بنات الله يوفقكم وش تتوقعون عند زوجي باوروبا

[قلبي يوجعني]

بنات بسالكم انا في حال مايعلم عنها الا الله زوجي سافر اوروبا مع الشركه
من المانيا لفرنسا لايطاليا اسالكم بالله هل تتوقعون فعلا فيه شركات بها البلدان
عشان يتعاقدون معاها او بلدان للخراب
زوجي بيروح 14 يوم اول يوم راح تعب واتصل ويرسل وحسيت براحه فضيعه
بعدها تغير 180 درجه صار بارد مايدق مايسال حتى لما يرد ببرود على عكس اول ماراح
ياناس رساله حلوة مستخسرها علي وش تتوقعون وكل مااقوله شي يقول مشغولين
طيب بالليل بعد فيه شغل :4:بالليل انا اتعب وعيالي يبكون اتمنى رساله تشفي غليلي ياناس وش فيه عطوني رايكم من جد قالبتها صياح؟

 

[ملكة الخواطر]

ايه يا قلبي عادي فيه شغل هناك

وانتي بردي وش فيك خليك واثقه فيه واستودعيه ربك

انا اعرف وحده زوجها يروح هناك ويجلس شهر شهرين وكله شغل

تعوذي من الشيطان حبيبتي

الله يطمنك علييه

 

[قلبي يوجعني]

يالله ياملكه الخواطر بردتي على قلبي شوي بس ليش مطنش

 

[lavendr2]

ياشيخه لا تضيقن صدرك ووسعي باااالك وثقي بزوجك واختاري أحلى هديه ووصيه عليها^_^

 

[Nightingale]

استودعيه الله

ان شاء الله ان مافيه شي اللي اعرفه ان في مؤتمرات كثيرة باوروبا وواحد من اخوان زوجي بالسنة يروح مرتين لالمانيا لايقل عن شهر تبع شغله

مااعتقد انه يضحك عليك والا ماكان اتصل عليك اصلا او ارسل مسج

ترى زوجي قد سافر لبرى واول مايوصل تحسين مره ينرحم مشتاقلكم ومتى ارجع وثاني يوم ولا اتصال ولا مسج وعلى هالحال لين يرجع ههههههههه ومحسوبتك ماتتعب نفسها وترسل او تتصل اذا بس حبيت اتطمن عليه

وترى يمكن زوجك يستحي ياخذ راحته معاك بالليل لان في واحد من زملاء العمل معاه بالغرفة​

 

[سحر البرآءة]

الله يطــــــــــــــمن قلبك ويرررريح بااالك عليه بس انتي هدي شووي وزووجك انتي ادرى فيه اذا هو حق هالسوالف ولالا ولا يلعب براسك الشيطان وتحسسينه بالشك وعدم الثقة فيه انشاء الله يكون كلها وساوس والله يجعلك قـــــــــــــــــرة عينه ومايشوووف غيرك ويبعد عنه بنات الحرااااام
دعوااااتك لي انا متملكة ربي ييسر لي زواجي ويسخر لي زووجي

 

[قلبي يوجعني]

الله يسخرلكم ازواجكم ياللي رديتو علي ادعولي

 

[أنفاس الليل]

معقوله ماتعرفين زوجك ليه سافر لاروبا ..اذا انتي زوجته ماتعرفين تبغين احنا نعرف !!!!
المفروض ياحبيبتي تعرفين كل كبيرة وصغيره وين بيروح بالضبط وليه وكم يوم بيجلس ؟؟؟
تهملون ازواجكم ولما يلعب يمين يسار تجلسون تولولون ...
عموما ان شاء الله مافيه الا الخير ..وانتي عاد لا تصيرين موسوسه وراعي فروق التوقيت بيننا وبينهم
وقت الليل عندنا يصير عندهم بالنهار وان شاء الله مايكون شئ من اللي فبالك ..​

 

[أم أحلى ريما]

لو بيروح يخربط كان راح لدوله اقرب
ليش المشوار والخساير
ريحي بالك حبيبتي وادعي رب العالمين انه يحفظه
وان شالله مافي الا العافيه

 

[جراءةامل]

استودعي الله في زوجك
وطنشي لاتوضحين له انك تستني مكالماته اورسايله ان جاء منه شي كان بها وان ماجاء منه شي خليها في قلبك
احنا كذا يالحريم نبغا شي يطمنا يحسسنا باالامان
بس هم الله يهديم لاهيين عنا مدري متى يحسون
لكن بعد مايجيكم باسلامه عاتبيه من وقت لاخر باسلوب حزين واسكتي واسرحي شوي واذا عنده دم راح يحس فيك
مدري احس بعض الرجال اذا طنشتيه وبقوه يجيك ركض لكن يبغالك تتعلمين وتقوين قلبك وبحكمه

 

[تررف القصيد]

أوربا خرابها يحبونه الر جال ........الأوربيات جمال لا يضاهى........بس أنتي حاولي ترمين عليه كلام إنك فاهمه كل شي...وبعدين زوجي يشتغل في شركه ويسافر بكثره بس شغله يكون لدوله وحده بسسسسسسسسسسسس وأخر مره كان عنده مؤتمر يومين في سويسرا لكن زاد فوقها عشرة أيام يتنقل بين الدول

 

[قلبي يوجعني]

تدروون الى الان لاارسل ولا دق واللي قهرني انو دق على بنتو وانا لا

 

[العمر يمضي]

زوجى راح وقعد شهر وناسة فى وناسه ولاهميناه انا وعيالى ولا عمرى دقيت عليه هو يتونس وانا يضيق خلقى ليش طنش تعش

 

[نـ99999ف]

أنا بعد ريلي مسافر اوروبا !!! شغل ...عادي ... صدق يمكن يكون مشغول مثل مايقول!!