بنات تكفووووووون ردو علي محتاجتكم

[كلي احساس وحلا]

السلام عليكم ورحمة الله وبركاته

بنات انا مالكة وزوجي زعلان مني والسبب انه قبل كم يوم طلعت مع ابوي وخبرته اني طالعه ويوم رديت نسيت اتصل عليه واقوله اني في البيت وعصب وقالي ليش ماتقولين انك وصلتي وقالي خلاص ثاني مره مافي طلعه بدون استأذان قلت له بس انا اخبرك قبل ما أطلع قالي ادري بس مافي طلعه لين اوافق عليها وامس ابوي كان معصب ويباني اطلع السوق ويا خواتي عشان نشتري أغراض حق البيت ورفضت وعصب ابوي وطلعت غصب عني وقبل ما أطلع اتصلت على زوجي و ما رد وطرشت له مسج اني طالعه ودق علي و قلت له اني طلعت وعصب قال انا قلت لج لا تطلعين لين اوافق قلت له انا اتصلت عليك وطرشت لك مسج قال حتى لو مارديت ماتطلعين لين ارد على الاتصال وعصب وقال خلاص انا بخليج الحين ومابا أتكلم وللحين مادق ولا حتى ارسل مسج ودقيت عليه أكثر من مره لين رد ويوم رد علي قالي نعم ليش متصله قلته انا طلعت غصب عني وفهمته وقالي ليش ماتقولين لأبوكي زوجي مايرضى اني اطلع واختصر المكالمه وقالي يالله انا بسكر واصلا ماكنت برد عليج...

بنات انا مضايقه للحين مااتصل ولا دق والله الموضووووووووووع تااااااااااااااافه
حرام عليه يكبر الموضوع الحين اريد اعرف اتصل عليه او لا شو اسوي والله متضايقه من رده وطريقه كلامه معاي اول مره يكلمني بهالطريقه...

 

[كلي احساس وحلا]

بنات وينكم ساعدوني

 

[قمر بلامنازع]

فديتك .. تدري ابوي الله يرحمه كان يقول لازواجنا في ايام الملكه .. مالك دخل فيهااا مدام هي في بيتي .. حتى لو كنت في العقد زوجهاا ..

ماتتحكم فيها .. وكان الله يرحمه يخلينا نكلم ازواجنا امامه .. مااقولك كان متشدد بس والله كان احسن لناا ..

عشان لا يكثر المشاكل ..

انا مااقول ان تصرف الوالد صح بس كل شخص له تصرف ..

عالعموم يالغاليه ..

انتي مو كلمته مو رسلتي له رساله تبيني انو بالغصب الوالد خرجك..

لو كنتي تبي تشتري ثقتي وكرامتك ..

ماترفعي سماعه .. ولاترسلي..

واقضي وقتك واتلهي , واضغطي على نفسك .. عشان لاتفكري فيه..

ياريت تنفذي الي نصحتك فيه ..

لازم توضحي له من البدايه .. لازم يتفهمك ويقدر وضعك .. ويبطل حركه التغلي .. والزعل ​

 

[كلي احساس وحلا]

انزين واذا بطلع مكان كيف اقوله وانا ماأكلمه

 

[اولادي كل حياتي]

[[SIZE="ـأختي انتي غلطانة لانك قللتي من قيمة ابوكي قدام زوجك وماعملتي للوالد اعتبار
ـ قولي له اسمع بابا يقول طول ماانا ببيته وماطلعت من عنده انا لسه تحت طوعه وشوره ولما اجي ببيتك سوي اتحكم مثل ماتبي
ـ وهذه الاصول لازم يفهمها وقولي له مهما كان انا لسه ببيت الوالد ولازم اسمع كلامه وعلى مااعتقد انه تربيتي واخلاقي ماتسمح ارفض ابوي وتخيل اختك مكاني وابوك قالها اطلعي وقالت لاء زوجي يقول كيف بتتقبل موقف ابوك?? وبعدين ماله حق وانت عند ابوك لسه مادخل عليكي تستأذنيه
ـ ولاتتصلي عليه ولاتنزلي من نفسك وقيمتك امامه وطنشيه ولو اتصل لاتردي على طول اتركيه يدق تاني وردي ولازم تفهميه الكلام
ـ والله معاكي7"]/SIZE]

 

[جرحت الروح]

أنا أشوف أنك تطلعين عادي وتشوفي حياتك ومو لازم يعرف بعدين انتي ماطلعتي بروحك

والحين ما يرد عليك واذا عاتبك قولي انت ماتبي تتفهم الموضوع وتكبره وانا عطيتك مبرراتي

الله يكون بعونك ..,,

 

[تؤام روحي وقلبي]

والله زوجك ماله دخل فيك

 

[قمر بلامنازع]

انزين واذا بطلع مكان كيف اقوله وانا ماأكلمه

مثلا انتي بتطلعي بعد العشاء السوق مثلاااا ..

ارسلي قبلها بوقت كبير.. عالمغرب او العصر ..

له رساله وانتظري لمن يقرب الوقت .. مارسل لكي ولا رد عليكي ..

روحي مع الوالد او اهلك لمشوارك..

واذا في اخر الليل اتصل اورد عليكي .. ببرود لاتفتحي معاه شي .. اسمعيله ولاتبيني له انك طلعتي ولا لا..

واذا سالك انتي خرجتي قولي له .. انت ردتيت علي .. وقلت لي لا ولا ايوا ..

يقولك انا من اول مبين لك انو ماتخرجي .. قومي انتي بذكائك جننيه ولا تبيني له خليه محتار ..

بمزح قولي له مدام انت مبين لي رايك في البدايه في خروجي ودخولي .. خلاص فهمنا رايك .. وخلينا نغير هالامور التافهه ..

وافتحي معاه اي موضوع

بكذا لفيتي ودورتي من غير ماتكذبي عليه​

 

[كلي احساس وحلا]

شكر على ردودكم لاني تعبانه منه

 

[كلي احساس وحلا]

وينكم بنات اريد اسمع ارائكم

 

[chorook]

اولادي كل حياتي ياسلام عليك اختي خليك قوية لا تعطيه المجال انه يهيمن عليك لا قبل الزواج ولا بعد وبعدين كيف يعني ابوك طول عمرك وانت معاه ييجي في لحظة يحاول يغيرك لاتعطيه الفرصة هذا قلة احترام لابوك والك ولن يحبك ويخاف عليك مثل ابوك لا لا لا لا لا تكوني ضعيفة طنشيه واخرجي ولا تسالي عنو انت في بيت ابوك وهذي الايام اجمل ايامك قبل ما تدخلي القفص الله يستر عليك

 

[ملكة جديدة]

حبيبتي مو لازم تستاذنين من زوجك اللي ما دخل عليك إلا بالسفر فقط اما المشاوير داخل مدينتك مثل سوق او عزيمة او طلعه ما له حكم عليك لانك تحت ولاية والدك ....ونصيحه مني لا تخليه يتحكم فيكي كذا من البداية
الحين طنشيه ولا كانه موجود واطلعي وتسوقي ولا تجيبين سيرة له بمشاويرك وخلك ثقيله ولا تتصلين خليك كل بعد يومين او ثلاثه ارسلي له

 

[كلي احساس وحلا]

شو ارسله شو اكتب له مثلا

 

[نضوج أنثى]

لا تصيرين ضعيفه قدامه هو الغلطان تدرين وفوقها ترجعين تدقين وتراضينه ؟ انتي في بيت اهلك ماله كلمه عليك اساسا كيف تقولين لأبوك اللي رباك وعايشه معاه اكثرمن زوجك لا وانتي في بيته زوجك هذا يبي يفرض رأيه وبس مايفهم بالأصول قولي له ثاني مره لو لك اعتراض على طلعتي كلم ابوي بنفسك لكن اسمح لي لو طلبني ابوي ماارده عشان يعرف يحترم اهلك بعد الزواج لكن لما يشوفك تبدينه عليهم يغلط عليهم انتبهي من جد والحين لا تدقين ولا تسألين حتى لو جلس شهر هو يدق ويراضيك بعد

 

[رنودة**]

بصراحه ماله داعي يتحكم فيك وانت ببيت اهلك بكره لما تتزوجي يطلع عيونك على الخروج

حطي له حد وقولي له من غير زعل انت زوجي ولكن شوري بيد ابوي طول ما انا ببيته

انا اول ما اتزوجت ماكان فيه جوالات كان زوجي معطيني اذن مفتوح اني

اطلع مع امي او اخواته اذا حبيت اروح معاهم اي مشوار ؟؟؟؟؟؟؟؟

لازم تكون لك حرية شوية

 

[ho73]

ؤانا برايي هدي امور شرعيه انك تسمعين كلام من والافضل تسالي مشايخ واهل علم افضل ولي انا اعرفه انه المرراه ادا تزوجت شورها بيد زوجها وليس ابوها والله اعلم والله يبصرك للي فيه الحق ورضى الرحمن

 

[كلي احساس وحلا]

دعواتكم لي يا خواتي

 

[زوجي قرة عيني]

حببتي نصيحة طنشيه ولا تتصلي بيه خليه هو ليتصل عن تجربة افردي شخصيتك من الاول

 

[فسفي]

عزيزتي هذا يتمرجل عليك اذا تبغين تطلعين ارسلي رساله انا طالعه كذا وكذا يعني لاتاخذي رايه انا اذا اخذت موافقة زوجي يرفض اما اذا قلت انا طالعه مايزعل

 

[عيون عزيز]

انتي للحين في بيت ابوج ,,يعني للحين في ذمة أبوج ,,,لا صرتي في بيت سي السيد أمشي على شوره ,,,,