بنات الحقو علي

[ام لــودي]

السلام عليكم
خلاص يابنات انا قررت اني اروح لبيت اهلي
قبل شوي رايح ينام واخذت الكمبيوتر واشوف محادثه مع بنت يسولف معها وهي كل شوي تردد كلمة انتبه لنفسك قسم بالله يوم شفت المحاثه احس دمي نشف ودموعي على خدي ورجليني واديني بااااااارده من المحادثه وقبل قلتله افتح جوالك قال لا بعدين وشفت المواقع اللي يدخل عليها مواقع اجمل نساء العالم ومواقع وسخه وزي كذا انا الحين ماراح اتحمل منه
وحتى لو رحت لأمي انا استحي من زوج امي اجلس عنده كثير يعني انا في ورطه وجدتي في الرياض يعني عندي وشرايكم اجلس عند جدتي ولا امي
خلاص انا مليت منه على اني صغيره وجميله بس هذا حظي زفت
قسم بالله اني مااناظر حروف الكمبيرتر زين من الدموع
قولولي وش ازين؟؟

 

[ام لــودي]

حتى والله من يوم يقوم وهو بالمجلس بالنت ولا يطلع الا اذا نام

 

[دلع قلبه]

كم لك متزوجه؟؟

وش نمط زوجك؟؟

هل سبق وصارحتيه بخيانته؟؟

 

[ام لــودي]

سنتين
والله ماادري
ايه والله كم مره

 

[جراده شياكه]

استهدي بالله
وفكري زين وانتي قلتي وين اروح يعني مالك مكان ومأمن تعيشي فيه
كل الرجال يخونوزوجاتهم عليك بالصبر والدعاء

 

[دعيت ربي يرحمني]

لاحول ولا قوه الابالله

اختي انصحك اولا بالجؤا الى الله وتوكلي عليه

ثانيا ناقشيه بالموضوع وافهمي منه ايش معنى تصرفه هذا

خلي الحوار بينكم هادئ وبدون صراخ ودموع

اذا كان عاجبه اللي قاعد يسويه ومصرعليه ساعتها الاختيار لك انتي !!!!

ونصيحه مني تحملي الين يهديه الله يمكن فتره طيش ومراهقه وتعدي

(وربي يهديكم ويسخركم لبعض ويبعد عنه بنات الحرام)

 

[ام لــودي]

قسم بالله اني جالسه اصيح حتى من شدة صياحي ولدي صحى ولدي عمره 8شهور
وش اسوي يعني يتصير كل حياتي نكد وكذا قسم بالله لي سنه وهو لازم ياليوم يسوي مشكله
انا قد مره صارحته بهدوء يجاوبني الصمت يقول خلك على افكارك الغبيه وانا كم مره اكشفه بالمحادثات
اخاف اقوله يبداء يمسح المحادثه انا الحين ابناظر وش اخرتها بعدين اذا حسيت انه وقف عن الخرابيط اقوله

 

[دلع قلبه]

طيب تعوذي من ابليس

وتوضي وصلي ركعتين ابكي فيهم لله وادعي بكل شي ترغبينه

لاتصارحين زوجك!!ليه!!
زوجك يعرف انه مافيه مكان تلجأين له بعد الله فمصارحتك بدون اتخاذ قرار صارم بتأديبه يجيب نتائج عكسيه ويتركه يتمادى

اعرفي الاسباب اللي خلته يخون
اهم شي لازم الوحده تسويه تعرف نمط زوجها وتقرأ المواضيع اللي تدرس شخصيته والتعامل معاه

انبهك بعدم مصارحته لان النتائج بتضرك
وانصحك تعرفين نمطه وبإذن الله بتقدرين تخلينه يعقل ويبطل هالخرابيط
خصوصا ان لكم سنتين وغالبا بداية الزواج اغلبه مشاكل فيلجئ ضعيف الايمان لمثل هالامور

شيء مهم قوي ايمانه بالسنن والطاعات والخير حتى يكون داخله رادع وخوف من الله
لاحظي انتي شخص صاحب معاصي ومفرط في الطاعة وطاح في معصية جديده هل يستنكرها او مجرد
ماتذكرينه بالله بيتركها صعب وهو رصيد ايمانه ضعيف
بينما شخص ايمانه جيد وعباداته جيده لو طاح في معصيه وذكرتيه بالله بيخاف ويرتدع
انتي زيدي رصيد ايمانه بالطاعات ذكريه بالوتر صلو قيام الليل قبل النوم جماعه خلي جزء من يومكم تسمعون فيه
كم ايه قرانيه وتقرون
اطلعو رحلات تصدق على الفقراء والمساكين
طهري بيتك من كل المعاصي اغاني افلام..

ربي يفرج همك..

http://www.niswh.com/vb/showthread.php?t=109230

 

[ice creeem]

الله يفرج همك

 

[@كبرياء امراءه@]

الله يفرجلك يارب....
انا مع كلام الأخت دلع قلبه.....
والله يرده لك رداً جميلاً,,

 

[ام لــودي]

بنات والله متضايقه وش اسوي وكيف اتعامل معه

 

[حجازيه ذوق]

حبيبتي اجلسي في بيتك ولاتتركيه مشان طفلك يتشتتو امه وابوه بسبب اعتبره تافه تعرفي ليش..؟
لانو اغلب الرجال كذا الا من رحم الله حتى لو تطلقتي وتزوجتي واحد ثاني رايح تنصدمي تلاقيه اردى من زوجك السابق كل الرجال كذذذذذا لاتنصدمي ولاتعتبريه نقص فيك هذا مرض في الرجال
اغلب الرجال حتى بعض الملتزمين يستخدمون النت استخدام سيئ فما بالك باللي مو ملتزم وبعيد عن الله حاولي تقربيه من الله وتدعي له بالهدايه اهم شي خليك على وتر الدين خليه يهتدي غصب عنه بالدعاء لله عز وجل وذكريه بالله وخليك دائما قريبه منه
ربي يوفقك حبيبتي

 

[الوردوالياسمن]

الله يفرج همك من جد كلام الاخت دلع قلبه زي العسل الله يسعدها

 

[ام لــودي]

المشكله انه عنده لحيه وفي الحلقات وكان يهتم في الصلاة بس الان مايهتم في الصلاه

 

[ام لــودي]

بنات ساعدوني الله يعافيكم

 

[فيافي 2]

حبيبتي اليوم النساء بكل مكان ماتقدرين تبعدينه عن الصور في كل شيء صورة وبكل مكان نساء متبرجات أوشبه متبرجات ، مافي غير الدعاءوين تخبينه عن النساء في صندوق أحسن حاجه إلي قالوا الأخوات تجلسين ببيتك وتلجئ لربك وتدعين وتلازمين الأستغفار وبعدين تدورين على الحاجات إلي تخليه ينجذب معاك و تخليه يلقى إلي يبيه عندك ،أسأل الله العظيم رب العرش العظيم أن يفرج همي وهمك وهموم أخواننا المشردين والمعذبين بكل مكان ,

 

[ام لــودي]

الله يجزاك خير

 

[كافيه لاتيه]

الله يفرج همك مالك غيرالصبر وانك تتدعيله بالصلاح خصوصا انومالك احد وعلشان ولدكي

 

[ام لــودي]

الله يجزاك خير

 

[شمعة وثلج]

الله يكون بعونك مالك الا الصبر وزي ما قالوا الاخوات كل الرجال على هالحال انا زوجي ملتزم وكم مره اطيح عليه والاقيه فاتح مواقع اباحيه ويتفرج الله يهديهم اصبري وطنشي واذا شفتيه مروق ذكريه بالله وقولي له انك شايفه وعارفه كل الي قاعد يسويه بس منتظره ان الله يهديك بس ترى للصبر حدود وانا ما ابغاك تخسرني بسبب هالشي
والله يهدي زوجي وزجك