بنات شنو أرد على زوجي بعد هذا الكلام

[نازي]

بنات أسمعوا زوجي شنو يقول لي اليوم أهو من كم يوم بس راجع من تايلند قضى 2 أسابيع من شهر الله في هالديرة التعبانة أهو مع زوجته اللعوب التايلندية يعني أقل شي صرف هناك 800 الى 1000 دينار والله العظيم وآنا ما أشوف ولا 100 فلس من عنده الى ولدي واليوم كلمته شوفوا المصيبة الي قالها أن التايلنديات أشرف منك وأحسن منك وهذة خليها تاج فوق راسك للعلم بان هو لا يصلي لا يصوم أنسان حقود حتى ولده عمرة خمسة أشهر من أربعة أشهر لا يسئل عنه ولا حتى يمر عليه بنات شنو مع ها لأنسان وأرجوكم الدعاء مستجاب في هذة الأيام الفضيلة بس الي أمبي أقوله حسبي الله ونعم الوكيل في الرجال الي بهذة الشكل والله ياخذ حقي وحق ولدي منه ومن هالساحرة الي ما تركته الي يوم جابها من ديرتها والله أنسانة وقحة والقهر ان أهي أكبر منه ب 7 سنوات ويعاملها كأنها أم 5 سنوات وآنا ما شفت الا المر وياهاز​

 

[samaaa]

ياقلبي ايش لك فيه وهو مايصلي ولايصوم

استشيري شيخ قبل تسالين كيف تتصرفين معاه

اللي مايخاف من الله ماراح يستحي ولا يخاف من احد

عليك بالدعاء والاستغفار

وحسبي الله ونعم الوكيل

الله يخلي لك ولدك وييسر امورك ياقلبي

والله قلبي معك الله يفرج لك

 

[غروب انسان]

الحدلله وقاعدة معاه للحين وترجين منه شي ........الله يهديك بس
الرجال ماخلصوا عشان تنذلين مع واحد مثل ذا

 

[حلوه وكتكوته]

عليك بالدعاء والاستغفار

وحسبي الله ونعم الوكيل

الله يخلي لك ولدك وييسر امورك ياقلبي

والله قلبي معك الله يفرج لك

 

[يحق لك]

الله يصبرك والصلاه عمود الدين من ضيعها كان لغيرها اضيع

 

[@@الألماس]

اختي الله يعينج على ما ابتلاج ما اقدر ابدي لك اي راي لكن ابغي انبهج لشي مهم هو المعاشره اتمنا تنتبهين لا ينقل لج شي من الامراض لا قدر الله مادام تقولين لا يصلي ولا يصوم توقعي منه كل شي واي شي الله يحفظج .

 

[خــلــوده]

الله يصبرك ويعينك على بلوتك

 

[المدينه حبي]

انسان ماخاف ربه بنفسه بيخاف ربه فيك
الله لايبلانا
وبعدين بنت الشارع
هذي اشرف منك
مدري ايش اقول بس خليني ساكته عشان ماغلط
ربي ييسر امرك
وينتقم لك من هالعجوز ويا رجلك

 

[لتوفي]

لا يصلي ولا يصوم
وخاين
وبخيل
ولا يعرفك لا انتي ولا ولده
وش تستننين اتركيه هذا مامنه رجاء
​

 

[غابة الكناااري]

حسبنا الله ونعم الوكيل

 

[نجمه وقمر]

عليك حبيبتي بالدعاء والاستغفار

 

[الامل الصعب]

اختي استخيري وبعدين بالدين اذا الزوج مايصلي ولا يصوم يجوز الطلاق منه والله معك انتبهي على عمرك ياحبيتي والله يعوضك خير منه

 

[بريق الألماسة]

فكري زين حبيبتي واستخيري الله في تركه دامنه لايصلي ولايصوم

واحد مثل هذا اغسل قلبي منه غسااااااااااااااال

ربي يرحمك برحمته ويعوضك اخير عنه انتي وولدك

 

[رقة المشاعر]

الله يفرج همك ويسخر لك ولدك ويغنيك عن الدنيا ومافيها ..
اختي لابد استشارة احد المشايخ لان زوجك لايصلي ولايصوم وهذا كفر
الصلاه عامود الدين..
دعواتي لك

 

[بناتي دنيتي]

دام مايصلي اشتكيه وتطلقي منه الله يرزقك بغيره يقدرك

 

[مدري شسوي]

حسبي الله ونعم الوكيل
اختي لا تذلين نفسك له ما يستاهل

 

[um_noora]

ربي يفرج همك

 

[عنقود عنب]

اول سؤال

انتوا ما سألتوا عنه قبل ما تتزوجينه ؟؟؟

هل كلمتي اهله عن تصرفاته ؟؟؟

الله يكون بعونك

 

[صباح الورود]

شوفي حبيبتي لاتذلين نفسك مع واحد مايستاهل00 بعدين انتبهي لاينقل لك امراض ترى اغلبهم فيهم امراض وايدز خليه يكشف على نفسه 00وقولي له انا شريفة وردي عليه وحاولي تنصحينه يصلي واذا مانفع روحي اسالي شيخ عن حكم جلوسك معه00والله يهديه ويسخره لك يارب 00ويجعله من المحافظين على الصلاة 00ويجعلك اجمل النساء في عيونة يارررررررررب

 

[جفت دموعي]

حسبنا الله ونعم الوكيل في هالنوعيه من الرجال الله يصبرك ويجبر خاطر ك انتبهي بس لا ينقل لك امراض من هالساقطه وياليت تسالين شيخ لان اللي اعرف ان مايجوزتستمرين مع زوج مايصلي الله يصلح حالك ويفرج همك وينصرك على من ظلمك