تعبت من انانيته وتصروفاته

[لولو*الصغيرة]

عادي حبيبتي ...
انا ليلة العيد غيرت ديكور البيت بالكامل وحطيت الورد وسويت فواله العيد وجبت هدية وسويت كيكة للعيد وفطور العيد وكل شي كان مميز وراقي بشهادة امه وخواته لاني ساكنه معاهم ....تعرفين عيديتي كانت ايش ماقعد ويوم العيد راح يسلم على الاهل وبعدها بات مع ربعه في الشاليهات وعقبها كلمني وقالي انا بقضي اجازة العيد مع الربع بالشاليهات ومن عقبها لا سؤال ولامسج ولاشي وهلي سافرو اجازة العيد وامه وهله بعد سافروا وانا بروحي بس الله يثبتني ان شاء الله ...مع انه قلته قبل العيد اذا بتروح مع ربعك خلي اسافر مع هلي قال لا مب رايح والحين كلهم سافروا وانا اللي تميت بروحي....

 

[دنيتي كلها غلاي]

خواتي والله بنجن لين الحين مافكر يسأل عنا شو الحل شو اسوي دقيت عليه صبح مارد علي
يعني ربعه اهم منا دخيلكم خواتي لا تبخلون ابغي اطرش له مسج بس ماني عرفة شو اكتب له

 

[لولو*الصغيرة]

صدقيني احسن حل معاه التطنيش حبيبتي انتي ارسلتي واعتذرتي وبينتي سبب العتاب شوق خلاص اشغلي نفسك عنه وبيرد اخرتها

 

[دنيتي كلها غلاي]

مشكورة اختي لولو الصغيرة ع مرورك والله يعيني ويعينج

 

[دمعة المظلوم]

طنششششششششششششششششششيه

مثل ما سووا لك سوووي له

لماا يرجع تفااهمي معاااه

 

[دنيتي كلها غلاي]

شوالحل غير تطنيش مو قادرة اتحمل

 

[دنيتي كلها غلاي]

خواتي ليش اهملتوا موضوعي دخيلكم انصحوني شو اسوي

 

[دنيتي كلها غلاي]

وينكم خواتي اعطوني حل اباه يتصل بي دخيلكم لا تبخلون ع اختكم

 

[دنيتي كلها غلاي]

خواتي لا تهملون موضوعي ترى مالي حد افضفض له غيركم دخيلكم ردوا علي

 

[دنيتي كلها غلاي]

خواتي وينكم لش اهملتو موضوعي

 

[دنيتي كلها غلاي]

خواتي انتم بعد طنشتوني تراني وحيدة ومالي غيركم
شو الحل صار له 3 ايام ماسأل عنا

 

[ونيس الروح]

دنيتي بصراحه ولا تزعلين مني انا الحين صرت ما الوم زوجج لو ما رد عليج

بصراحه انتي وايد حنانه و نكديه و اتمين تزنين تزنين و تخنقين الواحد ما تعطينه فجه

خفي ع الريال عن لا اي يوم يطفش منج و ذيج الساعه لا فات الفوت ما ينفع الصوت

ذكري الله و استهدى بالرحمن

شفيج مب قادره تستحملين هالكم يوم لين ما يرجع اصلا انا متاكده انه هوه ما يبى يرد علشان يتعبج اكثر

وهوه يعرف كيف يتلاعب باعصابج من خلال تطنيشه لج

في وحده من الاخوات قالتلج الشمالي من النوع اللي ما ينفع معاه الا التطنيش

لاكن انتي الله يهداج تركضين وراه ركض ما تعطينه حتى فرصه يعاتب نفسه و الا يفكر شوي

كل حين و ساعه مسج كل حين و ساعه داقه عليه

خلاص سويله طااااف مثل ما هوه مسولج اكبر طااااف

يعني ما ادري بصراحه انتي كيف راضيه على نفسج انه يسويلج طاااف و مش معبرنج و انتي ادقين عليه و تحرقين فاعصابج اكثر عن اللزم

ما ادري ب شوه انصحج لانه كلنا دشينا و قلنالج طنشيه لاكن انتي مب قادره

ما اقول غير الله يعينج على نفسج ربطتي نفسج فيه لدرجه صرتي تاكلين ف نفسج وهوه مش معبرنج

والله يحنن قلبه عليج

 

[دنيتي كلها غلاي]

اختي ونيس انا مادقيت عليه ولا دزيت له مسج بس مقهورة لأنه هو ماسأل عني ابدا وهدا شي بيدبحني

 

[ونيس الروح]

حبيبتي شو استفدتي ولا شي قاعده و تحرقين فاعصابج
انسي انسي و طلعي من القسم اللي ما ييب الا الهم و روحي اقسام تفرفش و تضحك
وبعدي عن اقسام الزواج لاني احسها تيب الهم و المرض

و الا اقولج روحي دوريلج على حركه يديده ولا مره سوتيها علشان تستقبلين فيها زوجج

اوعديني انج تسوين حركه يديده و تنسين اللي صار
و انا بتم داخله و طالعه من موضوعج لين ما تقولين شو صار معاج
موفقه حبيبتي

 

[دنيتي كلها غلاي]

مشكورة اختي ونيس ع ردك الجميل
ياليت تعرفين الحاله الي انا فيها الحين مابتصدقيني ادا قلت لج اني من 3 ايام لا اكل ولاشرب حتى ماعندي خطر اتجابل اي حد احس بعمري تعبانه نفسيا بس الله يقدرني عشان انسااااه واطنشه لين مايرد

 

[دنيتي كلها غلاي]

يعني مافي حل ثاني غير تطنيش تراني تعبت من كثر ماطنشت

 

[ام العنود1]

فيه حل غير التطنيش اسجدي لله في الثلث الاخير من الليل وناجي الرحيم بعباده اللطيف الفتاح الذي بيده مفتيح كل شئ ومن ضمنها مفتاح قلب الزوج ناجيه باسمائه كل اسم حسب طلبك اذا اردت الرحمة اسليه بالرحمان الرحيم الررزق بالرزاق اللطف بالحال اللطيف اذا اغلقت جميع السبل اساليه بالفتاح الذي بيده مفاتيح كل شئ
اكثري الاستغفار في كل وقت تصدقي لو بكلمة طيبة واحتسبيها عندالله صدقة لوجهه تعالى قولي لاحول ولا قوة الا بالله الجئي لله لن تصيبك الخيبة

 

[دنيتي كلها غلاي]

مشكور يالغالية ام العنود1 ع نصيحتج الحلوة والله يجعلها في ميزان حسناتج

 

[يحق لك]

الله يسخر زوجك لك

 

[ونيس الروح]

مرحبااا دنيتي كلها هاااه بشري شو اخرت التطورات ان شاء الله تصافت القلوب و انحلت المشكله​