بنتي و الحساسية، ماذا افعل !!!!!!!

[الماسة و حساسة]

السلام عليكم دكتورتي الفاضلة

عندي بنتي عمرها سنتين و 4 شهور

من يوم ما بدأت تاكل و انا الاحظ انها تتحسس من بعض الاصناف و اغلبها المكسرات

يعني لمن تاكل مثلا البزر الابيض او زبدة الفول السوداني او نوع معين من الشكولاته او فستق ....

على طوووول الاقيها تكح و تكح و بعدها ترجع كل الي في بطنها و يظهر على وجهها احمرار على شكل قرص الناموس بجانب فمها و على مناطق متفرقة من جسمها و عيونها تصير لونها احمر

مشكلتي الحين ايش اسوي معاها؟؟

يعني احيانا في ناس يعطوها نوع من هذي الاصناف بدون علمي و هم ما يدروا انها تتحسس منها و تصير فيها هالحالة

اخاف انها تستمر هالحالة معاها لحد ما تكبر ولا اعرف لها علاج سريع في حالة حدوث مثل هذي الحالة لها

انتظر الرد دكتورتي الغالية و اعتذر على الاطالة

 

[د/همسه هذيل]

السلام عليكم عزيزتي :
من اكثر الاشيائ الي يتحسس منها الاطفال هي الحليب و البيض و الفول السوداني الي مصابه فيه بنتك و السمك
بالنسبه لحساسيه الحليب بعض الاطفال يتحسن في سن 5 سنين .. اما حساسيه الفول السوداني و السمك تستمر معهم الى 7 سنين و باقي الاطفال الى طول العمر ... العلاج الوحيد هو الامتناع عن المكسرا ت كامله و تنبيه الناس كلهم في العائله ان ما يعطونها اي شئ مكسرات اصلا ما بعد صغيرة ممكن ما تعرف تتكلو و تنخنق فيهم و غير الحساسيه لا تخلينهم يعطونها لبد حتى في الحضانه لة تودينها الحضانه خبري كل الي حواليك .. لو صارت فيها الحاله تأخذ antihistamin اذا تطورت الحاله كثير تودينها بسرعه المستشفى يعطونها كورتيزون ..
بس طبعا الوقايه خير من العلاج حرام اتدخلينها في كل هذا و انتي بأمكانك انك تبعدينها تماما ..
سلامتها انشاء الله الله يحفظلك اياها يا رب ..

 

[الماسة و حساسة]

اشكرك دكتورة همسة و جزاك الله كل خير

بس سؤال اخير هل اروح بها لدكتور خاص بالحساسية يعطيها علاج حتى تروح منها هذي الحالة؟؟

و لا خلاص اعطيها العلاج الي كتبتيه في ردك السابق؟؟

انتظر الرد جزاك الله خير​

 

[د/همسه هذيل]

هلا بيك عزيزتي :
لا روحي بيها للدكتور عشان يشوف بالضبط مدى الحساسيه و ايش تعطينها بس مو الحين اذا جاتها الحاله لا سمح الله مرة عشان يفحصها ساعتها اما الحين ما راح يعرف حدة الموضوع ..

 

[الماسة و حساسة]

المشكلة يا دكتورة ان الحالة دي عرضية

يعني بس لمن تاكل الي قلت لك عليه

و اول ما تاكله و تطلع الي اكلته وقتها يجيها الاحمرار في وجهها و عينها

و بس على طووول تروح الاعراض هذي

يعني ما تطول تستمر بس حوالي من ثلث الى نص ساعة و ما اتوقع ان الدكتور يمديه يشوفها الا و هي الحمد لله مختفية الاعراض

شوري علي الله يخليك

اعتذر على الاطالة و لكن عشمي فيك هو سعة صدرك

انتظرك يا دكتورة

 

[د/همسه هذيل]

لا عزيزتي خلاص لا تعطينها و لا شئ ما دامها مش شديدة لدرجه انها تأثر على تنفسها او تضل ساعات .. اختي علاج بنتك الوحيد انك تبعديها عن المكسرات ككل و لما يصير عمرها انشاء الله 5 سنوات جربي عطيها لو ما طلع اي شئ خلاص اذن تعافت الحمد لله لو طلع لها معناتاه لسه انتظري كل سنه جربي و هكذا و لو تطورت الحاله يعني اثرت على تنفسها ساعتها وديها الدكتور غير كذا ما له داعي ..
الله يحفظلك اياهي .. لا تترددي بأي سؤال .. شكرا لك ..

 

[الماسة و حساسة]

جزاك الله كل خير يا دكتورة و ربي يعطيك لحد ما يرضيك

و يريح بالك زي ما ريحتي بالي

و الله اني كنت خايفة عليها مرة كثير بس الحمد لله ربي دلني عليك

و الله يسلمك دكتورتي العزيزة

 

[د/همسه هذيل]

شكرا لدعائك الجميل عزيزتي ... الله يبارك فيك يا رب ..