تابع (((((حكم القاضي على الزوجين )))))

[صمت وخجل]

القاضي ... الزوج ... الزوجة
الزوج : يالقاضي ابيك تحكم لنا بالعدل .. انا انسان اخطيت والمراه الي معي
هي كانت اغلى نااسي حبيتها اكثر من نفسي وعشنا احلى ايام حياتنا ومن حبي لها صارحتها بعلاقتي
واحتضنتي ,قالت انسى ماصار ونبدا من جديد
الزوجه : جئتك وكلي امل بالله ثم بك يالقاضي ولا اعرف من فين ابدي عجزت احكي نسيت حتى الحروف
زوجي عشقته وحبيته بس جازاني بالظلم والحرمان والقسوة اهملني وعذبني صار هو همي الوحيد رغم ذا كله حاولت اتناسى
وارتمي بااحضانه ...
ـــــــــــــــــــــــــــــــــــــــــــــــــــــــــــــــــ
القاضي :
كل بنئ ادم خطاااء وخير الخطائئين التوابين وياابنتي الله وهو الله غفووور رحيم فنحن البشر لازم نسامح ونتغاظى عن مافات
والحرمة السنعه هي الي تعرف مفاتيح زوجها زوجك ماراح يعااملك بقسوووة الا لانك مااعرفتي مفاتيحه ​

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الزوجه : وماااهي مفاتيح الرجل ؟؟​

القاضي : الهدوء الابتسامة تقوومي بووواجباته احترام اهله اهتمامك بعيالك وقبل كل شئ هل انتي قايمه بذا كله ؟؟
ـــــــــــــــــــــــــــــــــــــــــــــــــــــــ
الزوجه : يالقااااضي اهتم بنفسي البس له واتفنن له بكل شئ وانتظر كلمه مدح انتظر شكر ولا القى الا التكشير في وجهي
والابتساااامه والسوالف للغير ..​

الزوج : بعد ماكانت حنونه صارت متسلطه وتكبرت ولا عاد تسمع كلمتي حتى صارت لغه الحوار معدوومه واذا جلست جنبها
وشافتني سارح تحول حياتي جحيم وتسقيني المر بشكوكها واوهامها....​

الزوجه :تعبت من كثر سهراته ينبسط معي يووم ويبوز اسبوووع ورجع لشلته الفاسده ويقضي وقته من عشيقه لاخرى ...​

ــــــــــــــــــــــــــــــــــــــ
القاااضي : حكمت المحكمه حضووووووريا على الزوجه بنفش الشوووشه والتبووويز في وجهه بعلولها وحكمت على الزوج
بخيااطه فمه لكي لا يكلم ولايبتسم لاحد لكي الزوجه لاتنتظر مدح ولا شكر >>> ياحليله من قااضي شكله عصبي ويحب الهووشات ههههه ....
المراه السنعه تكشخ لنفسها وتهتم ببيتها
وعيالها لانهم من مسؤولياتها وحسن التبعل ولا داعي على كل شئ قدمته تنتظر شكر تخلي كل شئ للاجر .. ايتها الزوجه
الرجل من طبعه الصمت ومن حقه يسررح بخياله لا داعي التنكيد عليه وعليك لاتساليه فاابغض شئ عند الرجل الزن والاسئله
وبقدرتك تنتشليه من اصحاب السوء بااسلوب السياسه عامليه بالاسلوووب الصداقه
ولا تظهري له كرهك لاصحابه اعزميهم في بيتك
لكي يبقى في البيت ويتعووود على منزله ويشعر بالمسؤوليه .... ياايها الزوج المراة منبع الذووق والحنان المراه كتله
من الاحساس يجب عليك مراعاه مشاعرها وعاملها بالتي هي احسن ...​

ـــــــــــــــــــــــــــــــــــــــــــــــــــــــــــــ
الزوج : ياسيدي القاضي هي كانت نظر عيني وكانت طلباتها اوامر وفجاه تغيرت تبيني اتغير واصير لها لوحدها بس خلاص
ماراح تمشيني ع كيفها زمن اول تحول ومات الغلا الي بيني وبينها ...​

الزوجه : سيدي انا تحملت صده وهجرانه شوقه تغير عن هوى داري مركب غرامه تاه وتوهني وللحين اعاني من جراحه
تعبت اوجهه خلاص خليه يوفر كلامه يوفر اعذاره تعبت اشكيه حتى لاقرب نااسه بس مانفع معه اللوم ..​

ـــــــــــــــــــــــــــــــــــــــــــــــــ
القاضي : ياايتها الزوجه لاتفكري ان تتحكمي برجل او تغيري شخصيته فالرجال قوامون على النساء فبهذي التصرفات
يكرهك زوجك ويبحث عن غيرك ليشعر برجووولته فاياك عن التسلط واياك من رفع الصوت على زوجك او تحريضه
على اهله وكثره العتاب واللوم يولد الكراهيه .......​

ــــــــــــــــــــــــــــــــــــــــــــــــــــــــــــــ
الزوج : سيدي هي لا تحفظ اسراري على كل كلمه تروح تشكي تحملتها وايد وش تبي اكثر خلاص
ابفهم ليه وباأي وجه تجيني نست وش سوت خلاص هي خسرتني انا ارخصت لها عمري وبيدها هي ضيعتني
بااسلووبها دمرتني وجرحتني جرحها لعب فيني ترى الي فيني كاااااااافيني تبيني اشلون انسى طعناتها ؟؟؟؟؟​

ـــــــــــــــــــــــــــــــــــــــــــــــــــــــــــ
القاضي : حكمت المحكمه بقص لسان المتهمه بسبب نشرها لاسرار بيتها والسماح لزوج بالزواج بالزوجه الي تصون
اسراره <<<< امزح لاحد يااكلني بقشووري
الحكم : ايتها الزوجه احفظي اسرار بيتك وصووني ليصوونك
في حاله افشاك السر لاهله او اهلك بحجه المساعده تراك تطعني زوجك وتهيني كرامته وبيعاندك وبيعمل اي شئ لينتقم منك .....
ـــــــــــــــــــــــــــــــــــــــــــــــــــــــــــــــ​

الزوجه : والله اني احتاجه خليه بجنبي قريب ترى انا من بعده اتووه وعالمي من بعده يضيع وصعب ابعد عن حدوده ....​

الزوج : الله واكبر يالظروف العجيبه ليه الهوى دووم دربه مزروع بالاشواك والشكووك .....
ليه ياسيدي القاضي ان قربت النهاية وصارت الحياة كئيبه تنقلب الحبيبه وتقوول لاتروح انا من بعدك اضيع ؟؟ ​

ـــــــــــــــــــــــــــــــــــــــــــــــــــــــــ​

القاضي : ليه دامك تحبينه وماتقدرري تعيشي من دوووووووونه ليه ماتصوونينه ليه ماتحافظي على بيتك ليه ماتصبري ....​

الزوجه : ياسيدي راضيه بحبه وادري عدونا لا شافنا بخير يغتاض وصدق المشاعر ماتبي اليوم قاضي دام
العطا من بيننا حيل فياض ابي افهم ليييييييه مايباااااااااااااادلني العطا ؟؟؟
ــــــــــــــــــــــــــــــــــــــــــــــــــــــــ
القاضي :
حكمت المحكمه حضووريا على المتهمين بالسجن المؤبد في العش الزوجيه مع الاصلاح اموور حياتهم ....​

ـــــــــــــــــــــــــــــــــــــــــــــــــــــ يتبع ــــــــــــــــــــــــــــــــ

نبدا باليوووم الاوول
طلعو الزوجين من عند القااضي وهم يحملوون الحقد لبعضهم بسبب الصرااااحه والكلماات الجرريحه الي كل منهم
قالها عند القااضي ...
اما القااضي فكاان جالس متكيف بيشررب الشااي ويهووجس لييه النسواااان كفارات العشير
معقووله هالزوجه مالقيت صفه ايجابيه بزوجها بس لو فعلا ماعنده شئ ايجابي ليه متعلقه فيه لهاالدرجه والا تعلقها
فيه خوووفا من كلام الناس وخوف لا ااحد يتشمت فيها ياالله ربي يسعدهم ..​

وفي الطريق
الزوجه تفكر وتسرح ياالله معقووله لهالدرجه يكرهني اه اه معقووله لهالدرجه بايعني وش اسوووي عشان استرجعه
واخليه يحبني .... ​

​

الزوج : ياربي متى افتك من هالنشبه ماتفهم اقوولها ماابيك وهي الا معزمه ترجع لي غصب ياالله بانصبر ان الله مع
الصابرين ...​

ورجعو للبيت جااء وقت النووم وكل واحد همه اكبر من الثاني الزوج همه اشلوون بايقابل هالمراه واشلوون
بيسيب عشيقاته واصحابه
وهالشئ اثر على مزاجه في الايام الاتيه تعالو نشوووووف كيف كانت ايامهم ؟؟؟​

الزوجه قررت التغيير بس اي تغيير ناووويه له ؟؟؟
والزوج ناووي الهررروب والجفا ..​

قامو الصبح والزوجه صحيت وماده البووز بحكم انها باتتغير ( فاهمه الصمت بطريقه خاطئه )
وجابت الفطوور وراحت تصحي اطفالها وكل انواع الصراخ
عشان الحبيب يحس بضيقها ويرحمها ورجعت له تقوول تعال شووف انا اشلوون صابره مع هالعيال الي مدري
طالعين على منو ​

يناظرها الزوج بطرف عينه وقااام ولا رد عليها يقووول اصبحنا واصبح الملك لله ​

ردت اي تطنز استهزاااء يحق لك مو انت الشاب العزووبي الي مالك بالمسؤوليه ​

قام وطلع من البيت لدواااااام وهو متعكر المزاااج بسبب اسلوب الزوجه واول ماوصل الدوام فتح جهاززه لقى رساله
صباح الحب لاحلى حبيب بهالدنيا طمني عليك فطرت والا بعدك .. المرسل (العشيقه )
بدا الهم ينززاح عنه ونسى زوجته ورد على العشيقه طفشااااااااان ابي من يونسني
ردت افا يالغالي وانا وين رحت بااقوم اجهز لك احلى غداااء من احلى يدين وباانتظارك
قام استاذن من الدوااام
وهو كله نشااط متجه للعشيقه واول ماادخل لقى الهدووء وريحه العطوور وهي مستقبلته بالابتسامه واول ماادخل
ارتمت بااحضانه وقاامت وجرته من يدينه قالت تعال نتغدى ميته جووع وتغدوو وفي لحظه الغدى دق جهازه صووت
رساله ( اقووول يافلان المطبخ نااقصه اغراض وانت جااي جيبهم معك ولاتنسى مثل كل مره )
شاف الرساله وتنرفز ورمى بجهازه عالكنبه وكمل لحظات الوناااسه بين المساج والاسترخاء مع العشيقه
والزوجه تحترق في بيتها وتاكل بعمرها وتقووم تصاارخ بعيالها وتروح عالمطبخ وتلهم انواع الاكل تنفس عن غضبها
وتفكر ذا ماينفع معه الطيبه والله لا اوريه العين الحمره خليه بس يرجع ..
قاامت اتصلت الووووووووو مو كانه احد قايل لك نبي الاغراض والا ماتفهم لازم الواحد يحررق عمره عشانك​

قال مشغوول واذا فضيت اجيبهم لك ​

ليه من متى انت بس تفضى انت فااضي للغير اما نحن ناااسينا ​

تبين شئ ثاني يالله وراي شغل​

اي قوول ابي الفكه مني يالله سكر الخط مايحتاج تجااااامل بااااااااي ​

وجاااء الليل وهو لسه مااجاء وهي تنتظر وشوشتها منفووشه وتعضعض بشفايفها اه من الحقير
الي مو معبرني .. ​

سمعت باب الشقه انفتح وقامت ووقفت وحاطه يدها على خصرها المتراكم عليه الشحووم
وقالت سلاااامات تو الناااااااس بدري ياسيدي ماكان تاخرت بعدك شووي
وووووين الاغراض ؟؟؟؟؟؟؟ ​

ننتظر حكم القااااااااااااااااااااااااااااااااااااااضي ؟؟؟؟؟
بس ترى القااضي هالمررررررة بايخربها وبيحكم حكم قاااسي ???
ــــــــــــــــــــــــــــــــــــــــــــــــــ
حكمت المحكمه حضوووريا على المتهمه الزوجه بحلق شعر راسها لكي لاتخووف زوجها بشوشتها وسحب الجوال
من يدها وكسر اليد التي تضعها على خصرها مع وقف التنفيذ ... نصيحه :
الصمت فن لايتقنه الا الاذكياء فياايتها الزوجه
فما أجملك عندما تلزمين الصمت00في أمور تستوجب الصمت ..الصمت هو شي يصعب على الجميع تفسيره
والصمت هو أفضل جواب لبعض الأسئلة ... الصمت لايعني التكشير والتبوويز وخذيها نصيحه عمر التشكي لزوج
ماجاب نتيجه الا يطفشه ويكرررهك زود والصووت العالي والصراخ يفقدك انووثتك فااتمنى لا اشووفكم في المحكمه ​

لاني صار بيني وبين الجنون شعره

...

ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ​

وبعد ايااام كانو الزوجين نائمين ودق صووت المنبه قامت الزوجه وفي داخلها انسانه جديده وراح تبدي يووم جديد وراح تتغير
بس الشيطاااااان حي مامات وقامت تسبحت وصلت وجهزت الفطووور وراحت تصحي زوجها وقبل لاتصحي
قاام باقريح يقرح ويوسوس لها يابنت ترى زوجك رجع لطير يااللي ويخوونك ولو تبي تتاكدي افتحي تيلفونه
وشووفي بداااال ماتصحيه جرت التيلفون وجلست تجرب ارقام لين حصلت على رمز القفل وفتحته ومتشققه
من فرحه لانها باتكشف الجريمه واول مافتحت علطوول لرسائل مالقت شئ وفتحت المكالمات لقت مكالمات
باسامي رجاااال فرحت بداخلها ان زوجها ماخانها بس باقريح شااطر قال لاترووحي يابراقش روحي افتحي السجل وفي
نفس اللحظه صحى زوجها وشاااافها وعصب وصارخ عليها ويقوول لين متى الشك وشو لك تفتحي جهاززي
والله لو اشووفك ماسكه جهازي لاكسر خشمك ذاك الي كاااانه خرطووم فيل قاامت تبكي وتصيح وباقريح ماخلاها
تقوول دامه رافضني لا افتح جهاااااااازه اكييييييييد مخبي عني شئ اكيييد خاايف لانه رجع للخيانه وقام الزوج تسبح ولبس
وراح الدووام على لحم بطنه >>> رحمته والله لان الجوووع سلطان ههههه ​

وبدات الزوجه بالمناحه وتندب حظها وتفكر يعني انا مو بحلوة اثاريني خشمي مثل الفيل ابي اتغير ابي اعدل خشمي اكيد
هو خانني عشااااااان خشمي كانه خشم فيل وترجع تبكي وتركض للاب وتفتح العم قوقل علاج لتصغير الخشم
وتشكي لصاحباتها من عندها حل للخشم ... وترجع تهووجس انا لازم امسك عليه دليل واربيه واخليه
يتادب عشاان مايخوون ... ​

والاخ في الدوام مرتاح فطر مع اصحاابه وبيسوولف واتفق مع ربعه على انهم يطلعو
بليل يسهرو ونااسي ان في وحده تبكي في البيت ومعذبه روحها .. ​

وتركض على التلفوون وتروح على الرسائل
وترسل له حبيبي ليه تعاملني كذا ليه تقوول لي براطيمي مثل البعير اقصد خشمي مثل الفيل حبيبي انا اسوي
لك كل شئ وانت تجازيني هيك حبيبي ليه ماترضى اني افتح جهازك ليه ماتخليني اتطمن انك ماتخوون
وهو شاف المسجات زاد كرهه لها يقوول في خاطره ياربي شكاكه وبكايه وفوق ذا كله ماعندها ثقه بنفسها
وطنش رسائلها ​

وكانت تنتظر الرد ويوم ملت الزوجه اتصلت به تقوول ليه مطنشني اكيد موفاضي لي مع خوياتك .. ​

يتنهد الزوج
يابنت الناس افهمي انا في الدوااااام وماني فاضي لرسائل وان رجعت البيت نتفاهم ويسكر الخط​

تجلس تنتظره
يجي من الدوام عشان تشكي له من نفسه وتمر السااااعات وتسمع صوت الباب وتجي ركض لعنده مبتسمه ابتسامه
صفراء وتقول تبي غداء والا متغدي ..​

يقوول متغدي ترد اووووووف اكييد متغدي مع اصحاب السوء
وتاركني هوون ميته جووع كان خبرتني عشان اتغدى​

يرد الزوج لاحووول ولا قوة الا بالله راح تخليني انام
جاي مرهق وتعبان
ترد ابي اعررف ليه مطنشني يرد الزوج انام والا اطلع واخلي لك البيت تقوول عطيني تيلفوونك
واتجه لينام وهو معصب ودفها وانسدح نام​

وهي مستمره بالمسلسل الحزين والنحيب وياويل احد من العيال يجي صووبها
والحبيب صحى المغرب تسبح ولبس وطلع يسهر مع الشباب سوالف وضحك ووناسه ​

ويوم شافته بايطلع ركضت للباب
تعال انت مو كانك غلطت علي ولا كان في احد بهالبيت حرام نسيت ان لك زوجه وعيال يااخي ارحم عيالك ...​

الزوج تعود على هالمووااااااال طنش وطلع ... ​

وهي قامت اتصلت بصاحبتها تشكي لها الحال وتقوول لها صاحبتها
زوجك مب طبيعي لايكوون متزوج مسياااار يااختي تاكدي لاتضيعي زوجك من يدك بيني له انك عارفه كل شئ
وفتشي لين تلقي وش الي مخليه كذا والا انتي وش حلاتك ماشاء الله مليوون من يتمناك سكرت الخط وجلست
تهووجس بكلام صاحبتها ونامو الناس والزوجه مخاويه الليل هي وباقريح لين شررف الحبيب دخل ولا كلمها ​

وتركته لين يدخل الحمام وركض عالتلفوون وتفتحه وتلاقي ذيك الرساله الي هزت كيانها تعرررررررفون وش هي الرساله ؟؟​

​

(احبك حب المشط للكشة و أحبك حب الدجاج للعشة و أحبك حب الروح للخشة ) ​

وانهارت بالبكا تقول في خاطرها اثاريها صاحبتي صادقه
الرجال متزوج الا من ذي الي باتقوووول له احبك​

وطلع هو وشافها ماسكه الجواااال والدمووع على خدها تضايق ماعرف
يقووم يكفخها في نفس الوقت رحمها جااء صوبها قال علامك ​

قالت اثاريني شكي بمحله والا من ذي الي تقولك احبك
لاتقول صاحبك الصاحب ماراح يقوول احبك ​

هوون فلتت اعصابه وقام يسبها ويصارخ ومسكها من شوشتها وضربها
ورجع لسريره تقلب لين يناام ...... ​

يووم شافته نام سرقت مفتاح السياره ونزلت تفتش عسى تلقي دليل عالجريمه
ولقت جوااااااااااال كله كلام حب ورسائل ومقاطع رجعت وهمووم الدنيا تثاقلت عليها وحياة كلها نكد قررت تااخذ ملابسها
ورجعت بيت ابووها محمله بااطفال مالهم ذنب...​

والحبيب مطنش وصارت تفكيرها ليه مااتصل فيني ليه مايبي يتطمن على
عياله اه اه وفي يووم وهي جالسه تفكر الا تجيها ذيك الفكره الجهنميه وتقول هزني الشووق لك يالحبيب وترسله مسج ​

وتغلى ومارد عليها
بعد ايام اتصل يقوول ترجعين او ورقتك باتووصلك تقووم تلم عيالها وتقووول برجع معك مو مصدقه انه رد وخافت من الطلاق ..​

... وقضت ايامها بين صرراع الشك والذل
وقررو يروحوو لعند القااااااااااااضي عشان ينصفهم ويعطيهم حل لهالمشااااااكل ؟؟​

ــــــــــــــــــــــــــــــــــــــــــــــــــ​

القااااااضي : لاحول ولا قووة الا باالله حكمت المحكمه على الزوج بالزواج بالزوجه الثانيه >>> جاءك الموت ياتارك الصلاه
ايتها الزوجه هل تعلمي اذا دخل الشك للحياه الزوجيه فعلى الدنيا السلام انتي من جنيتي على نفسك بالشك وعدم الثقه بالنفس
وبااخذ اراء الاخرين انتي من ذليتي نفسك وبقوولك يستاهل البرد من ضيع دفاءه انتي ضيعتي زوجك بتصررفاتك ثقي بنفسك
لاتسمحي لا احد ان يهينك .... تعالي شووي ايتها الزوجه تذكرت شئ هل يووم حصلتي دليل على خيانته استفدتي شئ
هل تاااااااب هل اعترف ... ويوم رحتي لاهلك استفدتي شئ هل حسمتي الامر والا رجعتي بلا كرامه
>> كانك يابوزيد ماغزيت
وتذكري يالزوجه هالكلمات احفظيها وضعيها في الصميم :
فكر دائما فيما ((يسعدك)).. وابتعد دائما عما (( يقلقك ))**
الثقة بالنفس طريق ((النجاح)) .**
رؤيتك السلبية لنفسك سبب فشلك في الحياة
** لا تستمع لأي شخص يسبب لك إحباطات أو يقلل من طموحاتك.**​

ـــــــــــــــــــــــــــ يتبع ـــــــــــــــــــــــــــــــ ​

​

 

[المتحرحرة]

حلووووووووووووووووووووووووووووووو
الله يبعد الشك عنااااااااااااااااااااا
كملي يالغاليه فنتظارج........................

 

[نور البنفسج]

صحيح كلامك درر اختي صمت
وجزاك الله علي الطرح الجميل والممتع
بصراحه المراة مسكينه تغبر علا روحها
الزوج يبي له لسان حلو
يبي له دلع بسنع
وطيب عشرة
الله يهدي كل ازواجنا ويسخرهم ويجعل الله لذتهم بالحلال ويحرمهم لذة الحرام

 

[اسيرة الايام]

كم انت رائعة
وكلامك جميل
متابعين

 

[مرعوبة وخايفه]

كلامك جميل خالص
يا رب كلنا نقتنع بيه ونعمل بيه ​

 

[$دمعه غلا$]

ياحليل القاضي الا هو وين كان مختفي الله يعبنه بس

 

[موج الحنان]

استغفر الله واتوب الية

 

[س ر]

ههههههههه حلو كلامك ياحليله ها لقاضي

1. ننتضر المزيد

 

[صمت وخجل]

ثانكس حبيباتي عالمررررررررررررررررررررررور​

 

[الريم 2008]

جالسة أقرأ الموضوع ومنسجمة واجد أعجبني

يوم خلصت أنتبهت للي كاتبه أثاريها صموته وأنا أقول ليش الموضوع حلو

موفقه يالغلا ننتظر منك المزيد

 

[الورده الشرقيه]

بارك الله فيك صمت
مبدعه ماشاء الله عليك​

 

[نفسي طموح]

جزاك الله خير

 

[hmas]

تسلمين على الموضوع
ياليت نستفيد من أخطاء هالازواج وما نطيح فيها
بس ,,,,,,, هالقاضي وين نلقاه بأي محكمه !!!!!

 

[صمت وخجل]

جالسة أقرأ الموضوع ومنسجمة واجد أعجبني

يوم خلصت أنتبهت للي كاتبه أثاريها صموته وأنا أقول ليش الموضوع حلو

موفقه يالغلا ننتظر منك المزيد

ههههههههههههه تسلمي ع كلامك الحلوووووووووووووو ​

 

[صمت وخجل]

بارك الله فيك صمت


مبدعه ماشاء الله عليك​

تسلمي خيتو ​

 

[صمت وخجل]

جزاك الله خير

ويــــــــــــــــــــــــــاك​

 

[صمت وخجل]

تسلمين على الموضوع
ياليت نستفيد من أخطاء هالازواج وما نطيح فيها
بس ,,,,,,, هالقاضي وين نلقاه بأي محكمه !!!!!

القاضي اعتزل بعد هالعائله ماطفشوووووووه هههههههههههههههه​

 

[صمت وخجل]

الوردة الشرقيه تسلمين خيتو على التثبيت ​

 

[ام عبدالعزيز33]

ماشاء الله عليك مبدعه كعادتك

 

[om.saarah]

رووووعه ماشاء الله

والاسلوب يشد نكمل القصه وجدا واضح

عساج عالقوه صمت وعسى الله يجعله في ميزان حسناتج