تبين تركبين ستراس على ظفورج بكل سهولة.. حياج

[danasoon]

يسعدلي صباحكم - مساكن اليوم​

الله يسلمكن المستلزمات كلها من دايسو حبيب الشعب وبالذات في سوالف النيل ارت​

اول شي قبل لا ابدأ انا استخدمت اظافر صناعية حق اللي مثل حالتي ما عندها ظفور موليه وانا اركبهن للمناسبات ويوم ما يكون علي صلاة اما اللي ظفورها ما شالله حلوة وطويلة راح تترك كل الخطوات وبتسوي الخطوة الاخيرة بس ​

اول شي الله يسلمكن انظف ظفورنا ونجهز الظفور الصناعية وانا احب هالنوعية لانه طولها مناسب وما يتعب فالقص والبرد العلبة فيها 10 شرائح من الاظافر وهذي صورته​

​

بعدين هذي صورة الجلو (الصمغ) اللي استخدمه وهذيلا احسن نوعين الاظافر ادوم لفترة طويلة

​

بعدها نرتب الظفر نقصه على الطول اللي نبغيه ونبرده ​

​

اما الان للخطوة المهمة واساس الموضوع الله يسلمكن دايسو منزل فصوص مشكلة جاهزة بس تشلينها وتحطين ع الظفر بدون شل وتركيب وتعب على الظفر بالادوات اللي كنا نستخدمها وهذي صورته​

​

طبعا في اشكال والوان​

وهذي بعض الصور على الاظافر بعد التركيب​

​

​

​

طبعا انا اخترت اخلي الظفر الصناعي بلونه الاصلي عسب الفصوص تبين بس انتوا طبعا تقدرون تصبغونه باللون اللي يعيبكن ​

:shiny:وبس انشالله يكون عجبكن:shiny: ​

من قول​

 

[co0o0ol]

ثنكس اختي .. بعد ما يأست من أظافري ابيهم يطولون بس مافي أمل الحين خلاص اسوي مثلج اركب في المناسبات ووقت الدورة
كنت اشتري كل شي من charming عندنا في مجمع السيف. بس الحين قمت اشتري لي الاظافر بو 100 فلس ( ريال) من البرادة.. حلوين و استخدام واحد و اقطهم . بس ما يكلفوني ,, بس القلو و الريموفر اخدهم من charming .. بس هالمرة باخد بشورش وبجرب دايسو
شكرا على الطريقة الحلوة.. تسلم يدش .. ان شاء الله قريب بسويها

 

[{..ملائكية]

{..

يسلمو ياقلبي ع الموضوع
مرة احب اركب اظافر اصطناعيه
وستراس
احسها ستايل
يعطيج العافيه
..}

 

[كوين فلاور]

سؤال :

1/ كيف تشيلي الظفر الاصطناعي ؟؟؟

2/ كيف يروح الصمغ بد ماتشيلي الظفر ؟؟؟؟

طبعاً ماسبق لي استخدام الاظافر الاصطناعيهـ ،،،

مشكــــــــورهـ عزيزتي ع الطرح ...​

 

[ورده ورديه soso]

ودي اشوف بس الصوره ماطلعت لي
قهررر