تعبت ماني قادره اتحمل اكثر شسوي

[مزون الزين]

حبيباتي فيدوني الله يجزاكم الجنه انا تعبت حيل من الكحه مع بلغم ورحت للدكتور ولاعطاني شي لاني حامل وقالي الادويه من المحرمات ماراح اقدر اصرفلج انا حامل بالشهر الاول بطني عورني من كثر الكحه شسوي تعبت ابي حل تكفووووووووووووووووون افيدوني الله لايحرمني منكم

 

[فـيـفـي]

الله يكون بعونك اشربي زنجبيل

 

[احاسيس مخمليه]

ياليت اقدر افيدك بس بالشهور الاولى صعبه

انا بالشهر التاسع واعطوني علاجات لان الحمل لله البيبي كبير مو مثل اول

بس الحين تحملي واشربي اشياء دافيه

خذي ليمون مع مويه دافيه وعسل وشوي زنجبيل لاتكثرين

انا الحين اشربه بالاضافه للادويه

لاني انفلونزا حاده مو بس كحه

بس كل شي يبي له صبر اصبري والله يشفيك

 

[بنت الحور]

انا كنت مثلج بس بالشهر الـ 3
والمستشفى صرفولي أدويه ما نفعتني ابد

بعدين اختي قالت لي اشربي ماي دافي مع ليمون
والحمد لله

وان شاء الله الله يشفيج يالغاليه

 

[بتول a0z]

مثل ماقالوا ماي دافي مع ليمون مفيييد او عصير ليمون بالبرتقال
بس ساخن لايكون بارد

كلهم يفيدوا

 

[دانة القصيم]

شوفي ياقلبي

للكحه

خوذي 5 حبات قرنفل ( مسمار ) وخوذي راسها الي فوق وافركيها بايدك

وخوذيها مع كاس ماء مرتين باليوم

<< مجربتها والله رووووووووووعه للكحه

وماتشوفين شر يالغلا

 

[بدر البـدور]

اعرف لبان الذكر اشتريه من العطار ونقعي بمويه كميه كبيره منه بقاروره واشربي

منه بيالة شاهي على الريق مفيد كثير للبلغ بس ماادري اذا ينفع للحامل او لا ؟!

الله يشفيك ان شاء الله​

 

[ذرى]

والله حبيبتي طول فترة حملي وانا اعاني من الكحة

ومافي دواء ينفع للحمل الا وجربته طبعا مع وصف الدكتورة

لكن ما نفع الا اليانسون هو اللي اخفاها تماما

لكن يبغاله وقت

اتمنى اكون افدتك

 

[شمساء 1]

جربي الشاي الاحمر الدافي واعصري فيه ليمون واشربي وان شاء الله بتروح الكحة عنج انا جربت لما كنت حامل

 

[دروب الليالي]

الله يشفيك ويخفف عنك

 

[مزون الزين]

الله يخليكم لي ولايحرمني منكم ياأحلى بلقيسات

 

[أم لوسي]

انا اقول قطعي ثوم صغار مع ملعقتين عسل وابلعيه بلع والله يشفيك واكثري من شرب الماء وكولي فواكه وخضار كثير

 

[بااااتي]

حبيبتي انا زيككككككككككك في حملي ذبحتني السخووووونه وبزيااااااااااده الكحه
والدكتووووره رفضت اخذ اي دوووووووواء والله اني تبهذلت بس اشرب ليموووووون وزنجبيل
لكن يوم دخلت الشهر السااااااادس عطتني شراب بس انصحك مواي دواؤ تستخدمينه
لانك بضرين الجنين
الله يسهل ولادتك يااااااااارب

 

[قذلة نمله]

هلا حبيبتي انا مثلك كان معي كحه واحتقان وحساسية انف ومرررره تعبانه
بس عليك بالعسل ثم العسل ثم العسل هذا احسن شي خوذي ملعقه عالريق اول ماتصحين من النوم حتى بتلاحظين ان البلغم بيطلع والزنجبيل بس لاتكثرين منه لانه ممكن لا سمح الله يسوي اجهاض بس انتي حطي شويه مع الشاهي او اللي تبين انتي ،،،،وانشالله بتتحسنين يمكن من ثاني يوم انشالله بتشوفين الفرق