تجربتي مع حبوب الريكوتين الكارثة

[َهاجسََ]

مرحبا خواتي

العنوان واضح انه عن حبوب الركوتين لحب الشباب

طبعا من الضغط النفسي استوى في ويهي وايد حبوب واثار وكنت اهملهن

عقي كمن سنة سرت عند دكتورة و قالت لي احسن حل الريكوتين

سألت وكل حد قالي خذيهن عادي

والدكتورة ركزت لي اكثر على سالفة منع الحمل و التحليل الدم الشهري

انا اعرف الحبوب خطيرة بس ما اتوقعت بتأثر جي لان كل حد ياخذهن

المهم استخدمتهن 3 شهور

بدا ويهي يصفى

بدت صحتي تتدهور

ما اعرف شو فيني بالضبط

ما اقدر اوقف حتى الصلاة وانا يالسة

دوخة
وصداع
وزغللة في العين
وهبوط في كل شي
وعدم القدرة على النوم
ما اقدر اداوم ولا ايلس جدام الكمبيوتر

تعبت وااااايد

وسرت المستشفى قالولي هاي اعراض الاكتئاب

وحولني على دكتور اعصاب

االلي يبغي يسويلي طبعا تحليل دم شامل و امراي على المخ

وعقب كتبلي فيتامينات في الوقت الحاضر

قتله دكتور انا اخذ الركوتين

قال جييييييييييييييييييييييييه ما قلتي

انتي ما تعرفين انه الاكتئاب من اعراض الدوا الجانبية

بصراحة انا ما توقعت اتعب جي

قالي ها الدوا يصفي الويه بس يسوي بلاوي بلاوي في الجسم

وايد اتينا حالات سببها ها الدوا

الحين وقفته

بس بعدني تعبانه يعني شويه جي وشويه جيه

الحمدالله احسن عن قبل وايد

طبعا لازم ما اخذ دوا لان الدوا لازم ينسحب من جسمي شوي شوي

بس من التعب قلت بجرب الطب البديب

بسير اسوي ابر صينية

يوم شافني الدكتور الصيني قال انتي جسمج متروس سموم

و خلل في الهرمونات ( الركوتين يسبب هالشي لانه يبدل هرمونات الجسم)

ادعولي الله يعافيني

واللي عندها افكار كيف اقدر اتخلص من السموم بسرعة تخبرني الله يخليكم

وحذاري من الريكوتين​

 

[قوية بإيماني]

الله يكتب لي ولك العا فيه وللمسلمين والمسلمات يارب

 

[َهاجسََ]

يزاج الله ألف خير الغالية

 

[الفرس001]

الله يشافيك وعافيك وما تشوفين شر إن شاء الله

 

[MiSs_UsA]

أختي العزيزه اتمنااااالج الشفااء العاااجل وحاااااسبي عدل على رووووحج خااصتاااا انتي متزوجه سبحاااان الله تحمليييين وهاااااي الحبوب خطيييره جدااا للمتزوجه
بالتوفييييق ان شاءالله

 

[البعد همي]

شفاك الله وعافاك حاولي تعوضي بشرب الفيتامينات واكل الفواكه والخضار وشرب العصاير الطازجه والاغذيه المفيده

 

[جاذبية لاتقاوم]

الله يشافيك ياقلبي

 

[اليقين 70]

ربي يشفيك ويشفينا ويشفي كل مريض من أمة حبيبنا محمد صلى الله عليه وسلم

 

[شماليهje شرقيه]

سلامتج حبيبتي ماتشوفين شر

حسبي الله على الريكوتين ( فيس منقهر)

المهم

انصحك اشربي مويه كثير

اعملي رياضه كثيييير

اكلي فواكه وخضروات عضويه خاليه من السموم

وركزي على الاكل اللي خالي من المواد الحافظه عشان تساعدين جسمج يتخلص من السموم بسسسرعه

يعني استبدلي المكرونه والرز الابيض بالاسمر والطحين الابيض بالبر وهكذا ..

ركزي على العصيرات الطازجه

ونصيحه مهمه لازم تسوينها طبعا بعد التوكل على الله والدعاء في السجود ان الله يشافيج

لازم كل ماتصحين من النوم تاخذين قلاص ماي وتحطين فيه ملعقة عسل اصلي وتقرين فيه الفاتحه واية الكرسي والمعوذات وتقولين بسم الله اللهم اجعل فيه الشفاء والعافيه من كل بلاء وتشربينه وياليت تاخذين معاه سبع حبات سودا البركه

ومالنا الا الدعاء لج

وطمنينا عليج