تعالوا بالله وشوفوا ايش صار لاخوي ماندري شنسوي الله يخليكم لحقوني

[بنوتة بلقيس]

استحلفكم بالله ماحد يطلع بدون يرد علي
واللي ماتلاقي لي رد تدعي لاخوي ربي يشفيه


اخواتي اخوي عمره27
مو موضف
ولا دراسه ولا هم يحزنون
وطبعه الله يهديه عصبي ربي يشفيه ان شالله
ماضيه قاسي جدا ابوي قاسي عليه مررره الله يسامحه هبل فيه وجننه والله اخوي عقله كانه صار خفيف من ابوي ومعاملته
وكان شاطر مرره بس قسوة ابوي خربته واهمل دراسته وتخرج بنسبه نازله مرره صدمتنا وصدمت كل من عرفه
المهم ماعلينا
الولد تبلد وصار مايهمه دراسه ولا وضيفه جالس عاله عالكل وعلى نفسه وهو بصراحه ربي يهديه عاق وضرب امي كم مره
وامي اشتكت عليه لابوي وقالت طلعه من البيت هذا ضيق علي عيشتي
ابوي قال لها
ادعي عليه هذا مامنه فكه
وامي استمرت فتر تدعي عليه من الضيم والظلم اللي ذاقته على يده
المهم مالكم بالطويله اخوي الان مريض

مدري ايش الحاله اللي وصل لها

بس يبكي ويقول انا بموت ويقول لامي انتي داعيه علي مع اني ماسويت لك شي
وبس يوسوس انه بيموت وماعلى لسانه الا اان بموت:8:


ويصحي اختي الساعه 3 بالليل ويبكي يقول بموت الحقوني
روحي صحي ابوي
وراحت اختي وتصحي ابوي ويقوم ويبوس راس ابوي ويقول وديني المستشفى راسي بينفجر بموت
ويربط راسه يابنات تخيلوا يقول الرباط اللي ربطته توسع راسي بدا ينتفخ ويفك الرباط تخيلوا:33:
بالله هذا كلام واحد عاقل

ويقول كلام يابنات مبين انه منتهي اخاف والله انه استخف:33::33:
مادري شنسوي معه:8:
مع انه الحمدلله الان صار يصلي يمكن لانه خايف من الموت
والله يابنات انه قلبي مليان عليه من اللي سواه فيني قبل اتزوج والله عذبني الله يسامحه بس
وماتوقعت انه يجي يوم واحن عليه من اللي سواه فيني الله يسامحه يارب ويشفيه يااارب ااامين:8:

 

[بنوتة بلقيس]

الله يعافيكم ادعو له

 

[أم أحلام]

الله يصلحه ويشفيه

 

[رضا ربي غايتي]

الله يشفيه ويجلي عنه وكل مسلم وخلي امك تدعي له ان الله يشفيه قدامه علشان نفسيته ترتاح وارقوه رقيه شرعيه

 

[كسرني الالم]

الله يشفيه يآرب ويبعد عنه ... واجر وعافيه يارب وتخفيف للذنوب يآرب ​

 

[بنوتة بلقيس]

مشكوره قلبي عالمرور وربي يسمع منك

 

[دمعة أحزان]

الحين اني جالسه وقريب بيأذن اذان الفجر يارب ياحي ياقيوم تفرج له وتعافيه وتشافيه وتهديه

 

[انسانه بسيطه]

الله يشفيه ويعافيه يارب انصحكم تجيبون شيخ يرقيه

 

[سمو ره]

الله يشفيه اخوك فيه حاله نفسيه ودوه دكتور نفسيه عندنا واحد نفس حالته وتعالج والان عادي

 

[السووسن]

لا حول ولا قوة الا بالله
الله يشفيه ويسامحه
تقتلون القتيل وتمشون في جنازته
قسيتوا عليه لحد ماقسى قلبه والحين ندمانين
يااختي المفروض لما شفتي امك تدعي عليه الاولى خلتيها تدعيله بالهدايه
وش بتستفيدون لما تنتقمون من اخوكم
والله اني قلبي اوجعني عليه
ماادري وش اقول بكيتيني عليه والله
قولي لامك تدعيله وتساااااامحه وقولي لابوك بعد >> دعوة الوالدين مستجابه
تصدقوا عنه
خلي اخوانك يلازمونه ويحسسونه انهم معه
والله هذا اللي زرعتوه فيه حصدتوه >>> وربي اني احس فيه وفي شعوره
كلكم عليه ولا فيه احد فهم انه كان محتاج احد يفهمه او حتى يدعيله
الله يهديكم بس
ويشفيه ويصلحه ويهديه ويسامح امك وابوك

 

[NicE-GirL]

يبي لـــه دكتور نفسي والله يشفيه

 

[خفايا قلوب]

اسال الله العظيم رب العرش العظيم ان يشفيه عاجلآ غير أجل
هو الحين محتاج لكم وادعواتكم هذي فرصه لازم تستغلونها وتساعدونه حتى تكون بدايه جديده له
عسى ربي يهديه ويقلب عقوقه بر بأهله جميعآ أمييين
والله حزني الله يشفيه وبهديه

 

[اوون في~]

ودوه شيخ يرقيه رقيه شرعيه وبعدين خذوه مستشفى يسوي تحاليل واشعه كامله عشان يقتنع ان ما فيه اي مرض عضوي وان اهو محتاج طبيب نفسي ولازم تقنعيه ان الي فيه شي عادي يصير لكثير ناس وان الدكتور النفسي بيساعده ولازم الوالد يكون معه خطوه بخطوه عشان لايدمن لاي دوا نفسي لازم ابوكي يصاحبه شوي واصبرو عليه
المهم قبل هذا كله امك تسامحه وتدعيله وتوقف معه هذا ولدها لازم تتحمله وتدعيله بلهدايه يمكن هذي دعوه مستجابه لوانها داعيتله في الخير والهدايه يمكن ماكان هذا حاله وحالكم الحين بس قدرالله وماشاء فعل
قريبتي كانت زي حالت اخوكي تقريبآ واهلها سوو معها كدا واضيف ان البنت لجات لله ودخلت تحفيظ للقران وصارت تقراء قران كثير وتغيرت كثيييييييييييييير

 

[sweet sensation]

انا مع اختي السوسن حسسوه انكم حواليه وتحبونه
حنوو عليه هذا اخوكم
ادعوووله وخلي الوالده تدعيله
والوالد لازم يحن عليه ويتقرب له لازم تحسسونه بالاهتمام والحب
والله يهديه ويشفيه لكم ياااااارب

 

[مناكير وردي]

انتم كلكم باردين والله
اولا انتي تشتكين منه وشايله عليه ولا فعلا تبيله الهداية؟
ثانيا اخوك يبيله علاج نفسي رضيتوا والا مارضيتوا
انتي انطقحتى لو ذبحوك وقتها لكن قولي الحق وحرام يروح شاب بعمر الزهور من بين يدكم نتيجة برودكم وهروبكم من الحقيقة
حقيقة ان علاجه مستشفى الصحة النفسية حتى لو كان يصلي او فيه بعض الخصال لكن تأكدوا فيه خلل نفسي
حاولي يا اختي حاولي​

 

[حوتة كيوتة]

لا حول ولا قوة إلا بالله
اختي انتي جاية تشتكين ولا جاية تقولين لنا نتايج دعاوي امك عليه؟؟؟؟

ألحين حتى ولو فرضنا الولد عاق وبهذلكم بدل ماتدعي عليه المفروض تدعيله بالهداية

هذا الضنا تعرفين وش يعني الضنا انتي ماجبتي عيال وحسيتي؟؟

ليش الحقد هذا والغل هذا مو كافر عشان امك تقعد فترة تدعي عليه

انا مرة وحدة اخوي بهذلني وقلت يارب ماينقبل بالحرس وشفت نتيجة الدعوة وحسيت بأخوي لما انحرم وحرمت ادعي مهما يسوي فيني اخوي يظل اخوي من لحمي ودمي والله الهادي

وانتي من جدك تقولين انك تتذكرين اللي سواه فيك وقلبك مليان على اخوك المفروض اصلا ماتجي على ذاكرتك وتنسين كل اللي سواه فيك من المرض اللي فيه

والله اني جالسة ابكي حرام هذا نتايج الدعاوي كلنا نغلط وكلنا عندنا اخوان وآباء يظلمون بس ندعيلهم الله يسخرهم لنا مو ندعي عليهم

يارب اسألك باسمك العظيم الأعظم ان تشفيه وتسخرهـ لأهله ​

 

[عذرادنيتي]

الله يشفيه ان شاء الله خلوه يقرأقران ودايم افتحواقران في البيت في غرفته بالذات لما ينام عشان يحس براحه وكمان ودوه عند شيخ يقراعليه الله يهدي ابوكي ويشفي اخوكي ان شاء الله ويفرج همكم وخلي امك تدعيله وتحسسه بالحنان تعوضه عن ابوكي الله يهديه الله يفرج همومكم يارب ويسعدكم ويعينكم عليه

 

[عذبه آنآ]

مهما سوى فيكم اكيد يفرغ كبت بقلبه فيكم كان المفروض تدعون له بالهدايه
الله يشفيه يارب ويفرج عليه ويهديه ياحي ياقيوم لازم انكم تحاولون تقربون له وتحسسوه انكم تحبونه
وتحسسونه بحنانكم من جهة امك وابوك واخواتك اذا حس انك قريبين منه بتعدل نفسيته
يمكن حس ان الكل يكره وهالشي اكبر مرض نفسي ..


حاولو تقربون له وتدخلونه بحياتك اليوميه وان شاء الله ربي يششفيه


..​

 

[الدانــهــ 11]

الله يشفيه ويعافيه
علاجه بيد امك وابوك
اول شي يحتوونه ويحنون عليه ويدعون له باستمرار
وياليت ابوك يعرضه على طبيب نفسي

 

[أحلامي ضاعت]

الله يسامح ابوووك هو اللي قسى عليه وصار في ذي الحاله
الله يسامح ابوووي قاسي شوي على واحد من اخوااني
على ان محد يساعده غيره
والله مدري وش اقولك بس خلوكم جنبه ودوه للمستشفى يمكن هذي اعراض نفسيه او اثر الضغوط عليه سابقا
وحاولو تقرون له في مويه وتشربونه وتمسحون راسه
الله يشافيه ويرده له الصحه والعافيه