ترويضي للزوجي الشمالي الشرقي

[manal123]

السلام عليكم ورحمة الله وبركاته


بداية انا اذكر قصتي هذي عشان الكل بستفيد لأني اشوف اكثر المواضيع ان الزوجات تعبو من الزوج الشمالي الشرقي ومو قادرين يفهمووه ..
انا صحيح قدرت اروض زوجي لكن مو 100% ممكن اقول 70% قدرت اغير زوجي من انسان لا يفهمني ومتسلط وعنيد الى انسان يفهمني وغير متسلط والعناد بطل منه بنسبة 50% ...

مازلت اجتهد واحاول انا اغيره 100% عشان اعيش مرتاحه ويعيش هو مرتاح وما اخفي عليكم سببي في التغيير هو هذا المنتدى وكثرة قرائتي للمواضيع عن الشمالي الشرقي واراء الخبيرات هنا وب الاضافه الى كثرة الاستغفااااااااار والدعاااء هذا شي مههممم

 

[sara sevillana]

أفيدينا يا أختي فالشمالي ش جننا

 

[manal123]

ممكن كثير يستفيدو من القصه والتغيير الي حصل بحياتي بغض النظر عن احداث القصه وبغض النظر عن كوني ماقدرت اغيره 100% ..


بدايتا ... انا ليا سنه و 7 شهور متزوجه وعندي ولد زوجي شمالي شرقي وانا جنوبيه غربيه ..

اول ماجا زوجي وخطبني بعد الشوفه الشرعيه ارتحت له كثيييرا حسيت بإحساس ان هذا الشخص نصيبي .. وبنيت احلام وخططت للمستقبل وتخيلت شخصيته بنظرتي انا وهذا خطأ كبييير ... لأن تفاجئت بعد الملكه انه انسان عنييييد عنيييد بمعنى الكلمه وعرفت انه شمالي شرقي من اول اسبوع من ملكتنا حسيت انه قاسي ماعنده مشاعر ماتهمه مشاعري يجرحني بكلامه عادي عنده بس هو في نظره انه ماجرحني ب العكس انه نبهني على اخطائي عشان اتجنبها بس انا كنت حساسه بزياده كنت افهمها انه جرح لمشاعري
كانت فترة الملكه كللللها مشااااكل يعني ماحسيت زي البنات لما يقولو احلى فتره فترة الملكه ... وكنت ابكي اوقات مع نفسي واحس انه مايحبني لأني ما اشوف منه الهدايا غير هديه وحده فققط حتى شكيت وقلت شكله بخيل مادام مايجيبلي هدايا وقلت بنفسي حتى انا اجل ماراح اجيب له هدايا لان احنا بفترة الملكه والمفروض الدلع والهدايا تكون منه لاني كنت جدددددا خجوله
وكانت ماما تشوفني كل يوم ابكي وكل يوم حزينه وكان لما يزعلني مستحيييل يجي ويعتذر وهذا الي كان مخليني حزينه اكثر كنت احس اني ماهميته مايتصل ولا يسأل عني ولا يقول انا غلطت بعتذرلها ..
وهو كان لما يشوفني زعلانه منه يقوم هو يزعل ويقلب الموضوع عليا انه انا الغلطانه والي المفروض اعتذر >> دائما هذي حركته يقلب الموضوع ويخليكي فعلا تحسي انك انت غلطانه وتنسي اغلاطه

طبعا ماكنت اقدر استحمل ساعتين مايتصل عليا فيها او اكلمه اقوم اتصل واعتذرله
ومع هذا ماكان يواافق ويرضى
يذللللني اجلس اسبوووع اعتذرله وابررله واترجاه الي يرضى

 

[manal123]

اذكرلكم شخصية زوجي
طبعا العناد وهو مستمر معاه الى الان ولكن بشكل افضل من اول ولله الحمد

يحب الزوجه المطيعه واي كلمه يقولها تقوله طيب ..حاضر .. ان شاء الله ... حتى لو كان شي ماتبغى تعمله << ماخذ هذي العاده من ابوه مخلي امه زي الألف لو يقولها ارمي نفسك ف البحر ترمي نفسها هههه
طبعا اشتغلت كثيير اني اغيره من هذي الناحيه

ماحيب النكككد ولما ازعل منه على غلط سواه يقول اني نكديه .. ويصعب ويتنرفز اكثر لما اجلس ابكي
يحس انها ضعف ويحس اني جالسه ارسله مسج بأنه انسان سيء

يحب الترتيب والبيت النظيف والمرتب
الحمد لله الميزه الي تعجبني فيه مايتشرط على الطبخ لو اجلس اسبوع ما اطبخ مايتكلم وعمره ماقال هذا مو طعم وهذا مو حلوو ب العكس يلتزم الصمت وياكل اي شي اسويه ..

احسه رجل بمعنى الكلمه وانسان يعتمد عليه واحس قسوته معايا يتعامل فيها مع الناس الغرب وهذا الي خلاني احس انه رجل بمعنى الكلمه ..
لكن ماحبيت ان القسوه تكون ليا انا كمان بعكس اهله امه و اخواته لهم كل الحب والاحترام والحنيه وهذا الي نرفزني اكثر وكنت احس اني مو مهمه ب النسبه له

ماعنده كلام الحب والاجواء الرومانسيه وما يفاجئني ب هدايا ابددا
جاف عاطفيا .. يحب يعطي الاوامر ..

 

[manal123]

في فترة الملكه ماما قالتلي اذا مو مرتاحه خلاص اتركيه وربي يعوضك بس ما ابغى اشوفك مو مبسوطه في فترة الملكه اجل ايش راح يصير فيكي بعد الزواج اذا الان يعاملك كذا ...

لكن ماحبيت اني اتركه لسببين اول سبب انه قبل كان خاطبني واحد وتواصلت معاه وحسيت انه شمالي شرقي وعلى طول فسخت الخطوبه حسيت انه راح يعقدني بحياتي
ماكان بيننا ملكه فقط خطوبه

وبعد مافسخت الخطبه بيوم خطبوني 3 ووافقت على زوجي هدا ..
فما حبيت اتركه الان عشان كلام الناس
وغير كذا حسيت براحه فظيعه وقت الشوفه بعكس خطيبي الي قبله ماحسيت بأي احساس اتجاهه ..

وقررت اكمل معاه وجلس ادعي كل يوم ربي انه يسخره ليا ...
احاول افهم زوجي لكن مو قادره قريت كثير عن الانماط وعرفت شخصيته وعرفت تفكيره لكن مو قادره اعامله على اساسها

مشاعري اتجاهه ملخبطه ماصرت احبه وبنفس الوقت احبه ..
كنت داااائما اجري وراه وكنت احس هذي الطريقه الي راح تخليه يلتفت ليا وقررت انه لو زعل مني اراضيه اجري وراه الين يرضى
وماكنت ادري ان تصرفاتي خطا


بعد الفرح زادت المشاكل والتعقيد حسيت الرجال هذا انسان معقد ومستحيل اتأقلم معاه
مشاكلنا كل يوم بتزيد وكنت كل مرا اقول ماراح اراضيه اذا زعل بخليه هو يرضى بنفسه وكنت اسحب عليا يومين واحاول اعيش طبيعيه وانا بداخلي نااار
واشوف انه مارضي ف اقوم استسلم واروحله واراضيه
ويجلس يذلني لمدة اسبوع بعدين يرضى .. كنت احس بذل وانكسار ..

لكن كنت اروح اراضيه عشان ما احب اشوف جو البيت مكهرب ويمنعني من الخروج ومن روحتي لأهلي يعني كنت احس انه انا الخسرانه لو ماراضيته ..

وطبعا انا جنوبيه غربيه كنت لما يزعلني اجلس ابببكي وابببكي وابببكي وماكنت اقدر اواجهه واعلمه اغلاطه عشان كذا كان يشوف نفسه هو الصح وانا الغلط ...

فكرت وقلت لازم اغير اسلوبي وطبعا كنت متوقعه اني غيرت اسلوبي للأفضل ولكن اكتشفت متأخر اني غيرته للأسواء

وهو اني قلت راح اواجهه واعلمه اغلاطه اذا غلط .. وكانت طريقتي خطأ لاني كنت ارفع صوتي واصرخ واقوله انت وانت وانت واسب واشتم واوقات ادعي عليه << كنت احاول اثبتله اني تغيرت واقدر اخذ حقي

وطبعا تعققدت الامور اكثثر وصار عنيد اكثر وبدأ الحب يروح من حياتنا .. وبدا البعد يقرب مننا وكنت ابكي بيني وبين نفسي اقول ما كملنا سنه وما احس في حب بيننا
لاااازم القى طريقه ارجع الحب الي كان متواجد بنسبه ضئيله بيننا .. ولازم القى اسلوب للتعامل مع زوجي ..

كان يرفضلي طلباتي بسبب زعل حصل بيننا وكان يعاند وانا اعاند .. كان يحب يستعمل معايا اسلوب العقاب ..

 

[manal123]

أفيدينا يا أختي فالشمالي ش جننا

بإذن الله عزيزتي

 

[manal123]

قررت بعدها اني اعامله زي ما يعاملني .. قلت ممكن يحس .. صرت اعامله بجفاف صرت اعاند زي مايعاند واصرر على طلباتي ولا اغير رأيي فيها وكان هو يصر على الرفض وطبعا ف الاخير هو الي ينتصر ..
كنت استسلم بسرعه .. كنت استعمل السب والشتم والدعاء عليه اذا زعلني
واوقات اسوي حاجات هو رافضها غصبن عنه عشان اثبتله ان عناده ماراح يفيده واني اقدر اكسر كلمتك

وماكنت ادري اني جنيت على نفسي ..

كلمة احبك الي كنت اسمعها كل اسبوع مرا ماصرت اسمعها اببدا ... نظراته ليا نظرات واحد طفشااان من حياته معايا ..
كان يقولي اوقات كلمات تجرحني مثل ... انتي غيرك يجو 4 هذا البيت .. انا مو مصبرني عليكي غير ولدنا .. لو كان ولدنا مو فيه كان رجعتك لأهلك

وكل عباراته هذي تحسسني اني خلااااص مالي اي قيمه عنده .. ومن بعدها صرت كل مازعلت اخذ اغراضي واروح لأهلي <<< قلت لعل وعسى يتغير ..
لكن مافي فايده كان يقولي بعد ماتنزلي الي براسك عند اهلك تعرفي بيتك اذا حبيتي ترجعي ارجعي ...
خسرت كرامي ورجعت بنفسي ..
ماعدا مرا وحده روحت لأهلي وانا ناويه اني اكير المشكله ووصلتها لأهله واهلي .. وجا راضاني بطريقه غير مباشره ورجعت بيتي

وبعدها شلت فكرة اني ارجع لأهلي اذا زعلت .. وقلت لازم القى الحل الي اقدر اسيطر عليه

 

[غيمـــ76ــــة]

كملي فديتج

 

[manal123]

كملي فديتج

ان شاء الله ..
وشكرا ع المتابعه ?

 

[manal123]

كان زوجي دايما يقولي اذا حصلت بيننا مشكله انا بخرج برا البيت واخليكي عشان تهدي وحاولي تمسكي نفسك لاتجلسي ترسلي مسجات عتاب وسب ودعاء عليا ..
عشان لاتكبر بيننا المشكله .. ويدخل الشيطان بس ماكنت اقدر لما ازعل ما اقدر اسسكت

لكن خلاص احس هذا الموضوع سيطر عليا اقوله انا بنت وماعندي طريقه اخذ حقي فيها غير لساني ودعائي لربي ...
كنت دايما اجي واراضيك وانت عمرك ماجيت وراضيتني حتى لو كنت انت غلطان ..

واكتشفت مؤخرا ان زوجي كان يراضيني لكن بطريقه انا ماكنت افهمها ... كان في بالي ان الاعتذار بكلمة انا اسف والاعتراف ب الخطأ... لكن زوجي كان يجي يعطيني بوسه على راسي ويمشي وهذا في باله انه اعتذار .. او كان يطالع فيا ويبتسملي وهذا اعتذار عنده او وهو ماشي يحضني وبعدين يمشي ..
لطن ماكنت افهم هذا كله .. كنت ابغاه يجي ويعترف بخطأه وهذا مستحيييييييل يجي من الشمالي الشرقي ... الين بطل حتى من الابتسامه ومن البوسه والحضن صار قاسي لأبعد درجه

المهم كثرة المشاكل وصلتنا اوقات لفكرة الطلاق وكنت اتمنى انه يطلقني وارتااااااح ولا اجلس طول حياتي احل لغز الشمالي الشرقي واجلس ادور رضاه ...

والان انا اقول الحمممد لله انه ماطلقني ...
كان يرفض يقول طلاق ماراح اطلللق << عشان ولدنا مو عشاني

كان يقول تبغي الطلاق تروحي المحكمه تعملي تنازل عن ولدك بأنه يجلس عندي وانا اربيه وبعدها اطلقك .. بس مستحيل قلتله انا مو مجنونه عشان اتنازل عن ولدي ..

يعني امورنا تعقدت لأبعد حد
كللل طلباتي صارت مرفووضه وتترفض اكثر اذا حصلت مشكله ..
ف الاسبوع يمكن يوم واحد الي نجلس فيه مبسوطين بدون مشاكل ...

 

[غيمـــ76ــــة]

ال

زبدة​

 

[nana الجزائر]

كملي متابعتكككككككككك

 

[N A B ' 9]

متابعتكِ برافو كملي ^^

 

[راقية بأسلوبي]

هذا المنتدى له افضال كثيره علينا بعد الله سبحانه وتعالى
زوجي نفس زوجگ مايعلق لاعلى نظافه ولا اكل
عااادي عنده
ترى الشرقي الشمالي يقلدگ انتي ابدائي بكلمات الحب
بعد فترة تسمعيها منه

متابعة معاگي بالتوفيق

 

[manal123]

في كل مرا احاول ابحث عن حل وافشل
وتطلع فاشله ويزيد عناد وتسلط زوجي وجبروته

لدرجة اوقات كثير فشلني مع ناس ...

المهم ..
بعد كل هذي المشاكل شلت فكرة الطلاق من راسي وجاتني همممه عاااليه في اني اغير من نفسي ومن زوجي واني اخليه حمل وديع ..
وبدأتها في مشاركات في منتديات وقرائه مكثفه عن الشمالي الشرقي مع التطبيييييق
مو بس اقرأ عنو وبعد ما اقفل خلاص كل شي قريته انساه ..
لا حطيت حد للموضوع وقلت لازم ابدأ من الان واخلي زوجي يموووووووت فيا ويعشقني واخلي كلمة احبك الي فقدتها ترجع ..
واكثرت الاستغفار ودااائما اردد هذا الدعاء
اللهم سخرلي زوجي كما سخرت البحر لموسى والحوت ليونس وألنه لي كما ألنت الحديد لسيدنا دوود واجعل نقمته علي بردا وسلاما كما جعلت النار بردا وسلاما على ابراهيم ..
دائما ارددها ..والاستغفار 1000 مرا ب اليوم .. بدأت الاستغفار بنية الاجر وليس بنية تغيير زوجي ..

سجلت في هدا المنتدى وقرأت كثير واستشرت انوته مغربيه ربي يجزاها بكل خير وغيرتلي نظرتي اكثر وحمستني اكثر في التغيير ..

اول تغيير بدأته في نفسي هو الجنننننننس ..
و الله يبنات تقدرو تقولو 50% من العلاقه الجنسيه الي تشبع الزوج وتبهره سبب تحسين علاقته معاكي ..

بالنسبه للجنس قبل كنت عادي صح في تغغير للوضعيات اذا كان نفسي اروح واطلبه ... واتفاعل معاه .. لكن ماكان عندي الدلع والفن الي عند بنات الليل والعشيقاات ...
وبدأت التغيير من هنا في كل مرا افاجئه بشي جديد الدلع صار عندي سي اساسي والنظرررات .. اطالع فيه بنظرات شهوووه وبأني وحده خلاص واصله حدي ومو قادره اتحمل اكثر هذا شي لاحظت جددا مجننه .. اشتريت نكهات ب الشكولا والعسل والفراوله وغيره .. في كمان عصا المداعبه عسل يزيد للشهوه في حاجات كثيير كنت اعرف عنها بس ماكنت استخدمها ماكنت اتفنننن
والي زادني اكثر من هذي الناحيه ...
عارفين مسلسل سرايا عابدين ؟؟!! شايفين كيف الجاريه شمس خلت الملك يترك كل الجواري ويتجنن فيها ويسحب على زوجاته ال 4 عشانها وخالف قوانين القصر عشانها بدون مايحس بنفسه ؟؟؟
انا لما كنت اتابع المسلسل اطالع في نظراتها وكلماتها له ولمساتها وكيف تعمل بفمها وكيف تمشي وكيف تطالع فيه .. وكيف هو متجنن ... هدفها في المسلسل كيف تسرق قلب الملك ويكون لها لوحدها انا تجنننت علييها مو عاد الرجاال ههههه
هنا تحمست اكثر وقلت لعبتي في الحياه كيف اسرق قلب زوجي واخليه يعشقني ويا انا يا قلبه ... حطيت هذا هدفي خليتها لعبتي المفضله كل ماطفشت فكرت بأفكار تبهر زوجي مو بس ب الجنس حتى لو جالسه معاه يعني جننننننننته

هنا لاحظت تقربه لييا صرت احس مايبغى يخليني عيونه بس تطالع فيا .. احس يطالع فيا بنظرات استغراب وحب كأنو يقول هذي مو زوجتي الي اعرفها ..

وقالها ليا ب الحرف الواحد وهو يضحك كنت احسبك قطه مغمضه طلعتي داهيه
كل ماروحت السوق بدونه لازم اجيب شي من حاجات الجنس
احسسه اني بدونه ما اقدر اعيش احتاج للجنس معاه بكل لحظه


لي عوده

 

[manal123]

هذا المنتدى له افضال كثيره علينا بعد الله سبحانه وتعالى
زوجي نفس زوجگ مايعلق لاعلى نظافه ولا اكل
عااادي عنده
ترى الشرقي الشمالي يقلدگ انتي ابدائي بكلمات الحب
بعد فترة تسمعيها منه

متابعة معاگي بالتوفيق

صحيح وهذا الي عملته معاه ولاحظته


بالتوفيق للجميع حبيبتي

 

[manal123]

متابعتكِ برافو كملي ^^

يسلمو ع المتابعه ي عسل

 

[manal123]

كملي متابعتكككككككككك

يسلمووو ع المتاابعه حبيبي

 

[manal123]

الشي الثاني غير الجنس ..
لما يزعلني .. ما اعمل زي اول اجري وراه واراضيه ولا اطنشه واعيش حياتي عاادي ولا ارفع صوتي اصارخ وانت وانت وانت ولا ادعي عليه ...

الي صرت اسوييه .. لما يغلط عليا بحاجه اتكلم واوضحله غلطي بكل ثققه ... كيييف !! ارفع صوتي اذا رفع صوته لكن مو صراخ بس اخلي نبرة صوتي مرتفعه واقول غلطه بكل وضووح

طبعا هو شمالي شرقي مستحيل يقولك صح انا غلطت في كذا وكذا .. ب العكس بتلقيه يعاند ويقول انت سويتي وسويتي وسويتي ..

بس انا اوضحله غلطه بنبرة صوت مرتفعه وبكل ثقه مررا وااااحده وما اكررها لان لو جلست اتناقش معاه ماراح يحس بغلطه قد ماراح يعاند وممكن ينرفزك وتطلع منك كلمه ب الغلط ويمسكها ضدك ..

ف اقوم اقوله غلطه زي ماقلتكم .. واسكت ويجلس هو يتكلم فوق راسي وانا اسكت ولما يخلص اقوله انا قلت الي عندي
وماحعيده ثاني عشان لاتكبر المشكله بيننا ..

وبس بعدها هو يخرج او يروح يعمل اشغاله او انا اخرج من الغرفه ونجلس يمكن 5 ساعات مانكلم بعض .. والاخ مستغررررب غريبه ماجلست تصارخ غريبه مارسلت رساله تشتمني وتدعي عليا ... مستغرب اني صرت التزم الصمممممت ..
بعدها يرسل رساله ويقولي يلا يا فلانه ايش رايك نخرج !<< عمرره ماسواها واحنا زعلانين

بس انا افهم انه طريقته في الاعتذار ..
او مثلا يجي ويجلس جنبي ويطالع فيا مستغرب وبنفس الوقت خليته يحس بتأنيب ضمير ...

الان بعد ما استمريت بهذا الاسلوب وقت الزعل لفترره .. صار اول مايزعلني مايكمل ساعه الا هو يراضيني والاهم من هذا صرت اخليه يحس بغلللطه ..

زمان ماكان يحس انه غلطان عنده ثقه كبيره ماشاء الله بنفسه ..

لكن الي اكتشفته ان الشمالي الشرقي لما تجلس تصارخي وترفعي صوتك وانت وانت عملت والله لأعمل كذا وووو يحس انك ضعييييفه وانك غلطاااانه وماعندك كلمة وماتدري ايش قاعده تقولي ...

بس لما توضحيله غلطك بكل ثقه وبصوت مرتفع ومرا وحده بدون تكرار .. راح يحترم كلامك وحيجلس يفكر بينه وبين نفسه
وبيحس بغلللطه ..

 

[أنثى بعطر الورد]

ايش اقول هههه تحيا النساء اللي مثلك ...انت رائعه فعلا انا أقراء ومذهوله ...نريد مثلك اكثر واكثر ...نريد الحياة...جعلتي حياتك متعه رائعه استمتعنا بها ...انت مثال المراءه اللي فاهمه مشكلتها وتبحت عن حل لها ...انت قويه وقصتك اقوي ..انا تعلمت منك صدق ...???