لووجي ..
New member
- إنضم
- 16 سبتمبر 2013
- المشاركات
- 74
صباح الخير كيفكم بنات ان شاء الله بخير ي رب .. بدخل بالموضوع سريع انا عمتي ام زوجي متعبتني وحيل حيل متعبتني تخيلو حارمتني من كل شي ابيه طبعا مو هيه الي تامرني هيه تقول لزوجي وهوا بيسوي الولد المطيع على حسابي تخيلو انا باقي صغيره عمري 17 وداخله 18 سنه وهيه مدرسة قران بس عادي تسمع اغاني يعني مو ملتزمه مره وانا عادي البس قصير تخيلو صارت تقول لزوجي م ابغا احد يشوفها لابسه قصير علشان لا يتكلمو فيني يقولو حرمة ولدها تلبس قصير .. ياليت علشان م تحبه لا علشان م يتكلمو فيها وانا والله م البس قصير مره يعني في بنات يلبسو نص الفخذ وهالحركات انا حدي تحت الركبه ونص الركبه ووالله اني انزل عندهم القى بنتها لابسه نص الفخذ وقدام ابوها واخوانها انا استحيت فزواجي من ابويا واخواني علشان فستاني كانت كتوفي باينه وغير هذا ي بنات تتحكم فيني انا اختي متزوجه خال زوجي واذا رحنا عند جدت زوجي اقابل اختي واجلس معاها تخيلو تروح تكلم زوجي تقول شوف حرمتك من يوم ما جات لاصقه ف اختها كاننا بناكلها وقدام الرجال كلهم ايش اكثر من كذا وقاحه وتخيلو فعيد الفطر ي ناس لين الحين اذا تذكرت السالفه اجلس ابكي تخيلو الفطور عند جدته انا اخر الليل قبل الفجر نزلت عند اهل زوجي وسلمت على عمتي وعايدته ورد علي عايدت عمتي تطالع فيني بنص عين وتطنش ما ترد مع اني والله انا حالي ف شاني م احتك ف احد وولا اضر احد اصلا انا خوافه المهم جلست عندهم وساعدتهم وانا ما كملت بيتي نزلت بس علشان اساعدها المهم جلست لين بعد الفجر وطلعت لبست ورحنا عند جدته والله م فرقتنا الا سياره وولا جلسنا ساعتين كمان الا وشفتها عند امها م سلمت عليها لاني كنت عندها عااادي وم قالت شي ولمن شافتني مع اختي انا فطرت وطلعت واختي ما كان في مكان ب السفره قالت شوي انزل اكل وعمتها سالتها اشبك م نزلتي فطرتي قالت عمتي لالا ي امي سيبيهم هما كذا اذا شافو بعض م يتحركو من جنب بعض ردت اختي الوسخ يشوف الناس كلهم وسخين زيه لان اختي طفشت منها من اول م جيت وهيا تطالع فينا بنص عين وتشمق وكل حركات الصغار المهم عمتي تخيلو راحت عند الرجال وكل الرجال موجودين وتزعق ف المجلس تكلم ولدها تقول له شفت حرمتك تمر من قدامي م تسلم عليا وولا كانها شايفتني اصلا وجاسه تتعلم من اختها كيف ترد عليا اذا كلمتها .. والله جاء زوجي يصيح بالبيت كله يناديني انا انفجعت وقمت اشوف ايش في وكلهم يطالعو فيني تخيلو قالي البسي عبايتك وامشي قدامي بسرعه لبست ومشيت خفت يكون في شي وداني البيت وراح عند جدته مره ثانيه اختي تقولي والله عمتك لمن جاء زوجك تطالع فيا وتضحك زي الي تقول خليت ولدي يودي اختك البيت زي الشغاله ويرجع وتخيلو كتبت كتابه من راسي ل اخواني واخواتي انو امي الله يرحمها قبل م تموت جاب ليا اخواتي امهات واخواني حيكونو ليا ااب مع ابويا وانو هما سندنا ف هذه الدنيا ومن هالكلام وارسلتها واتس على الكل بدون تحديد والله نادو زوجي يقولو له شوف حرمتك م تشوفك رجال وولا تعتمد عليك فشي وما تشوف غير اخوانها رجال .. طيب اخواني ي ناااااس كل هاذا بالعيد الناس ينبسطو وهما ينكدو عليا والله تعبت من تحكمها فيني وفوق هذا كله اعاملها كانها امي مع انها م تجي وسخ ظفر ماما الله يرحمها ي ناس تعبت شوفولي حل الله يخليكم والله مليت وبديت اكره زوجي بسبب امه لانه يسوي كل شي تبيه قولولي شسوي الله ييسر اموركم ويفرج همكم وغمكم ي رب
