تشاجرنا ع اسم البيبي

[سحابة_صيف]

هلا خواتي ربي رزقني بنت زي القمر ترتيبها الخامس،،زوجي اختار اسماء كل عيالي بس هالمره هال بنت سماها بدون ما يشاورني مثل المرات السابقة بس كنت كل مره ما أحب أكسر كلمته جدام أهلي وأهله وامشي له الاسم بس هالمره من لما ولدت قلت له هالاسم ما ابيه وما ابي نختلف جدام الأهل ع اسم،،خبر أمه بالاسم وهي ما قصرت نشرته وحطتني فموقف محرج،،هو مصر ع الاسم وانا مصره ع الاسم اللي اخترته وحلفت له ان بشهادة الميلاد ما ينكتب الاسم اللي اختاره،،أمه موقفها سلبي ما قالت له الاسم هالمره لام العيال لا هي وقفت معه حتى لما أمي تقول الاسم هالمره لبنتي هي وقفت مع ولدها،زوجي جنوبي،،شو الحل،،انا حالفه ولا اريد خير شر الاسم اللي اختاره مش لانه موب حلو بالعكس،،بس لانه قرر وخبر أهله بدون ما يرد لي الشور مع ان انا اللي احمل وأتعب

 

[رندا كووول]

الف مبروووك البيبي جعلها الله من مواليد السعادة ورزقكم بررها

لارضاء الطرفين اعملوا قرعه ع الاسماء
كلمي زوجك بهدوء وابتعدي عن العصبيه واسلوب الامر
او هاتي اسماء جديده واعملوا عليها قرعه ايضا...

 

[سحابة_صيف]

أعطيته حل افضل يختار اسم ثاني وتنفق عليه بس مش هالاسم،،كلما تناقشنا فها لموضوع يصر ع كلامه وما اقدر أمسك نفسي وأعصب ونزعل بالايام

 

[سحابة_صيف]

انا مش رافضه الاسم بس رافضه انه ينفرض علي وتدخل أمه زاد الامر،،وهو ما يبي يبين جدام ها ان كلمتي اللي مشت

 

[رندا كووول]

الجنوبي يتأثر اذا كلمتيه بحزن وانك عانيتي من الحمل والولاده ونفسك انتي تسميها لو لمره وحده يكون الاسم باختيارك...خليك هاديه لاتعاندي ولا تعصبي وانتي تكلميه.
قولي مو عناد ولا تحدي بس هذه البنت نفسي انا اسميها..
كل شيئ يمشي بالهداوه ياسحابه ..

 

[اعسقك. يا أنا]

هلأ. صار زي موقفج. إذا غاندتي بيتعلق بالاسم أسكتي فتره واقعدي ذكريه كيف هالحمل تعبج ؤلاولاده كانت صعععععبه. ومن هالكلام والله يسهل أمرج

 

[سحابة_صيف]

هو حبيبي وروحي وما تعودنا على العناد الصريح المكشوف بس هالمره حتى بكى بكيت ويقول لي دموع تماسيح(مامصدج أني ابكي بقوه جدامه) ما زال على رأيه بس ما راح يسوي الشهادة ولحد الحين راتبي متوقف بسبب الشهادة ما قدمتها لهم فالعمل،،

 

[سيموني]

الله يهدية للك ياررب نصيحة لاتعاندين حاولي معه بهدووء زي ماقالت للك الاخت راندا او سووا قرعه وان شاء الله من نصيبك الاسم

 

[جنينة امها]

استهدي بالله ولا تخربين حياتك عشان اسم
صدقيني ماراح ينتج عن اختلافكم على الاسم إلا عناد زوجك حتى ما يكسر كلمته ولو وافق بتكسرين اللي بينك وبينه وبيبقى بقلبه جرح وماراح ينساها لك
ولو وافقتي وانتي كنتي مصره على الرفض وبينتي انه عشانه وأنك ماحبيتي تكسرين كلمته من غلاه ولا انتي منتيب راضيه من الداخل قدر هذا لك هو وأمه وكبريت بعينه انك ما كسرتي كلمة زوجك وأبو عيالك وماراح ينسى الموقف هذا لك
وماعليه صدقيني طاعته مهوب معناها انك انكسرتي أو انتي انخذلتي أو عشان امه موافقته على رأيه
لا يقلبي خذيها من مبدأ العقل وعدم خلق المشاكل بينكم
واول وأخير خذيها من مبدأ طاعة الزواج وواجبه عليك صدقيني بترتاحين
ولله ولله هذا ما ينقصك يزيدك عند الله ثم خلقه
انتي فترة أنفاس يقلبي وبحاجة للراحل التفسيه لاتخليني موضوع بسيط مثل هذا يتعبك ترا التعب النفسي يأثر عليك

 

[سحابة_صيف]

هلا خواتي،،بعد 40يوم من الضيج قلت له تبي تسوي شهادة الميلاد سويها بس بتخسرني راح سريع وسواها وما شفت الا نسخه بعد ايام ارسلها مع ولدي،،عصبت وبكيت كم مره وهذي اول مره يشوف دموعي ماعرف ايش يقول غير ان (دموع تماسيح):30:عاد منحرج من دموعي،،بس معارض يغير الاسم ،،مع امه تنازعت والمشكله قدام أمي وخالتي،،ولحد الحين شهر ما دشت بيتي ولا شافت بنتي،،كل اللي يسالني شو سميتي بنتك أقول لهم الاسم اللي سميته ما قادره أتنازل وهو مخبئ الشهادة بالسيارة عن أقطعها،،اول مره نختلف ع شي كذي،،كيف اقدر أقنعه يغير الاسم؟

 

[وردةاحلامه]

ياحياتي .....الله يكون بعونك ....تذكري إن الشيطان ينزغ بينكم ....سبحان الله لماكنتي انت وزوجك الله يسخره لك ..متفقين عل اربع أطفال ...كان الشيطان مو مرتاح ...لين جاء الخامس واشتغل بينكم وهو الحين مستانس ومرتاإاح ...وأنتي وزوجك الي متعذبييين ...ومختلفييين ...صح الحق معك ومن حقك ...لكن فكري شوي ....دام ان ربي رزقك بنووته ...وبعافيتهاإ وصحتهاإا قولي الحمدلله غيري عنده اولاد ويتمنى البنت ...غيري ماجاب عيال أصلا ..وغيري عياله تعبانييين ....فاحمدي الله عل هذه النعمه ...وقولي يارب انا راضيه عن الاسم الي مكتووب لي ... ولاتتعبي نفسك ...أنتي في فترة لازم ترتاحي ... ومثل ماربي خلق بنتك خلق اسمهاإ معاإاهاإا ..وكلي أمرك لله ...وأكثري من الاستغفار وريحي باإالك قولي لنفسك أصلا اسمهاإا مكتوب عند ربي مكتوب هو الي بيسير لها شئناإا أنا وزوجي أم أبيناإا واستغفري كثييير أحسن مماتزعلي ...وان شاء الله ييسير الي يرضيك ..

 

[رندا كووول]

هلا خواتي،،بعد 40يوم من الضيج قلت له تبي تسوي شهادة الميلاد سويها بس بتخسرني راح سريع وسواها وما شفت الا نسخه بعد ايام ارسلها مع ولدي،،عصبت وبكيت كم مره وهذي اول مره يشوف دموعي ماعرف ايش يقول غير ان (دموع تماسيح):30:عاد منحرج من دموعي،،بس معارض يغير الاسم ،،مع امه تنازعت والمشكله قدام أمي وخالتي،،ولحد الحين شهر ما دشت بيتي ولا شافت بنتي،،كل اللي يسالني شو سميتي بنتك أقول لهم الاسم اللي سميته ما قادره أتنازل وهو مخبئ الشهادة بالسيارة عن أقطعها،،اول مره نختلف ع شي كذي،،كيف اقدر أقنعه يغير الاسم؟

عزيزتي سحابه مدام الاسم مقبول يعني مو وحش ..تنازلي انتي واحتسبي الاجر .ولا تكسري كلمة زوجك امام اهله ..ولا تسببي مشاكل بينكم بسبب الاسم .واحمدي ربك ع فضله بأن رزقك بنوته حلوه كااملة الخلقه ..وعشان تعود المياه لمجاربها اتصلي ع امه واسألي عن صحتها واخبارها .تكبري في عين زوجك واهله..
.ولانك حلفتي اخرجي كفارة يمين واجرك عند الله مايضيع
.ربي يسعدكم ويسخركم لبعض.

 

[بيشو1433]

كثير ناس كذا ولابالاخير يرجع
بالكلمة الطيبه تنحل الامور
ًمبروك البيبي

 

[سكن القلوب]

اختي لا تكبرين السالفه مدام الاسم حلو خلاص تنازلي عشان بنتك

 

[حنونة حنان]

حبيبتي يمكن تسموها اسم مركب من الاسمين الله يصلح بينكم ان شاء