تجاربكم الحرمه الاولى (انقذوني بخبرتكم بموت قهر)

[فقدتك.]

السلام عليكم
اتمنى تقبلوني ضيفه جديده. انا الاولى

حسبي الله ونعم الوكيل
انا متزوجه وعمري 15سنه
وجبت ولدين وبنتين وتركت الدراسه عشان العيال وعشانه
بعد مرور 10سنوات من الحن والزن انه يبي يتزوج
وبعد انجابي البنت الرابعه في فتره النفاس اكتشفت انه ملك على وحده مونفس منطقتي
وواجهته وقال انه يتيمه وانها تبي تجلس عن خوانه تربيهم ويطلع ابن الحلال انه يدور الاجر
وكان يقولي وقدام اهلي انها مدرسه وبحكم عملها ماراح تجي الإجازات فقط
وانا رضيت على انه اهون من غيري الي مقابلينهم يوم هنا ويوم هنا
والله قلبي ينزف دم يوم تجي بالاجازات
المهم عنده طفلين ولد وبنت
والحين بعد مرور اربع سنوات
تخيلو الصدمه نقلت بالمنطقه اللي انا فيها
انا جن جنوني وقلت يأنا ولاهي هذا الشرط اللي انت شرطته على نفسك وأنا مارضيت الا على كذا

ياحريم خبرتكم وتجاربكم

انا قلتله ابي الطلاق وخله تكمل معك مشوار حياتك وعيالي ماابغاهم خلهم لك
هو رفض تماماً قال انااحبك
قلتله بلاكذب اللي يحب ينفذ كلمته قال هي نقلت وقلت ليش ماقلتله انك قايلي انه ماتجي قال مستحيل
وقالي تبين الطلاق ادفعي 200الف وطلقك
قلتله اوكي بكلم زوجتك وقوله الوضع راح تعطيني بدال 200 اربع ميه
بس اخليك له
هو قال والله ان سويتيها اطلقكم انتي وياها

قلت دامه كذا اجل تعطيني 5000ريال شهري خاص لي ورفض بس على فكره انا شارطه عليه قبل يتزوج 2000وكل شهر يعطيني بس الحين قلتله خمسه الاف. ورفض تماماً
قلت اجل انا جلس على عيالي ومالك علاقه فيني انت بغرفه وانا بغرفه قالي يصير خير
انصحوني بنات وش الحل انا عمري 29وهي اكبر مني
احس تفكيري وقف ابي الراحه النفسيه والله بموت قهر**تعودت وتأقلمت على الوضع الاجازات وانه يكون عندنا باوقات كثيره يابنات الله يوفقكم انا بأمس الحاجه للقرار
من يوم قال الخبر هو بغرفه وانا بغرفه ومانقعد مع بعض

 

[صبا الزمان]

السلام عليكم
اختي صراحه لازم تكوني انتي الاساس ولاتنازلين عن حقج وعيالج ولاشي انتي الثابته والباقي يروحون لاتعاندين واستخدمي ذكاءك بس ماتنازلين عن حقج ابدا وفعلا حاولي يرفع مصروفك وبلاطلاق ولاشي واذا قدرتي تسلين نفسك بعمل او هوايه تشتغلي عليها بعد حلو وايد ويشوفك تغيرتي وشي ماينفرط فيه وتوكلي على الله بكل الاحوال

 

[حبيبة زوجها ميم]

الله يصبرك

خليك ذكية ولالالالالالا تتركينه لها -مو محبة فية لكن مستقبلك انتي وعيالك
والله اذا تطلقتي ذاك السااااااااعه تعضين اصابعك ندمممممممممم
فاهمة ؟!!!!!!!!!!!
انا بقولك ع شغلة مهمة
فية موضوعين بالمنتدى حيييييييييل راح ينفعونك -والله نفعوني كثيييييييييير
وصرت حرمة ذكية
اقريها وطبقيها بحياتك وادعي لي بالولد الصالح

دقيقة بنزل لك الرابط

 

[حبيبة زوجها ميم]

خلاصة تجربتي من زواجه علي ونصايحي للزوجات الاوليات (زوجات ناجحات)

http://www.niswh.com/vb/showthread.php?t=241393
​

تجمع خآص لمن تغلبت على عشيقة زوجها بمكرها وحكمتها ~هيا فلنرفع رآية الأمل والنصر ~

http://www.niswh.com/vb/showthread.php?t=245726
​

خلني اكون صريحة معاكم (لن اكون السنفور الطيبة بعد اليوم )

http://www.niswh.com/vb/showthread.php?t=334717

​

[FONT=Arial (Arabic)][FONT=Arial (Arabic)]

حبيبتي هدي المواضيع مهمه جدآآآآآآآآآآآ جدآآآآآآآ

اقرايها من البداية للنهاية مع ردود العضوااااااااااات مهمه كمان كثيييييييييييييييير
​

وربي ينصرك
[/FONT][/FONT]

 

[اميره الذوق]

ربي يفرج همك..اهو ايش نمطه؟؟

انتي توك صغيره وماشاء الله عندك اطفال وعيال واتوقع انك راح تأجلي فكرة الاطفال الحين..التفتي لنفسك وشوفي ايش ناقصها..

كملي دراستك وجيبي شغالها تساعدك في البيت..طوري من نفسك..

 

[رحـى]

مساكِ ورد و ياسمين,,
إستهدي بالله,,صحتكِ بالدنيا,,غيرك 29 و أكثر و لسة شباب في قمة النشاط,,
,كثرة تفكيركِ بيها,تكبر بعقلك من غير داعي,,
إستهدي بالله,,
إعتبري زوجكِ الغالي ما عندو زوجة ثانية,,و عيشي حياتكِ عادي,,ولا تتنازلين عن حقوقكِ الأساسية,,وتفتحي موال الطلاق,لأن هذا مو حل,,و دايماً شوفي محاسن و إيجابيات
زوجكِ الغالي,,إجذبيه لكِ,وبعدل,و لا تخلي الشيطان يفتح عليكِ باب ما له أول و لا آخر,,
أقلها زوجكِ الغالي يجيكِ على بينة واضحة,و طلب الزواج,,و يخبركِ بنفسه,,
إقرأي أكثر في سيرة الصحابيات,,خلي بيتكِ جنة مفرفشة,,و عامر بذكر الله الحي القيوم,,
ماشاءالله,,الملكات ما قصروا,,وخدي من تجاربهم ما يفيدكِ بحالتكِ,بعد ما تتوكلي على الله رب العباد,,
شوفي حياتكِ,,و طوري حالكِ للأحسن,,مو عشان تقهري الملكة الثانية,أو عشان زوجكِ الغالي يحبكِ أكثر و يداريكِ,,لا,,عشانكِ و بس,,
وبالتوفيق,,

 

[صباح ومساء]

مشكووووووووووووووووووره

 

[عصفورة حبه]

حبيبتي ماالومك واكيد كل زوجة تمر بزوجة ثانيه تنهار
بس صدقيني ماراح يفيدك كل الي قلتيه له لان بتكبر في عينه وانتي الخسرانه واولادك دامهم بصحه وعافيه الحمدالله
طالبي بحقوقك كامله بس بادب واستغفري والاهم يعدل بينكم لاتاخذي الامور بعصبيه وعناد
نصيحه الرجل يحب تكون زوجته واعيه
يعني حببيه لك وتوددي له ويحترمك ويصير يقضي الوقت عندك ومهما كان هذي زوجته سواء اولى او ثانيه
تقبلي مروري

 

[المتفائله1]

hلا غلط فطرتك تعوذي من الشيطان ودايم قولي لنفسك قضاء وقدر قدر الله ماشاء فعل واحمدي ربك اهون من غيرك وحولي تاقبمي نفسك بس اهم شي لا تسمحين للناس يتكلموا قدامك عن هذا الموضوع حتى اهلك قولي لاي احد يسال ةلا يتلقف قر الله وماابي لتكلم بهذا الموضوع اسمحيلي وبس وخليك واثقه وان تضايقتي مره اكتبي بورقه الاشياء الي تضايقك وبعدين احرقيها طريقه فعاله لتخفيف الضغط النفسي ولاتنسين الدعاء والاستغفار الله يعينك

 

[ღ لحن الحياة ღ]

أختي :: أساسا شرطك باطل لأنه خالف أمر الله تعالى وكل مايخالف شرعه باطل

كيف تشرطين أن لا يقسم العدل وأن لايجلبها في منطقته ؟؟ هذا ظلم بحقهـا والله لن يقبل هذا الظلم فلا تجبريه

هو تزوج وانتهى وانجب منها فلا تجعلي غيرتك العميا توقعك في معصية الخالق

الدنيا زائلـة وليست أبدية ,, توكلي على الله واتقيه وارمي همومك واحمالك عليه ولا تظلمي أحد

فصدقيني ماقام به زوجك حلااااااااااااال ولايجوز لك الا القبول والصبر

وفقك الله واياه لكل خير ​

 

[ام لموووو]

انتي الاولى الاولى الاولى والغاليه اكيد لان دايم الاولى هي الغاليه عند زوجها والمفضله -الثانيه ماعليك منها ابدا ولااااتعتبرينها موجوده-وخلك مثل ماكنتي اول واحسن البسي وتعطري واهتمي بنفسك وبعيالك وزوجك دلعيه وشوفي يش الشي اللي اكثر شي يحبه وسويه له باستمرار\ولاتحاولين انك تتكلمين بزوجته الثانيه الا بكل خير لانها هي برضه مالها ذنب -واهم شي خلي زوجك يمشي لك مصروف كل شهر والله يسعدك يااارب

 

[الخد الوردي]

حاولي تنقصي المصروف الشهري من 5000ريال الى 3500 او 3000 ريال
الله يوفقك ويسر امرك

 

[DHN 3oOD]

ومن الخسران من هالحركة ! صدقيني انتي ..
خلاص ريلج تزوج وجاب عيال منها اختي اني تشرطين عليها سكنها ليش !!! هي شاطره تبي زوجها وانتي سويتي العكس خليته لها !!! **

 

[زحل..]

اكيد انك تعبانه ومومرتاحة ومحد يلومك بس فكري فيها هذي برضوا زوجته وانك تطالبيه يطلقها حرام الله حرم هالشي من فوق سبع سماوات انتي مافكرتي بعياله منها وش ذنبهم يعيشون مشتتين او انك تشتتين عيالك
الاطفال مالهم ذنب ابدا وهي زوجته من حقها مثل ما لك لها هذي من الناحية الشرعيه
الله يهديك لزوجك ويهديه لك وشوفي النواحي الايجابية مو مقصر عليك بشي ومصروفك 2000 ومعززك ومكرمك حرام تخسري كل هذا ارجعي لزوجك وتحملي الوضع واحتسبي الاجر والله يهونها عليكي يارب
تحياتي لك

 

[مهره أصيلة]

يالغلا أنتي متوقعة أنها راح تقيم بمنطقتها ع طول وهي مرتاحة مع زوجك وعندها أطفال ؟؟
أصلآ نقلها لديرتك دلالة ع أنها مرتاحة مع زوجك

أنا برأيي أستهدي بالله ولا تشتتين أطفالك بسبب عنادك ولا تكرهين زوجك فيك خاصة أنه الآن هي قربت منه يعني لو أستمر حالكم كذا أخر شي راح يطفش ويومك يبات فيه عندها لا تخلين الأمور تسلك هذا الطريق أكسبي زوجك وبيتك وعيالك

حببيه للبيت بأناقتك وبكلامك الحلو وعطرك وأبتسامتك ونظافة بيتك وعيالك وكشختهم وهدوئهم خليه يقارن ويلاقي الفرق وين ويعرف راحته عندك

هل ترضين أن زوجك يجي يوم القيامة وشقه مائل ؟ وتذكري أنتي اللي تبينه ما يعدل

تربي أفكارك وراجعي نفسك وأدعي الله دوم أنه يجنبك شر ضرتك إذا بها شر ويجعل كيدها بنحرها ​

 

[قاهرة الزمان]

لا ياغبيه ولاتزعلين من كلامي خليك مع زوجك لاتخلين له فرصه كل يوم معها والله ليطير زوجك منك خليك عضم بحلقه لين تنفجر وتنقهر زي ماقهروك وبعدين اهم شيء العدل ليله عندك وليله عند العله الله ياخذهن ترى كبدي مفقوعه منهن خطافات الرجال

 

[جرحني انسان]

نصيحتي لك ياأختي وأنا أسوأ حال منك

لاتتنازلين عن حقك وحق عيالك في زوجك

حطي في راسك ياأنا ياهي

خليها مثل مانقول معركة باردة بدون أسلحة

أنا مثلك زوجه أولى كلنا بالهوى سواااا

لكن وربي أظن بأن زوجك أفضل من زوجي أهمها يصرف عليكي وإحمدي ربك

غيرك والله زوجها من أول مايأخذ الثانيه ينسى الأولى وعياله منها,,

وليش تطلبين الطلاق؟؟؟ بس لأنه تزوج؟؟ المشكله هو قالك بأمر زواجه مو مثلي حطها على راسي وانا نافس دون ماأدري غير من الناس دريت,,

كنت مثلك أقول ماني متعوده على غيابه عني ,, أقول أموت أطفش,,
لكن بأياام غيابه عنك لزوجته الثانيه خليها فرصة لك تهتمين بنفسك وأولادك,,وترتبين خطط وبرامج لإستقبال زوجك في اليوم التالي,,
وخذيها مني الرجل مايحب غير الحرمه اللي يلقى عندها الراحة,,وإنتي كذا بتوترينه وتكرهينه العيشه معك غصب,وبيظطر يروح للثانيه حتى لو هو يحبك ويكرهها,,

وبعدين لاتنسين عنده أطفال منها,,لهم حق بأبوهم مثل مالأولادك حق فيه,,خليك واقعيه لاتغلبك عاطفتك,,

زوجي متزوج علي من 3سنين و8شهور يعني مثلك كنت مجروحه أكثر من جرحك,,قلبك ينزف وقلبي ينزف وهم ينزفون لعرايسهم,,

إستهدي بالله ولاتطلبين الطلاااق وتفتحين على نفسك بااااب إنت في غنى عنه,,بيني لزوجك من غيرتك عليه ماتقدري تتحملي الوضع,,ع الأقل يراعي مشاعرك مو مثل الدفش اللي عندي,,

 

[ملكة اريندال]

قاهرة الزمان اسمك روعة ويجنن يعطي الاحساس بالقوة والتحدي وكلنا مقروصات من الضرة لكن ما باليد حيلة انا حاربت حروب الابطال من اجل الحفاظ على زوجي لكن احنا مسلمين والنا سقف الاسلام والاسلام امرى الرجال بالعدل ولو احنا وقفنا في طريقهم يرجع النا الاثم والله المستعان هي نار واى نار لكن كل انسان مبتلى في هذه الحياة بلوة وجود ضرة ارحم واهون مليون مرة من بلوتنا بعيد الشر في صحتنا او صحة اولادنا طنشي وجودها اختي العزيزة وعيشي حياتك طبيعي وخليكي فعلا قاهرة الزمان والمكان وكل الرجال وشكرا

 

[مــــرح]

سبحان الله انتي من الناس اللي تدور المنغصات والمشاكل .. طيب ايش فيها لو فكرتي تكونو مع بعض وصاحبات .. ايش فيها لو ماتقدري انك تكوني عاديه وتشوفي نفسك وتنشغلي بتكميل دراستك .. والله الصراحه انا مااقتنع بكذا احس انه تمثليات مؤثره عليكم بقوه قال مااقدر اتحمل .. كيف ايام زمان كانو يتحملو .. عيب والله التفكير الغريب .. يعني بالقوه تبينه يخسرك .. وبعدين تقولي هو قصر معايا .. انتي اللي تدفعيه للتقصير في حقك بتصرفاتك وتخليه يلتفت انه هي افضل منك ليه خليك عاديه .. ومعروف انه الرجال مهما تزوج مايقدر ينسى الاولى الا اذا هي خلته ينساها بتصرفاتها .. كملي دراسه روحي وتعالي وعاد مايحتاج تشببي لانك ماشاء الله صغيره باقي .. يعني انتي اللي رابحة الكفه للحين .. كملي حياتك وسيبيكي الحركات هذه

 

[ذاتية الامل]

مااعرف ليش يدافعون عن الزوج اللى يزوج على مرته الله حلل الزواج اذا كانت مرته بيها شى او مايحبها بس اذا ماكو شى ليش هذا العذاب غاليتى اقراءى قصص ناعمه الهاشمى اكيد راح تفيدج