بنات شو اضرار استخدام العطور في فترة النفاس؟

[princiess]

السلام عليكم ورحمة الله وبركاته

اخباركم كروشات ان شاءالله تمام

بغيت اسالكم شو اضرار استخدام العطور في فترة النفاس؟

 

[كلي إنوثة]

ليكون سويتها برنسس وولدتي قبلنا خخخ

مابعرف شي علمي علمك بس لفت انتباهي انك كاتبة الموضوع قلت ارفعو

 

[أحلى خوخه]

اللي أعرفه إن اللي تولد فتح بطن موزين لها العطور والبخور تخلي الجرح يلتهب...
وإذا طبيعي ماعندي فكره إذا زين أو لا وليش؟

 

[احساس الدنيا]

اليوم كان في بالي واسال عنو بس ماحد جاوبني

ياريت احد يفيدنا

 

[princiess]

ليكون سويتها برنسس وولدتي قبلنا خخخ

مابعرف شي علمي علمك بس لفت انتباهي انك كاتبة الموضوع قلت ارفعو

ههههههه فديت روحج منوره الموضوع بوجودج عيوني:32:

ياليت لو سويتها ربي يسمع منج واسويها خخخخخ :31:

لا السالفه اني اليوم كنت اجهز شنطتي حق المستشفى

وحطيت لي عطور وبودي اسبري وهالسوالف بس تذكرت

كلام البنات قلت اسالكم :22:

خلينا نتريا ردود البنات ونستفيد

 

[princiess]

تسلمين احلى خوخه ع ردج ومرورج وان شاءالله البنات بيفيدونا ^_^

 

[princiess]

اليوم كان في بالي واسال عنو بس ماحد جاوبني

ياريت احد يفيدنا

هلا حبيبتي احساس منوره :7:

حتى انا من كم يوم هالسؤال في بالي

ان شاءالله البنات يفيدونا

 

[o.o]

ماعندي فكره عن ضرره لج بس اكييييد يضر البيبي اصلا المواليد اللي اقل من شهر بسرعه تلزق فيهم ريحه العطور وممكن تسبب لهم حساسيه .. انا ودي احط حمره اظافر بس اخاف لانها بعد تطلع ريحه

 

[princiess]

اها عشان البيبي مضر زين انج نبهتيني يالغلا

وان شاءالله البكريات يستفيدون ميغسي ع المعلومه

وع مرورج منورة فديتج

 

[شخص راقي]

ياريت احد يوضحلنا اكثر انا نفاس من17 يوم ومتحسفة ع العطور تعبت نفسيتي

 

[زهره متشابكه]

في بكري كان أحس بألم موطبيعي في موضع الخياطه وماأقدر اجلس على موأخرتي بعد خمسة وعشرين يوم اشتكيت حق خالتي قالت أكيد شمم من الحريم إلي يزورونك وهم يتعطرون وعطتني مر اغسل فيه واشمه وسبحان الله على طول توقف الألم وعرفت أن النفاس مايصلح لها العطر أن شاء الله استفدتي من تجربتي

 

[دنياي دنياك0]

هو مايصلح حق اللي فيها خياطه وجروح
اما اللي والده بدون خياطه اتوقع عادي ما ياثر

 

[جسرالاحزان]

السلام عليكم

شوفي يا قلبي له ضرر كبيرررر استخدام العطور في النفاس تسبب لك شمم والشمم هذا يمكن يؤدي للموت

لا تقولين اني ابالغ لا والله اتكلم جد

اصلا مو بس في فتره النفااس مو كويس اي واحد يسوي عمليه او فيه جرح يقولو له انتبه من العطور لانها تسبب لك شمم

وفيه المرره كويسه للشمم والاحسن انه تستخدمينه قبل ما يجيك الشمم يعني من اول ما تالدين علشان ما تتعبين وعلى طوووول يلتم الجرح ولا يطوووول

وسلامتكم

^_^

 

[ياقوتيه]

صاحبة الموضوع مشكوره عالطرح فعلا محتاجين ننتبه لهالنقطه

انا مواضيع كثبره اقراها ان اللي تربي على طول تشم عطر عشان ما يستويلها شممم الحين مافهمت وين الصح ووين الغلط؟؟؟:12:

السلام عليكم

شوفي يا قلبي له ضرر كبيرررر استخدام العطور في النفاس تسبب لك شمم والشمم هذا يمكن يؤدي للموت

لا تقولين اني ابالغ لا والله اتكلم جد

اصلا مو بس في فتره النفااس مو كويس اي واحد يسوي عمليه او فيه جرح يقولو له انتبه من العطور لانها تسبب لك شمم

وفيه المرره كويسه للشمم والاحسن انه تستخدمينه قبل ما يجيك الشمم يعني من اول ما تالدين علشان ما تتعبين وعلى طوووول يلتم الجرح ولا يطوووول

وسلامتكم

^_^

اذا فعلا العطور تاذي لهالدرجه شو نسوي اذا الزوار يتعطرون شنو الحل ؟؟؟؟ ياليت في وقايه لان مانفدر نمنعهم من العطر :29:

وبالنسبه للمره ياليت تفيديني اي مره تقصدين هل االمره الحجر البني اللي من العطار كيف نشمه مافيه ريحه ؟؟ ياليت توضحيلي اختي جسر الاحزان وجزاج الله خير

 

[ام مصعب]

اي كلام جسوره صحيح مو جرح للعمليه والخياطه طبييعي فاول ماتولد وهي في المستشفى تشم مره زينه للشمم علشان تتجنب عطورات الممرضات والدكتورات وزين علشان مايلتهبيب ويعورها والله يسهل علكيكم والمره هو الجحر البني عند العطار وسوي بحث وراح تلقين كلامي صح

 

[عنب ازرق]

العطور مضررررررررررررررررره جدا سواء بالنفاس اوالدوره
انا وقت الدوره كنت احط عطورات واتعب قووووه وقالت لي امي انه شمم واحيان تاخر الدوره واحس باعراضها وفيه زي الم الابره من تحت واذاحطيت دواء شمم تنزل
انالسى ماجربت الولاده دعواتكن ان ربي يرزقني بالذريه الصالحه :11::11:
بنت خالتي بولادتها شمت عطر وتعبت بغت تموت لين استخدمت دواءشمم
والشمم يموت انتبهن يااخواتي الله ييسر امري وامركن

 

[الفتاة ألم وأمل]

يعني اذا كان مضر بتمنعون الزوار من العطورات ماتقدددددرون
والحل ياحلوات وأبي دعووووواتكم لي بالذرية الصالحه المتعافيه عاجلالالا
جهزي بشنطتك حقت الولادة _شاشه بيضاء _ وحطي فيها مرة وصبره مدري عاد وش يسمونها بعضكم واربطيها مثل الصرة
وأيضا صرة 2 حلتيته وكل وقت شميها بقوووووة هههههه لين تحسين وصلت بطنك كل يوم لين تخف خيوطكم
المرة شرب بس مدري عاد وش كثره راح اتأكد لكم إن شاء الله بس لا تنسوووون ادعووولي

 

[جےـوِد آلحےـزטּ]

شوفي شنطتك حقت المستشفى

حطي فيها عطر وبخي على ملابسك وملابس البيبي علشان مايجيك شمم

حتى لبس اللي داخله فيه غرفة الولاده تعطرينه احنا اخواتي كلهم كذا والحمد لله

ماصار لنا شي بالعكس يصير الجرح متعود على العطر...

لان الزوار بيجون كابين عطور والدكتور بعد يعني ماتقدرين تمنعينهم

لذلك عطري كل ملابسك وماراح يصير لك شي...........

وبتدعين لي عقب النفاس......

 

[princiess]

صاحبة الموضوع مشكوره عالطرح فعلا محتاجين ننتبه لهالنقطه

انا مواضيع كثبره اقراها ان اللي تربي على طول تشم عطر عشان ما يستويلها شممم الحين مافهمت وين الصح ووين الغلط؟؟؟


صدقج احترنا والله ومن قريت كلام الاخت جود احترت اكثر

اشكر كل اللي مرت وردت علي يزاكم الله خير

 

[أم حميدة]

أختي الغالية :
الشمم من الخرافات التي يعتقدها الناس والعطور لا تضر الجروح والخياطات ولا تضر النفاس ولا التي فيها الدورة
يعني طبيا ماله دخل ،،،،،
بس الناس تربط ما يحصل لها بأي شيء
فأحيانا يربطون أي حدث بالذي يدخل عليهم
فربطوا التهاب أو تأخر التئام جروحهم بالعطور
وأنا أقول لك :
إني في كل ولاداتي كنت أستعمل العطور وما تصير معي شيء
وأتعطر وأنا فيني الدورة وما يصير لي شيء
وأقول لك شيء ثاني :
أن الشخص لو كان عنده جرح ممكن يوضع عليه عطر لأنه يُعقم لاحتوائه على الكحول ( العطور البخاخة )
أما الذي عنده حساسية من العطور هذا شيء ثاني ( فيكون معاه في قبل ذلك أيضا وليس من النفاس فقط )