بنات مشكلتي مو بس مع زوجي زوجة اخوه الغريبه ماادري وش تبي فيني

[ام قلبي عبدالله]

السلام عليكم بنات حاولو تفهموني وش اسوي ووش الصح ماقدرت افهم زوجه اخوه الي انا وياها بالبيت سالفتها سالفه صايره بيني وبينها مشكله ومن بعدها طالت شوكتها بعد ماكانت لاتهش ولا تنش خوات زوجي كانو يسبونها عندي ولايحبونها والحين قلبو بصفها ماادري هذولا الناس وش يبون كنت انا وياها مررره مع بعض بعد المشكلة قالت خلاص علاقتنا صطحيه انا انصدمت بعد ماكانت اسرارنا مع بعض وكنا بقوووه زي الخوات بس انا كنت احسها تنغر مني وباشياء واضحه لانها تقلدني بس هي ماتعترف باهشي والحين تطلعني انا الغلطانه لاني بعد ماقالت لي خلاص ابي علاقتنا صطحيه وانا كنت حامل ونفسيتي مره تعبانه لابعد حد صرت مااجلس معها ولا ابي قربها بعدين صرت عادي عاد الحين صرت انا الغلطانه وتحط اللوم علي مع اني ماسويت لها شي ابد تقول انك حطيتيها علاقة كره مب سطحيه انا سكت بس قولو لي وش اسوي معها علشان افتك من لسانها مره متعبتني ابي اسكن بالشارع ولا معها تدبر وتعبر حتى بشغالتي وليش ماسويتي وليش ماحطيتي وانا مالي خلق المشاكل معها لانها معي بنفس البيت احب انه مايصير بينا عداوه ولا ماارتاح بحياتي وش رايكم وش اسوي معها الله يسعدكم ويبعد هالاشكال عنكم يارب

 

[بااااتي]

الصمت حكمه
خليك سااااكته ماكانك تشوفينهاا
ولاكانك تشوفين اح قدامك
وبخصوص شغالتك قولي حبيبتي
اذا بغيتي شي انا اقوله لهاا
موانتي تصرخين عليها
وانتي تقولين غيرانه
خلاص غيرت الحموات من صارة
موضه
والتقليد سيد الموقف
طنشي
والشاطر من يضحك في الاخر ​

 

[princessh]

انا زوجة اخوه معي بنفس البيت بس مااشوفها الاعند اهله واذا شفتها عادي اسولف واضحك بس مستحيل اقولها تفاصيل حياتي ,,
انتي خففي زياراة لها مره بالاسبوع واذا شفتيها اضحي وسولفي بس لاتقولين لها تفاصيل حياتك اريح لراسك انها علاقه سطحيه وزين انها جت منها عشان متدخل بكل شي ولا تتلقف واذا تلقفت قولي انا هالشب عاجبني كذا ..لاتعطينها مجال فكل شي واذا رحتي عندها لاتتعدين المجلس وبس قهوه واطلعي لاتطولين

 

[ذكرى الخير]

احسن شئ حبيبتي قفلي بابك وريحي عمرك ياقلبي بعض السلايف صحبتهم غم في غم
هادي حقت قيل وقال
اسرارك لانستامني احد فيها لااخت زوج ولاسلفه
خليك في حالك وبينط وبينها الواجب وبس
الموضوع واضح من عنوانه​

 

[*..الحلوة..*]

الباب اللي تيك منه الريح سده واستريح شو يا ماما اول شي انتي عطيها بو لابس يعني عامليها بكل برود ظحكي وعلقي وهي تبي تظحك حياها ما تبي ولا همج والخدامة فهميها قوليلها انا مدامج اذا تبين تسوين شغل ثاني سوي ما تبين بكيفج مب لازم انا هذا اللي تعلمته من الحياة بعد مشوار طووووووويل من مشاكل الحموات

 

[قمر بعيونه]

السفهان يقطع المصران ماكانك تشوفينها احتسبي الاجر عند الله بسكوتك اللهم استرنا فوق الارض وتحت الارض ويوم العرض

 

[دانة الشام]

خليكي رسمية

أي عزيزتي خليكي رسمية معاها جدا جدا وهذا كان المفروض يكون من بداية سكنكم مع بعض ولكن فيكي تتداركي الموضوع وتغيري من طبيعة العلاقة بيناتكن خلي في حدود دائما ولكن حافظي على زيارات ودية بين وقت وآخر حتى لاتتأثر علاقة زوجك مع أخوه أو أولادك مع أولادها..ولاتتعمقي بصداقاتك مع أي أحد وهذه نصيحة مجربة...خلي اسرارك في قلبك لاتقوليها حتى لامك أو خواتك..وتقبلي مروري

 

[دمعة الغيمه]

الغلط كل الغلط ان الوحده تقول اسرارها لسلفتها مهما كانت العلاقه
الله يعينك لكن اخذي هذا درس عشان تاخذين احتياطك وتتعاملي مع الجميع برسميه

 

[من عرفني ملكني]

البنات ماقصروا يالغاليه وفو وكفو
بس انا حبيت ادعى الله يصبرك عليها
ويحقق لك امنياتك ويسعدك فى الدارين

 

[ام على2]

نفس هالحاله عندنا في البيت بس مطنشينها حاشره خشمها في كل شي محد يشتهيها بس لولا الخوف من الله محد بيسلم عليها .........

 

[s-m]

الله يعينك ياقلبي ولا تحطي لها اي اهتمام
اهتمي بنفسك وبيتك ولا تشغلي بالك

 

[ام قلبي عبدالله]

مشكورين يااغلى بنات الله يسعدكم

 

[ام قلبي عبدالله]

بنات وينكم تكفون علموني وش اسوي مع كيد الحريم

 

[البرنسيسة سارة]

طنشيها

ولا تعطينها أسرارك خلك كتووووومة معها

تراها تغاار منك كل السلايف يغارون من بعض

خاصة لاصاروا أهل الزوج يفضلون وحدة على الثانية

الله يعينك

 

[ميف]

:msn-wink:حبيبتي ام قلبي استعملي كيدك في التعامل مع الحرييييييييييييييييييييييم:msn-wink: ماينفع بهالزمن الاكذا:icon31:

 

[ام قلبي عبدالله]

بنات يعني رايكم اطنشها واتركها بس بكذا اشيشها على نفسي من جديد ولا اكسبها لصفي واكون كويسه معها علشان افتك من شرها لانها تحس انها ماتغلط وكل شي تسويه معها حق وتجيب لي اسبابها وهي غير مبرر

 

[فدييتني بحرينيه]

الله يكون في عونك حبيبتي ويصبرج واحسن حل صكي بابج وقعدي لحالج بس عشان ما تعور راسج ولا قلبج

تحياتي لج

 

[ام قلبي عبدالله]

بنات هذا كله وانا كنت متزاعله معها شاشة علي وصارت تتهمني باشياء تقول اني سالت الشغاله ومن هالحكي يعني فيه اشياء الواحد يستحي يسويها ترسل لي عيب عليك ومن هالحكي الله يفشلها وشلون تفكر هالتفكير

 

[آهات مكتومه]

أختي ..
حقريها .. الحقران يقطع المصران على قولتهم ..
ولا كأنك تشوفينها .. و ان الجدار تكلم انتي تكلمتي ..
حتى بعينك لا تناظريها .. تجاهليها .. عيشي في حالك ..
يعني ابعدي عنها و غني لها >> خخخخ ..
الله يفرج همك و ان شاء الله ربي يرزقك بيت مستقل عنها ..
الله يريح بالك .. و يسعدك وين ما كنتي .. و عسى ربي ينصرك
عليها .. و على فكرهـ ..
أنا تعلمت في حياتي ان كل شي مردود .. يعني انتي اسكتي عنها و راقبيها
من بعد .. بتشوفين وش بيصير فيها ( بعديييييييييييين ) لأن ربي
ما يضيع حق أحد .. و بياخذ لك حقك عاجلا ام آجلا ...
ودوام الحال من المحال .. بكرهـ الدنيا تتغير و ما تدري وش يصير فيها ..
أتمنى تكوني فهمتي كلامي ...
لك صادق ودي ...

 

[ام قلبي عبدالله]

حبيباتي ابي فزعتكم معي وينكم الله يفرج لي ولكم يارب