بيتي وآثاثي و الضيوف

[منه]

بنات أنا في ورطة أريد مساعدة:no:
أنا بالعاصمة وطبعا كل يوم والثاني جايين ضيوف عندنا من المناطق من الأهل ويباتون بعد:icon28: طبعا مع أولادهم المهم مشكلة المطبخ والطبيخ أصبر عليها بس إلي حارق قلبي أثاثي يجو مع أولادهم وينطو على الكنب وإلي ياكل وإلي مادري أيش يسوي عاد أنا أكون مكتومة غيظ ومشكلتي ما أقدر أتكلم:dunno:
وطبعا أمهاتهم ولا على بالهم عادي عندهم :icon28:
وطول فترة وجودهم وأنا أحاتي أثاثي وإكسسوارات بيتي ويرتفع ضغطي منهم تعبت من كثرة الضيوف وهم في تزايد مستمر
إييييييييش أسوووووووي​

 

[الاصيله100]

بعد السلام اسمعي قفلي الغرف المهمه وفيها اثاث غالي واتركي الصاله عاديه وخليهم يسرحون ويمرحون واذا ماعجبهم الوضع يستاجرون شقه وين عايشين ذولا

 

[*ViP*]

نفس الووضع..:icon28:

 

[al jood]

الله يكووووووون في عونك وصبرك وصبرنا
مثل ما قالو حطي الاغراض المهمه في غرفه و عليها والكنت في لبسات كفرات حق الكنتب حطي عليها ولما اروحو شيليه عسب ما يتوصخ هذا الي اقدر اساعدج فيه

 

[نجمه مضئه]

الله يعينك . اللي قاهرني الامهات اللي مايقولون لعيالهم شئ .روحي لبيوتهم تلقين عيالهم قمه الادب .مدري شقولك مافيه حل الا اللي قالو البنات .

 

[رعبووب555]

سكري كل غرف البيت وبس خليلهم صاله وحده تكون فيها قعدتهم في النهار وفي الليل حطيلهم فرش ينامون فيها
والكنب فصلي عند محل المفروشات قطع حمايه تكون من نفس اللون بس اذا توسخت تقدرين تتطلعينها وتغسلين
والاكسسوارات الغاليه واللي تخافين عليها في البدايه خليها عشان يشوفون بيتك حلو
وبعدين اذا جفتي العيال يلعبون فيها شيليها في غرفه ثانيه وسكري عليها
وكذه بترتاحين

 

[نور العيوون]

البناات ماقصرووو
الله يعيين ويصبرك

تقبلى مروورى

 

[منه]

أشكركم يا بنات ونصايحكم حلوة إن شاء الله بطبقها شكرا للجميع

 

[الجعفرية]

عادي اذا وجهتي العيال وقلتي هذا خطأ لاتخربو الاثاث خليهم الي يرضى يرضى والي مايرضى لايجي
انا والله ماعلي من أحد اهم شي بيتي ونظافته

 

[هجوره]

ياقلبي يقولك المثل (كلمه تستحي منها بدها)
انتي ماراح تتضايقي لمن تكوني صريحه وتقولين يا ام فلانه امسكو عيالكم شوي
هذي مو وقاحه مع احترامي هذي صراحه واذا انتي بتجاملي راح تجاملي على حساب نفسك ياقلبي ولا قولي لاولدهم بس يابابا بس ياماما عيب مايصلح ومن هالكلام هذا مو معناته انك ما تبينهم لا بس يخلون نفسهم مكانك انا مو عارفه ليش الناس ماتحترم وجهة نظر الاخرين تزعل سوانا جاملتي ولا ما جاملتي ولا عندي لك راي اعزميهم في شاليه ولا استراحه وريحي مخك وموفقه يارب معليش ممكن يكون كلامي قاسي بس ياقلبي انتي راح تجاملي على حساب نفسك ولا تحمسين وتقهرين في نفسك والله مايسوى عليك ياشيخه وسعي صدرك مثل ما قلت اول مره (كلمه تستحي منها بدها) الواحد يكون صريح بس مو لدرجة الوقحه لا بالعكس ياقلبي عشان ترتاحي الله يريح قلبك وبالك ويسعدك انشالله

 

[جروحي كبار]

لابغى يجيك ضيوف شيلي الي تخافين عليه لاكنتي تستحين
والا هاااااااااااااوشي والله لاصاروا امهاتهم عادي اعليك
اهم شي بيتك

 

[وأورق الشجر]

اااااااااااااااه بس اااه من الضيوف ثقال الدم انا اللحين اعيش في شقة صغيرة والضيوف زي النمل والله انا عادي عندي بالعكس ما اتضايق بس المشكلة الاولاد الصغار خراب يسوون الله لايوريكم
ما اقول الا الله يعين لما تستوي الفيلا على خير بتكون زي المتحف عندهم بيجوون عشان يباركون ولا ادري وش الاحتياطات الي اسوي عشان يسلم الاثاث من الخراب المبكر

 

[RedRose]

حطي في الغرفة اللي ينامو فيها تلفزيون ودي في دي واشتري اشرطة كرتون او بلاي ستيشن وخلي عيالهم ينشغلون فيهم

وزي ما قالوا البنات : فصلي شراشف للكنب اللي في الصالة او ما يجو خليهم شوي بعدين جيبيها وغطي الكنب . وقفلي كل الغرف الثانية , حتى المطبخ اذا كانو العيال من النوع اللي يدخلون المطبخ يحوسن قفليه وقلي اخاف عليهم من النار او السكاكين ,,

والله يعينك

 

[^غلا دبي^]

الاخوات ما قصروا

وشاركوا بخبراتهم

يعطيهم العافيه






يغلق الموضوع