بياض ثلج
New member
- إنضم
- 30 أغسطس 2010
- المشاركات
- 16
بياض قلبي هل يعني سذاجتي ؟..هذا واقعي مع زوجي !
السلام عليكم و رحمة الله و بركاته
في البداية أنا متزوجة من ست سنوات راح ابدأ بسرد قصتي من اول سنة
تزوجت و عمري 17 كنت توني مخلصة ثاني ثانوي طبعا امي قالت لي و انا وقتها لما سمعت لامي و الكلام اللي قالته الي انه شخص عاقل محافظ على الصلاة و طيب ..الخ و من هالصفات اللي اكيد بتكون مطلب كل بنت ... و تزوجت و بدت حياتي الزوجية طبعا كنت ما افهم بالسوالف الزوجية كثير يعني حدي عارفة العلاقة الزوجية بشكل عام و ان لازم اهتم بنفسي و البس و اكشخ و ما يشوفني الا و انا بأجمل صورة ... المهم مرت الايام الاولى جلست بعد زواجي تقريبا 15 يوم لحد ما فض بكارتي أعني بشكل كامل لان قبل كانت محاولات و ما كان ايلاج كامل ( اعذروني على صراحتي بس لانها اساس المشكلة ) المهم كان مو مثل أي شخص متزوج في بداية زواجه من حيث اهتمامه و رغبته القوية بهالشيء ... مرت اشهر و هو كان يقذف خارجي لانه على حد وصفه ان لاحقين ع العيال ... و كنت ساكتة و مقتنعه .. بعدها بدت المشكلة وربي اللي خلقني انه جلس سنتين كاملات ما جامعني ( لسبب مجهول ما اعرفه ! ) في البداية بدا يتأخر شهر شهرين لين كمل سنة و انا ما خبرت امي و لا احد من خواتي يمكن بسبب صغر سني كنت متكتمة ع الموضوع و ان هذا شي المفروض ما ينقال و كنت كتم بداخلي و اكتم لين جاء يوم و انفجرت عند امي و قلت له صار له سنة ما جامعني امي استغربت و سألتني و قالت ليه و كذا و انا انهرت من البكاء لان كنت متوقعه ان هالشي مو كبير للدرجة اللي امي انصدمت فيها .. المهم قالت لي امي لا يمكن انتي ما تهتمين ترى الرجال يحب الحرمة اللي تكشخ له و من هالكلام قالت يمكن هو من النوع اللي يستحي او شي انتي بادري له و شوفي ؟.. و سمعت بنصيحة امي و صرت انا اللي احاول ابادر له اذا جاء في الليل لبست و تعطرت .. من أول ما يشوفني داخله غرفتي و هو يكون مثلا في غرفة الجلوس يناديني يقول ترى بنام الحين ( يعني لا تتعبين نفسك ! ) و يضيق صدري و انام و انا متضايقه و احيانا اذا تكشخت و تعطرت و جيت عنده من يشوف وجهي يكشر و يكتم و بس يطالع التلفزيون و ما يناظرني ؟ المهم استمر على هالحال لين ما تم سنتين مثل ما قلت لكم (و انا كأني اخته! ) من هنا بدت الفرصة الاولى له ( بعدين تعرفون وش اقصد بالفرص) طلعت عند امي و انهرت و نفسيتي تعبت و بس ابكي طول الوقت و حاسة بقهر بداخلي ( امي ببيت لحالها مو مع ابوي ) كلم امي و انا اسف و انا احبها و ابيها و ان اصلا اللي فيني عين و رحت اقرا عند شيخ و من هالكلام لين ما امي اقنعتني و ان الرجال بيتغير و انه عارف غلطته و يمكن عين و هو يقرا الحين ان شاء الله بيخف .. أنا بكل طيبة رحمته و قلت فعلا يمكن معيون جلست فترة عند اهلي بعدين جاء يراضيني رجعت له ( هذي الفرصة الاولى ) رغم انه بداخلي جرح كبيــر عمري ما راح انساه جرح انوثتي !
بعد ما رجعت له تغير من هالناحية و صار وضعه طبيعي و فعلا حسيت بالفرق ( ما ادري اذا على انه هو قرا .. أو لما حس انه بيفقدني تعدل؟ ) المهم مرت الايام و راح يعالج عند طبيب و عطاه علاجات على اساس انه عنده ضعف حركة في الحيوانات المنوية و سبحان الله ربي كتب لي فيها حمل و حملت و تعبت نفسيتي مع الوحم جلست في الاشهر الاولى عند امي لان جاني مثل الاكتئاب يوم ارتفعت نساتي رجعت عادي مبسوطة بحملي و انتظر مولودي الجديد ...
جاء مولودي و نور دنيتي بعد اربع سنوات من زواجي ... مرت ايام النفاس و لما جاء اخر ايام نفاسي طبعا كلكم عارفين كأي وحدة بتطلع من النفاس لازم تسوي نيو لوك في شكلها و شعرها و كل شي ... رحت تعدلت و صبغت شعري و قصيته و اشتريت كل شي جديد و تحمست على بداية حياتي كأم في بيتي و حسيت بالمسئولية اكثر ... رجعت لبيتي و انا مبسوووطة لكن جاء من يكسر فرحتي و هو زوجي ! جلست ايام ما لمسني رغم اني وربي مو مدح فيني بس متزينة اخر شي ... وصل عمر ولدي 8 شهور ( و هو ما جامعني الا مرتين ؟!) ... بعدها تعبت نفسيي اكثر و اكثر و عرفت انه اللي صار كان مجرد حيلة منه عشان يخليني انسى اللي سواه قبل و لما حملت و ولدت صار الولد (اثبات رجولة فقط لا غير) و خلاص رجع نفس قبل ! تعبت نفسيتي لدرجة اني رحت لطبيب نفسي و فسر حالتي انها اضطراب مزاجي و اكتئاب و اعطاني بدل العلاج علاجين و فجأة في يوم من الايام صحيت و لقيت جوال قديم محد يستخدمه في الصالة استغربت انا فتحته لقيت في الرسايل مسجات خواطر و في الاخير مكتوب شرايك في كتابتي و بأسلوب انثوي عرفت فيه انها حرمة و كانت اكثر من رساله و اشوف الرسايل المرسلة و الاقيه راد عليها على اسا ان يمدح كتاباتها ( اللي خلاني اتأكد انه هو لان زوجي يحب كتابة الخواطر ) سكتت و ما كأني شفت شي لما دخل الصالة قلت من وين طلعت هالجوال غبارر من زمان جبتها بأسلوب كأني ما شفت شي ارتبك هو و قال اخذت هالرقم من ولد خالتي ما يبيه و انه مميز و اعجبني ( للمعلومية زوجي مرررة بيتوتي يعني مو اجتماعي و مو راعي صداقات كثير علشان ياخذ جوالين ) مشت السالفه و ما قدرت انام في الليل و ربي ان دموعي تنزل من نفسها و قلت اصبر و اقول لامي احسن من اني اسوي أي تصرف و اتحسف عليه لان في هالفترة اساسا نفسيتي تعبانة .. و رحت لامي من بكرة و قلت لها على اللي صار و انه زيادة على هجرانه لي و عدم اهتمامه بنفسه و نظافته و لبسه و الحين معاه جوال ثاني و رسايل من بنات ؟ امي انقهررررت و على طول دقت على مرت ابوه لانها هي اللي خاطبتني هو اساسا امه و ابوه منفصلين و كل واحد متزوج و عنده عيال المهم قالت لها امي عطيني ابوه ابي اكلمه و قالت لهم السالفة و قالت خلاص بنتي تعبت نفسيتها بسبته و من هالكلام .... ومرت هالايام على اساس ان خلاص بتطلق .. صار يدق على امي و يترجاها و يلح عليها انا ابيها و وعد مني بتغير وعد مني بتشوفون شخص ثاني و انا احبها و ابيها و من هالكلام امي قالت لي و انا قلت خلاص برجع له بس ترى أي شي راح يصير بعدين خلاص ماراح اتردد بالطلاق طبعا رجعت له و شرطت عليه المصروف لانه قبل ما يعطيني مصروف يعني تخيلوا زيادة على الاشياء اللي قلت لكم عنها بخيل جدا كم مرة امي تعطيني فلوس اذا جيت اطلع مع خواتي و لا ابي اشتري شي يعني مرررة بخيل .. المهم رجعت و صار كل الوضع تمام ( هذي الفرصة الثانيـــة )
و مشى لي مصروف كل شهر و قال لي لا تتوقعين اني ابخل عليك اصلا حتى لو كنتي تدرسين و تجيك مكافأة ما راح اخذ منك و راح اصرف عليك أنا ( لاحظوا هالكلمة ) لحد ما التحقت بالجامعه الاخ الكريم خان بوعده كالعادة و وقف المصروف و صرت اوسع صدري بفلوس المكافاة الجامعية لحد ما بدأ يتمادى صار أي شي اطلب منه بعدين اذا نزل الراتب بعدين ان شاء الله بسوي لك و بحط لك يعيشني ملكة بالأوهام و الوعود و انا من سذاجتي اصدقه و افرح ! تخيلوا راتبه حول العشرة الاف يعني الرجال بخير و كل شي اطلبه مؤجل لين تتحسن اوضاعه ( يبي راتبه يصير مليون مثلا ! ) و الله ان صرفيتي اقل من العادية جدا .. بحكم اني ادرس في الجامعه و امي مدرسة و امه متزوجة و عندها زوجها شايب و ابوه متزوج من وحدة ثانية يعني مافيه احد احط ولدي عنده الصباح قعدت شهرين تقريبا و انا جايبة شغالة بالايجار و ما كنت ارتاح اني اخلي ولدي الصباح عند وحدة بالايجار ؟ فكان الخيار الوحيد انه يجيب لي شغالة خاصة فينا ... بعد مناوشات و محاولات قرر يقدم ع الشغالة ( قرار من دون اقتناع ) تبون تعرفون ليه ؟ ..لانه بيدفع فيها 8500 ريال و هذي قطعة قلب بالنسبة له ( الله لا يبلانا) المهم جت الشغالة و بدت المشاكل ( ليش تسوي ليش تحط .. لا تفعل لا تترك .. حرام فيها راتب 800 ريال .. البيت صغير ما يحتاج .. ما اخذت راحتي في بيتي .. و طول الوقت معصب و مكشر .. الخ ) و عجز يقتنع اني ما جبتها عشاني و لا لسواد عيوني و لا ابيها تنظف لي و لا تكنس لي بس مجرد (عشان ولدي ) المهم مرت الايام الطبخ ما تلمس فيه شي كل شي انا اسويه في المطبخ مجرد تغسل المواعين ... المهم جت العطلة قال خلاص مالنا حاجة فيها الشغالة خليها عند امك ما ابيها قلت خلاص نجيبها عندنا يومين و عند امي 3 ايام لين بس تخلص العطلة بعد ما ودي بعد تحقد علينا و ولدي يقعد عندها الصبح ! ... بعدين صرت أي شي اطلبه يقولي انا عندي قروض و انا و انا .. قلت له الحين و الله فيه ناس رواتبهم 3 الاف و عايشين احسن من عيشتنا مليون مرة ... و هنا عصب و صار يصارخ انتي ما تقدرين انا عندي قروض قلت اوكي قروض بس اربع سنين و تخلص الحين كم صار لنا قال قرض يوم تولدين ؟ ( انا والدة قيصرية بمستشفى اهلي .. على فكرة دايما يعيد و يزيد على سالفة ولادتي انه اخذ قرض عشانها يعني دافع بس مو من قلبه ) و ما1ذ قرض عشان الشغالة و مدري ايش ؟ انا هنا خلاااااااص عصبت قلت انت كل بين فترة و فترة لازم تقولي ماخذ قرض عشان ولادتك ؟ ترى قبل لا تكون دافع هالمبلغ عشاني عشان ولدك و هذا شي واجب عليك و مو تفضل منك ( معقولة راتبه 10 الاف و ماخذ قرض عشان ولادة ؟ ) و عصب علي قال لا مو واجب علي ممكن اني اولدك في حكومي و مجانا و انتي من كلامك هذا فتحتي عيوني على اني المرة الجاية اولدك في حكومي ببلاش ( هذا كلام ينقال؟) بكيت كالعادة لين نمت .. قرب رمضان و تحمست رحت ليلة رمضان عند اهلي و لفيت السمبوسة و السبرينق رول و شريت عود عشان رمضان و مرة مبسوطة و فرحانة دقيت عليه قلت تعال خذنا و ان ولدي طفشان بس يصيح خلنا نطلعه و لا نشتري له لعبة طبعا قال لا اليوم اذا اخذتكم بمشيكم و نرجع قلت اوكي و اذا رجعنا بنمر الشغالة .. قال وش شغالته ؟ مابي اشوفها في رمضان ! ... قلت لا بس ابيها تنظف معاي البيت عشان اول يوم في رمضان .. قال مادام ان الدعوة فيها شغالة ماراح اطلعكم و لا امشيكم ؟ قلت له : وش دخلها ؟ احنا نطلع نتمشى و نرجع ناخذها و احنا رايحين البيت ؟ قال : لا مو لازم ... قفلت منه ... هنا ( انهـــــــــرت ) جلست ابكي ابكي و اصارخ ليه لازم ينكد علي فرحتي ليه يحرمني من رمضان في بيتي مثل ما حرمني منه السنة اللي قبلها ؟ .. و ادق عليه و انا منهارة قلت له تعال الحين خذها ما بيها ودها المطار مابي اشوف رقعة وجهها و انا اصارخ و اصيح و ما خليت له مجال يتكلم قلت له انت اصلا من الاساس ما اقتنعت فيها لا تجيبها مو تجيبها و تذلني فيها ( كأنه يعاقبني عشانها و انا مالي دخل ) و لا تنسى انك انت جايبها لولدك مو عشاني انا .. و قفلت و انا منهارة و امي خايفة علي خصوصا انها حست ان بدت تنتكس حالتي لاني قبلها متحسنة شوي .. قالت امي خلاص اقعد عندي لين تهدين ... طبعا قعدت و انا ضايق صدري لاني متحمسة و فرحانة و كسر فرحتي .. جاء تقريبا ثالث رمضان دقيت على امه ابارك لها بالشهر و دقيت على ابوه ابارك له و يوم دقيت على ابوه لقيت انه واصله الخبر وقال لي وش بينك و بينه قلت ليه وش قايل لك قال انك طلعتي عشان شغــالة ( لاحظوا شغـــــــــــالة ) يعني نسى كل شي يسويه و ركز على هالشي لانه شرارة المشكلة .. المهم قلت له ان السالفة كيت و كيت ... من ناحية المصروف و البخل وانه يمن علي بأي شي يسوي له حتى يوم ولادتي ؟ طبعا ابوه كلمه و من بكرة دق علي قال انه يقول اني ما اخذت راحتي في بيتي عشان الشغالة ( لاحظوا يوم كانت عندي شغالة بالايجار كان عادي ماخذ راحته .. لان امي دافعة راتبها ) و الشيء الثاني مرهقتني ماديا و يوم حسبتها لقيت انها تكلفني 1500 بالشهر مع فلوس التقديم ؟ ( جايب الة حاسبة الاخ و يقسم ) قال ابوه و انه الحين يقول انا خلاص مابي الشغالة خلها تدبر نفسها ؟ .. قلت لخالي اللي هو ابوه : اسفة يا خالي دراستي ماراح اتخلى عنها و ولدي وين احطه قولي انت ؟ قال يعني تعاوني معاه لازم واحد منكم يضحي ؟ انتسبي مثلا ؟ ا واصلا بتلقين وظيفة اذا درستي؟ ( يعني اتركي الدراسة) قلت لا ماراح اترك الدراسة و قسمي ما فيه انتساب اصلا ... يوم قلت له لا تخليه يحط ببالك ان طلعتي عشان شغالة حتى المصروف يمن عليه فيه و ما يعطيني ..الخ .. و قال انه يقول كل اللي كبري ملكوا بيت ملك و انا لين الحين صفر ( صفـــر؟ ) و انتي لازم تتعاونين معاه ؟ قفلت منه و انا مو مستوعبة ( انهـــــــــــرت ثانية ! ) و صرت اصيح بصوت عالي يعني انا الحين صرت عائق على انه يملك بيت ؟ يقولي تعاوني ؟ ( فيه اكثر من تعاوني معاه؟) انا خليته يصير صفر؟؟؟ ..... اكتشفته على حقيقته و رحت ادعي بصلاتي و انا مقهورة لانهم ظلموني و انا و الله عمري ما كلفت عليه بشيء ...... اخر فستان فصلته قبل سنتين ؟ ملابسي .. انا اشتريها ؟؟ مصروفي من مكافأتي ؟ حتى ولدي يقعد بالستة شهور او اكثر ما يشتري له شي و انتم تعرفون الطفل تتغير مقاساته يعني يبيله ؟ وش مكلفته فيه عشان اعيقه عن ملك البيت ؟ سفرياتي خارج المملكة ؟؟ ساعاتي الالماس ؟ شنطي ماركات عالمية ؟ دولابي ما يتسكر من الفساتين ؟ ............. ( كل هذا ما عندي ! )
مـا أقول إلا حسبي الله و نعم الوكيــــل ... طبعا خلاص بعدها غيرت رقمي و هذي ( الفرصة الثالثة اللي بتكون قريبا الأخيــــرة ) .. لاني قررت ما ارجع و عرفت انه مريض نفسيا يسوي الشيء اللي ابيه بس عشان ما يفقدني بعدين يرجع كما كان ... و يتهيأ له انه احسن واحد و هو عكس ...
-الثمرات اللي حصلتها منه :
ثمرة وحدة هي (ولــــــــدي .. الله يخليه لي ) فقط
-الصفعات اللي اخذتها منه :
( مــرضي النفســي ) بسببه.. الله يشفيني و كل مسلم خصوصا أول سنتين من حياتي هي اللي أثرت في نفسيتي و هذا كلام الدكتور لامي ان اللي فيها بسبب زوجها !
آسفة طولت عليكم .. و اتمنى أي احد يقرأ قصتي يدعي لي و لوالدتي بالفرج القريب .
يارب اني اســــألك الخيـــر أينما كـــــــان ..
السلام عليكم و رحمة الله و بركاته
في البداية أنا متزوجة من ست سنوات راح ابدأ بسرد قصتي من اول سنة
تزوجت و عمري 17 كنت توني مخلصة ثاني ثانوي طبعا امي قالت لي و انا وقتها لما سمعت لامي و الكلام اللي قالته الي انه شخص عاقل محافظ على الصلاة و طيب ..الخ و من هالصفات اللي اكيد بتكون مطلب كل بنت ... و تزوجت و بدت حياتي الزوجية طبعا كنت ما افهم بالسوالف الزوجية كثير يعني حدي عارفة العلاقة الزوجية بشكل عام و ان لازم اهتم بنفسي و البس و اكشخ و ما يشوفني الا و انا بأجمل صورة ... المهم مرت الايام الاولى جلست بعد زواجي تقريبا 15 يوم لحد ما فض بكارتي أعني بشكل كامل لان قبل كانت محاولات و ما كان ايلاج كامل ( اعذروني على صراحتي بس لانها اساس المشكلة ) المهم كان مو مثل أي شخص متزوج في بداية زواجه من حيث اهتمامه و رغبته القوية بهالشيء ... مرت اشهر و هو كان يقذف خارجي لانه على حد وصفه ان لاحقين ع العيال ... و كنت ساكتة و مقتنعه .. بعدها بدت المشكلة وربي اللي خلقني انه جلس سنتين كاملات ما جامعني ( لسبب مجهول ما اعرفه ! ) في البداية بدا يتأخر شهر شهرين لين كمل سنة و انا ما خبرت امي و لا احد من خواتي يمكن بسبب صغر سني كنت متكتمة ع الموضوع و ان هذا شي المفروض ما ينقال و كنت كتم بداخلي و اكتم لين جاء يوم و انفجرت عند امي و قلت له صار له سنة ما جامعني امي استغربت و سألتني و قالت ليه و كذا و انا انهرت من البكاء لان كنت متوقعه ان هالشي مو كبير للدرجة اللي امي انصدمت فيها .. المهم قالت لي امي لا يمكن انتي ما تهتمين ترى الرجال يحب الحرمة اللي تكشخ له و من هالكلام قالت يمكن هو من النوع اللي يستحي او شي انتي بادري له و شوفي ؟.. و سمعت بنصيحة امي و صرت انا اللي احاول ابادر له اذا جاء في الليل لبست و تعطرت .. من أول ما يشوفني داخله غرفتي و هو يكون مثلا في غرفة الجلوس يناديني يقول ترى بنام الحين ( يعني لا تتعبين نفسك ! ) و يضيق صدري و انام و انا متضايقه و احيانا اذا تكشخت و تعطرت و جيت عنده من يشوف وجهي يكشر و يكتم و بس يطالع التلفزيون و ما يناظرني ؟ المهم استمر على هالحال لين ما تم سنتين مثل ما قلت لكم (و انا كأني اخته! ) من هنا بدت الفرصة الاولى له ( بعدين تعرفون وش اقصد بالفرص) طلعت عند امي و انهرت و نفسيتي تعبت و بس ابكي طول الوقت و حاسة بقهر بداخلي ( امي ببيت لحالها مو مع ابوي ) كلم امي و انا اسف و انا احبها و ابيها و ان اصلا اللي فيني عين و رحت اقرا عند شيخ و من هالكلام لين ما امي اقنعتني و ان الرجال بيتغير و انه عارف غلطته و يمكن عين و هو يقرا الحين ان شاء الله بيخف .. أنا بكل طيبة رحمته و قلت فعلا يمكن معيون جلست فترة عند اهلي بعدين جاء يراضيني رجعت له ( هذي الفرصة الاولى ) رغم انه بداخلي جرح كبيــر عمري ما راح انساه جرح انوثتي !
بعد ما رجعت له تغير من هالناحية و صار وضعه طبيعي و فعلا حسيت بالفرق ( ما ادري اذا على انه هو قرا .. أو لما حس انه بيفقدني تعدل؟ ) المهم مرت الايام و راح يعالج عند طبيب و عطاه علاجات على اساس انه عنده ضعف حركة في الحيوانات المنوية و سبحان الله ربي كتب لي فيها حمل و حملت و تعبت نفسيتي مع الوحم جلست في الاشهر الاولى عند امي لان جاني مثل الاكتئاب يوم ارتفعت نساتي رجعت عادي مبسوطة بحملي و انتظر مولودي الجديد ...
جاء مولودي و نور دنيتي بعد اربع سنوات من زواجي ... مرت ايام النفاس و لما جاء اخر ايام نفاسي طبعا كلكم عارفين كأي وحدة بتطلع من النفاس لازم تسوي نيو لوك في شكلها و شعرها و كل شي ... رحت تعدلت و صبغت شعري و قصيته و اشتريت كل شي جديد و تحمست على بداية حياتي كأم في بيتي و حسيت بالمسئولية اكثر ... رجعت لبيتي و انا مبسوووطة لكن جاء من يكسر فرحتي و هو زوجي ! جلست ايام ما لمسني رغم اني وربي مو مدح فيني بس متزينة اخر شي ... وصل عمر ولدي 8 شهور ( و هو ما جامعني الا مرتين ؟!) ... بعدها تعبت نفسيي اكثر و اكثر و عرفت انه اللي صار كان مجرد حيلة منه عشان يخليني انسى اللي سواه قبل و لما حملت و ولدت صار الولد (اثبات رجولة فقط لا غير) و خلاص رجع نفس قبل ! تعبت نفسيتي لدرجة اني رحت لطبيب نفسي و فسر حالتي انها اضطراب مزاجي و اكتئاب و اعطاني بدل العلاج علاجين و فجأة في يوم من الايام صحيت و لقيت جوال قديم محد يستخدمه في الصالة استغربت انا فتحته لقيت في الرسايل مسجات خواطر و في الاخير مكتوب شرايك في كتابتي و بأسلوب انثوي عرفت فيه انها حرمة و كانت اكثر من رساله و اشوف الرسايل المرسلة و الاقيه راد عليها على اسا ان يمدح كتاباتها ( اللي خلاني اتأكد انه هو لان زوجي يحب كتابة الخواطر ) سكتت و ما كأني شفت شي لما دخل الصالة قلت من وين طلعت هالجوال غبارر من زمان جبتها بأسلوب كأني ما شفت شي ارتبك هو و قال اخذت هالرقم من ولد خالتي ما يبيه و انه مميز و اعجبني ( للمعلومية زوجي مرررة بيتوتي يعني مو اجتماعي و مو راعي صداقات كثير علشان ياخذ جوالين ) مشت السالفه و ما قدرت انام في الليل و ربي ان دموعي تنزل من نفسها و قلت اصبر و اقول لامي احسن من اني اسوي أي تصرف و اتحسف عليه لان في هالفترة اساسا نفسيتي تعبانة .. و رحت لامي من بكرة و قلت لها على اللي صار و انه زيادة على هجرانه لي و عدم اهتمامه بنفسه و نظافته و لبسه و الحين معاه جوال ثاني و رسايل من بنات ؟ امي انقهررررت و على طول دقت على مرت ابوه لانها هي اللي خاطبتني هو اساسا امه و ابوه منفصلين و كل واحد متزوج و عنده عيال المهم قالت لها امي عطيني ابوه ابي اكلمه و قالت لهم السالفة و قالت خلاص بنتي تعبت نفسيتها بسبته و من هالكلام .... ومرت هالايام على اساس ان خلاص بتطلق .. صار يدق على امي و يترجاها و يلح عليها انا ابيها و وعد مني بتغير وعد مني بتشوفون شخص ثاني و انا احبها و ابيها و من هالكلام امي قالت لي و انا قلت خلاص برجع له بس ترى أي شي راح يصير بعدين خلاص ماراح اتردد بالطلاق طبعا رجعت له و شرطت عليه المصروف لانه قبل ما يعطيني مصروف يعني تخيلوا زيادة على الاشياء اللي قلت لكم عنها بخيل جدا كم مرة امي تعطيني فلوس اذا جيت اطلع مع خواتي و لا ابي اشتري شي يعني مرررة بخيل .. المهم رجعت و صار كل الوضع تمام ( هذي الفرصة الثانيـــة )
و مشى لي مصروف كل شهر و قال لي لا تتوقعين اني ابخل عليك اصلا حتى لو كنتي تدرسين و تجيك مكافأة ما راح اخذ منك و راح اصرف عليك أنا ( لاحظوا هالكلمة ) لحد ما التحقت بالجامعه الاخ الكريم خان بوعده كالعادة و وقف المصروف و صرت اوسع صدري بفلوس المكافاة الجامعية لحد ما بدأ يتمادى صار أي شي اطلب منه بعدين اذا نزل الراتب بعدين ان شاء الله بسوي لك و بحط لك يعيشني ملكة بالأوهام و الوعود و انا من سذاجتي اصدقه و افرح ! تخيلوا راتبه حول العشرة الاف يعني الرجال بخير و كل شي اطلبه مؤجل لين تتحسن اوضاعه ( يبي راتبه يصير مليون مثلا ! ) و الله ان صرفيتي اقل من العادية جدا .. بحكم اني ادرس في الجامعه و امي مدرسة و امه متزوجة و عندها زوجها شايب و ابوه متزوج من وحدة ثانية يعني مافيه احد احط ولدي عنده الصباح قعدت شهرين تقريبا و انا جايبة شغالة بالايجار و ما كنت ارتاح اني اخلي ولدي الصباح عند وحدة بالايجار ؟ فكان الخيار الوحيد انه يجيب لي شغالة خاصة فينا ... بعد مناوشات و محاولات قرر يقدم ع الشغالة ( قرار من دون اقتناع ) تبون تعرفون ليه ؟ ..لانه بيدفع فيها 8500 ريال و هذي قطعة قلب بالنسبة له ( الله لا يبلانا) المهم جت الشغالة و بدت المشاكل ( ليش تسوي ليش تحط .. لا تفعل لا تترك .. حرام فيها راتب 800 ريال .. البيت صغير ما يحتاج .. ما اخذت راحتي في بيتي .. و طول الوقت معصب و مكشر .. الخ ) و عجز يقتنع اني ما جبتها عشاني و لا لسواد عيوني و لا ابيها تنظف لي و لا تكنس لي بس مجرد (عشان ولدي ) المهم مرت الايام الطبخ ما تلمس فيه شي كل شي انا اسويه في المطبخ مجرد تغسل المواعين ... المهم جت العطلة قال خلاص مالنا حاجة فيها الشغالة خليها عند امك ما ابيها قلت خلاص نجيبها عندنا يومين و عند امي 3 ايام لين بس تخلص العطلة بعد ما ودي بعد تحقد علينا و ولدي يقعد عندها الصبح ! ... بعدين صرت أي شي اطلبه يقولي انا عندي قروض و انا و انا .. قلت له الحين و الله فيه ناس رواتبهم 3 الاف و عايشين احسن من عيشتنا مليون مرة ... و هنا عصب و صار يصارخ انتي ما تقدرين انا عندي قروض قلت اوكي قروض بس اربع سنين و تخلص الحين كم صار لنا قال قرض يوم تولدين ؟ ( انا والدة قيصرية بمستشفى اهلي .. على فكرة دايما يعيد و يزيد على سالفة ولادتي انه اخذ قرض عشانها يعني دافع بس مو من قلبه ) و ما1ذ قرض عشان الشغالة و مدري ايش ؟ انا هنا خلاااااااص عصبت قلت انت كل بين فترة و فترة لازم تقولي ماخذ قرض عشان ولادتك ؟ ترى قبل لا تكون دافع هالمبلغ عشاني عشان ولدك و هذا شي واجب عليك و مو تفضل منك ( معقولة راتبه 10 الاف و ماخذ قرض عشان ولادة ؟ ) و عصب علي قال لا مو واجب علي ممكن اني اولدك في حكومي و مجانا و انتي من كلامك هذا فتحتي عيوني على اني المرة الجاية اولدك في حكومي ببلاش ( هذا كلام ينقال؟) بكيت كالعادة لين نمت .. قرب رمضان و تحمست رحت ليلة رمضان عند اهلي و لفيت السمبوسة و السبرينق رول و شريت عود عشان رمضان و مرة مبسوطة و فرحانة دقيت عليه قلت تعال خذنا و ان ولدي طفشان بس يصيح خلنا نطلعه و لا نشتري له لعبة طبعا قال لا اليوم اذا اخذتكم بمشيكم و نرجع قلت اوكي و اذا رجعنا بنمر الشغالة .. قال وش شغالته ؟ مابي اشوفها في رمضان ! ... قلت لا بس ابيها تنظف معاي البيت عشان اول يوم في رمضان .. قال مادام ان الدعوة فيها شغالة ماراح اطلعكم و لا امشيكم ؟ قلت له : وش دخلها ؟ احنا نطلع نتمشى و نرجع ناخذها و احنا رايحين البيت ؟ قال : لا مو لازم ... قفلت منه ... هنا ( انهـــــــــرت ) جلست ابكي ابكي و اصارخ ليه لازم ينكد علي فرحتي ليه يحرمني من رمضان في بيتي مثل ما حرمني منه السنة اللي قبلها ؟ .. و ادق عليه و انا منهارة قلت له تعال الحين خذها ما بيها ودها المطار مابي اشوف رقعة وجهها و انا اصارخ و اصيح و ما خليت له مجال يتكلم قلت له انت اصلا من الاساس ما اقتنعت فيها لا تجيبها مو تجيبها و تذلني فيها ( كأنه يعاقبني عشانها و انا مالي دخل ) و لا تنسى انك انت جايبها لولدك مو عشاني انا .. و قفلت و انا منهارة و امي خايفة علي خصوصا انها حست ان بدت تنتكس حالتي لاني قبلها متحسنة شوي .. قالت امي خلاص اقعد عندي لين تهدين ... طبعا قعدت و انا ضايق صدري لاني متحمسة و فرحانة و كسر فرحتي .. جاء تقريبا ثالث رمضان دقيت على امه ابارك لها بالشهر و دقيت على ابوه ابارك له و يوم دقيت على ابوه لقيت انه واصله الخبر وقال لي وش بينك و بينه قلت ليه وش قايل لك قال انك طلعتي عشان شغــالة ( لاحظوا شغـــــــــــالة ) يعني نسى كل شي يسويه و ركز على هالشي لانه شرارة المشكلة .. المهم قلت له ان السالفة كيت و كيت ... من ناحية المصروف و البخل وانه يمن علي بأي شي يسوي له حتى يوم ولادتي ؟ طبعا ابوه كلمه و من بكرة دق علي قال انه يقول اني ما اخذت راحتي في بيتي عشان الشغالة ( لاحظوا يوم كانت عندي شغالة بالايجار كان عادي ماخذ راحته .. لان امي دافعة راتبها ) و الشيء الثاني مرهقتني ماديا و يوم حسبتها لقيت انها تكلفني 1500 بالشهر مع فلوس التقديم ؟ ( جايب الة حاسبة الاخ و يقسم ) قال ابوه و انه الحين يقول انا خلاص مابي الشغالة خلها تدبر نفسها ؟ .. قلت لخالي اللي هو ابوه : اسفة يا خالي دراستي ماراح اتخلى عنها و ولدي وين احطه قولي انت ؟ قال يعني تعاوني معاه لازم واحد منكم يضحي ؟ انتسبي مثلا ؟ ا واصلا بتلقين وظيفة اذا درستي؟ ( يعني اتركي الدراسة) قلت لا ماراح اترك الدراسة و قسمي ما فيه انتساب اصلا ... يوم قلت له لا تخليه يحط ببالك ان طلعتي عشان شغالة حتى المصروف يمن عليه فيه و ما يعطيني ..الخ .. و قال انه يقول كل اللي كبري ملكوا بيت ملك و انا لين الحين صفر ( صفـــر؟ ) و انتي لازم تتعاونين معاه ؟ قفلت منه و انا مو مستوعبة ( انهـــــــــــرت ثانية ! ) و صرت اصيح بصوت عالي يعني انا الحين صرت عائق على انه يملك بيت ؟ يقولي تعاوني ؟ ( فيه اكثر من تعاوني معاه؟) انا خليته يصير صفر؟؟؟ ..... اكتشفته على حقيقته و رحت ادعي بصلاتي و انا مقهورة لانهم ظلموني و انا و الله عمري ما كلفت عليه بشيء ...... اخر فستان فصلته قبل سنتين ؟ ملابسي .. انا اشتريها ؟؟ مصروفي من مكافأتي ؟ حتى ولدي يقعد بالستة شهور او اكثر ما يشتري له شي و انتم تعرفون الطفل تتغير مقاساته يعني يبيله ؟ وش مكلفته فيه عشان اعيقه عن ملك البيت ؟ سفرياتي خارج المملكة ؟؟ ساعاتي الالماس ؟ شنطي ماركات عالمية ؟ دولابي ما يتسكر من الفساتين ؟ ............. ( كل هذا ما عندي ! )
مـا أقول إلا حسبي الله و نعم الوكيــــل ... طبعا خلاص بعدها غيرت رقمي و هذي ( الفرصة الثالثة اللي بتكون قريبا الأخيــــرة ) .. لاني قررت ما ارجع و عرفت انه مريض نفسيا يسوي الشيء اللي ابيه بس عشان ما يفقدني بعدين يرجع كما كان ... و يتهيأ له انه احسن واحد و هو عكس ...
-الثمرات اللي حصلتها منه :
ثمرة وحدة هي (ولــــــــدي .. الله يخليه لي ) فقط
-الصفعات اللي اخذتها منه :
( مــرضي النفســي ) بسببه.. الله يشفيني و كل مسلم خصوصا أول سنتين من حياتي هي اللي أثرت في نفسيتي و هذا كلام الدكتور لامي ان اللي فيها بسبب زوجها !
آسفة طولت عليكم .. و اتمنى أي احد يقرأ قصتي يدعي لي و لوالدتي بالفرج القريب .
يارب اني اســــألك الخيـــر أينما كـــــــان ..
