السلام عليكم و رحمة الله وبركاته
اول شي و قبل ما ابدا سالفتي بقول لكم اي وحده تقرا موضوعي تدعي لي و تنصحني و اهم شي ما تقلدوني لان مو كل الازواج مثل بعض يعني اللي تصرفت فيه في هالموقف و مع زوجي يمكن ما يناسب ناس غيري فرجاء لا تقلدوني .. و اللهم اني بلغت اللهم فاشهد :icon30:
نبدا بالسالفه:
امس وانا و زوجي في السياره راجعين من بيت اهلي لبيتنا.. قلت لزوجي اني تعبانه و احس بآلام الدوره و جسمي يعورني بس الدورة تاخرت علي.. اشتر لي جهاز فحص الحمل بشووف يمكن اكون حامل ( علما اني استخدم مانع لان عندي بنت عمرها سنه عندها عمليه لازم اتسويها و انا ما بغيت احمل قبل العمليه والحينه سوتهاخلاص .. هذا غير اني ولدتها بقيصريه)
قال لي.. زين بس اصبري يومين اذا ما نزلت سوي الفحص.. قلت مو مشكله .. رد وقال لي انتي ليش ما تبين تحملين الحينه خلاص العمليه وسوتها
قلت له .. تو الناس الحمل و الوحام صعب وانا اتعب وايد منه يوم بيصير عمرها سنه ونص ان شاء الله يصير خير .. عاد ياتني الصاعقه اللي ما توقعتها ابدا ابدا
رد علي قال لي شفتي فايدة تعدد الزوجات..؟؟؟؟؟؟!!!!!!
انا اهني قمت ادخن الا احترقت من القهر سكت ثواني وفكرت اني ما ارد عليه بس قلت برد عشان ما يتم الموضوع حسره في قلبي :busted_red:
قلت له هذا الدرب قدامك .. بس شرط انا الطلاق ما بطلبه لانه ما يجوز شرعا بس انساااااني و حطني في بيت اهلي وانا ما ابي منك شي ابد و بنتك متى ما حبيبت تعال شوفها و برجع لوظيفتي لانهم للحينه يبوني .. و ترى في ناس للحيينه يتمنوني و لو فكرت فيها بتشوف ان الوحده اتعيش مع ريال كامل لها احسن من ريال موزع عمره بين زوجتين بس انا ما ابي اتزوج بعيش حياتي و بشتغل و بصرف على نفسي حتى نفقتي ما ابيها منك
هو انقهر ومات من القهر لاني قلت له انساني قال لي لا واضحه بعد شو خليتي انج ما تقولين طلقني شو الفرق بين انساني وطلقني
قلت طلاق لا عشانه ما يجوز بس انا ما بعيش وياك
و لما دخلنا البيت قعد يمزح معاي و انا اتجاوبت وياه بس بقهر و قال انتوا الحريم عقلكم مثل الاطفال قلت وانتوا قال نحن لا الله عطانا العقل و لهالسبب عطانا القوامه
قلت له الله اللي عطاكم القوامه واللي ماسكينها علينا هو نفسه اللي عطى الحريم العاطفه يعني القوامه اللي فرحانين فيها مو من شطارتكم من رب العالمين
بعدين قلت له انت حرام عليك ارحمني اشوي يعني انا اذا طلبت منك تمهلني كم شهر لاني تعبانه وابيك تصبر علي خلاص صرت اتفكر في وحده ثانيه وبعدين ياما ناس يتمنون ريحة ياهل وعايشين اسنين مع حريمهم ما تزوجوا عليهم (وانا يبت له بنت باول شهر من زواجي حتى ما تهنيت بشهر العسل) قمت على طول فكرت في الثانيه و تنازلت عني قال انا ما تنازلت عنج مثلج يوم قلتي انساني و مو يعني اذا الواحد خذ الثانيه يعني تنازل عن الاولى :tears:
بعدين دخلت الحمام وطلعت وانا الشر يقطر مني قلت لازم احرق قلبه ما اقدر اتحمل
طلعت من الحمام ورحت له قلت بقول لك مثال: القرآن ذكر ان الميل القلبي للرجل المعدد ما ينلام فيه اوكي افرض اني احبك و اموت فيك بس في بقلبي شخص ثاني احبه وهالشي مو بيدي لانه ميل قلبي وانت دريت شو بيصير فيك
ما رد علي وقام يتحج انج اتسوين الحرام وما يجوز قلت اترك الحرام بس اتكلم عن احساسك في هاللحظه بتحترق ولا لاء قال هيه
قلت عيل لا تحرق لي قلبي
بعدين قمت من عنده ورحت اشرب ماي اهني سويت شي يضحك بصراحه بس والله من القهر و الغيظ اللي فيني :evil_lol:
( انا بالعاده يوم يطلب مني ماي اييب له ماي دافي وهو ما يحب يببي باااااارد واانا اصر على الدافي لدرجة انه يقول لي انه ما بيطلب مني ماي مره ثانيه وانا اسوي هالحركه حرصا مني على صحته وهو عارف) يبت له ماي بااااارد عطيته وشربه
قلت شوف يبت لك ماي بارد .. يعني ما بهتم بصحتك خلاص انت كيفك قبل كنت احبك وابي مصلحتك ويوم انك تجرحني وتزعلني ما تهمني مصلحتك
قال ها يعني اتفكرين تقتليني وما بهمج خلاص قلت له ابد واذا سويت لك الشي بس للواجب مو لاني احبك ( اللي اقصده طبعا اذا تزوج علي)
قال عيل انا افكر اني اكتب وصيه لاهلي انهم يعفون عنج اذا قلتيني قلت له و الله يزا ك الله خير بس لا تخاف ما بقتلك لاني لو قتلتك بدخل السجن وعمري كله بيضيع في السجن وانا ابي اعيش حياتي
بعدها مااااااااااااااااااااااااااات من القهر وحسيت اني بردت ع قلبي اشويه
صدقوني كانت نفسيتي زفت يوم صار الموقف لاني امر باضطرابات ما قبل الدوره غير امي في المستشفى مريضه دايما دايما وانا احاتيها
وهو طيب ويحبني وانا ادري انه يقول هالكلام لانه يبي يخوفني عشان احمل وانا خايفه من الحمل لان حملي الاولي تعببببببببببببببت فيه وااااايد
قولوا لي هل تصرفي صحيح؟
.. هل الموقف يحتاج اني اعتذر له؟
.. او اخليه علما اليوم الصبح حسيته متضايق ونام وهو متضايق
دعواتكم لي حبيباتي
:icon26:
اول شي و قبل ما ابدا سالفتي بقول لكم اي وحده تقرا موضوعي تدعي لي و تنصحني و اهم شي ما تقلدوني لان مو كل الازواج مثل بعض يعني اللي تصرفت فيه في هالموقف و مع زوجي يمكن ما يناسب ناس غيري فرجاء لا تقلدوني .. و اللهم اني بلغت اللهم فاشهد :icon30:
نبدا بالسالفه:
امس وانا و زوجي في السياره راجعين من بيت اهلي لبيتنا.. قلت لزوجي اني تعبانه و احس بآلام الدوره و جسمي يعورني بس الدورة تاخرت علي.. اشتر لي جهاز فحص الحمل بشووف يمكن اكون حامل ( علما اني استخدم مانع لان عندي بنت عمرها سنه عندها عمليه لازم اتسويها و انا ما بغيت احمل قبل العمليه والحينه سوتهاخلاص .. هذا غير اني ولدتها بقيصريه)
قال لي.. زين بس اصبري يومين اذا ما نزلت سوي الفحص.. قلت مو مشكله .. رد وقال لي انتي ليش ما تبين تحملين الحينه خلاص العمليه وسوتها
قلت له .. تو الناس الحمل و الوحام صعب وانا اتعب وايد منه يوم بيصير عمرها سنه ونص ان شاء الله يصير خير .. عاد ياتني الصاعقه اللي ما توقعتها ابدا ابدا
رد علي قال لي شفتي فايدة تعدد الزوجات..؟؟؟؟؟؟!!!!!!
انا اهني قمت ادخن الا احترقت من القهر سكت ثواني وفكرت اني ما ارد عليه بس قلت برد عشان ما يتم الموضوع حسره في قلبي :busted_red:
قلت له هذا الدرب قدامك .. بس شرط انا الطلاق ما بطلبه لانه ما يجوز شرعا بس انساااااني و حطني في بيت اهلي وانا ما ابي منك شي ابد و بنتك متى ما حبيبت تعال شوفها و برجع لوظيفتي لانهم للحينه يبوني .. و ترى في ناس للحيينه يتمنوني و لو فكرت فيها بتشوف ان الوحده اتعيش مع ريال كامل لها احسن من ريال موزع عمره بين زوجتين بس انا ما ابي اتزوج بعيش حياتي و بشتغل و بصرف على نفسي حتى نفقتي ما ابيها منك
هو انقهر ومات من القهر لاني قلت له انساني قال لي لا واضحه بعد شو خليتي انج ما تقولين طلقني شو الفرق بين انساني وطلقني
قلت طلاق لا عشانه ما يجوز بس انا ما بعيش وياك
و لما دخلنا البيت قعد يمزح معاي و انا اتجاوبت وياه بس بقهر و قال انتوا الحريم عقلكم مثل الاطفال قلت وانتوا قال نحن لا الله عطانا العقل و لهالسبب عطانا القوامه
قلت له الله اللي عطاكم القوامه واللي ماسكينها علينا هو نفسه اللي عطى الحريم العاطفه يعني القوامه اللي فرحانين فيها مو من شطارتكم من رب العالمين
بعدين قلت له انت حرام عليك ارحمني اشوي يعني انا اذا طلبت منك تمهلني كم شهر لاني تعبانه وابيك تصبر علي خلاص صرت اتفكر في وحده ثانيه وبعدين ياما ناس يتمنون ريحة ياهل وعايشين اسنين مع حريمهم ما تزوجوا عليهم (وانا يبت له بنت باول شهر من زواجي حتى ما تهنيت بشهر العسل) قمت على طول فكرت في الثانيه و تنازلت عني قال انا ما تنازلت عنج مثلج يوم قلتي انساني و مو يعني اذا الواحد خذ الثانيه يعني تنازل عن الاولى :tears:
بعدين دخلت الحمام وطلعت وانا الشر يقطر مني قلت لازم احرق قلبه ما اقدر اتحمل
طلعت من الحمام ورحت له قلت بقول لك مثال: القرآن ذكر ان الميل القلبي للرجل المعدد ما ينلام فيه اوكي افرض اني احبك و اموت فيك بس في بقلبي شخص ثاني احبه وهالشي مو بيدي لانه ميل قلبي وانت دريت شو بيصير فيك
ما رد علي وقام يتحج انج اتسوين الحرام وما يجوز قلت اترك الحرام بس اتكلم عن احساسك في هاللحظه بتحترق ولا لاء قال هيه
قلت عيل لا تحرق لي قلبي
بعدين قمت من عنده ورحت اشرب ماي اهني سويت شي يضحك بصراحه بس والله من القهر و الغيظ اللي فيني :evil_lol:
( انا بالعاده يوم يطلب مني ماي اييب له ماي دافي وهو ما يحب يببي باااااارد واانا اصر على الدافي لدرجة انه يقول لي انه ما بيطلب مني ماي مره ثانيه وانا اسوي هالحركه حرصا مني على صحته وهو عارف) يبت له ماي بااااارد عطيته وشربه
قلت شوف يبت لك ماي بارد .. يعني ما بهتم بصحتك خلاص انت كيفك قبل كنت احبك وابي مصلحتك ويوم انك تجرحني وتزعلني ما تهمني مصلحتك
قال ها يعني اتفكرين تقتليني وما بهمج خلاص قلت له ابد واذا سويت لك الشي بس للواجب مو لاني احبك ( اللي اقصده طبعا اذا تزوج علي)
قال عيل انا افكر اني اكتب وصيه لاهلي انهم يعفون عنج اذا قلتيني قلت له و الله يزا ك الله خير بس لا تخاف ما بقتلك لاني لو قتلتك بدخل السجن وعمري كله بيضيع في السجن وانا ابي اعيش حياتي
بعدها مااااااااااااااااااااااااااات من القهر وحسيت اني بردت ع قلبي اشويه
صدقوني كانت نفسيتي زفت يوم صار الموقف لاني امر باضطرابات ما قبل الدوره غير امي في المستشفى مريضه دايما دايما وانا احاتيها
وهو طيب ويحبني وانا ادري انه يقول هالكلام لانه يبي يخوفني عشان احمل وانا خايفه من الحمل لان حملي الاولي تعببببببببببببببت فيه وااااايد
قولوا لي هل تصرفي صحيح؟
.. هل الموقف يحتاج اني اعتذر له؟
.. او اخليه علما اليوم الصبح حسيته متضايق ونام وهو متضايق
دعواتكم لي حبيباتي
:icon26: