تدعو علي بالامراض ولاتاكل من اكلي

[ورود واشواك]

كيفكم حبيباتي ابي منكم الشور والنصيحه تكفون دلوني ولا تبخلون علي بدعوه طيبه في ظاهر الغيب انا تعبانه حيل كرهت زوجي وعيالي وكله منها ما ادري اش تبي مني ام زوجي اعطيها احلى الهدايا وما اسمع كلمه حلوه اطلب رظاها في كل شي لكن للاسف تقابلني بالسب والشتم تدعي علي بالامراض والفضائح والمصايب وكل كلمه قبيحه تقولها لي وتتمنى لي التعاسه وانى اطلق اليوم قبل بكره فيها من الكبرياء والعظمه والتسلط على الجميع تكرهني وتكره عيالي ولا تاكل من اكلي مع اني شاطره في كل شي بشهادة الجميع كيف اتعامل معهاهل اعاملها كم تعاملني لكن ديني وحيائي يمنعني تعاملها السئ اثر علي دلوني على حل

 

[دنيا حظوظ]

سوي اللي يرضي ربك وبس لان رضا الناس غايه لاتدرك
صار هذا مبداي في الحياه

 

[Nno style]

حبيبتي وبشر الصابرين

صدقيني زي ماتدعي عليك بيجي لها يوم يمهل ولايهمل لاتهدمين حياتك وتعصبين على عيالك وزوجك بسبتها اصلا هي لو تحب ولدها كان تمنت له السعاده لاحول ولاقوة الابالله صارو امهات الرجال شيئ مو طبيعي

احتسبي الاجر وقولي حسبي الله ونعم الوكيل ولو عندها بنات ربي بيوريها اهم شيئ خليك على اصلك ولاتقصري وتكلمي بااحسن الكلام وخليها تدعي الدعاء على قد الظلايم

 

[NicE-GirL]

لها ملك يقول لها كل ما دعت عليك ولك مثلها ؟؟؟؟


انتي سوي اللي يرضي ربك

وما عليك منها راح ترتاحين راحة نفسية ..

وهي راح تتعب من كثر الدعاء ..


وقولي لها كلما دعت عليك بصوت مسموع ومع ابتسامة


الله يهديك ياعمــة .. واطلعي وخليها

راح تنقهر منك أكثر وتسكت لأنها راح تعرف انها ما رح تاثر عليك بدعواتها ...


واذا ما اكلت بكيفها اهم شي انتي عارفة نفسك بالاكـل وهي الخسرانة ..


ولا يضيق صدرك ولا تاخذي على خاطرك منها ..

احيانآ الأم تدعي على عيالها ..


بس وسعي صدرك واعرفي ان الله معك مو ضدك

واهم شي راعي اللي بينك وبين ربك

وخلي الباقي على ربك

 

[NicE-GirL]

حبيبتي والهدايا مو باي وقت يعني بالمناسبات الكبيرة بس

ومو شرط تكون احلى الهدايا


يعني لا تعطينها وتضغطين على نفسك


وخليك فحالك ..

وادعي ربك يسخرها لك ويهديها

 

[إلى متى]

شعليج منها تدعي مني لباجر
انتي اهم شئ لا تكوني ظالمتها
واذا على سالفة ما تاكل اكلج
لانها على بالها انتي سحارة مثلها والله اعلم
لانهم يشوفون الناس مثلهم
كلن يرى الناس بعين طبعة ومو ملزومة تدزيلها مدامج تعرفين ما تاكلة حرام النعمة تنقط
وما تسوى عليج كرامتج
خليها تولي اهي مو امج
زوريها بالمناسبات التعيسة والسعيدة وبسسسسسسسسسسسسسسسسس

 

[هذا رأيي]

السلام عليكم ورحمة الله وبركاته

الله يعينك ويفرج لك


الافضل زي ماقالوا البنات سوي اللي يرضي ربك وضميرك وماعليك منها عيشي حياتك


رضى زوجك هو اللي بيدخلك الجنه وهي ادعيلها بالهدايه وطنشيها والله بترتاحين وهي بتمل وتخليك في حالك


والله الكنات المطنشات هم اللي يلاقون الحشيمه والاحترام ,,زمن غريب الله المستعان

 

[نحو المستقبل]

انا ما اقدر اقولك الا تجربة عمتي مع خالتها ام زوجها
كانت من كرها لمرت ولدها تغطي وجهها لاشافتها تقبل


بس الحين حاطتها خالتها فوق راسها لانها كسرت عينها واحرجتها بطيبتها والرد الدبلوماسي والطيب على اهاناتها

 

[um_noora]

ربي يهديها ان شا الله

 

[وشحيلتي]

شكلها تغار منك الله يهديها ....طنشييييييييييها ...
أبي أسألك معليش حبيبتي هل تجرحك إذا كان زوجك فيه يعني تنافق؟؟؟
الله يهديها بس ....

 

[ورد الفل]

حبيبتي طنشي ولا تسالي
عليكي من زوجك والباقي ورا ظهرك
وحتى لو ما حبتك طول عمرها شو يلي مضايقك
واذا مضايقة كتير جربي تعامليها بنشافة شوي قلبي خلقتك يجوز ينفع

 

[رجاي الله]

زوجك وش موقفه ؟؟ اهم شي زوجك ؟

وهل هي مخرفه يعني كبيررة حيل لان بصراحه مااعتقد انها طبيعيه ولو كانت طبيعيه اجل العيب فيك انتي لانك طيبه بزياده الهدايا والعطايا تنفع مع الناس اللي يستاهلون ويقدرون مو مع الاشكال المريضه لانها تفسر عطاياك واحترامك الزاااااااااااايد لها خووف وضعف

انا مااقولك داحريها لكن خذي موقف ولا تصيرين طيبه بزياده خلك رسميه معها

 

[بناتي دنيتي]

جعلها مارضت لاتخلينها اكبراهتماماتك اهم شي ماتسوين شي يغضب الله فيها

 

[**بحر الأمل**]

ما قصروا البناات كفوو وففوو

الله يهديهاا ياارب

 

[جلجامش]

طنشيها ..انتي موملزومه فيها..بس زوجج هي امه وهو الي ملزوم
ليش مدوخه روحج فيها ..عنها ماكلت ..والدعاوي..بتنرد عليها ..
خليج فحالج وهي فحالها ..لاتأذيها ولاتأذيج..
سكري بابج عليج..وطرشي العيال مره بالاسبوع وبالاسبوعين مع ابوهم ..يسلمون عليها
وانتي عيشي حياتج ...محد يستاهل تضايقين بسبته..

 

[تصبيره]

حسبي الله ونعم الوكيل شاقوولج ياا اختي ولله اني مجرووحه من نفس الموضووع الله يعينك ويعيني يا اختي سوووي مثلي طنشي والزم ماعليكي زوجك ورضااه وفعلاا رضا النااس غايه لا تدرك اهمشي لاا تغلطين عليهاا واحترميها مهما عملت فيكي مهما يكون تبقى حرمه كبيره فمقاام الام الله يحفظهم يااربي تهديهم وتهدينا

 

[ياربي انصرني]

والله ييأختي مأقولك الا الجئي لربك لان قلبها وقلوب جميع عباده بين اصبع من اصابع الله يقلبها كيف يشاء

عليك بالدعاء وان تصدقي مع الله اثناء دعائك 000هذي ام زوجك ومهما كانت متسلطه اصبري واحتسبي الاجر

والله يسر امورك

 

[بريق الألماسة]

إذا سويتي لها شي انويه لله مولرضاها

الله يسخرها لك