بنات تعالو قولو لي شلون احل هالعقده من زوجي

[محبوووبته]

رمضااااان كرم عليكم ي حلوووووات

بصراحه مشكلتي شوي بسيطه بالنسبه لمشاكلكم

انا زوجي مدلعني بكل شي بس مشكلته مايسفرني برا المملكه .. عنده ممنوع الحرمه تروح برا... رغم اني قبل اتزوج اسافر برا مع اهلي .. حاولت اقنعه رفض قلت طيب اهلي بيصيفون بماليزيا ابغى اروح معهم رفض
طيب شسوووي ابغى اشوف الحياة ابي انبسط

للعلم هو يسافر لبرا قبل الزواج وقالي بسافر برا بعد رمضان بحجه التجاره طبعا يكذب .. انا قلت مستحيل تروح بدوووني واذا تبغى المشاكل سافر لحالك وتشووف

مو شي يقهر يحبسني وهو ينبسط

دبروني بحل الله يجزاكم خير


للعلم يبدو ان زوجي شمالي غربي والله اعلم

 

[انا رائعه]

لا تياسين لو انا مكانك اقوله اسافر معاك ورجلي على رجلك وخلني بالفندق وانت روح شوف شغلك واوعدك ماطلب منك تطلعني بس ابي اعيش بجو براد غيييييييييير
ودامك متاكده انه مو رايح للتجاره لا تخلينه ابدا يسافر لوحده
او قولي له يا اروح مع اهلي او اروح معاك

 

[محبوووبته]

انا رائعه ياقلبي مشكوره ع الرد والله يجعله بميزان حسناتك

قلت له خلني بالفندق ورفضضض بخجة انو يخاف علي ... اهئ اهئ اهئ ياربي قااااااااهرني


بنات تكفون قولولي شلون اقنعه

 

[محبوووبته]

اااااااااااب
بللللليز ابغى تفاعل خواتي

 

[زوجي بلسم جروحي]

موضوع لا يستحق كل هذ الاهتمام خليك على حسب ما قلتي يدلعك يحبك ووو وش تبين بعد

ليس لا بخائن ولا متزوج ولا محشش ولا يضربك ولا يقصر بحقك شوفي المحاسن لا تخلي شي تافه يحطم

حياتكم السفر مو شي فرض علينا

خلي هل مره يطلع وحده والثانية لك حسابك

الله يحفظه لك وستودعيه الله

 

[محبوووبته]

زوجي بلسم جروحي تسلمين عالرد حبيبتي

يمكن بالنسبه لك هالموضوع مو مهم ... بس بجد انا مهم ابغى اعيش حياتي واشوووف الدنيا وهو حارمني من هالشي .. انا تنازلت وقلت سفرني والتكاليف كلها علي لاني موظفه بس رافض .. قلت بروح مع اهلي بس رافضضض.،. قلت ودني انت رافضضض.. يعني شي يقهر بجد

 

[غربيه شماليه]

عاااااادي ترا
كثير رجال زي كذا

طيب وش رايك باللي يقول بروح الشرقيه اتمشى وانتي لا
>>يعني داخل المملكه و رافض ياخذني بحجة انها سفرة عيال (مجموعه)

كنه عاد لاصار لحاله بياخذني

بردي على كبدك
و بنفس الوقت حاولي لين موعد السفره لا تستسلمين
واذا ما صار وش تسووين عااد
الحمدلله زوجك يعرف قدرك من خلال كلامك عنه بس انتي لا تدورين المشاكل

تقبليني

 

[أسماء زكي الدين]

طيب على ما تنوين إن مشى كلمه وسافر وتركك أنت؟!​

 

[محبوووبته]

غريبه الشمال ي حياتي مشكوره ع الرد والله هالرجال فيهم انانيه مو طبيعيه يعني اهم شي يبسط نفسه ... بسسس بزعجه لن استسلم هههههه


اسماء حياتي نااااويه اطنشه ولا اعبره ابدا .. بسوي الاشياء الواجبه علي واعامله برسميييييييه

 

[ألوان الورد]

عليك بالدعاء في ثلث الليل الأخير والاستغفار

ويفرجها ربي لك بإذن الله

 

[شروق مبتسم]

الله يفرج همك عاجل غير اجل

 

[الأميرة الفاتنة]

انتبهي تسوي رايك وطنشيه والله بعدها يمكن يحقد عليك ويقول انا اسوي كل شي لها وادلعها وبالنهايه هي تسوي كذا اذا بطلع اسافر واغير جو لان من وجهة نظره ان الي يسويه صح ومش غلطان انا اقول حاولي حتى لاخر لحظه وانت تودعينه قولي ليه خساره كان خاطري نسافر انا وانت نغير جو بس انت رافض يالله ان شاء الله تنبسط هناك اهم شي تبيني انك تبينه مبسوط بسفرته حتى لومارحتي عشان يحن المرات الجايه فهمتي قصدي يعني بيقول مسكنه كل همها تبني انبسط مع اني كسرت بخاطرها ولا اخذتها حسسيه بهالشي يالغلا

 

[محبوووبته]

الوان الورد .. شروق الله يجزاكم الف خير ي قلبي

الامير ي حياتي والله ودي اسوي كذا بس مااقدر لانه فعلا قاهرني حتى شهر عسل ماوداني والحين بولد وهو بيسافر وينبسط هذا بدال مايسفرني بعد النفاس ويعوضني عن شهر العسل