من إماراتي
New member
- إنضم
- 12 أغسطس 2008
- المشاركات
- 75
السلام عليكم خواتي الغاليات .. اليوم ياية اخبركم عن التطورات اللي استوت في حياتي عقب ما عرفتو اني هجرته لأنه رافض يطلعنا انا و عيالي لأي مكان ( رحلات أو سفر ) أما التسوق فهو للضرورة القصوى فقط ..المهم انا ابغي ارد لغرفتي لأني ما قدرت انام في مكان ثاني و في نفس الوقت ما كنت ابغي ارد بدون مصالحة و اعتذار منه .. فابتكرت طريقة جهنمية يمكن تعود المياه لمجاريها بيننا بدون ما افقد كرامتي .. المهم في يوم من الأيام طرشت له مسج إني ابغي نقعد مع بعض عشان نتفق على بعض الأشيا .. و انا كنت متأكدة إنه بيكون عنده مشوار مهم في هذا الوقت .. و لما بيطلع من البيت مر لعند غرفتي الجديدة و قاللي ( انا الحين ماقدر اقعد معاج لأن عندي موعد مهم مع المقاول ) فأنا استغليت الموقف و قلت له و انا وش دراني إن كلامك صدق و انك بتروح للمقاول ؟ فقال خلاص تعالي معاي وين بروح بوديج معاي .. و جذي رحت معاه و في السيارة بدينا كلمات العتب و لمحت له إني تعبت نفسيا و محتاجة نغير جو شوي فقال انه بعد محتاج هالتغيير بس التزامه مع المقاول يمنعه و وعدني بعد نهاية موضوع المبنى بيودينا و هو معانا كذا سفرة .. و بعدين وداني محل هواتف متحركة و اشترى لي جوال جديد و غالي ...تعرفون بنات انا من كثر ما قريت من مشاكل أخواتنا في المنتدى و قارنتها بمشكلتي لقيت ان مشكلتي سخييييييفة جدا جدا بالمقارنة بمشاكلهم .. ادعو الله سبحانه و تعالى ان يعين كل من عندها مشكلة و ييسر الأمور على أخواتي جميعا .. اللهم برحمتك و قدرتك هون على كل صاحبة مشكلة و مصيبة .. و أوجد لها الحل اللذي يسعدها و يرضيها ياااااااا رب العالمين .. و أخيرا أشكركم اخواتي على وقفتكم معاي و معاونتي بالنصح و التصبير .. الله لا يحرمني منكم ولا من منتدانا الغالي .. اللهم آمين .