ايش اللي فبالك .. ايش تبغاني اكون بالضبط وانا راح اسوي اللي انت تبغاه .. اعتبرني اختك ولا امك وقلي كل اللي بخاطرك وما راح يسير خاطرك الا طيب ..
احنا الحين لنا خمس سنوات وما تفاهمنا .. متى اذا راح نتفاهم .. خلينا نبدأ صفحة جديده .. اول شرط فيها
الأحترام .... ما في اهانه .. لا مني ولا منك .. اذا زعلنا من شي نتصارح ونتناقش ونحل المسألة .. حتى لو ما تحلت بس اهم شي ما تقعد في النفس عشان لا تتراكم وتسوي براكين ههههههههههه

صدقيني مره على مره من هذي الجلسات هو راح يبدأ يخرج اللي بنفسه طبيعي وانتي كمان راح ترتاحي من ضغط الزعل .. اللي يخليكي متوتره طول اليوم ..
وبعدين عيالك صغار الله يحميهم .. اكيد انتي تعبانه معاهم .. وضحي له هذي النقطة .. وأهم شي
قولي له اذا نبغ نعيش ..لازم نشيل فكرة الطلااااق نهائيا ..لأن اذا في هذي الفكرة حتكون الحل الوحيد لأي مشكلة ثانية ولو كانت صغيرة وبسسسسسسيطة ..



ما يحب يسمعني بس اسمعه ايه وهو يتكلم بس انا ممنوع ويش الحل افيدوني والله نفسيتي تعبت والله..

لا تهملوني ارجوكم امانه ردوا علي حياتي ميته ميته... ونفسيتي تحت .....:no:


الله يكون بعونك .. يمكن كل كلامك اتهامات ما عمرك اعترفتي بأغلاطك .. لأن مافي انسان كامل ..حاولي تبدأي دايما في الكلام .. بنفسك .. يعني انا كذا وانا كذا وغلطت في كذا .. عشان يفكر في كلامك وبعدين قولي انت سويت كذا ...

والله صلي ركعتين توبه لله واقرأي يس او اي سورة انتي تحبيها وانوي ان الله يسهلك اللي فيه الخير
وسامحيني اذا غلط او طولت عليكي ..

 

[روعة مشاعر]

الله يفرج عليييييييييييكم يارب

 

[بحرينية وافتخر]

انتي قلتي انه يحب اطفاله وااااايد الله يخليهم لكم
اذا الاطفال هم اللي بحلووون مشاكلكم
دامه يحبهم يسمع لهم
ذكريه باطفاله انك لو ضربتني او معاملتني مو عدل اطفالك راح يكرهونك بسبب معاملتك لي وهم بعد بياخذون هالعادة السيئة

اطلعي معاه لحالكم وقولي له انا في شنو مزعلتك وشنو تبغيني اسوي الي تبيه بسويه وانا مالي غيرك يعني امي وابوي لو تووفى(الله لا يقوله) من بيكون الي من بعدهم اكيييد انت مالي غيرك ولا انت لك غيري

صدقيني الزوج هووو كل شي بالنسبة للمراة من بعد امها وابوهااا

 

[ليتني احتويك]

عليك بالدعاءان الله يحنن قلبه ويسخره لك

 

[نور الدنياء]

اللخ يوفق بينكم ويعينك يااااااااااااااارب والحال من بعضه

 

[سلام سلام]

الله يفرج لك ..يااااااارب

 

[ليل الالم]

اسعدني مروركم والرد عليي كما ابكاني .. الحمد لله رب العالمين نحمده ونشكره على كل حال..انا مالي في الدنيااحدالتجي اليه حتى اصدقائي ما احب انقل مشاكل زوجي ليهم ما ادري يمكن غيره فيني عليه.. وكره اني اسمه كلمة ابتعدي عنه..مشكووورين احبائي ع مروركم الي افلج صدري ويطول الله بعمرك.. ويبعد عنكم كل اذية ..