بنت الحرام وزوجي

[الأمل لحظه]

السلام عليكم ورحمه الله وبركاته مشكلتي كبيره جدا ولا استطيع ان اختصرها الا بهذه الكلمات وهي اني دائما اجد عند زوجي ارقام غريبه واواجهه ويفلت مني بسرعه لانه يتخلص من هذه الارقام بفتره وجيزه او بالاصح العلاقات تكون ضعيفه يعني يكلم بنات بس اسبوع وخلاص تنتهي العلاقه بس المشكله بالرقم الي الحين صارله تقريبا 7شهور وهو يكلم فيه بنات انا بموت احس خلاص ماعندي صبر وكل ماقلت شنو الرقم هذا يطلع لي عذرالمهم الرقم طلعته اليوم وحفظته عندي وماادري شلون اتصرف فيه ودي امسح فيها الارض بس خايفه زوجي يدري انه انا الي مكلمتها وللعلم انا اقدر وعندي القدره اني انشر رقمها عند كل الشباب وافضحها فضيحه عمرها بس همن خايفه من ربي ومنقهره والله قهر 7شهور يعني علاقه ويمكن يصير زواج بعد مايندرى عن الرجال هالايام

 

[الأمل لحظه]

تكفون ردوا بموت من القهر الله يقهرها الي طلعتني من طوري

 

[خدود الورد]

الله يفرج كربتك ، ويصلح حال هالرجااااال ،
حبيبتي فيه بالمنتدى دورة اسمها استراتيجيات التعامل مع لزوج الخائن ،، بتفيدك كثير ،،

 

[دلع قلبه]

ما هكذا تحل الخيانات!!
برد الله قلبك واثلج صدرك
اعلم حجم النار التي بداخلك
ولكن عزيزتي المواجهه في ضعف مشكله اكبر من الخيانه لان زوجك عندما يرى استسلمك في النهايه بدون موقف
صارم يظن ان الامر عندك مسالة وقت تعصبين في البداية بعدين يقدر يهرب منك بكل سهوله
لذلك اسلم طريقة لحل الخيانات
معرفة السبب اولا وعندك موضوع استراتيجية ابله بدرية جدا رائع في حل نموذج من نماذج الخيانه
ارى انك تتعرفين على نمط زوجك اولا ثم سبب الخيانه وتحلينها حسب السبب
لن تستفيدي شيء من مخاطبتها حرقة دم وربما اخبرت زوجك وقلبها عليك
خذي الامر برويه حتى تستطيعين بإذن الله حل المشكلة من جذورها.

 

[الأمل لحظه]

مشكوره دلع قلبه من كل قلبي اشكرك بس من الي في جوفي

 

[مملكة الصبر]

اختي كلميها وهدديها وادعي عليها وقولي لها اذا كلمتي زوجي وعرف اني كلمتك واللة لادعي عليك السرطان ومن هالكلام اشفي غليلك فيها اختي وكثري من الاستغفار لان مافوق ربي احد بيدة كل شي سبحانة وكلي امرك لربك وربي يفرجها من عندها اللة يهدي زوجك ويسخره لك ويكرة بالحرام حسبي اللة على كل تسبب في خراب بيوت المسلمين وجلب لها المشاكل

 

[ناعمه الشمرى]

وش راح تستفيدين ان فضحتها راح يلفى زوجك على غيرها لان البلاء فيه ماهو فى البنت الى تكلمه والله اغلب الرجال صار عندهم الخيانه مدرى ليه ماصار عندهم خوف من الله ينتقم لنا منهم وينصرنا عليهم

 

[فريدة بذوقي]

الله يكون بعونك

ما اشوف انك تكلمينها غير تقهرين نفسك تلااهم مايخافون الله

 

[ورده رومنسيه]

انا مع الاخت دلع قلبه حاولي تحلي المشكله بطريقه ذكيه والله يسخر قلب زوجك ياااااااااارب

 

[صعب مثلي تعشقون]

• االله يصب قلبك​
• بس اختي انا اقدر اجيبلك رقم يباع بالسر لو تصلين عليه مثلا​
• يطلع عندها رقم خاص وماله تفاصيل وماتعرف مين المتصل​
• لوتمووووت انتي خذي رااحتك وهزئيها وماراح تعرف مين​
• لاهي ولاغيييييييييرها​
• بس الرقم ب150 اذا تبينه حااااااضره؟؟؟؟؟؟؟؟؟؟​

 

[صعب مثلي تعشقون]

السمووووووووه به اخطاء املائيه

 

[حديث القلوب]

ماانصحج تكلمينها
اما انج تعطيني الهئيه عندكم الرقم ويهددونها
واهي اصلا بتخاف بس قبل حاولي تيبين كل معلومات عندها واهو اعرف نمطه وتعاملي معه على هالاساس
واياج والضعف جدامه

 

[الصاامته]

انا اقوول يمكن رقم من ارقاام اصحاابووه ومااحطلووه اسم ويمكن صااحبوه عنده رقمين ولاتشكيين فيه كثر الشك يطفش الرجااال الله يعينك

 

[الصاامته]

اختي كلميها وهدديها وادعي عليها وقولي لها اذا كلمتي زوجي وعرف اني كلمتك واللة لادعي عليك السرطان ومن هالكلام اشفي غليلك فيها اختي وكثري من الاستغفار لان مافوق ربي احد بيدة كل شي سبحانة وكلي امرك لربك وربي يفرجها من عندها اللة يهدي زوجك ويسخره لك ويكرة بالحرام حسبي اللة على كل تسبب في خراب بيوت المسلمين وجلب لها المشاكل

بالله هذا حل ؟؟؟؟؟؟؟ الله يعين بس

 

[الأمل لحظه]

حياتي صعب مثلي تعشقون انا من الكويت يعني مااقدر اشتري هالرقم بس مشكوره على الرد

 

[الأمل لحظه]

حبيبتي الصامته انا الرقم متأكده انه لبنت وايضا هو اعترف لي بس قال بتركها واحس انه مايستغني عنها كلش لدرجه يخرج برى البيت عشان يكلمها

 

[الشموخ طبعي]

اذا انتي في السعودية هدديها قولي ابعطي رقمك الهيئة يتصرفون معاك
ويبلغون ولي امرك ويستدعونه
والله يعينك​

 

[الشموخ طبعي]

اذا انتي في السعودية هدديها قوولي ابعطي رقمك الهيئة هم يتصرفون معك
ويستدعون ولي امرك ياخايبة
والله يعينك يااختي​

 

[غيرني جرحي]

ادا عندك احد في الاتصالات خليه يشوف الارقم بسم مين وخليه كمان يجيب الارقام الي معاه يمكن يطلع رقم ابوها او اخوها وكلميهم وفضحيها انا سويت كده مع الفاجره