بنت عمتي مسببة لنا مشكله

[% نور الدنيا %]

السلام عليكم
انا عندي مشكله متعبتني ومتعبه البيت كله الا وهي بنت عمتي
عمرها 12 سنه دائما اذا جت عندنا تمسك اختي الصغيره(9سنوات) وبنت اختي (11سنه)
وتقعد تسولف معاهم سواليف وصخه واحيانا يسكرون الغرفه على بعض ولما مسكت اختي وسئلتها وسحبت منها حكي طلعت تسولف لهم سواليف مرررررره وصخه انا ياختها استحيت
وعجزت عنهن اقول لهم اذا جتكم لاتسكرون على بعض الغرفه تقول طيب وتصيح بس اذا جت بنت عمتي تجبرهم ولما يطلعون للصاله يا اما يحطون افلام امريكيه او تركيه او هنديه
بالله ساعدوني وربي اختي مررررررررررره برييييئه وكذالك بنت اختي بس هذي الله يهديها بتخربهم

 

[عذبهم شموخي]

(نور الدنيا) في البدايه السلام عليكم ثانيا لازم تكلمون بنت عمك وتنصحوها بالمعروف وإذاحسيته النصيحه مافادت واجب عليكم إخبار ولدتها ولكن أفضل النصيحه لها مباشره وخليك بصف أخواتك ولاتنهريهم إذا قالوا لك عن السواليف ألي قالتها لهم بالعكس أسمعيهم بكل رحابة صدر وفهميهم وأنصحيهم وعلميهم الغلط وينه وحذريهم منه وإذا بنت عمك ماتغيرت بالنصيحه وكلمتوا أمها ومافاد فبعدي أخواتك عنها نهائيا لأنهم مراهقات وممكن تدمرهم الله المستعان والله يحفظ كل بنات المسلمين ويحميهم أتمنى أكون أفدتك يا لغاليه

 

[شوشز]

حبيبتي لو كنت محلج كنت بنصحها بقولها اش هالكلام اللي تعلمين اختي عيب عليج من وين متعلمه هالكلام وقوليلها لوتبين تقعدين معاهم تكلمي عدل وخليج من هالخرابيط
لو ما فاد فيها الكلام روحي قولي حق امها وخلي اختج وبنت اختج يبتعدون عنها عشان تحس اللي تسوي غلط وبفعلتها تخرب على نفسها
لا تسكتين عنها وانصحي اختج وبنت اختج لانهم في فتره مراهقه فسهل ان اي احد يأثر عليهم
وان شاء الله البنات يفيدونج اكثر حبيبتي

 

[اعلامية طموحة]

شو يعني سوالف وصخه اختي حددي

ثانيا مايصير تحكمي على البنت انها هي وحدها اللي سوالفها .. شو دور اختك وبنت اختك في الموضوع

يمكن هن اللي يشجعنها .. في النهاية انتي اخذتي كلام جانب واحد

بعد ماتخبرينا عن نوعية السوالف اللي يسولفوها بكملج كلامي في انتظارج​

 

[% نور الدنيا %]

عذبهم شموخي
شوشز
انا صعبه اكلم عمتي لانها في مره قال سئلت امي اذا امي تسمح لنا نقرى كتب عن الجنس وهالخرابيط والوضعيات ......الخ
طبعا وقتها كنت انا بالثانوي قالت لها امي لا اذا بغت تتزوج اعطيها الكتب هي قالت بالعكس افضل ان الطفل من صغره تكون عنده خلفيه عن هالاشياء وانا بديت اعطي بنتي هالكتب :thumbdown: يعني امها تدري عنها وساكتها

اعلاميه طموحه
انا ما اضلم البنت ولاتنسي انها بنت عمتي لكن حصل كذا موقف اثبتلي انها هي السبب
مره كنا طالعين شاليه وكانت اختي وبنت عمتي واقفين عند شباب ويتكلمون معاهم وكانت بنت عمتي تلاسنهم وتتخانق معاهم جيت انا وناديتهم وهاوشتهم وقلت لا اشوفكم تكلمون رجال ماتعرفونهم هم زعلو ودخلو الشاليه بعدها بكم يوم جتنا اختي قالت وشهي الفاحشه؟؟؟؟؟؟
انا انصدمت ولما سئلتها مين قال لك هالكلام؟؟؟ قالت ان بنت عمتي يوم كنا بالشاليه قالت لي تدرين ليش اختك ماتبينا نكلمهم لانهم يمكن يسوون فينا فاحشه:busted_red:
ومره ثانيه كانو جالسين بغرفة الجلوس مسكرين عليهم الباب يوم دخلت ارتبككو

وانا ما ازكي اختي ولا اقول انها مالها دخل بس انا ملاحضتها اذا جانا احد غير عمتي تلعب مع البنات لعب اطفال ويسون نفسهم حريم وعااادي
حتى لما تكون معاها بنت اختي يلعبون عاااادي بس لما تجي بنت عمتي لا ولما اقول لهم ليش ماتلعبون ؟؟؟ يقولون فلانه ماتبي

والي من جد خلاني اعصصصصصصصصصب مرره جتنا اختي قالت بنت عمتي ماتستحي قلنا ليش؟؟؟ قالت تقول اشياء موب زينه قلت ليش؟؟ قالت انها تقول ان فيه مسلسل تركي شافته انهم فصخو البنت .................. والباقي ماينذكر:sad_1:
انا بعدها خلااااص ولللععععععت وفهمتها انها ماتخلي بنت عمتي تسولف كذا عندها وانهم مايسكرون على بعض اذا جت ووووووو الخ بس من غير فائده اذا جت على طووول يدخلون الغرفه ويسكرون الباب ولما اقول لاختي تقول هي تقول لي ماعليك منها

يعني البنت عندها ان الوضع عااادي

 

[Ms.RoZa]

تكلمي مع بنت عمك بصراحه ..
والأفضل إنك تجمعيهم وتواجهينهم في بعض .. وتكلمي معاهم بحــده ..
وقولي لهم عن عقوبة الي يتكلم في مثل هالأمور
وضررها ع البنت وغيره الكثير من هالكلام ..

المهم يخافون ويعرفون الخطا لإنهم مستسهلينه ع مايبدو ..
وما ألومهم جيل القنوات والأفلام الفاضحـه .. !

 

[اعلامية طموحة]

تكلمي مع بنت عمك بصراحه ..

والأفضل إنك تجمعيهم وتواجهينهم في بعض .. وتكلمي معاهم بحــده ..
وقولي لهم عن عقوبة الي يتكلم في مثل هالأمور
وضررها ع البنت وغيره الكثير من هالكلام ..

المهم يخافون ويعرفون الخطا لإنهم مستسهلينه ع مايبدو ..
وما ألومهم جيل القنوات والأفلام الفاضحـه .. !

انا رأيي اتفق معاج ياهمس في نقطة ان تجلسهم وتكلمهم مع بعض

بس اختلف معاج انها تكلمهم بحده لعدة أسباب ...

أولها ان ام البنت سامحه لها تتثقف جنسيا (ساء ذلك أو حسن هذا موضوع ثاني)

ثانيا ان البنات عندهم تقبل للي يسمعوه والدليل انهم يسمعوا كلامها وهي مالها سلطه عليهم وكل ما واجهتهم اختهم رموا السالفه فوق راسها هي (لأنهم عارفين شعور اختهم اتجاهها لذلك هي الحلقة الأضعف)

انا من وجهة نظري اي نعم جلسيهم مع بعض لكن كلميهم بهدووووء وكأنك مش ضد اللي يقروه بالعكس ساعديهم على الفهم .. بس يفهموا اللي انتي تبيهم يفهموه مش اللي على مزاجهم

هالسن يا اختي سن فضول وسن تغيرات فسيلوجية .. وغير القنوات الفاضحه والمسلاسلات والافلام كل هذا يفتح عقل البنت في وقت مبكر

لذلك احتوي بنت عمتك وعالجي الخطأ بالتصرف الصح .. لا تحتقريها ولا تتكبري عليها ولا تخلي اخواتك يحتقروها ويحطوها في زاوية غلط .. انتي قلتيلاتنسوا ان هي بنت عمتي وانا اقولج رغم انها بنت عمتك فأنا ما ألمس منك التعاطف المفروض

بنت عمتك تعمل شي الواضح انه بتشجيع من امها .. لكن دون رقابه.. لذلك في نظرها كل شي تسويه صح وعادي بس انتوا اللي معقدين وامها المتطورة

لذلك انصحك انك تكلميهم عن امور خاصة بس مرتبطه بهذا السن مثل الدوة الشهرية .. ونظرة المجتمع للبنت اللي تكلم شباب ونظرة الشباب للبنات .. وخليهم يتكلموا وسمعي منهم شو بيقولوا

حاولي لاتجلسيهم بالعمد .. لأنهم ماراح يتكلموا وبيحسن كأنه تحقيق.. لا مثلا روحي المطبخ وقوليلهم اباكم تساعدوني بيجوني بنات .. واعملوا بسكويت أو كيك وسولفن شوي شوي بيندمجن وبيطلعن اللي بخواطرهن


​

 

[Ms Uae]

أنا مع الاخت همس العذارى

والشي الثاني .. كوني عنصر فعال في حياتهم..سولفي وياهم لما تكون موجودة

خبريها سوالفكم يوم كنتوا صغار وشو تسوون..لعبي معاهم مثلا ورقة .. اشيا فيها مشاركة وبعدين

قولي لهم انا بروح وبرجع انتوا كملوا اللعب..او خليهم يلعبون وانتي كوني قريبة منهم

يعني عطيهم الثقة ( بعد ما تكلمينهم) وبس خلي في رقابة لكن مش جدامهم من بعيد لين بعيد

وشوفي شو يحبون ابدي قريبهم منج وعلميهم كيف لازم يسولفون ويلعبون

وان شا الله ما يصير الا الخير

بالتوفيق حبوبة

 

[التحريه كونانه]

اللهم أنت ثقتي من كل كرب
ورجائي من كل شـــــــدة
وأنت لي في كل أمر ثقة وعدة

فكم من هم يضعف فيه الفــــؤاد
وتقل فيه الحيلة، ويشمت فيه العدو
ويخذل فيه الصديق و يشمت فيه العدو
فأنزلته بك وشكوته إليك
رغبة فيه إليك عمن ســـــــــــــــــــــــواك
ففرجته وكشفته وكفيتنيــــــــــــــــــــــــــه
فأنت ولي كل نعمة وصاحب وصاحب كل حسنة
ومنتهى كل غاية يا رب العــــــــــــــــالميـــن