تسريحتي بيدي

[سعوديه]

بسم الله الرحمن الرحيم
السلام عليكم ورحمة الله وبركاته

مرحبا جميلات بلقيس

اتمنى تكونوا بألف خير وعافيه

كلنا يعاني من الصالونات وارتفاع اسعارها..
او ممكن تجيك مناسبة مفاجئة وانتي مو عاملة حسابك عليها ..
اوما عندك حد يوديك ولا يجيبك..
او مسافرة واحد عزمك على غدا او عشاء..
او حابة تكشخي يوم ورى يوم قدام ابو الشباب:in_love:...ومو معقول كل يوم رايحة للصالون..

طبعا ايش راح تسوين؟؟؟
عند مين الحل؟؟؟

انا أقولك

ما إلك إلا" سعوديه":cupidarrow:
تقول لك وتشرح لك كم طريقة حلوه تضبطي فيها شعرك

طبعا أنا ترى مو بروفيشونال
لكن أعرف شوية حركات ممكن تفيدكم
وطبعا لما تسوينها وتنبسطين ويسألونك وين سويتي شعرك باتشي لوتشي او جان كلود قولي وبكل فخر سويتها بنفسي وفي بيتي:clap:
وترى الموضوع صار لي 5 أيام وانا اجمع فيه وأصور بنفسي اللي ناقص وأرتب..يعني اكسكلوسف لبلقيس فقط

لكن
ترى أنا ما أحلل أي وحده تاخذ من أفكاري عشان تكشخ فيها عشان الحرام –وحسبي الله عليها من اليوم إلى يوم الدين-

طيب نبدأ سوى

بسم الله
اول شي: راح اوريكم بعض الأدوات المنزلية التي راح تحتاجينها
ثانيا: راح نشوف بعض الصور لموديلات شعر بسيطه وكيفية عملها في منزلك وانتي مرتاحة

تابعوني في الرد الثاني ​

 

[سعوديه]

القسم الأول
بعض أدوات الشعر التي تحتاجينها:

أولا: فرش الشعر والأمشاط



(1) و (2) سهله في عمل تقسيمات (فرق) للشعر
واذا عندك من الأولى او الثانية خلاص تكفي
وفيه من الأولى بلاستيك ورخيصة
مثل هذي


وبعد اذا أسنانها قريبه من بعض تستخدم لنفش الشعر
وممكن تستغنين عنها وتستخدمين بنسة كبيره او قلم رصاص او عود الشعر الصيني او حتى عود الشوي الخشبي


(3) فرش والأمشاط لتسريح الشعر
اعتقد ما فيه بيت يخلو منها
وهذي للشعر الناعم
اما اللي شعرها كيرلي او مجعد فأفضل شي اللي اسنانها متفرقة
وأفضل أنواعها الخشبي

مثل هذي اللي فوق





فرشات لتمشيط (تسريح) الشعر
وفي منها أشكال وألوان وخامات
لكن ابتعدي عن البلاستيك القوي اللي يجي مثل الدبابيس لأنها تؤذي فروة الشعر



فرش تستخدم مع سيشوار الشعر
الكبير منها للشعر الطويل واللي تبي تعطي حجم لشعرها
والصغير غالبا للشعر القصير ولعمل تلفيفات بالشعر

يــــــــــتــــــــــبع​

 

[سعوديه]

ثانيا: البنس والكلبسات

هذي هي مساكات الشعر متخصصة للصالونات
لكن اذا عندك كلبسات (شباصات) صغيره حقت بنوتك (تلاقينها عند ابو ريالين) تراها تنفع
مثل هذي




بنس الشعر المنفرجة
لمسك التسريحة – تثبيت الاكسسوارات
غالبا نستخدمها لخارج التسريحة لأنها ما تبين بسبب أن التثبيت لها يأتي بشكل عمودي


هذي البنس لها مسك وثبيت للشعر اقوى
وهي اللي نستخدمها لداخل التسريحة وتثبيتها لأنها تبين اكثر لأنها توضع بشكل افقي

ثالثا: لفافات الشعر (الرولات)

هذا النوع يمسك الشعر بدون استخدام بنس بسبب سطحها الخارجي


هذا النوع يحتاج بنس



هذي الرولات المرنه تستخدم لتجعيد الشعر
وما تحتاج شي عشان تمسك بس تحطين الجل او الموس وتلفين الشعر من البداية حتى النهاية بعدين تطعجينها (تلوينها).

رابعا: شبكة شعر

هذي الشبكة تستخدم لما تلفين شعرك بالرولات وتبين ما تتضايقين منها او لفيتي شعرك بالبنس وتبين تطلعين برى البيت وخايفة يخرب من الطرحة البسيها..

خامسا:حشوات الشعر

هذا نوعين من انواع الحشوات
اللي على اليمين شبكة شعر فيها شعري كنت قاصته وحبيت استفيد منه
فلويته ودخلته داخل شبكة الشعر
فشفت في مشغل مسوين هذي الحركة وسويتها..والاهم انه شعري مو شعر احد غريب يعععع

واللي على اليسار مجموعة شكات شعر دخلتهم داخل بعض لين صاروا مثل الحشوة

وفيه نوع ثالث يبيعونه في السوق مثل الاسفنج على شكل مدور

طيب لو ما عندك ولا نوع ايش تسوين؟؟؟؟
جيبي صوف اسود واستخدميه وماراح يكلفك غير ريالين

يــــــــــتــــــــــــبع​

 

[سعوديه]

سادسا: سيشوارات وأجهزة الشعر

هذا سيشوار عادي ..يستخدم للتجفيف ولعمل سيشوار مفرود للشعر باستخدام الفرشة لكن الله يعين يدينك
وهو اللي يستخدمونه الصالونات عشان حرارته عالية


القطعة المدوره الكبيرة اللي فيه للتجفيف واعطاء حجم لشعرك.. لكن مو شرط تجففين شعرك باستخدامها


هذا انا احسه اسهل في الاستخدام من الاول
لأن الفرشة لاصقة بجهاز السيشوار
وسعره مقبول يعني ما يتعدى 200 ريال
وممك تشلين القطعة اللي فوق السيشوار وتجففين شعرك فيها
وهذا النوع احسن من اللي يجي فرشه بلاستيك مثل اللي تحت

اللي فوق افضل لأن هذا المسكة واللي يثبت الفرشة بالسيشوار بلاستيك وممكن تنكسر بسهوله
وانا كنت شارية نفس الشكل ماركة براون بعد وانكسرت من ثاني استخدام


هذا سيشوار السيراميك لفرد الشعر
والناس الحين هابين فيه عشانه ما يقصف الشعر وسهل الاستخدام
ولكن لازم يكون شعرك جاااااااف 100% قبل ما تستخدمينه والا على شعرك السلام
وفيه انواع يجي منها قطع للف


هذي المكينه لفرد الشعر
ومعاها قطع لتكسير الشعر
لكن ما افضلها عشان قطعها معدن
لكن حلو تستخدمينها مره كل 6 شهور للتغيير


هذا فير لعمل تلفيفات حلزونية للشعر
وطبعا ما يستخدم كثير والا ينحرق شعرك


هذي القطعة اقرب لها السيشوارات الضخمة اللي عند الصالونات اللي تحطين راسك تحتها وتطلع هواء
وهذي منها شكل له مثل الانبوب تلبسينه فوق راسك مثل الكاب وتركبين سيشوارك العادي من جهه
وغالبا لما تصيرين لافة راسك بالرولات وتبين الشكل يثبت تستخدمينها
لكن ممكن تستغنين عنها وراح اقول لكم كيف في التسريحات
وفيه منها نوع بدون سحاب بس مطاط ينلبس فوق الراس

يـــــــتـــــــــــبع​

 

[سعوديه]

سابعا: مثبتات الشعر:
اللي هي السبراي – الموس – الجل
ولهم درجات مختلفة للتثبيت
اذا شعرك ناعم وما تمسك فيه التسريحة اختاري الاكسترا (تثبيت قوي)
واذا تحسين شعرك ممكن يثبت فيه استخدمي النوع الخفيف او الوسط


الأنواع اللي عندي
السبراي


الموس


الجل

وانا ما احب استخدم الجل لأنه يطول ما ينشف
وافضل الموس لأنه عملي اكثر

ملاحظه: ابدا ابدا لا تكثري السبراي او الجل او الموس عشان يظل شكلك فريش وطبيعي
مو مصطنع

ثامنا: أداة البوني تيل

هذي الاداة اكيد تعرفونها حقت ربط الشعر من ورى (ذيل حصان) تعطي شكل حلو للربط
وسعرها رخيص.

تاسعا:بكل واكسسوارات الشعر
كل واحده عندها مجموعه حلوه
طبعا انا راح اوريكم قليل منها






أطواق للشعر: في منها اشكال احلى على كريستال والوان واشكال


هذا نصف طوق ينحط من فوق الشعر ويتثبت ومرررره حلو على الشعر

الايشاربات ولها عدة طرق في اللبس وفيه منها عريض ومنها سخيف


كريستالات الشعر ومنها انواع وفيه منها على شكل دبابيس



ربطات الشعر لا تخلينها مجرد استيك حلو لما تكون فيها فراشة او ورده او كريستال


هذي للشينيونات اليوميه
وفيه بعد العصا الصينية حقت الشينيون مثل اللي في الصورة تحت (العصا الخشبية)


دبابيس للشعر متنوعة

ولو ما عندك دبوس شعر ايش تسوين؟؟:sadwalk:

جيبي خرزه وبنسه ودخلي الخرزه داخل البنسة وصار عندك دبوس حلو
او جيبي بروش او قلب تعليقة وثبتيه بنفس الطريقه
شفتي الاكسسوار الاحمر والذهبي اللي على شكل ورده نفس الفكره

وبكذا خلص الجزء الاول
اه تعبت
باخذ راحة وارجع اكمل

يتـــــــــبع ​

 

[ام الكادي]

ما شاءالله عليك .. جهد رائع ..

بانتظارك حبيبتي ..

بالمناسبة .. ما رأيك باستشوار السيراميك .. للشعر القصير والمجعد

هل هو عملي .. أفضل من الاستشوار العادي ؟؟


وشكرا جزيلا

 

[سعوديه]

نسيت اضيف شي مهم

عاشرا: سيروم حماية الشعر (مصل):





وهو مهم بصراحة قبل ما تسوين لشعرك فير او سيشوار او تعرضينه للحرارة
وطريقته تاخذين شوي قد حبة الحمص بيدك وتوزعينه على اطراف شعرك

وفيه انواع سيروم منها للحماية ومنها لتجديد
اختاري حق الحماية

يــــــــــــــتـــــــــبع
​

 

[سعوديه]

حبيبتي أم الكادي
بالنسبة لسيشوار السيراميك للشعر القصير والمجعد
على حسب الشعر
اذا كان الشعر مجعد ولكن يميل للنعومه (طري) فيناسبة تمام بدون شي
اما اذا كانت التجعيده بسبب خشونه الشعر
فيفضل عمل سشوار بالهواء والفرشة طبعا يكون خفيف مو مره حتى تلين الشعره قليلا
ثم التمليس على الشعر بسيشوار السيراميك
وراح تتفاجئين بشعرك وكأنه ناعم طبيعي

اتمنى اني اكون افدتك

وتابعيني

 

[الديار]

متابعيـــــــــــــــــــن بس كملي

موضوعك يشوق

 

[aldana]

مبدعة يا سعودية .... تابعي ابداعك عزيزتي

 

[محبة الاخره]

ماشاء الله لاقوة الابلله مبدعه الله يعطيك العافيه ننتظر التكمله لا حرمك الله الاجر:a200:

 

[سعوديه]

مشكورات حبيباتي على التشجيع والله انكم رفعتوا معنوياتي
ويالله بنا نكمل

الجزء الثاني: تسريحاتي بيدي
كل واحده منها ستايل معين وانا بحاول اشرح واوضح لكم على قد ما اقدر...واذا نقطة مو واضحة لا تخجلين إسألي
وترى مو لازم تتقنين كل التسريحات
يعني 3 او 4 كفاية للتجديد
وكل واحده بعد تعرف ايش اللي يناسب وجهها وشعرها من ستايلات..

أولا: تسريحة الponytail (ذيل الحصان):
هذي اسهل تسريحة ممكن تسوينها، وهي حلوه لكل يوم للعمل ، للبيت، للرياضه
وايضا تكون روووعة للسهرات


وفيه منها نوعين المرتفع high المناسب للوك السبور ولكن ينفع للسهره اذا اتقنتي عمل التسريحة




ومنها المنخفض low الذي يناسب السهرات والرسميات كالعمل بشكل اكبر


طيب كيف نعمل لوك البوني تيل??

1- بعد ما تاخين شور ضعي سيروم حماية الشعر
2- جففي شعرك بالسيشوار ولو كان خشن اعمل له سيشوار بسيط او بسيشوار السيراميك
3- فيه طريقتين:
أ‌- اذا تبين فيه نفخة شوي: امسكي الشعر العلوي ومشطية بالعكس (بالمشط ضيق الاسنان) حتى ينفش الشعر ورشي سبراي ، ثم ثبتي نهاية الخصله ببنسه.
[

[/url]
ب‌- اذا ما تبين النفخة بس حطي نقطة سبراي او رغوة على اطراف المشط ومشي لورى...ثم اكملي التسريحة.

4- لمي الشعر كامل للوراء ...واذا تبين الهاي بوني تيل خليه في موازات الحاجبين ...اما اذا تبين المنخفض خليه بموازات نهاية شحمة الأذن
5- اربطي بمطاط الشعر
6- خذي خصلة طويله من شعرك من الاسفل ولفيها حول مطاط الشعر ثم ثبتيها من الاسفل ببنسة.

وممكن تلفين أي شي عليها مثل ايشارب او غيرها شوفي هنا


ولو تبين لوك احلى خذي خصلتين ولفيهم بالتناوب.


7- خذي نقطة موس"رغوة" (بس نقطه) او رشة سبراي بيدك وبعدين مرريها على على الشهر من ورى (على التيل) عشان يصير شكله مرتب...واذا لسهره بخي رشة سبراي على الشعر كامل.

على فكره ممكن تخلين التيل على جنب مو شرط على ورى..

وممكن تحطين فوق راسك باند (ربطة) او طوق او نصف طوق بيصير حلو بعد ...لكن ما ينفع مع النفخة ...لأن النفخة حلاتها بدون شي



وبكذا خلصنا اللوك الاول
شوفوا كيف ملكي.. وهي عاملة نفخة خفيفة من فوق

ونعيما سلفاً.

بروح ازور اهلي وارجع اكمل لوك ثاني
يــــــــــــــتـــــــــبع​

 

[أم الشيمـــــاء]

جميل جدا سعوديه .... أنت رائعة وأيضا مبدعة ....

 

[لحن الأنوثة]

مبدعة مبدعة مبدعة

الله يحفظك ويحرسك

من جد انا تعلمت واستفدت كثيييييييييير

ربي يوفقك حبيبتي

آآآآآآآآآآآآآآآآمين

،،،،،،،،،،،،،،،،

 

[ام الكادي]

مشكوووووورة حبيبتي .. على المعلومة ..

الله يعطيك العافية ..

ووقت ممتع مع اهلك .. ان شاءالله

 

[ام فريال]

راااااااااااااااائعة :c014:

 

[سعوديه]

أم شيماء
أم الكادي
أم دندونه
أم فريال
مشكورين حبيباتي على متابعتكن
وما لاحظتوا شي كبكم امهات ورى بعضكم
الله يخليكم لعيالكم وخلي عيالكم لكم
فديتكم


طيب نكمل التسريحات
انا بختار لكم شي تابع للتسريحة السابقة "البوني تيل" لكن بطريقة مبتكره وجديده وطريقة شنيون بسيط
وبعدين بعد ما نخلص نبدأ في الشعر الليس والكيرلي والبف الخفيف

ثانيا: الشبنيونات البسيطة:

1- سوي بوني تيل لكن الهاي "المرتفع" بنفس الطريقة اللي فوق
وعلى راحتك تبين بنفخة او بدون
لكن ما يحتاج تلفين خصلة شعر فوق الباند (البكله).

2- ابرمي التيل.

[/url]

3- لفي التيل المبروم على شكل نصف كعكه مدوره ثم ادخلي طرف الشعر داخلها (أي اعملي عقدة بشعرك" كأنك جالسة تعقدين حبل.
[

[/url]





4- ضعي اعواد الشعر الصينية " واذا ما عندك دخلي داخل العقدة بنستين كبيره منفرجة وحطي اكسسوار شعر او دبوس شعر".
.

[/url]


سهله مو؟؟؟؟
نعيما..

يــــــــــــتــــبـــــــــــــع​

 

[قلب حر]

ماشاء الله ..والله ابدعت سعودية ..اشكرك

 

[أشرقي]

 

[الهاشمية]

يعطيج الف عافية ........انا وحده مااعرف في التسريحات بس ان شاءالله اتعلم منج اختي (سعوديه)