تستاهل المشكله عشان يزعل

[تيلندا]

السلام عليكم ورحمة الله وبركاته

بنات يحق لزوجي يزعل ولالا

أمس الأربعاء زوجي تعبان عليه حراره المهم جلست عنده وجبتله فيفادول وفوط بارده

من الظهر حتى الساعه 5 العصر ونا على الحاله والله إني عند راسه إتصلت إمي قالت

خالاتك جايت من الخرج والرياض والمدينه بسرعه لاتفشليني تعالي سلمي قلت

يماما زوجي تعبان قال تعالي شوفيهم سلمي ورجعي لاتفشليني اقول قلت

زين قلت لزوجي قال بكيفك روحي المهم فهمتته وجاء أخوي وخذني

والله يابنات رحت لمهم ساعه إلا عشر دقايق المهم يوم طلعت من بيتي

بربع ساعه قالي زوجي لاتجين برساله إجلسي عند أهلك بروح لأمي

والله إني تنكت يوم دريت يبي يروح لمه قلت ماني مطوله رجعت لبيتي

لقيت زوجي منسدح عند أمه عاد الله لايوريكم خالتي مكبره الموضوع

فاصخه ثوب زوجي واحطه فوط عليه بكل مكان قلت قوه فوق يعني لبيتي

قال انا ماقلتلك خليك عند أهلك قاله بنبرت واحد زعل قلت لابس مايطاوعني قلبي

بس رحت شفت خالتي ماشفتهم وجاين من سفر قسم بالله لزمو علي ما أطلع بس ماقدرت

أجلس عشان زوجي المهم خالتي قال وشلون تتركين زوجك تعبان وتروحين لأهلك

قلت لخالتي السالفه قالت الله يعين وهي عافطه وجهها أسكت يوم قامت قلت لزوجي

إمش قوه فوق قال اقول روحي لأمك انا بجلس عند امي اليوم يوم شفته مصر دقيت على

إخوي وجاء وخذني وبنات دقيت اليوم بتطمن عليه قال الحمد الله أنا بخير وقالي بكرا الجمعه

بجي أخذك بنا ت أنا وش أسوي لاجاء بكرا وخذني

وهل يستحق يزعل وليش إذا كان يستحق​

 

[شموخ إنسان]

بسرحة هذا دلع انا ساعات اروح بيت اهلي واسبيه واحطاه كل شي بقريه بس اذ في سيارة انا عكسك ما في احد يوديني حتي لو امي زعلت اوتبغني اجي وانا ساكن مع اهلي زوجي والله ما احد يطلع ولا هو ينزل يحب يكون لوحده حتي لو تعبان
ولو انت الا تعبانة ما احد فكر فيكي مرة لا هو ولا امها
طنشي بيزعل يوم ويرجع ثاني هذا الحياء مجربينه

 

[اام صالح]

يفترض انك ماتركتيه لانه كان محتاج لك .. لاكن هو كبر الموضوع بزياده واعطاه اكبر من حجمه .. لان كل زيارتك ساعه .. لاتسوين شي بكرا خليك عادي وماكأن شي صار لان كلكم غلطتو ..

 

[ام عبدالله7]

والله عادي ماغلطتي بس شكله شمالي غربي زي زوجي الله يعيني ويعينش

 

[مدام فلمبان]

الصراحه زوجك مدلع وش ذا
يعني ساعه اللا خالاتك جايين من سفر وغير كذا مستآذنه منه واساسا ماقصرتي معاه من اول اليوووم اش يبي اكثرررررر

 

[عروس عزو]

حبيبتي لا تخافين ولا شي
ومن رايي بكرى اذا جاء لا تناقشيه بالموضوع واذا هو تكلم عاتبيه
قولي ليه تروح لامك وليه تدخلها بيننا
والله يهدي سركم

 

[غرامي ضحكته]

بصراحه انتي غلطتي زوجك بهاللحظات كان محتاجك يمه

كل شي لاحقه عليه وتقدرين تكلمين خالاتك وتعتذرين منهن وتوضحينلهن موقفك واكيد بيعذرونك بس الي صار صار

اذا جاء لاتناقشينه بالسالفه سولفي عادي وتغشمري ومشي الوضع وان شاءالله ماكو زعل ولاشي الشمالي مهما يتضايق ويزعل مايروح ديره ​

 

[أم رزونه]

من حقه يزعل ... ما تزوج حرمه إلا علشان تكون دايم جنبه ... خاصة إذا تعب ولا مرض ... حرارته مرتفعه ما كان تركتيه أبد حتى لو لزمو عليك أهلك . حياتك مع زوجك دائما وخالتك مو واجب عليك تسلمي عليهم التلفون يكفي لكن واجبك تكوني مع زوجك في مرضه ... أعتذر على صراحتي ...
وغلطتك الثانية أنك رجعتي بيت أهلك حتى لو هو اللي قالك ما رجعتي بيت أهلك كان رحتي لبيتك وجلستي فيه ولو جلس هو عند أمه ، ممكن تكون كلمة زعل بس ما كان قاصدها ...
روحتك الأولى غلطة ورجعتك عند أهلك غلطة ثانية خاصة أنه مريض وحرارته مرتفعة ...
أعتذر مرة ثانية على صراحتي بس لازم تعتذرين له وتتقبلين كل اللي بيقوله لك لأنه ممكن يشوفك أنك جرحتيه وتخليتي عنه وهو في أمس الحاجه لك ...​

 

[شموخ إنسان]

صح كلمكم بس هي ساعه انا جلست مع زوجي 6 شهور لما كان مريض وما خرجت الا علي الطبيب معه
بس ورحت المكتبة عشان الكتب للمدرسة وكنت اسيبه بس كان يعرف الوضع وما زعل وكنت اروح وهو نايم
رغم كذا كان هو يقول روحي بيت اهلك وانا ارفض وكان يسلوني ليش مااجي كنت اقول تعبانة من الدرج لاني كنت حامل تخلي حمل ودروس وزوجي مريض وعدم خروج بس يستاهل بس اذ كانت حرارة عادي انا اشوف هذا دلع في ناس تمربي ظروف الصعب وما به يزعلون

 

[الزوجه الاولى]

الله يكون في عونج حبيبتي انتي ما غلطتي وساعه ما تأثر بس هو الله يهديه يدلع بزياده وبنسبه اذا جاء وخذاج من بيت اهلج خليج طبيعيه ولا كأنه شي حصل ولا تفتحين معاه الموضوع ومشي الامور والله ييسر امرج

 

[ألحان نازفة]

شوفي حبيبتي.. زوجك مدلع.. وانت ماقصرتي معه ولو هو انسان واعي ما كبرها..
بس تراه يتغلى ما عليك منه .. لما يجي ياخدك لا تناقشينه في الموضوع نهائيا.. طنشي وريحي بالك..اللي يزعل من لاشئ يرضى من لاشئ

 

[خوخة خجولة]

الله ييسر أمورك يا حبيبتي

 

[الحيا طبعي]

الله يعينك

 

[الوفيه لكن]

ههههههههههههههههه انا دايما كذا اول زواجنا كل ماتعب يدلللللللللللللع وازيدك من الشعر بيت يسب وطولة لسان وتريقه على الفاضي والمليان
واهله كني ما عرف شي حتى العصير يجيبوه وحطوه عند راسه وكلهم عنده يعني شوفي ترى احنا قلوبنا على بعض وكني شغاله طارديني برا تصرفات عجييييبه ما شفت كذا من قبل
طبعا قلت بنفسي كثر خيركم وفرتوا واطنننننننننننننننننننننش واخر شي صار اذا تعب تعب بسيط صداع جرح زكام حتى سلامات ما اقول بس اقرب له الادويه واجهز الغرفه والحاجات وخلاص اروح بصاله بالمطبخ بعد كذا صار يقول اجلسي جمبي حني علي انا تعباااااان دلعيني ليش تركتيني قلت كل ذاك الشي الي سويته نسيته قال ايش انا ماسويت شي بس انتي حساسه قلت وانت المفروض تداري زوجتك الحساسه لانها حساسه وخلاص
سبحان الله دلع رجاله خخخخخخخخخخخخ

 

[خوخة خجولة]

الله ييسر أمورك

 

[*حتاره*]

ماغلطي ولا شي كلها ساعه وبعدين انتي كنتي مقابلته طوول اليوم
لو هو كان بموقفك كان راح لاهله عشر ساعات مو ساعه لاكن وش اقووول

 

[صاحبة الليل]

حبيبتي إنتي ماغلطتي ولا شيء كل الشغله ساعه ورجعتي بس اللي كبر الموضوع يوم رجعتي بيتك ومارضى يطلع معاك للبيت يبي يجلس عند أمه إتصلتي على اخوكي الله كان جلستي بيتك وحتى لو قالك روحي طنشي لاتردي عليه ترى الرجال ينتظرو الزله من الحرمه الله يعينك عليه
بكره لرجعتي بيتك لاتفتحي الموضوع سايري حياتك الطبيعيه

 

[غربة وطموح]

حبيبة فلبي الموضوع مو مستاهل

انتي ما قصرتي معقولة ما شفعت لك وقفتك معه

انتي استاذنتي وهو وافق ....خلاص ماله حق يزعل

هو الله يصلحه كبر الموضوع ودخل امه ....خليكي عادية جدا ياقلبي

 

[رندا كووول]

طيب هو قالك روحي .يعني راضي.ليييييييش يزعل.بعدين هو كبير ماهو نونو..عشان يروح لامه ياخذ مسكن وتروح الحراره كلنا نمرض ونجلس في البيت.وترتفع حرارتنا.وهم يسافرون ويخرجون ولا فكروا فينا.خليك عند امك واستانسي مع قرايبك..وبكره لاتناقشينه في الموضوع وخليك عادي

 

[قطة في غابة]

والله ياقلبي اقلبي الطاولة علية انتي وازعلي قوليلة تركت كل شي عشانك وجيتك من احلى جلسة ووناسة شايلة همك وتقولي روحي عند اهلك لية لية ؟ ماشفت كل اللي سويتة طوال اليوم جات على الساعة الاربع اعتبرني يااخي رحت البقالة مو لاهلي والا كنت اتحمم مو لازم تكبر الموضوع
هاذي غيرة رجال حتى لو مريض يعني لازم امرض معاه مريض اخذ الدواء والكمادات خلاص ..