بوصل للجنون ان استمريت كذا .... ساعدوني

[مجاهدة المعاصي]

مااعرف كيف ابدااا موضوعي هذا .. بس كل اللي بحاول اختصر الكلام
انا متزوجه لي فتره ماكملت السنه وزوجي من دوله خليجيه ثانيه غيري
اللي احس فيه غريب ماادري وش يعني بصرااحه ؟!
انا لما يوديني زوجي ازور اهلي ويتركني عندهم فتره احس بضيقه وابي اكلمه كل شوي ويبداا الوسواس يلعب فيني مع العلم اني حصلت لي مواقف خيانه من ناحيته بس بسيطه مكالمات مره او مرتين ومواقع اباحيه للتعارف (اعتذر ل وانهينا المشكله ) بس احساسي ذا ماانتهى
اشتاااق اروح لاهلي بس لما اوصل عندهم ويتركني ابداا اضيييق واكتئب وابي ارجع له ..ودايم ابين له اني مبسوطه عندهم ومابي ارجع (عكس شعوري) عشان مايحس بمدى تعلقي المجنون هذا فيه
قالولي جيبي طفل وتلهين معاه .. بس انا مو مستوعبه هالشعور واكررررهه لاني مااقدر اسولف ولا انبسط دايم اسرررح وافكر فيه وش يسوي الحين ؟؟ يعني داايم في بالي هو حاولت الهي نفسي باي شي بس ماقدرت
هذاااا وشوووو يانااس ؟؟ هل هو حب ؟ او وسوسه زايده؟؟ او كل اللي تزوجو في بداية زواجهم كذاا ؟؟
ودي اروح لاهلي وماافكر فيه طول الوقت وانبسط ومااخلي شي ينكد علي بس ماااقدرررررررت :sad_1:





ريحوني انتوووو كذااا ؟

 

[مجموعة أنثى]

اهم شئ موضوع الاطفال اجليه شوي لين تعرفين وش انتي عليه؛ وبعدين زوجك وشخصيته انتي تقدرين تستنتجين هو راعي هالسواف والا لا؛ اما بالنسبه لقعدتك عند اهلك لا تطولين شوفيهم وتطمني عليهم وقولي له انا ما ارتاح الا ببيتي؛ عشان مايحس اك متعلقه فيه وعشان مايجي بعدين ويقول لك انتي السبب لانك كنت تتركيني وتجلسين عند اهلك؛؛ اتمنى اكون افدتك.

 

[القلب المفتوح]

أنا أعتقد إن هذا شيء طبيعي أول الزواج ,انا ومجموعة من قريباتي نفس الشعور أول ما تزوجنا ما نجي لأهلنا إلا مرة أو مرتين بالأسبوع وما نسهر
لكن مو كله تعلق بالزوج أو شك فيه لأ هذا ملل من وضع كنت عليه وودك تتبرمجين مع الوضع الجديد بدون ما يشغلك أحد حتى أهلك
ولما جبت عيال صرت أرغب إني أجي لأهلي كثير ولو أنام عندهم كل نهاية أسبوع ما عندي مانع
يمكن صار عندي احساس بالأمومة وعرفت إن الأم ما تحب عيالها يبعدون عنها كثير
لكن لما تنسقين روحاتك لأهلك بأيام معينة أخاف يرجع لك الشك عشان كذا خلي زياراتك مفاجئة لزوجك يعني ما يدري إلا انتي لابسة وودك تروحين لأهلك لأنك اشتقتيلهم واللا عندهم كم شغلة بالبيت ومحتاجينك عشان يحس بأهميتك
وممكن ترجعين للبيت مع أي أحد غير زوجك فجأة لين ترتاح نفسيتك
الله يسعدنا وياك في الدنيا والآخرة

 

[الدكتورة نبضة قلب]

بالنسبه لشعور رغبتج بالاتصال فيه
والشوق له وانتي بيت اهلج

طبيعي جدا لعروس مثلج

الموضضوع يحتاج وقت

لكن انتي تربطين الموضوع بخياناته
وانج توسوسين انه يالس يخونج وانتي ببيت اهلج
وها يختلف

في هذه الحاله
لازم تعرفين انه كل انسان الزمناه طائره في عنقه
كل انسان مسؤول عن تصرفاته
ما بتقدرين تراقبين زوجج 24 ساعه
عليج بانج تسوين واجباتج
وتوكلين الباجي على رب العالمين

​

 

[حب عذري]

حبيبتى شعورك طبيعي
لكن حاولى تشغلين نفسك بالاستغفار وهو استودعيه الله
اللهم انى استودعتك زوجي واستودعت فؤاده وسمعه وبصره وفرجه ودينه وبدنه وانت اللى لاتضيع ودائعه
وخليك على الرسايل معاه
وان شاء الله يبعدك عن كل وسواس

 

[فيتامين]

من ناحية شعورك انك تشتاقين لزوجك هذا شي طبيعي لانكم عرسان جدد واي امره تشتاق لزوجها اذا بعد عنها
اما اذا كنتي تشكين انه يخونك لذا كنتي عند اهلك اول شي لازم يكون عندك ثقه بزوجك يمكن تكون نزوه واذا كنتي ماتقدرين تثقين فيه فلما تروحين زياره لاْهلك حاولي يكون معك يعني روحي انتي وزوجك لاْهلك في اجازة نهاية الاسبوع يومين وارجعو

 

[غضى نجد]

من ناحيه شوقك له فهوشي طبيعي عزيزتي ولكن
اتوقع انتي ماثره فيك الخيانه مسببتلك وسوسه وخوف اهو ايش يسوي الحين قاعد نائم جالس
فنصيحتي لك انسي فانسيان نعمه ..واشياء بسيطه لا تخليه تزرع الشك بقلبك لن الشك ان دخل بين الزوجين
جعلها دمار قومي بواجابتك اهتمي بنفسك واتكلي ع ربك وعيشي حياتك لا تكدري ع نفسك’’
اتمنالك دوما السعادة وراحة البال ع طول ,,

غضى نجد’’

 

[أم مصرية]

أعتقد إن الموضوع بزيادة معاكى شوي

 

[أنفاس الحب]

حالتج طبيعيـه ،، ما أخفيــج ،، مريت بنفـس الحـال أول ماتزوجـت ،، لكن بعـد مرور السنـوات ،، تغيـرت شخصيـتي معـاه 180 درجـه !!

حبوبـه ،، من المعروف إنه أول سنـة زواج ،، أصعـب وأشـد سنـه على كل من المرأه والرجـل ،، لأنهـا بداية التعـرف واكتشـاف كل منهمـا الآخــر .. :detective2:

لكن ،، أهم شي حبيبتي ،، تعطيـن زوجـك الثقــه وتشعرينه بهــا ،، حتـى لو أخــطأ وأنتي تعرفيــن خطـأه !! لأنه في هالحــاله ،، راح يعــرف معـدنج وأصـلج زين

وأيضـاً ،، لا تشعريـنه بإنــج ميته عليــه !! معـظم الرجــال ،، يكرهــون هالصفــه ،، ويزيـدون في غـرورهم وتكبرهـم على الزوجــه :santa_1:

بمعنى آخـر ،، كوني شخصيــه مستقـله تمــاماً ،، لج رأيـج ،، لـج أسـلوبج ،، لج تفكيــرج ،، لـج منطقــج الخــاص :icon31:

على العموم ،، هالنقـاط ممكن ما تستوعبيــنها في الوقـت الحــالي ،، لكن غصبــاً عنج ،، بتكونيــن جيه ،، مع مرور السنـوات :shiny:

وربي يوفقــج ان شــالله ،، ويسعــدج الجميـع ان شــالله :cupidarrow:​

 

[بنت مثل العسل]

الحمدلله لقيت احد بمثل مشكلتي
وحالتي اقوى منك بالرغم اني ماشفت منه خيانه:dunno:

 

[انفاس الماضي]

حبيبتى شعورك طبيعي
لكن حاولى تشغلين نفسك بالاستغفار وهو استودعيه الله
اللهم انى استودعتك زوجي واستودعت فؤاده وسمعه وبصره وفرجه ودينه وبدنه وانت اللى لاتضيع ودائعه
وخليك على الرسايل معاه
وان شاء الله يبعدك عن كل وسواس

كلام سليم وعين العقل

 

[مجاهدة المعاصي]

مشكوووورررررررررررررين على الردود ..لاخلا ولاعدم وجزااكم الله الف خير


انا كنت عند اهلي وكتبت هالموضوع من كثر الوسواس اللي ذبحني
بس تخيلو الحين انا رجعت عتده ... وفتشت في جواله لقيته مرسل رسايل لوحده ودقيت عليها وقالتلي انها ماتدري انه متزوج وانها اسفه وانها ماراح تكلمه ابدد
واعتذرت لي ..

تخيلووو يابنات وصلني المطار وراح المول ورقمها بلوتوث على طوووول مانطر
هذااا من اغيب عنه يدووور لعبه يلعب فيها ( اقصد بنات )
وش السواااة ؟؟؟

معنااته كل اعذاااره اللي راحت ووعوده لي كااانت كذببببببببب
انا تعببببببت
هذاا وانا توني عروس ماكملت سنه اجل لو عندي عيال ومسؤليه تتوقعون وش بيسوي ؟
علموووني هل اواجهه ؟؟ او اسكت ؟؟

تعبت تعبت والله :sad_1:

 

[زخـــــات المطر]

اكيد زوجك جنوبي غربي من تحليل البوصله وهالاشكال ما يتركون لحالهم ابد لازم تلصقين فيه لصقه وتبينين حبك له ولا دور على وحده ثانيه تحسسه بهالشيء وخلي عنك ما ابيه يحس اني بنجن عليه واموووت فيه مو كل الرجال واحد
طيعيني وغيري اسلوبك معه وبيرجع لك واقراي البوصله الشخصيه راح تفيدك كثير بهالموضوع

 

[مجاهدة المعاصي]

:sad_1:

اكيد زوجك جنوبي غربي من تحليل البوصله وهالاشكال ما يتركون لحالهم ابد لازم تلصقين فيه لصقه وتبينين حبك له ولا دور على وحده ثانيه تحسسه بهالشيء وخلي عنك ما ابيه يحس اني بنجن عليه واموووت فيه مو كل الرجال واحد
طيعيني وغيري اسلوبك معه وبيرجع لك واقراي البوصله الشخصيه راح تفيدك كثير بهالموضوع

طيب وشرايك باللي سواااه ؟؟

وتنصحيني اواجهه او اكتم في قلبي واسكت

تخيلي قالها بالمسج حياتي < وهذي الكلمه يقولها لي دايم
يعني وشو ؟ يعني كل كلامه لي زييييييييف وكذب ؟
وش اسووووي ؟

 

[ملكة ببلقيس]

الله يوفقك و يكون بعونك

 

[مجاهدة المعاصي]

طيب شدعووووووووه محد راضي يعطيني رايه
وش اسووووي ياعااالم ساعدووووووووووني ترى قاعده احترررررق
السالفه توني ادري فيها اليوم