بيتي بينخرب

[الفراشة الحائرة]

وحشني المنتدى خصوصا البنات والمتزوجات الي فيه عالعموم بعد التحية والاشتياق داخلة على الله ثم عليكم يابلقيسياتي امس كنت ادور رقم صندوق البريد حق زوجي وبحثت في كل الاوراق مالقيته قلت ادور بكمبيوتره وبحثت وليتني مابحثت لقيت صور لنساء عاريات وصور جنسية قشعر بدني لما شفتها والادهى والامر لقيت محادثاته على الماسنجر مع بنات والمشكلة يتكلم معهم مثل مايكلمني في حياتنا الزوجية ووحده مرسلتله بوسة في مكان بجسمه استحي اني اقوله وقمت ونقلت كل محادثاته على اليو اس بي تبعي علشان اواجه ونفسيتي مايعلم بها الا الله ودايم ابكي واصيح ليه يخوني وعمري ماقصرت عنه بشي وانا متعوده كل خميس اروح لاهلي ولمل دققت في تواريخ المحادثات اكتشفت ان بعضها تكون يوم الخميس هو يقول انه بيخرج يسهر مع اصحابه ولكن هو يجلس في البيت عالماسنجر مع بنات الحرام وانا مادري ايش اسوي انا عصبية جدا واخاف اتهور واخرب بيتي في لحظة غضب بس قلت اشوف اراء اخواتي البلقيسيات ساعوني انشاءالله ربي يفتح لكم ابواب الجنة

 

[شوق المزون]

هلا اختي من راي تاخذين اميلاتهم وتهددينهم

 

[خوااااطر]

اتشرف اكون اول وحده ترد
اول شي وحدي الله وتوكلي عليه
اختي العزيزه الحياة كلها مفاجآت
خيانة الرجل لاعلاقة لها بالتقصير بواجباتك
انما رغبة الرجل للاكتشاف والاطلاع وحب المغامرات
اغلب البنات فالمنتدى مرو بنفس الشي وراح تجيك ردود كثير
بس نصيحه مني
الهدوء والتروي
واعطاء الزوج فرصه للعوده لصوابه
لابالهجوم ولا بالتهديد
اقول دائما في كل رد عليكم بالتلميح لابالتصريح
كوني قريبه منه لامراقبه كشرطيه يخاف امامك ومن خلفك الله العالم
لاتجعليه يعلم ان ثقتك به انهزت لان هذي اول خطوه لخسارة الزوج
حين يعلم ان زوجته فقدت الثقه به يذهب لاخرى حتى يكتسب ثقتها
تعاملي معه كمراهق احب ان يخوض تجربه
تقربي منه اعلم هذا صعب الآن ولكن اجعلي عودت
زوجك تحدي بينك وبين نفسك
انا سأعيده بحبي وحناني
انا ساعيده بثقتي الكبيره برب العالمين
ومن يتق الله يجعل له مخرجا
ودمتي

 

[محرومه من زوجي]

مثل ماقالت اختي خواااطر التهور لاينفع...لابد من حل المشكله بهدوء...

 

[ام رموسة]

البنات يفيدونك

 

[ام الغالين8]

والله ارد عليك وانا والله حاسه بحسرتك لكن مالك غير الحوقله والاستغفار والله يزيل همك

 

[نهر الحياه]

الله المستعان كل بيت نفس البلاوي

شو هالرياييل ماشايفين خير شو هالحريم الي مايخافن ربهن

وقالوا أكثر الخيانات الحاصلة لما الحرمة تسير بيت اهلها تنام

المهم أختي أكثر الحلول لهالمشالكل هي :
لا تصارحيه وحطي أدلة معاج احتمال تحتاجينها

عدم المصارحة ليش ؟ عشان ماتفتحي عينه على اللي كشفتيه ويدور مكان ثاني يخونج فيه

الريال مهما غلط يعق اللوم ع الحرمة وبيظل يقولج هذه خصوصياتي ومالج شغل

وبيغير معالملته وياج وبيعصب ..

ولاحظي أكثر الردود لمثل مشكلتج انها عدم المصارحه لأسباب ذكرتها

وأختي مرة ثانية ظلي ف بيتج ومالاداعي تنامي بيت هلج زوريهم وتعالي ارتاحي مع ريلج

المهم ..لا تنسي الاستغفار والتقرب الى الله والدعاء بهداية زوجج ويسخره لج

ثانيا حاولي تحطي صور وعبارات مؤثرة على سطح المكتب مثل عبارات لا تجعل الله أهون الناظرين إليك

وغيري الصور والعبارات كلها عبارات ترهيب ولي ترغيب مثل عذاب القبر والجهنم وغيرها

حاولي تناقشي معاه بصورة غير مباشرة ..انه الريال لما يشوف ف النت شو أسبابه ..

احتمال يقولج نقص او شي مب ع بالج

ولا تنسين تهديدين البنات بس ع ايميل مايعرفه زوجج

ونصيحه كوني حريصة انه مايعرف انج كشفتيه

والله يوفقج

 

[عنقود عنب]

كنت راح اكتب اللي كتبته اختي خواطر

نحط الزين قرب النار ونقول لا تولع !!!

رجال هذه الايام شي مخيف ...لان كل شي متوفر لهم وقريب منهم ...وهم بطبعهم يحبون يجربون ..يعني مو شرط يكون العيب منك او فيك ...لا

اول شي تسوينه لا تتركينه لحالة ابدا

انا اقول اذا والوحده تزوجت ليش كل اسبوع تروح تبات بيت اهلها ...وبيتك وزوجك وين من حساباتك؟؟؟

عزيزتي انا الا اقول لا تذهبي لبيت اهلك ...لا ...بالعكس زوريهم ..لكن المبيت هذا ماله داااااااعي

لان اغلب هذه السلوكيات تتأجج في الليل و خاصة اذا كانت الزوجة غير متواجده في البيت مع زوجها

اذا خليك هادئة و تقربي اكثر من زوجك

 

[الفراشة الحائرة]

الله يوفق كل وحده ردت علي والله ان كلامكم يريح وانا فعلا كان في بالي اهددهم مثل ماقالت الاخت شوق المزون وسويت لي ايميل على الهوتميل لكن للاسف كله انجليزي وماعرفت كيف اضيفهم لقائمة الاتصال عشان اقدر اهددهم ولان مالي خبرة كثيير عالماسنجر لان ودي اكلمهم عالماسنجر واعرف ايش نواياهم لعب اوجد واكلمه هو كمان عشان اعرف عنه اكثر ايش قاعد يسوي من وراي والله اني كنت خلاص قربت ارجع ثقتي فيه لكن للاسف كسر الصورة الحلوة اللي كنت بانيتها له من جد الرجال ما يتامن لهم

 

[سأظل أدعو لك]

دائما إستودعي الله سمعه وبصره وقلبه وعرضه وسائر جسده

 

[د عفاف]

خليك هادئة و تقربي اكثر من زوجك

 

[ضحـــى]

كنت راح اكتب اللي كتبته اختي خواطر

نحط الزين قرب النار ونقول لا تولع !!!

رجال هذه الايام شي مخيف ...لان كل شي متوفر لهم وقريب منهم ...وهم بطبعهم يحبون يجربون ..يعني مو شرط يكون العيب منك او فيك ...لا

اول شي تسوينه لا تتركينه لحالة ابدا

انا اقول اذا والوحده تزوجت ليش كل اسبوع تروح تبات بيت اهلها ...وبيتك وزوجك وين من حساباتك؟؟؟

عزيزتي انا الا اقول لا تذهبي لبيت اهلك ...لا ...بالعكس زوريهم ..لكن المبيت هذا ماله داااااااعي

لان اغلب هذه السلوكيات تتأجج في الليل و خاصة اذا كانت الزوجة غير متواجده في البيت مع زوجها

اذا خليك هادئة و تقربي اكثر من زوجك

كلام صحيح :icon26:اشاركها الرأي:icon26:قلبي معاج:icon26:

 

[ريح خزامى]

الله يعين قلبك

مأأأأأأأأأأأأأأأسي هالرجال

 

[ام هتون2008]

ماراح ازيد على كلام خواطر شي كلامها عين العقل بصراحه اعتبرها قدوه لي وهي ماتدري عني ولاتعرفني
الله يسخر لك زوجك ويهديه ​

 

[وديان الغلا]

عزيزتي كلام خواطر صح لالالالالالالالالا تفاتحيه ولا تاخذين ايملات البنات وتهددينهم لانهم بيقولون له ويعاند اصبري وسايسيه وراقبيه بس بحدود ولا تنامين عند اهلك ليه تفتحين مجال اكبر غلط تخليه في اخر الاسبوع اجازة وبعدين بنات السوء ينشطون في الخميس والجمعه اجازه وصدقيني هم اللي يصطادون الرجال حسبي الله عليهم قربي منه واهتمي فيه واقضي اجازتك معاه وشوي شوي يبعد عنهم

 

[أم طفول]

حبيبتي طبعا كلنا حريم ونعرف بعض وما في بيت يخلا من مثل هذي المشاكل والمصدر هو الرجل ولكن عليكي بالصبر وعدم التسرع لحل مثل الامور والله يهدي جميع الرجال ويكرهم في الحرام

 

[hot pepper]

انا مع اختي عنقود عنب في رأيها
ماشاءالله دايم ردودها عين العقل
بس الصراحه لو محلك يمكن لو فكرت بيوم اروح لاهلي
اخذ معي شاحن اللاب توب واخليه يتورط
يقعد بدون الكمبيوتر << نذله
بس عشان يتطمن قلبي

 

[ليلى والذئب]

وانا متعوده كل خميس اروح لاهلي
الحذر من النوم عند الأهل لأن الرجال عندهم ميول انحرافية ويدورون روحتك لأهلك دواره لكن لاتخلين فرصة صكي عليه وراه وراه وغيري أوقات الزيارة مرة خميس مرة إربعاء مرة جمعة ومرة لاتروحين بالمرة
حســــــــــــــــــــــــــــــــــــــــــبي الله عليهم صرنا مثل كونن

 

[شمعة الحنان]

غاليتي الفراشة الحائرة
لاتنفكي عن الاستغفار لن هذا امتحان من الله لك
لعله يريد لك المكانة العالية بالجنة على صبرك على هذا الألم الشديد
لست مع المواجهات وهذا ليس ضعفا
ولكن أعتقد بانه من ليس من الصعب معالجة النفوس التي جبلت على المعاصي
القلوب بين اصبعين من اصابع الرحمن اسألي الله له بالهداية وألحي بالدعاء
اللهم اهدنا لمرضاتك

 

[معاني مجهوله]

اشكرك كل الاخوات اللي ردوو على الاخت
والله ثم والله اني اعاني من نفس المشكله وانصدمت وكتبت موضوع واللى الان ما طالعت الردود
ليه الرجاجيل هالوقت مالهم امان
احرم نفسي من شوفت اهلي عشان ما يلعب بذيله
طيب والمشكله اللي اهاليهم بعيدين عن بيت رجالهم