بنــــــــــــــــــــــــــــــــــــــــــات مخنوقة بمووووووووت .... ؟

[نور الأعيان]

السلام علكيم ورحمة الله وبركاتة

حبيت منتداكم ودايما اكون متواجدة فية واقرأ واتثقف

عندي مشكلة كبيرة وخايفة وايد

انا بنت مب متزوجة ولا عمري رحت للحرام واخاف ربي

بس صارت معي مشكلة وتكفون ساعدوني

مرة كنت اغسل بالماي من تحت وكان الماء مدفع بقوة

وخرج مني دم غامج

:shutup: وما اعرف سالفة الغشاء وعادي عشت حياتي بفرح كنت انسانة اجتماعية جدا

بس من كبرت وعرفت سالفة الغشاء شوي واحس نفسي بموت

وتذكرت لما الدم طلع مني
وصرت انطوائية واستحي من كل حاجة حتى اخواني والي يقربو لي صرت استحي منهم

وافكر وايد واسحر كثير

التفكير بيقتلني افكر انتحر بس اعرف هذا اضعف الايمان وبأي وجهة بلاجي ربي

وما اقدر اخبر حد بيتنا واللحين عمري 21 وطالبة جامعية

بس حياتي كلها في جحيم والتفكير بيقتلني

وكل ما احصل فرصة ادخل الانترنت واقرا عن الغشاء
واخر مرة قريت اذا طلع دم غامج يعني الغشاء ما نفتح
واذا فاتح يعني فتح
وفرحت وحسيت بأمل كبير

وما عارفة شو اسوي

واحيانا افكر اعيش عند امي بلا زواج عشان هالسالفة

اذا عندكم معلومات ساعدوني
وبكون شاكرة لكم والله يوفجن دنيا واخرة

 

[نور الأعيان]

أنتظر ردودج
حاسة نفسي بموت هذا شرفي مو شوي

 

[نعومة الثلج]

ياقلبي انتي تطمني والغشاء مو بهالسهوله ينفتح وانا ابصم لك بالعشره انك بنت وغشائك للان مامسه شي

 

[نور الأعيان]

ياقلبي انتي تطمني والغشاء مو بهالسهوله ينفتح وانا ابصم لك بالعشره انك بنت وغشائك للان مامسه شي

مشكورة على مرورج يا الغلا
بس شو يعني الدم الي خرج مني ؟
اخاف اتزوج وبالاخير ما يطلع الدم
شو بيكون موقفي او موقف زوجي

والله التفكير بيذبحني

 

[رامااا2009]

عادي جدا حبيبتي لاتقلقي
اناوالله ثم والله ان وحده تقولي شخصيا انها يوم
فتحها زوجها مطلع منها الانقطتين دم بسيطه
لان الغشاء مطاطي عند بعض النسااااء

 

[دلوعه دااادي]

انا مانزل مني دم ولاشفته

وزوجي عادي مافال شي

لاتخافين والله مو بسهولة ينفتح

 

[قلب منسي]

حبوبه لا تخااااااااافين .... فديتج مب هالسهوله ينفض الغشاء ....^^
ي عمري بخبرج سالفتي بس هااااااا لاتخبرين حد .....لوووووول الكل بيعرف
يالله ماعليه قلبي ... من زمااان وانا ياهل نونوه بعدني صارلي نفس اللي صار
عندج وظهر دم غااامج .... وعقب عرست والحمدلله ماستوى شوي يعمري
ربج رحيم بعباده ...ومب جذيه ينفض العشاء لا تحاتين انتي بعدج بنت ولاتعرفين
كيف طريقه فتح الغشاء ... فأستهدي بالله وحطي الرحمن فصدرج وربي يستر
عليج يأختي .......وانااااا متأكده هذي كلهااا اوهام ذكري ربج وكثري من صلاتج
والله بيبعد عنج وسواس الشيطان .....

 

[روح الإبتسامه]

حبيبتي على ما اسمع انو مو بالسهوله ينفتح...

 

[جروحي صمت]

الله يعينك ما اعرف عن هاذا الموضوع كثير

 

[اعلامية طموحة]

مــــــــــــــــــــــــــــــافيج الا العـــــــــــــــــــــــــــــــــافية هذي خذيها مني

اذا تزوجتي بتقولي كم كنت ماعندي سالفة ^ ^" << صارت رسوم متحركة مب استشارة

 

[عيون الحوريه]

انا سمعت انو صعب يعني مستحيل ينفض بالماي المدفوع بقوه الله يطمنك

 

[نزف]

يا عمري انتي بنوته
لا تشكين ف عذريتك
ما بهالسهوله ينفض الغشاء
والدم الي صار يمكن جرح بسيط من قوة الماي
بس ابصم لك بالعشره ان الغشاء ما تاثر
عيشي حياتك حبيبتي
ولا تنكدين على نفسك بسبب الاوهام
موفقه