تعالوا شوفوا الموقف الي صارلي اليوم

[ام حمودي 44]

السلام عليكم كيفكم ان شاالله تمام..

بنات انا ساكنه مع اهل زوجي بنفس البيت فيه واحد من خوانه بالصدفه شافني مرتين
المهم عادي طبيعي لانه ساكنين ببيت واحد وانا غطاي دايم معي بس لمحات سريعه
الي صار اليوم انه دخل وانا متغطيه بالصاله وجالسه من جهت الدرج وهو طلع الدرج معطيني ظهره كشفت وجهي مانزلت كل غطاي وبشوف هو عدا خلاص والا لا مادريت الا هو واقف فوق
ونزل راسه عشان يشوف واول ماجت عيني بعينه
وهو يرتبك ويهرب فوق
كبير رجال ماهو بزر عمره فوق 25 سنه
مرات كان يستخدم لاب توب زوجي الي بغرفتنا وانا دايم ادخل عليه كنت ادور موضوع بالمحفوظات الا اكتشفت انه يدخل على اشياء قليله ادب مع انه مو بين عليه ودايم زوجي يمدحه ويقول مسكين مايعرف يتصرف لحاله وانا اشوفه موظف عادي ودايم يسافر لحاله يعني يدبر اموره اقولكم كذا عشان تعرفون شخصيته
شرايكم اعلم زوجي عليه بطريقه مزحه عشان مايزعل اويقول بعدين ماعلمتيني والا اطنشه

 

[ماء الورد2011]

الله يعين لازم تخبرين زوجك بطريقه ماتزعله

وثاني شي ليه يدخل غرفتكم ؟؟

 

[بنان اخت وجدان]

بخصوص موضوع الاب توب علمي زوجك ومو مزحه قولي
انا ما ارضاها لاخواني وما ارضاها لاخوانك لا وبلاب تبك بعد حرام
لكن انه شافك لا عادي تصير لكن احرصيي حبيبتي على حجابك انتي ولا تشوفين هو راح او لا وانتي كاشفه وش فايدة الغطاء اجل ؟؟ الشيطان حريص
ماقلتي متزوج او لا
اذا مو متزوج خليهم يزوجونه وياليت ما يدخل غرفتك عطوه الاب برى وخلاص

 

[ام لموووو]

لازم تمسكين دليل عليه وتعلمي زوجك الله يستر عليه

 

[فديتني.!]

حلوووه ذي يدخل غرفتك

ليه ما في خصوصيه

قبل ما تقولين لزوجك على حكاية الاشياء اللي يشوفها

كلميه على حكاية انه يدخل غرفتكم اللي المفروض ما يدخلها الا للضروره القصوى


اما اللي يدخل غرفتي!!!


الله يعينك

 

[ما لقيت لي نك]

لاحول ولاقوة الا بالله
​

 

[مدمنة صبر]

بـقول لك بصراحه يالغلا لا تقولين له لان الرجاااااال ما يحبون حرمه تنصح وخاصه لااهله !!!

زوجك يعرف الاب ويعرف المحفوظات اذا هو خبير بيكشفه بس الخوف انه يتهمك بالاشياء وضحي له انه ما يمسح شي لان فيه مواضيع تدخلينها للمره الاولى لان عنده فضول يقرا وش تدخلين (وكذا هو بيفتش الجهاز ويكتشف اخوهـ(هذا اذا مو خبير في النت لازم يشوف الساعات ووقت استخدام النت

بالنسبه انه يشوف يالغلا المفروض انتي عارفه انه في رجال في البيت تاخذين حذرك ولايوسوس لك الشيطان ووتقولين لزوجك انه يقزك لاني فهمت من كلامك انك بتقولينن له صدقيني بيقلب السالفه عليك وانتي السبب !!

استودعي الله نفسك وادعي له بالهدايه لان الشيطان وسوس له زين له متابعة الحرام ومعصية الله في السر

وفهمي زوجك يفتح لك ملحق او الرجال يكونوا برا والا يدخلون البيت (طبعا بطريقتك

 

[مدمنة صبر]

نسيت هذا اذا زوجك يدري انه يدخل النت اذا ما يدري اسكتي لا تقولين له شي !!!
وموضوع غرفة الخاصه <كل شي له حدود فهمي زوجك

 

[كل همي دمعة امي]

لا تعلمين زوجك ولا شي واذا تقدرين تطلعين بيت لوحدك اطلعي طبعآ غرفتك ماله اي حق يدخل فيها وفهمي زوجك على كذا

 

[انوثتي فخري]

حبيبتي موضوع الاب توب هذا ما لك وما له اصلا
هو رجال ومساول عن تصرفاته بعدين كيف انت متاكدة يمكن يكون زوجك اللي يدخل هذي المواقع ليش انت جازمه انو اخوه يعني
وبالنسبه على انه يبصبص عليك قولي لوحدة من اخواته تقوله انك تقولين له انو ينتبه وهو داخل وخارج لان فيه حريم في البيت وهو بيفهم بنفسه انو انتي تضايقتي من حركاته ..وبس ..
اه نسيت غرفت نومك الخاصة ليش يدخلها اصلا هذا الشي بالذات لابد تحطين له حد ..​

 

[كلمة وداع]

وعليكم السلام ورحمه الله وبركاته

حببتى اول شى اخو زوجك لا يجوز انو يدخل غرفتكم هاد خصوصيه
وممكن يكون بيطالع لبسك الخاص كمان وهو بالغرفه وانتو لا تدرون
اذا بدو الاب توب عطوه ليه بره ولا يدخل غرفتكم
وزوجك انتى افتحى الاب مره قدامك وكانك بدورى على شى قديم فتحتيه وبدورى عليه فى الحافظ ورى زوجك المواقع واساليه عنها ولا اكن تعرفى اى حاجه
وربنا يصلح الحال ان شاء الله

 

[جوهرةقطر]

تعلميه بائيش,,,,,,,,,,,, هل انتي وصيه,,,,,,, عليه, احسك راح تخلي بدوامه مالها داعي,,,,,,,,,,

 

[ام حمودي 44]

هلا بنات
انا عجزت افهم زوجي قبل هالمواقف انه اذا بطلع عند اهلي يومين اقفل الغرفه وهو رافض خايف اهله يزعلون
الي فهمته من خالتي انهم على كبر بيتهم يستخدمون حتى حمام وانتوا بكرامه والواحد يتسدح ويتبطح بالغرفه واذا فيها حلويات ياخذونها ووحده من الاخوات نبهتني يمكن يشوف ملابسي الخاصه وغير الصور ليش لا

والي قالت يمكن زوجي داخل عليها لا مو هو لانه عنده لاب توب ثاني ما اجيه ليش مايفتح هالمواقع بحقه الي دايم معاه مو غبي عشان ما اكشفه
وغيرها هو اخر من جلس بالغرفه زوجي كان مسافر وانا عند اهلي لقيت مناشف بغرفتي سالت خالتي قالت لفلان كان فيها وانتوا موموجودين انا ماهمني رجال وادرى
بتصرفاته ماراح اقول لخوه بس انا اقصد يوم كان يسرق النظر ماتوقعته كذا!!!
هو مو متزوج بس خاطب بنت خالته

 

[ام حمودي 44]

اقصد حمامي يستخدمونه

 

[همس الفيافي]

الله يهدي زوجك لكل شي حدود يعني الحمام يستخدمون والغرفه يدخلونها وين الخصوصيه المفروض انك كنتي ترفضين من البدايه انه يدخلون وهذا من حقك
ولازم تكلمين زوجك في ذلك وتزعلين لانه من حقك وبنسبه للموافع لاتكلمينه وانتي احرصي على حشمتك وحجابك ولاتنتضري من احد ان يعدله
​