بنات دلوني على الأفضل

[نازي]

بنااااااااااااااااااااااااااات امبي أسئلكم سؤال بسيط آنا وزوجي راح يكون طلاقنا بعد العيد وكما هو متعارف عليه أن لازم يكون في موعد للمحكمة وهو الي راح ياخذ الموعد في البداية أهو ما كان يبي يطلق لكن ما يبيني أرد له وحتى لو رديت أسكن في حجرة وحمام مع ولدي في منزل عائلته وهو يسكن مع زوجتة اللعوب التايلندية في شقة خاصة بهم لأن أمه رافضة تماما وجود عاهرة في منزلها على حد قولها خايفة على سمعة بناتها وبس آنا بعد تفكير عميق آنا الحين ما ابي أتطلق لأن ماأدري هل كوني معلقة مثل ما هو مطلقة ؟ ساعدوني الله يخليكم شنو هو الافضل لأن هو واحد لا يعرف ربه لا صلاة ولا ديانة ولا حتى يسئل عن ولده وخايفة أن بعد الطلاق ما هي النفسية مع ان الحالتين النفسية زفت ولله الحمد​

 

[أم قتيبه]

حسبي الله ونعم الوكيل

اختي صلي صلاة الاستخاره صدقيني ما خاب من استخار الرحمن

 

[نظرةعيوني ذلتهم]

اختي اذا الطلاق بينونة كبرى يعني ما في امل انج ترجعين له ...
اما كونج معلقة مثل ما قلتي يعني بنفس الوقت متزوجة وزوجته وواضح من كلامج انج تحبينه
يعني في امل انج ترجعينه لج وابصم لج بالعشرة انج تقدرين ان شاءالله اذا عندج ارادة قوية

استخيري
واسال الله العظيم ان يرد لك زوجك ردا جميلا عاجلا يا رب


طمنينا عليج وشو يصير معااج بليز
الله يكون في عونج

 

[ريماس الجنوب]

يابنت الحلال يمكن هذي نزوه وبعدين بطلقها زوجك حافظي على بيتك ولدك وحاولي تحملين وتجيبين اولا د وبيرجع لكم ؟؟؟ احمدي ربك عايشه مع اهل زوجك يشوفون طلباتك ويشوفون حفيدهم الى مايرد زوجك انشالله ؟؟؟

 

[نازي]

والله بعد ما صليت صلاة استخارة حتى في حلمي صار انه يلاحق تايلندية بدراجة نارية وهو في الواقع دائما يكرر انه ما يحبني وان اهله اجبروا انه ياخذ بنت ديرته

 

[نازي]

يابنت الحلال يمكن هذي نزوه وبعدين بطلقها زوجك حافظي على بيتك ولدك وحاولي تحملين وتجيبين اولا د وبيرجع لكم ؟؟؟ احمدي ربك عايشه مع اهل زوجك يشوفون طلباتك ويشوفون حفيدهم الى مايرد زوجك انشالله ؟؟؟

يا ريت يا اختي يشوفون طلباتي الا آنا بشوف طلباتهم زوجي معتند أعتماد كلي على راتبي وما يصرف ولا فلس لا على ولا على ولده ولا على اهله انسان اتكالي وهي حامل يعني هالنزوة ما راح تخلص

 

[زهرة البر]

قــلبي عورني :tears: يوم قريت قصــتج ..

في من الرجال من صنف ريـــلــج ، ما يحبون بنت بلادهم..

حبيبتي .. عطي نفسج فرصة ســـنة وحدة، لكن لالالالالالالالالالا تحملين مدام الوضع مش مستقر

بينج وبين ريلج .. لأن العيال مسؤولية .. لا تيبين ضحايا طلاق او ضحايا بيت مش مستقر.. وانتي اساسا مش في وضع يناسب الحمل والولادة .. كفاية ان الحالة النفسية سيئة .. فما بالج الحمل !

اهتمي بنفسج وبولدج واشغلي نفسج عن التفكير بريلج قد ما تقدرين .. سيري النادي ( الجم) لأن

احيانا هذا النوع من الرجال يحب الاجسام الضئيلة مثل الفلبينيات والتايلانديات .. لكن اجسامنا احنا

العرب لها طبيعة مختلفة حتى لو تلعبين رياضة كل يوم .. عموما هالنصيحة ليست لك فقط .. بل لكل سيدة ..

عشان تحافظ على حيويتها ونشاطها ونفسيتها من الدمار .. وعلى جسمها من الترهل وزيادة الوزن..

نرجع لموضوعنا: إذا شفتي ان ريلج ما حن لج ولا حن لولده بعد مرور سنة ... صدقيني .. وقتها لازم

انتي تحددين الشكل اللي تبين حياتج تكون عليه، وانا متأكدة إن بعد سنة .. بتشوفين الموضوع من زواياه الاخرى وبتعرفين اولوياتج وبــتــتغير قناعاتج .. وبتكونين اكثر اشراقا وقوة

ربي يوفقج

أخـتـــــــــــــــــ زهرة البر ـــــــــــــــــــــج :icon26:

 

[ام صوبي]

لادين ولا اخلاق ولا احترام ولافلوس ولا بيت ولاحب وش تبين فيه استخيري بالطلاق والله يعوضك باحسن منه

 

[ice creeem]

لادين ولا اخلاق ولا احترام ولافلوس ولا بيت ولاحب وش تبين فيه استخيري بالطلاق والله يعوضك باحسن منه

:icon30:هذا الراي تدفنين عمرج وانتي منتي محتاجته

 

[AUDI]

لا صلاه ولادين ولا خوف من الله ولايتحمل مسؤلية ولده ومتزوج تايلنديه !!!!!!!!!!
هذا فراقه عيد ......

 

[نحو المستقبل]

قلعته يا بنت الحلال هذا مافيه خير

بس اذا انتي تشوفين فيه بصيص امل حاولي مرة ثانية وشوووووووووفي

عشان اذا انفصلتي ما تندمين وتكونين حاولت بكل الطرق كمان ضميرك بيرتاح

 

[@اميرة قلبك@]

حياتي اذذ انتي تحبيه اصبري واسعيني بالصبر والصلاة وكثرة الااستغفار والدعاء بنية تفريج الهم واصلاح الزوج ولاتياسي من روح الله اسال الله لكي حياه طيبه

 

[نازي]

مشكورين حبايبي والله العظيم آنا أحبة بس ما أدري على شنو؟ بس أهو دائما يقول لي أن أهو مستحيل يقدر يحبني وأن هالتايلندية أشرف وتاج فوق راسكم كلكم والله العظيم آنا ما ظلمته بشي أهو الي جاب هالتايلندية بعد شهر واحد من خطوبتنا وما دريت بها الشي الا بعد حملي بخمسة أشهر حسبي الله ونعم الوكيل​

 

[ياربي انصرني]

لاصلاة ولا ديانه فماذا ترجين منه000علاقته بربه مقطوعه هل تأمنيين على نفسك وولدك عليه

اللهم اصلح حاله ورده لك ردا جميلا0000