بنات ايش تفسير رؤية امي هيذي فوتوا ضروري

[العروس الصغيرة]

اتصلت علي امي قبل شوي وقالت لي انها حلمت
ان زوجة اخوي سوت تحليل منزلي للحمل وظهر خطين
(بالحقيقة هي ما جتها الدورة وممكن تكون حامل بس سوت تحليل وما بين خطين)
المهم
لما امي شافت الخطين مسكت التحليل وصارت تجري لحتى تورجي التحليل لام زوجي (لانها بنتها)
وامي فجاة تشوف جدي اسمه محمد واخوها(خالي) اسمه احمد
وهي تقول لجدي يا ابوي يا ابوي بارك لي بارك لي راح اصير جدة راح اصير جدة ... وادعي لبنتي (يعني انا) انها تحمل
وجدي يقول لابنه احمد اكتب يا ولدي بالورقة ان(انا العروس الصغيرة) تعرضت لخوف ولخريعة وهذا سبب عدم حملي...وخالي يكتب بالورقة
وانتهى الحلم ..
......
للعلم ان شاء فعلا تكون زوجة اخوي حامل لانا خلص تعبنا وودنا ربنا يحن علينا وما بصير الجفاء من الكل وهالشي راح يكون فاتحة خير لنا
بس يا ريت تفسروا الحلم ضروري وايش كان قصد جدي بكلامه اني تعرضت لخوف وخريعة وهذا سبب عدم حملي؟؟؟
انتظر الرد
واذا ما بتعرفوا يا ريت تحكو هالحلم لشيخ من عندكم لاني ما بقدر احكي هالحلم لشيخ وما لقيت غيركم احكي له

 

[غزاله ناعمه]

انشاء الله خير

 

[العروس الصغيرة]

ان شاء الله
وان شاء هالشهر يكون شهر خير علي
لاني تعبت
والمشكلة هالحلم ما بقدر احكي لشيخ من عندنا
وولا اعطي حد ورقة يوديها لشيخ يقراها
عشان راح تصير مشكلة وخصوصا اننا مشددين كثير
يا ريت تلاقوا التفسير عشان خاطري
وكود ربنا يحن علي هالمرة

 

[العروس الصغيرة]

خلص زعلت ???
معقول ما في تفسير ؟؟؟???
???????
???????

 

[ام سراوي]

اختي الله اعلم .ان زوجة اخوك حامل ويأتيها ولد .وانت هذا تنبيه لك ان مخروعة وهو سبب تأخير الحمل فأكثري م قراءة القران وخاصتا الايات التي تزيل الخوف وان شاء الله يأتيك ولد ايضا فزوجة اخوك اما تسميه محمد او احمد .وانت كذلك .هذا والله اعلم

 

[سهام سالم]

خير انشاء الله الورقه او فيهه كتابه والله اعلم تفسيره تسمعين خبر مفرح الله يفرح ايامك انشاء الله

 

[العروس الصغيرة]

مرت اخوي زوجها اسمه محمد
وانا ابو زوجي اسمه احمد واذا حملت راح اسمي ابني احمد

 

[ام سراوي]

ان شاء ربي يفرحك ياأخيتي انت وزوجة اخوك اكثري من الاستغفاراللهم ربي يرزقك الولد الصالح

 

[العروس الصغيرة]

ان شاء الله اختي الله كريم

 

[العروس الصغيرة]

بنات امبارح بالليل اكلت حواج الخريعة مع بيض
وبعد ما اكلته بساعة حسيت ظهري بدا يوجعني
وقبل ما انام حطيت لزقة ظهر لان ظهري موتني
ويا ريت ما حطيت اللزقة
...
لما جا زوجي حطيت اكل واكل
وكنت حاسه حالي تعبانة
بس شوي ولما نمت جنبه حسيت ظهري مولع نار واول مرة يصير معاي هالشي قبل لما احط لزقة بحس بسخونة رهيبة بس مو زي امبارح
حسيت كان الشمس لاصقة بظهري حرارة ما بعدها حرارة ووجع ما بعده وجع
وغير كدا حسيت كأن في ببطني سكاكين كان الم رهيب
..... والله يا بنات زوجي شافني مو قادرة ولا تطلع علي واعطاني ظهره ونام???
... .........
وانا بئين زي لولاد لصغار وببكي من كثر الوجع ما تحملت
وزوجي ولا عبرني
وانا اقوم ومشيت على غرفة ثانية وارتميت عالارض
حسيت حالي بلفظ انفاسي الاخيرة
والله لو الناس يقولوا مجنونة كان قلت شفت المووووت
وببكي ونمت عالسجادة وببكي
وبعدين رجعت نمت عند زوجي بس ما قدرت
ورجعت قمت وانا اطيح عالارض بالممر
ما قدرت اوقف
وسرت ابكي بحرقة
وزوجي ما كان نايم بس بتظاهر بالنوم
ولا قال لي ايش في ايش صاير معاكي
من الساعة 11 بالليل للساعة 2 بعد منتصف الليل وانا مو قادرة
ومشيت نمت عند زوجي وما قدرت
وقمت واللي حرق قلبي اكثر ان زوجي ما بهمه ايش صاير معاي
سرت ابكي من كل قلبي
طيب بس لما اشوفه متضايق بزعل عليه
وقبل كم يوم انوجع وما نمت الا لما شفته نام
وبالاخر هيذي جزاتي
...ثاني مرة لو اخذوه عالمشفى مستحيل اتطلع عليه ....
واللي بيقهر يا بنات قبل شوي قبل ما يطلع خلاني انظف سيارته واعبيها بظاعة
والله طول الوقت وانا بدعي وبتحسب
وهو بيعرف اني تعبانة ومرضانة
وفوق كل هاظ انظفها ليش كدا
.........
بس يا بنات عالساعة2 ما استحملت وشلت اللزقة وحسيت ظهري راق شوي بس بطني وجعها كان بزيد....
ممكن تقولوا ان اللزقة اثرت علي لاني كنت ماكلة حواج الخريعة.
بس انا حطيت اللزقة بعد ما ظهري صار يوجع.
لاني بعد ما اكلت حواج الخريعة حسيت بالم فظيع بظهري عشان كدا حطيت اللزقة...

 

[حبيبه الوجد]

لاحول ولاقوه الا بالله عزيزتي العروسه
مشكله الإحساس لمن ينعدم مشكله
والف سلامه عليكي ولا تعتمدي في مرضك الا على الي خلقك واكثري وقتها من الصلاه على النبي على طول الألم يروح
الزميها في كل حالاتك

بس اش هيا حواج الخريعه ؟؟؟؟؟؟

 

[العروس الصغيرة]

حواج الخريعة عشبة مطحونة لونها اخضر وكويسة للي تعرض للخريعة والخوف
وانا اوقات كثيرة بعد زواجي تعرضت لخوف كثييير
واولها بعد ما تزوجت باقل من اسبوعين
وواحد طق على بابي ومشيت افتحه وما لقيت حد
وطلعت على الدرج حتى امشي عند ام زوجي لاني فكرتها هي اللي طق علي وطلعت وبعدين بعد ما طلعت كم درجة
وكنت بستغفر وحسيت زي حد بقول لي اتطلعي لفوق
وانا اتكلع وكان في واحد اسود ضخم الجثة بتطلع علي وماسك السلم بايده
وما بعد عينه عني
ووقتها لما خبرت ام زوحي قالت لي اه وصارت تضحك
وقالت مهو قبل ما تتزوجي كنت بسمع صوت حد بمشي بالدار
وما كان في حد ساكن بالبيت
متت وقتها
وظليت بره لحالي
وكمان مرة ام زوجي كنت عندها ولما حيت انزل الدرج
وبايدي صحن زجاج كنت جايبة فيه لام زوجي اكل
وهي تنادي علي وبتضحك وترمي شي علي
على صدري
وانا اتطلع وانه صرصور كبير
مسكته بالحمام ورمته علي
ومع انها بتعرف اني بخاف من الصراصير
بس في الله وحسبي الله ونعم الوكيل
بس والله العظيم اختي اني ما اهتزيت ولا خفت بالعكس
سرت اتطلع عالصرصور وهو عصدري بدون خوف
وكان عندي عادي
وبتعرفي اللي خلاني ما اهتز هو ربنا سبحانه
طيب انا اذا شفت صرصور ميت بموووووت خوف كيف صرصور على صدري
واوقات كثيرة لما كنت بناديها تقتل الصراصير اللي بالدار
كانت بتمسكه من طرفة وبتخوفني فيه
واخر مرة كنت بالحمام بغسل بالغسيل
وناديتها تقتل الصرصور
وانا امشي اكمل غسيل
وجيت اطلع من باب الحمام
وشفتها بتضحك وماسكه الصرصور لحتى تخوفني
وانا اسكر باب الحمام
واصير اصرخ بالحمام بقوة وماتت علي ضحك وقتها
بس كل ما بتذكرها بدعي عليها وعلى ولاياها
والله ينتقم لي عاجل غير اجل
وفي اشياء كثيرة انخرعت منها بسببها بس الله كريم

 

[نبض قلبه20]

العروس الصغيره
جد جد غصب عني راح اقول هذا الكلام من بعد ما قرأت مواقف زوجك وأمه وكل شيء يمكن العضوات راح يعترضو ولكن هذا رأي
شوفي يا بنت الناس أهل زوج وام مومحترمينك وتخرعك ولا ترحمك ولا تقدرك وزوج له عشيقه وبلا رحمه ولا انسانيه واحد لو عنده ذرة إحساس كان شافك ليش عم تبكي كنوع من الانسانيه ولكن هذا قلبه حجر فوق كل هذا خاين ومانعك عن الأولاد
سؤال عطيني سبب واحد يخليكي ما تطلقي منه وتبدأي حياتك من جديد مع زوج ثاني يعوضك عن كل اللي فات
الوضع معك مؤسف جدا لو قلنا هو مشكله كلها وناطرين حل كان اوكي بس مشكله ماتتعلق فيه وحده في أمه حسبنا الله ونعم الوكيل ليش تعمل فيكي هيك ماتخاف ربها هذا وبنتها متزوجه اخوكي يعني مفروض تخاف عليها بس واضح انهم من معتبرينك زوجه تحترم وتقدر والعيب مو فيكي العيب فيهم اعتبريها اختبار من الله وتغفير ذنوب علي كل شيء مريتي فيه وصلي استخارة واستشيري أهلك أمك بقرار الانفصال لأن من حقك تعيشي حياتك وتصير أم الوضع اللي انتي فيه غير صحي وغير سليم ومو منطقي
ولا تحكي عاداتنا وتقاليدنا جيبه بحجة أن بدك ولد وهو رافض وهذا من حقك الشرعي زان العمر يركض ويضيع عليكي فرصه انك نصري أم وقتها أهلك هيقتنعو ووقتها اكيد علي صبرك بتلقي رجل صالح حتى لو كان ارمل أو منفصل ماتعرف ممكن يكون احن وارحم من عزوبي ما يتحمل المسؤليه وانا لما ذكرت ارمل أو منفصل مو معناها أن مالك حق تتزوجي رجل لم يسبق له الزواج ولكن عشان تكون اجابه لك لو قلتي عاداتنا صعب المنفصله تلاقي زوج كامل أن ملازم يكون كامل الأهم انه صالح
انا بوجهة نظري هذا هو الحل لمشاكلك سواء كانت العضوات معي أو ضدي برأي
لأن مافي شيء يدعو أصبر وتمسك بالزواج واعذريني علي كلامي لو كان في قوه بس لمصلحتك

 

[نبض قلبه20]

ولا تدعي للأولاد في الوقت الحالي ماتعرفي يمكن ربنا مأجل هالشي لأنه مافي خيره مع هذا الزوج شو فايده تجيب ولد في مثل هالوضع اللي انتي فيه صلي استخارة واستشيري أمك هي وحده تعرف ردت فعل ابوكي واخوكي اتجاه هذا الموضوع أو جيبها بالتدريج كأنك تحكيلها كل شيء بيعملوا معك هو وأمه خليها تحس باللي انتي فيه بعدها قولي انك ماعدتي تتحملي يابنت الناس وجودك عند أهلك ارحم لك مليون مره من هذه العيشه بالله شو الحياة اللي انتي عايشتها نحل مشكلة شو ولا شو لا تزعلي رب العالمين يعطي بكل حكمه لعل في زواجك منه حكمه ربنا يعلمها وراح تعرفها مع مرور الأيام ولكن إذا مازلتي حابه تصبري وتعيشي علي أمل كل شيء يتغير اصبري واحتمالي مسؤلية تتبعات كل شيء
احتمال فيكي ميس من صراخ الحمام الأفضل تشغلي سورة البقرة كل يوم وتشربي ماء مقروء عليها وتدهني بزيت زيتون مقروء عليه وانشغلي بنفسك هالفترة ولا تعطي اهميه أو قيمه قومي بواجباتك فقط أكل وترتيب البيت فقط كأنه مو موجود لغاية ماتشوفي شو تقرري تعملي وتستخدمي كورس الشراب والزيت عشان لو في مس ممكن سبب في كل هالمشاكل

 

[سماء عالية]

يا بنت الحلال انا قبل هالمرة قلتلك شغله برا البيت ننتي مجبورة فيها..
وغسيل السيارة وتنظيفها خبرتك لو جرك جر لا تغسلينها ان شاء الله يضربك..
زوجك الله اعلم يبغي يتخلص منك ولقاها فرصه وجات لين عنده وانتي تستاهلي لانك جنيتي على نفسك هو قاعد يتفرج عليك وانتي تذبلين وتروح صحتك وعافيتك علشان لاحد يلومه لو فكر يتزوج ..بيقول معي وحده مكسحه وما تقدر تلبي ابسط حقوقي..وساعتها بتكوني خسرتي صحتك وكرامتك وخسرتيه ..
فكري عدل ما اشجعك على الطلاق ابدا لكني ابغيك تغيرن نفسك ثقلي يابنت وكبري عقلك ..
والله لو اتعرض لربع هذي الاهانات منه ومن اهله ما اسكت ان شاء الله اجيب الشرطه..ع فكره من خبرتي الزوج واهله اذا ما فرضتي احترامك راح يذلونك الين تموتين وهم يتفرجون..

 

[العروس الصغيرة]

نبض قلبه ودلوعة شمالي شرقي
...
امي مريضة وما بتتحمل
وكل مرضها بسببي
واخر مرة مرضت فيها كنت راح اموووووت
لاني شفت امي بتتعذب
وبالنسبة لام زوجي وتخويفها لي هذا كان قبل فترة
بس لو صار وانعاد هالشي فصدقيني راح اسوي مصيبة
لاني الحمد لله سرت احكي واجاوب مو بس احط بقلبي وامشي على بيتي وابكي ...
بس ام زوجي وكلت امرها لربنا والا ربنا يعطيني حقي
انا راح اصبر
لان الله مع الصابرين
بس لا تفكري ان زوجي وامه راح ينالوا السعادة
لا والله
لانهم راح يضحكوا قليل ويبكوا كثيييير والله عظيم
بالنسبة لتغسيل السيارة كمان راح اصبر لان صدقيني ربنا راح يعطيني ويرزقني
...
ام زوجي عندها بنات
وفي عندها بنت متزوجة وعندها ولد قبل كم يوم كانت عند امها وانا عندها
وبنت عمتي تشيل ولدها وتعطيه امها ويصيروا يلعبوا مع بعض ويضحكوا
ولا كاني موجودة ولا تطلعوا بوجهي وبيضحكوا
وانا اسحب حالي واطلع وامشي على بيتي
وصح ممكن تقولي ايش فيها مو مهم
بس صعب يكون نفسك بطفل وتحسي ان في حد بجاكر فيكي
بنت عمتي هيذي يا ما اذتني وجرحتني من قبل
والا ما ييجي يوم وربنا ينتقم منها
وامها بتحلف مية يمين ان زوجها بحبها وبموت فيها ووووو
اولا تعلم ان الله يغير القلوب...
....
ربنا يعطيني حقي منهم ويشفي غليلي
.......
بتعرفوا
امبارح طبخت رز وملوخية لي ولام زوجي
ولما طلعت اطلبها كركم كان في ب?حذائي طين
وانا ما بعرف ولما شافت نقطة طين عالدرج صارت تصرخ وتقول ثاني مرة بتشلحي اللي برجلك
وانا بسرعة ارد عليها واقول لها ما كنت بعرف انها فيها طين
وصارت تحكي وتحكي وبسرعة ما سمحت انها تكمل كلام وانا اقول ما بعرف وما هي جريمة حتى بيتي اللي سجادة ابيض دخلت بحذائي وهي تسكت
ما توقعت اني اتكلم واواجهها
لاني قبل كنت اسكت
بس ربنا يقويني اكثر يا رب

 

[نبض قلبه20]

مو فاهمه كيف أمك مريضه وبسببك وحتى لو بسببك مين جعلك السبب مو زوجك وأمه يعني هني سبب مشاكل ماعتقد انها ترضى علي بنتها هالوضع لانها راح تمرض بزيادة اذا تطور معك الأمر
عموما هذا اختيارك وانتي تتحملي مسؤليه كافه لأنك ماعندك القدرة أو الشجاعه انك تحافظي علي نفسك وكرامتك وراضيه بهالوضع علي أمل التغير
والله ييسرلك الحال

 

[سماء عالية]

بالاضافة لكلام نبض قلبه عزيزتي الصغيرة الله يقول ان الله لايغير ما بقوم حتى تغيروا ما بانفسكم..
كلامك صحيح انه الله يحاسب كل ظالم لكن ليش ما انا احرك نفسي واتغير؟؟
ليش انتظر اللقمة وانا جالسه بمكاني ولا ادور عن مصدر رزقي ؟؟الله امرنا نعمل ونشتغل ونساله التوفيق..
قيسي هذا الشي على كل امورك..
اقراي قصص ناعمه لاحظي هل انتظروا ازواجهم يتغيرون ولا هم غيروا بانفسهم؟؟
بالنسبه لامك قلب الام دليلها وهي حاسه فيك واحس توقف معك من البدايه ولا افضل تشوفك وانتي،خلاص على الهاويه؟؟وين اهون عليها؟؟
صدقيني امك لو شافتك قويه بتساندك وبتصير قويه على مرضها بفضل الله وثم بفضل الطاقه الايجابية الي بتستمدها منك..
عزيزتي اليوم اذا لم تكن ذئبا اكلتك الذئاب..ما اقولك صيري شريرة لا اقولك ثيري طيبة وعسل مع الي يحترمك ويحبك والي تحسين انه وديه ياذيك خربشيه باظافرك وشوفي كيف راح يحسب ليكي الف حساب..


لاحظت النظرة السلبيه المخيمه عليك اناي جد تنرفزيني ببرودك لو انك اختي راح اضربك هههه
لما تكوني ما قادرة على اي شغله قولي لا قولي ما اقدر وريحي حالك ونامي..

 

[نبض قلبه20]

دلوعه الشمالي الشرقي انا باعتقادي أنها ضعيفه كتير وهم استغلوا هذه النقطة واستفردوا فيها وحتى لو فرضنا انها تغيرت وأصبحت قويه السؤال هنا هل هم يستحقوا التغير؟؟
هل المقصد من كلامي أن لازوج نافع ولا أهله نافعين يعني مافيهم هالمميزات اللي تخلي وحده تصبر علي أمل التغير انا لا أشجع علي الانفصال ولكن إحيانا يكون هو الحل في كثير من الأمور بالله هي شنو استفادة من هذا الزواج ؟؟
كله كوم وحرمانها من الحمل كوم ثاني هذا أبسط حق لها يعني تستنى امتى لما العمر يركض وبروح هو يتزوج وحده ثانيه مو بعيد يحملها الذنب ويتبلى عليها أنها هي اللي ماتجيب الأولاد
عشان هيك تكون صريحه مع أهلها وتوضح هذه النقطة هو الي رافض وان هذه حجة منطقيه لانفصال وماله داعي تذكر المواقف المؤلمه خوفا علي صحة والدتها تكتفي بهذا السبب
انا بوجهة نظري شايفه انه مافي حل أو أمل في التغيير لأن واضح هالعيله مريضين نفسيا الأم و الزوج

 

[سماء عالية]

عزيزتي نبض قلبه مع كلامك لكن انا ابغيها تتغير لنفسها لذاتها اولا مع هذا الزوج او غيره ..
سبحان الله لو هي تغيرت راح تتغير معاملتهم لها وراح يصير هذا الزوج واهله مثل ما هي تبغي ..ولو ما تغيروا او تحقق كل الي ودها فيه هي حره بالبقاء او الانفصال..
لكني اكرر ما اشجع اي زوجه على الانفصال مادام الامر مافي تجاوز حد من حدود الله..