بنات من كان لها تجربة مع الأستاذة ناعمة في قراءة الصور؟

[وجدتُ ذاتي]

بنات أنا بإذن الله بتصل على المركز وأرسل المبلغ
وأشوف إذا فيه فرصة أستاذتنا ناعمة تقرا لي صورة زوجي ..

يارب أحصل فرصة معها هي مررة مشغولة هالأيام..

لكن حبيت أشوف هل فيه أحد منكم يالغزلان ^_^

سبق وقرت أستاذتنا الكريمة صورة لزوجها؟؟

ياليت تعطونا تجاربكم ..

يحفظكم ربي ):

 

[جورية 99]

يعني تحدد لك شخصيتة من الصورة؟؟

 

[تراتيل امراه]

ياليت والله احد يفيدنا وكيف اوصل للدكتوره ناعمه

 

[وجدتُ ذاتي]

إيه تعطينها الصور وتطلع لك شخصيته وهذا بحسب ملامحه وسبحان الله هذي فراسة ودراسة

مثل أذكر مرة قريت للاستاذة ناعمة إنها تقول اللي حواجبه مقوسة يطلع جنسي ..

وطلع صحيح في حالة أعرفها !!

بس عاد مو بهالسهولة لا حسب كلامها قراءة الصور تاخذ وقت وجهد ..

ومرشدتنا القديرة معرروفة في هالمجال لما أقرا قصص عميلاتها أشوفها فاهمة في هالموضوع

مثل برود ومطر والعربيد والعذراء وغيرها ...إلخ

 

[يليانى]

موفقة ان شالله

 

[sad tulip]

فعلا عزيزتي من القصص اللى بالمنتدى اتذكر كانت تعرف نمط الشخص من صورته وتفهمه ..لكن ماسق اني سمعت حد هني بالمنتدى عاش هالتجربه
مادري انشالله يفيدونج البنات

 

[سنتوريا]

ياليت والله نتعلم كيف نقرا الصور
بنستفيد كثير
حتى مع اهلنا وعيالنا
مثل انماط الشخصيه استفدنا منها كثير الله يسعدهم