بنات .... دشو خلينا نتكلم شوى عن الريايل..

[طيرشلوة]

بسم الله الرحمن الرحيم ..

منو فيكم يابنات تشوف انها ما قاعده تاخذ حقها من زوجها من ناحية المدح او التقدير او الاعتراف بآى شى سوى لريلها ؟؟؟.....

 

[طيرشلوة]

ليش ما فى ردود ؟؟؟؟؟؟؟؟..

 

[ملكة الشوق]

على حساب مزاج الريال ويختلف من واحد لواحد انا زوجي مش من النوع اللي يشكر وايد بس احس به يقدر الشي اللي اسويه .. اعرف وحده زوجها دفش وياها ومعاملته ابدا مش طيبه لدرجة انه ما يحب يجلس معاها لوحده إلا للمجامعة وعالسريع وهي كارهه هالشي وحاولت تعديل الوضع بس ماشي فايدة بس من ناحية التقدير والشكر محد احسن عنه مول ما يقصر من هالناحية وتلقين وحدة ثانية زوجها وااااااااايد زين وياها بس مش من النوع اللي يشكر ويقدر .. الرياييل انواع واشكال وتصرفاتهم غيريبة وعجيبة وكل يوم يطلعون لنا بشي والله يعينا عليهم .. بس تعالي انتي ما خصيتي التقدير في شو لانه يعتمد على حسب الموقف ويله يا بنات شاركونا الراي .. خلونا نسولف ونكتشف الرياييل ..

 

[آه ياقلبي]

صح على مزاجهم يوم يكونون راضين عنا...انصير الحبيبة والعشيقة والغالية وكل شي ويشبعج من الكلام الحلو...
لكن معظم الرياييل ساكتين مانعطيهم فرصة يتكلمون..هههههه..

 

[طيرشلوة]

اشكرج يا ملكة الشوق
لك جزيل الشكر آه ياقلبى
على ردودكم وتفاعلكم معاى
أنا من زمان منزلة هالموضوع بس ماحد رد على !!! ليش خوف؟؟؟:dunno: ..

 

[طيرشلوة]

فلاً يا آخواتى الرجال مزاجييييييين إذا سويتى الشى إللى يبونه وأرضيتيهم وبيضتى الوجه يمكن تحصلين على كلمة شكر خفيفة !!!!!
وركزى على الكلمة إللى تطلع منهم وعلى الوقت وعلى المكان , ممكن بعد يوم او يومين او يكون مكانها على عتبت باب البيت !!!!!!!!!!!!..

 

[الأمل الخالد]

انا لايمكن يمدح على انة ذوق وفاهم يعني مخة مو متحجر لاكن لايمكن يمدح. :schmoll:

 

[vdhq]

اييدك في كلامك يا اه ياقلبي

 

[الوان]

ساعات يشكرون ويقدرون بافعالهم.. مب شرط بكلمه
انا عيل ريلي من النوع اللي مايمدح الا ان سالته عن رايه فالشي

 

[قلب حر]

الرجال ..يتكلمون اذا انت معتزة باللي سويتيه ومومستنيه رده..بس عندنا احنا ثقافة مسيطرة الواجب لا شكر عليه ..دااااااااااائما يرددون هذا واجبك...صح؟والا اش رايكم؟

 

[nono2]

اولا:حسب المزاج اذا كان رايق ولالا.....وثانيا:كلن وطبيعته وفيه بعض الرجال يكون مشحون من اللي حوله لاتمدحها بعدين تغتر وتتدلع عليك والغبي يصدق على نياته والناس اجناس

 

[طيرشلوة]

أسمحيلى أختى nono 2 هذا شنو من ريال يسمع كلام الناس او ينشحن من كلام غيره شنو هو جوال !!!! هذا واجب على الزوج انه يمدحها ويسمعها الكلام الحلو إللى تستاهله زوجته تقديراً لها وامتنان بعد !!! ما فى بين الزوج و الزوجه غرور وتكبر وإذا تكبرت ! بتكبر على الناس مو عليه اهو !!!!!!!؟؟..

 

[الكناري]

انا زوجي عمره ما يبين شكره او تقديره لي يمكن بينه وبين نفسه الله اعلم بس شالفايده اذا انا ما اعرف او مايحسسني انه مقدر تضحياتي
لان في نوع من الرجال وزوجي منهم مايتكلمون ويتوقعون ان اللي جدامهم عارف كل شي
لكن طبيعه المراه تحب تحس ان في تقدير في احد حاس فيها
بس مابي اكمل عورت قلبي على اللي عندي

 

[اتيت من بعيد]

يالغالية انا مابيه يمدحني بس يفكني من شر شتميته

وهذا يرجع اذا الرجال لئيم ومدى قنااعته
يعني في رجاجيل لو تعبده زوجته ماايشكرها

 

[طيرشلوة]

:icon1366: :sad_1: أختى الكنارى أعجبنى فعلاً ردج (( أحنا يالحريم من طبيعتنا نحب أحد يحس فينا, ونحب آحساس التقدير والتكريم)) لكن لاحياة لمن تنادى !!!!!!!

وأنتى بعد آختى مئات :فعلاً لا فينا خيرهم ولا كافية شرهم ؟؟؟!!!!!!! حق الشتيمه و التعيب ومطالع الغير ....... هذى من الدرجة الاولى .....آه آه آه !!!!!!!!!! ..

 

[الامل22]

اما انا زوجي مايعرف شى اسمه المدح بس الذم اكثر شى في هي الدنيا يعرفه بس ايش نقول هي حكم القدر ولا القدر بعد مظلوم الحمد لله على النعمه يمكن يكون خير بعد

 

[umm_reem]

,بالنسبه لي...اسوي الشي وما انتظر ردة الفعل....اسويه لنفسي..واحتسب الاجر...

 

[مزايا انسانه]

اها
على حسب المزاج
اذا رايق يمدح
واذا معصب
تأبط شرا
ههههههههه

 

[&لحظه صمت&]

مثل ما قالو اخواتي الرجال مزاجات
لاكن لازم نعرف ان طبيعه الرجل غير طبيعه المراه
حنا يالحريم حساااسات وعاطفيات ونهتم وندقق بكل شي
ونهتم بالكلام اكثر من الرجااااااااال
الرجل بخيل بالكلام لاكنه كريم بالفعل000ممكن يكون يحبك ويموت فيك بس هالشي ما يقوله بالكلام
لاكن يطلعه بالفعااااال
علشان كذا انتي شوفي افعااااااله هي الي توضح
انا هالشي شفته من زوجي كنت اتعذب ليش ما يتكلم ليش ما يمدح وليش وليش
لاكن بعد العشره عرفت طبعه وطبيعته