تعابنه

[غموووض]

السلام عليكم
خلاص يابنات انا ابي اموت كرهت الدنيا دايم اقعد لحالي في غرفتي وابكي كل يوم على هالحال كل الي حاولي يكرهوني اعرف من نظراتهم ودايم يجرحوني
خواتي متزوجات وامي دايم تعابنه وابوي كل يوم برا البيت وعندي صديقه واحده دايم تذلني وتطنشني وكل الي اتعرف عليهم يكلموني يومين ويقطعون علي لاني ماعرف اتكلم ودايم ساكته ومو مرحه وربي اني حاولت اتغير بس والله ماقدرت

 

[غموووض]

يارب في هاليوم انك تريحني من هالدنيا

 

[بس مره]

ليش كل دا الحزن ياقلبي

حاااولي تسلي نفسك سوي اي شي

دقي على اخواتك اهرجي معاهم
حاولي تغيري من نفسك

كل ما خلصتي من كلام افتحي هرجه ثانيه وراح يصير كلامك كثيرر

ولا تبكي ولا تزعلي عشان كذاا

مع الايام راح تتغيري

 

[}وردة{]

لا حول ولا قوة إلا بالله..

هذي كلمة كبيرة تقولينها: "أبي أموت"!! :33:
ليش حبيبتي تبين الموت؟
في ناس طايحين في مشاكل وهموم الدنيا...بس الإبتسامة والرضى على وجوههم !!
إيمانهم قوي بالله
يعرفون أنه كل هذا ابتلاء
ولازم يصبرون
محد...مــــحد في هذي الدنيا سعيد سعادة تامة...كل وحدة وكل واحد فينا عنده هموم ومشاكل
لكن هل الهروب هو الحل؟؟؟؟
هذا حل الجبناااااء

يوم أيوب عليه السلام الله ابتلاه بكل بكل شي من مرض من فقدان الأولاد ومن فقدان الرفقة والأصحاااب
قال يا رب أريد أموت؟؟
لااااا
صبر وقاوم لأنه يعرف أنه الله في النهاية بيجزي خير الجزاء على صبره

ما يصير حبيبتي تجلسين في الغرفة بروحج
أكبر غلط...
هذا الإنطواء والفراغ بيجيبلك الهم والكدر
إنت شابة وما شاء الله في بداية حياتك :39:
أطلعي من الغرفة واجلسي مع أمج أكيد هي حاسة بالوحدة بعد
روحي عند خواتج المتزوجات...اتصلي فيهم!
كملي دراستج أو اشتغلي أو خذي دورات :34:
تعرفي على بنات ثانيات...واتركي صديقتج شوي...لأنه لما تلصقين فيها كثير وتحسسينها أنها شاغلج الوحيد وأنها هي الوحيدة في حياتج بتنغر بنفسها وبتطنشج...والله يهديها

غيــري نظرتج للحياة :1:

الحياة حلوة...بس لو نفهمها

الله يهديج ويصلح حالج​

 

[قلب وافي]

تعالي طبي هينا ياحلوه


http://www.niswh.com/vb/showthread.php?t=234351



الاخت ورده كلامها طيب .. تراك في نعمه في نعمه ومانتي بحاسه فيها يابنت


تدرين الفراغ نعمه ينغبط عليها الشخص ..؟


قَالَ النَّبِيُّ صَلَّى اللَّهُ عَلَيْهِ وَسَلَّمَ : ((نِعْمَتَانِ مَغْبُونٌ فِيهِمَا كَثِيرٌ مِنْ النَّاسِ الصِّحَّةُ وَالْفَرَاغُ )) .


حمدي ربك ع الصحه والفراغ .. شغلي مخك واستفيدي من وقتك

بالقراءه باي شي تحبينه وينفعك لآخرتك قبل دينك ..

دامك تبين تمويين يالله استعدي للموت بذا الفراغ اللي تعانين منه والوحده

باعمال تنفعك بالدآرين . .


لهالدرج وصل فينا الحال نتمنى الموت على اسخف امور بحايتنا ماصارت ..!


لاتنتظرين الفرح يجيك انتي اصنعي الفرح لنفسك

لاتنتظري التغيير يطرأ على ح ـياتك أنتي تغيير من نفسك

(ان الله لايغير مابقوم حتى يغيرو مابانفسهم )


لاتنتظري الملل والوحده والمشاعر السلبيه تروح منك من غير مجهود


انتي ابدأي ؛ حاولتي وفشلتي ابدأي من جديد الين تلاقين نفسك يابنت


استغلي النت باللي يفيدك وافيدينا معك . . .



الحياه وان كانت مُره فيها حلاه .


،



بدري ماشفتي شي من الدنيا والحمدلله على كل نعمه

 

[sojy]

حال الدنــــــــــــيا .. عندنا وعندكـ خيـــــــــر ​

 

[دلوعة بني حطام]

الله يصبرك على وحدتك انا مثلك احس بوحده وصح احيانا اتمنى الموت بس ارجع افكر

عيشي حيااااااااااتك وحاولي تتسلي وتنبسطي اخرجي عند اخواتك اتعرفي على صديقات

روحي تحفيظ او ادخلي اي دوره والله يعينك ياقلبي