بيدق علي .. بعد شوي... شقوله؟؟؟؟؟

[قطوة شرسه]

زوجي راعي سوابق وعلاقات وتونا ماصار لنا شهرين رادين لبعض
كلمني اليوم من الدوام .. وقالي انا اليوم ماني طالع بكمل بالدوام للصبح والمفروض انه يطلع الساعه 12 قلت له عساك ع القوه حبيبي
دقيت على البنك الساعه 1 قبل شوي لقيت انه ساحب من البنك معناته برا دوامه
دقيت عليه وقلتله وينك وقالي بالدوام ... وقلتله انت واحد جذاب ليمتى سوالفك هاذي انا تعبت ومعدت قادره اتحملك خلاص مو مرتاح معاي قولي ومن هالكلام وهو انصدم من كلامي ويحلف لي انه بالدوام وووو......
الى ان سمعت صوت تلفون الدوام يدق عنده وقالوله يجي لين الشغل واقف
وسكر وهو معصب ويقول ادق عليج بعد شوي اشوف اش موضوعج

وانا حدي متوهقه ومدري شقوله
تكفون ردوا علي بسرعه لينه راااح يدق اذا خلص شغله

 

[قطوة شرسه]

اللي امعقدني اشلون ساحب من البنك وهو بالدوام ؟؟؟

 

[الحـ(^-^)ـب]

ما يبيلها تفكير
ساحب عن طريق النت
او حاط اوامر دائمة تسحب اتوماتيكيا بتاريخ معين كل شهر
و في الف طريقة وطريقة ينسحب من الحساب
انتي ليش استعيلتي ليش؟
اي خطوة تقدمين عليها استخيري فيها خاصة اذا كانت خطوة مو متأكده منها!!!

 

[eesad]

اختي اعتذريلو الله يصلحك ومرة ثانية لاتتهوري الله يصلح حالكم ويسخرلك زوجك

 

[papero0o]

الله يهديك اختي لية استعجلتي كان صبرتي و ترى المواجهة بشكل هذا تطير الرجال حتى لو كان هو الغلطان و ماسكة الدليل علية

المواضيع دايما يبيلها حكمة و صبر

بنسبة لموضوعك اذا دق اعتذري بكل بساطة و قولي لة لية شكيتي عادي و قولي والله من خوفي عليك و حبي لك ما ابي اخسرك ...
و لاطفية و راضية بكم كلمة حولة و لاتنسين اذا رجع راضية بطريقتك الخاصة بس بدون مذلة و زعل و ترجي\

راضية بحركتين

دلع و غنج


و الله يسهلك يارب و يخليكم لبعض

 

[ام جنا الكتكوته]

ممكن تقوليله اى كذبه صغيره تبررى بيها موقفك حتى ما يزعل منك وتكبر السالفه مثلا قوليله مرت عليا واحده وقالت لى شوفى زوجك سهران مع مين برا وقوليله شوف مين بقى الى تبغى تهدم حياتك

 

[أم الأقمـــــار]

لاتخنقينه بالحصار وين رحت ووين جيت ترى بيطير منك

 

[ام جنا الكتكوته]

يابنات مش سهل انه يقبل اعتزارها لانه شتمته وغلطت عليه لازم حيله

 

[الزوجه الاولى]

التفاهم زين

 

[شاي بالحبك]

والله حاولت ادبر لك حيله بس مني راعيه حيل للأسف
لاتكذبين قولي له انك دقيتي لان قلبك يحس ان فيه شي وحبيتي تتأكدي
بس اسأل الله في هذه الساعه ان يصلح ذات بينكم ​

 

[**دنيتي حلوه**]

بيني له انك سويتي كذا من شدة حبك له وخوفك عليه وانك ماتبغين تخسرينه
وقولي له مثلا (حبيبي لا تلومني على غيرتي عليك )

 

[قطوة شرسه]

والله ادري اني غلطانه واستعجلت كثير
بس والله ياجماعه محد حاس فيني من كثر ماشفت منه
احس معاد اقدر أشيل هموم بقلبي بعد .. كل مره أقول خلاص ماني سألته
ولاني مجيكه وراه بس والله حبي وغيرتي عليه تجبرني
والخوات اللي قالوا لي صارحيه .. مااقدر لينه مايدري اني ادق على البنك
واذا عرف بتكون هاذي مشكله ثانيه
ابي حيله ذكيه أقولها وأطلع من الموضوع هذا..

 

[قطوة شرسه]

دق .. دق

 

[لبى خفوقه]

ببساطه قولي (ما صدقتك) يعني توقعت انك طلعت من دوامك ما صدقت انك باقي بالدوام

استغبي عليه .. خليك جاهله حتى لو كنتي عارفه ان اللي راح تقوليه بيخليك في باله هبلا

زوجي يصدقني على اي عذر اقول له لأني استهبل عليه وداااااايم اقول (مدري) يعني استهبل واتجاهل حتى لو اعرف

عادي خليه يهاوش ويرفع صوته عادي عادي اهم شي انك تطلعين من هالسالفه

دااايم اذا كنتي غلطانه حطي طرف اصبعك بفمك وافتحي عيونك ااااااخر شي وقولي : هاااااه << يعني خليك طفله

خخخخخخ بيصدق الرجال

كذا بيعذرك..​

 

[بااااتي]

هههه

هلا حبيبتي اهو انكتقولين له امزح علشااااااااااان تتاخر في الدوام واصلح لك جلسه زي ياعسل وابي اتدكد وينك .,
او تحطين نفسك خبله مفهيه خخخخخ كانك مافهمتي ايش يقول
يعني تحطين لسانك في حلقك او
تقولين وحده دقت على الثابت تقول تدرين رجلك وين قولي عاد انا طقتني الشرافه لازم امسكك بالجرم المشهود مادريت ياعمري ان للك اعداءاختااااااااري وحده منهم بينفعونك هههههههههه

 

[قطوة شرسه]

الله يعطيكم العافيه يابنات ... من جد ماقصرتوا
توني الحين سكرت التلفون منه .. والله سبحانه ألهمني فكره
وقلتله حبيبي لا تلومني كنت نايمه وحلمت فيك حلم شين:11: خلاني على طول أدق عليك وأتنرفز وما كنت عارفه شقول..
وطلعت من الموضوع الحمدلله وقالي وهو معصب مره ثانيه الله يهداج قبل لا تنامين اقري المعوذات والله رفعتيلي ضغطي

 

[زوجة اعز الناس]

هههههههههههههههههههههههههههههههههه احمدي ربك عدت على خير ومره ثانيه لاتتهورين

 

[وحيده في دنياي]

يابنات مش سهل انه يقبل اعتزارها لانه شتمته وغلطت عليه لازم حيله

الحل والحيله عندي انا
تشتري شريحه مايعرفها وتتصل بها على جوالها
وترد لحد دقيقتين وتكسريها عشان مايشوفها
عشان يشوف المكالمه ومدة المكالمه
وتقوله هذي وحده اتصلت وقالت لي هالكلام
حتى شوف رقمها دق واسالها
وهو بيشوفه مغلق

 

[بااااتي]

الله يعطيكم العافيه يابنات ... من جد ماقصرتوا
توني الحين سكرت التلفون منه .. والله سبحانه ألهمني فكره
وقلتله حبيبي لا تلومني كنت نايمه وحلمت فيك حلم شين:11: خلاني على طول أدق عليك وأتنرفز وما كنت عارفه شقول..
وطلعت من الموضوع الحمدلله وقالي وهو معصب مره ثانيه الله يهداج قبل لا تنامين اقري المعوذات والله رفعتيلي ضغطي

والله وطلعتي داهيه هههههههههههه انتي لازم تعلمينا على الدهاااااء
:10::10::10:

 

[غزال شارد]

الحمدلله عدت على خيييييييييييييييير