بنات ساعدوني بيوم زواجي

[عبيره]

بنات بليز ابغى مساعدتكم وارائكم

يوم زواجي راح يكون عيد ميلادي زوجي

جبت له هديه ساعه وكبك باسمه ومسبحه فيها اسمي واسمه

بس وش رايكم اكتفي بالهدايا

او اكلف محل يزين لي الغرفه ويحط لي ورود وشموع وكيك وهيك شغلات

بلييييييييييييييييييييييييز عطوني افكار ​

 

[انسه طفشانه]

لا كفايه
بس مافهمت هل انتي عروس ولا قصدك يوم زواجكم؟
مووفقه

 

[عبيره]

لا حبيبتي بنفس تاريخ الزواج راح يكون عيد ميلاد زوجي

لسى باقي على زواجي شهرين

 

[حلاوه حامضه]

نو خلاص كفايه ياحبي مايحتاج اكثر من كذا

 

[شذا الأزهار]

اسمحي لي بأخاصمك شويه

يوم زواجك هو اللي يفرح بك هو اللي يحتفل فيك هو اللي لما تدخلي الفندق يكون جايب لك كيكة وعصيرات وشموع ويقدم لك باقة ورد
هو اللي يهيأ جو هذيك الليلة مو أنتي
لو أنتي جنبي بأضربك خخخخخ<< اسمحي لي بس مقهورة منك أحسك زي أختي الصغيرة وخايفة عليكي

وفي الصبح يجيب لك هدية طقم ذهب أو جوال أو .....

اصحِ تسوي شي من الخرابيط اللي قلتيها
والهدية اللي جبتيها تكفي وزيادة كمان
وبعدين مناسبة الزواج أهم من ذكرى الميلاد اللي مدري من وين جاتنا

الزواج مرة وحدة لك, تفرحي فيه

عيد الميلاد كل سنة يجي إذا طفشتي من زوجك بعد 5 سنين سوي له ذكرى ميلاد..

مع إني في حياتي ماأتخيل إني أحتفل بذكرى ميلاد أحد...

سامحيني بالله إذا قسيت شوية عليك بس أنا متزوجة قريب
ولازم تتدلعي عليه في الشهور الاولى مو انتي اللي تدلعينه!!!

 

[انوووثه]

الله يهديك هذي ليلة العمر لك انتي لاتذكرينه اصلا بيوم ميلاده ومايمنع انك تهدينه بمناسبة زواجكم لكن لاتتكلفين ولاتحسسينه انك ميته عليه باقي ماعرفتيه خلي يوم زواجكم الذكري الوحيده في باله وتفكيره ​

 

[soOo baby]

يوم زواجك هو اللي يفرح بك هو اللي يحتفل فيك هو اللي لما تدخلي الفندق يكون جايب لك كيكة وعصيرات وشموع ويقدم لك باقة ورد
هو اللي يهيأ جو هذيك الليلة مو أنتي
لو أنتي جنبي بأضربك خخخخخ<< اسمحي لي بس مقهورة منك أحسك زي أختي الصغيرة وخايفة عليكي

اتفق مع شذوي حبيبة قلبي
اصلا لو تفكري فيها متى حتعطيه الهدية ....وقتها تكوني خجلانة وتعبانة ومرتبكة ومستمعة
احسها صعبة بيوم الزواج نفسو الا اووم الروقان ...ممكن تهديه الصبح افضل وبطريقة حلوة تجي تلبسيه الساعة والكبك قبل لاتطلعو

ربنا يوفقك ويهنيك وماتزعليش منا يااقمر

 

[مرسى زوجها]

انا مع البنات اهديه في وقت غير وقت الدخله انتي بتغيرين عليه الجو هوحاط في باله اشياء ثانيه ممكن تغلفينها وترسلينها لهالصباح او قبل الفرح بساعات لان ليلة الدخله بيثبت شطارته

 

[كلي تفائل معاه]

اول شئ ربي يوفقك
ثانيا هديه عيد الميلادواو حفل عيد الميلاد لايجوز شرعاً..
وثالث شئ اول يووم كل شئ حلوووو فيها اعني مااريح يحس بطعم هالهديه خليها عندك لاي يوم ثااني .

 

[أميرة المواهب]

أنا أتفق تماماً مع شذا الأزهار

والبنات كلهم

حياتي لاتشيلي هم ولاحاجه

هو إللي يهديك غلاي

خلاص يكفي الهديه اللي معاك لاتزيدي عليها حياتي

يالتوفيق حبيبتي

 

[غريقة الدمع]

حاولي تفيل بين يوم زواجك وعيد ميلاده
الفرحه لك انتي لاحقه ع ميلاده

 

[عبيره]

ياحياتي انتوا الله يسعدكم

لاني ماني عارفه وش اسوي طلبت مساعدتكم

تيب بس ممكن سؤال

ارسلها له بنفس يوم الزواج يعني قبل الزواج ولا اعطيه اياها ثاني يوم الزواج الصباح

ايش افضل

 

[لووووولو]

لا ياعبوره شوهالكلام ماعندنا حركات عيد ميلاد
لكن الهديه حلو تعطينه اياه الصباح اللي هو ثاني يوم من زواجكم لمى يدخل يغسل حطيها له عالسرير او اي مكان ظاهر له

 

[عبيره]

هو حدد هاليوم بالذات على قولته عشان يكون ذكره ميلاده مميز بيوم زواجنا

وعجبتني فكرتك لولو شكلي بسويها

يعطيكم العافيه