تعبت من زوجي

[تعبت اهواه]

السلام عليكم
شلونكم جميعا؟؟
انا بكتب لكم قصتي لاني تعبت من جد تعبت
من قبل لااتزوج كنت دلوعه مامي وكل طلباتي مستجابه
ولمن تزوجت كانت ظروف زوجي شوي صعبه وقصرت في نفسي وااااايد وصبرت وتحملت
بس الحمدلله تحسنت ظروفه وهو مو مقصر معاي بالمصروف
وانا مااطلع وايد ,من بيتي لبيت اهله او بيت اهلي والسوق ماتسوق الا كل 10شهور او8شهور وعيالي بعد اتسوق لهم بعد مده طويله والصالون ماعدت اروح له صرت احف نفسي فالبيت وماعدت اشقر
مشكله زوجي انه يحرمني من ابسط حقوقي هو طوال الاسبوع فالشغل واخر الاسبوع نسافر لاهله >>>اهله في دوله ثانيه
وعلى طول هذا جدولنا طوووول الاسبوع فالشغل واخر الاسبوع نسافر لاهله
واغيب عن اهلي فترات طويله مع انهم معي في نفس البلد واذا بزور اهلي ماانزل الا وانا متضايقه ودمعتي في عيني وهو السبب طبعا ومايخليني عندهم وايد
وقلت له شرايك اخر الاسبوع هذا نسافر لاهلك واخر الاسبوع الجاي نزور اهلي قال لااااا
انتي ليش تحطين راسك براسي
وغير هذا ماعنده اسلوب وما اسمع منه كلمه حلوه
ومو معطيني اهتمام يا فالشغل يا نااايم يا طالع يا قاعد عالانترنت واذا جيت وقعدت جنبه يسكر اللاب توب وانا اتضااايق من حركته هاذي
واتضاااايق انه مو معطينا وقت نقعد مع بعض اناااا اشتاااااااق له واشتاااااق نطلع مع بعض ونتمشى مع بعض كل ويك اند يانسافر لاهله او اقضي الويك اند عند اهلي وهو يسافر لاهله
لييييييش ماااافيه ويك اند حقي انا ؟
ليييييييش مالي نصيب فيه انا تعبت من الروتين والحياه الممله اللي احنا فيها
صرت اكره اسلوبه وانانيته
احسه متغير علي واااااايد واذا قلت له خلنا نطلع مع بعض نغير جو من زماااان ماطلعنا مع بعض يقول انتي تبين تحكمين فيني
وقعدت معاه وتهاوشنا وقلتله انه غلطان ومايفكر الا في نفسه قال لي اني انا اللي غلطانه
والحين يااجماااااعه قولوا لي من الغلطان؟

 

[دلع قلبه]

شاركينا في الدورة فستجدين حلول بإذن الله..

http://www.niswh.com/vb/showthread.php?t=298713

 

[تشكرات]

هو الغلطان بس حبيبتي انتي كمان لازم تهدي الوضع معاه وتتحايلي عليه بالهداوه واللين ترى الرجال عقولهم صغيره كلمه توديهم وكلمه تجيبهم >>>>يعني اذا بغيتي منه شي كلميه بهدوء ونعومه وبرود ..خليه يحس بوجودك وباهميتك ولا تكثري عليه اذا وافق خير وبركه واذا ما وافق الجايات أكثر ..أهم شي لا تدخلي معاه في عناد ....وترى ما قال لك تحطي راسك براسه الا انك تعانديه ..خليه فتره يحس بقيمتك وبضعفك يمكن يحن لك ويعطف عليكي ..وربنا معاكي .

 

[&ملكة في بيتي&]

يا حبيبتي لك حق انك تزعلي بس لو قلت ما نسافر لاهلك يقول ما تحبينهم مشان هيك حتي النقاط على الحروف وياه وخبريه انك تزوجتي مشان تكون عندك استقلالية فحياتك ومو لازم كل أسبوع عند اهلكم وإدا ما فيكي تسافري لاهلو لا تسافرين وسوي لك حفلة مع صديقتك بلبيت وخدي لك كم صورة حلوة لدقرة ولا يرجع خليه يشوفهم وإدا نقشك مشنهم فهميه انك أنثى وفيك احساسيس ومشاعر وطاقة بدك تفجريها ومو لقيah معك وهي طريقتك للفرفشة ومدام هو يحب أهله ويستانس وياهم إنت كمان خالي لك طريقتك في الانس مو مع أهلك تراه ما يغير منهم لانو هو بعد مع اهلو
جرب هى طريقة أسبوع وإثنين وأكثر مرة إليك مرة لاولادك وأصحابهم تراه يغير وقبل لا يسافر يخلي لك مصروف الفرفشة وتشوفي راح ينقهر ويبطل سفر ويجلس وياكم


مشان الله يا بنات أنا ما بدي أخرب بتها وربي علي شاهد بس أبغاه ينقهر مشان يحس فيها
الله يهديه يا رب

 

[كل همي دمعة امي]

زوجك أنسان أناني بصراحه مايحب الا نفسه وش فيها اذا راح هو عند اهله وخلك عند اهلك لكن مانقول الا الله يسخر قلب زوجك لك ويهديه

 

[جرووووووووووح]

الله يسخر لك زوجك

 

[الجوف حلوه]

مرحبااااااا؛؛؛؛؛؛ افضل حل................
اشكي امرك لله في صلاة الليل,,,,,لاحولا ولا قوة الا بالله العلي العظيم~الله يسخرلك زوجك ويهديه

 

[دانة الشام]

طيب حاولي تغريه بيوم تقضوه لحالكم بعطلة آخر الاسبوع يعني اوعديه بعطلة غيييييير شكل قوليلو اذا قضينا يوم سوى رح كون محضرتلك مفاجآآآآآآآآآآت وحركات حلوة وقوليله كام كلمة تخليه يسرح بخياله وإنتي وشطارتك .....بركي بيقبل وبيجرب وبيعجبه الموضوع وبصير هو يلي يطلب منك تبقوا مع بعض تقضوا العطلة!!!!!!!!!!!!!!!!!!!جربي .....الله يعينا عهل الرجااااااااااااااااال

 

[** الحنوونهـ**]

حبيبتي اتجهي لله اولآ ..انا نفس حالتك وزياده لازم مرافق معي اخواته بس بصراحه اذا تبين تكسبينه ابتعدين عنه شوي اقصد انشغلي باولادك ونفسك سوي كل واجباته لاتقصرين عليه زوجك نفس نوع زوجي استفدت من كتاب رجال من المريخ ونساء من الزهره الفتره هاذي سماها الكاتب رجال الكهف ..اتذكر قبل فتره سمعت محاضره للشيخ عبدالمحسن الاحمد يقول اتصلت وحده تشكوى من اسلوب زوجها الجاف وعند الوجبه يذمها علمآ ان الجميع يثني عليها
فرد عليها؛ دائما كرري اللهم اني اسالك رضاك لان برضى الله يرضي خلقه عليك
بعد مده اتصلت تقول غير انه اصبح لايذم اصبح يمدح التجي الى الله ..اعتذر عن الاطاله

 

[بلقيس خانو]

ربي يسخره لك ويسخرنلنا خلقه يارب العالمين

 

[صدق العطاء]

أكثري من لاحول ولاقوةإلابالله
حاولي تجلسين معاه جلسة صراحة خليه يحس إنه غلطان في حقك بأسلوبك الرقيق
سهل الله طريقك لزوجك
لاتنسي ذكرالله

0

 

[روحي تحبو]

الله يسخره لك

 

[تعبت اهواه]

مشكورين حبيباتي
فرحتوني بردودكم
انا مشكلتي اني احبه وماقدر ازعل عليه
وحتى لو ماسافرت معه اتضايق ويضل ضميري يأنبني لحد مايرجع
وهو طيييب بس مشكلته احس انه مايبيني ازور احد
اذكر مره طلبت منه ازور بيت خالتي ورفض وبعد ماترجيته وافق بس من اول مانزلت عندهم
وهو كل شوي يتصل يقول يلا اطلعي وقعدت عندهم نص ساعه او اقل وانا من زمان ماشفتهم
ومره كنت زايره ناس من اهلنا ونفس الحاجه كان كل شوي يتصل لحد ماكرهت الزياره وطلعت ودموعي في عيني حتى الناس لاحظوا علي
يبيني على طول قاعده فالبيت او مسافرين لاهله
وعيالي ماعمره اخذهم للالعاب او للحديقه احسه بعيد عن عياله

 

[دلوعة عمرو]

شوفي البوصله الشخصيه "؟؟


وش نمط زوجك وعامليه على اساسه .​

 

[دلوعة عمرو]

يمكن زوجك ما يبغى يفارقك لانه يحبك لا تسيئين الظن فيه

 

[تعبت اهواه]

شلون اعرف نمط شخصيته؟