بنات ابي وحده حكيمه جدا تساعد صديقتي زوجها تزوج عليها

[توته حامضه]

هلا بنات شخباركم

صديقتي يابنات زوجها تزوج عليها صديقته بالععمل

صديقتي صغيره عمرها 22 متزوجه وعمرها 15 وعندها بنتين جابتهم ورا بعض وتعيش مع اهل زوجها


وبينها وبين زوجها مشاكل وزوجها من النوع اللي يخبر اهلها بكل شي ويتشكى لهم

وصديقتي مسكين


ه وعلى نياتها وتعلم الناس باسرارها حتى زوجها تقول اقوله اسرار اهلي

وغير كذا ماتعرف تطبخ ومع الوقت تعلمت ولكن طبخها ماش مو قد كذا ولا تستقبل ضيوف لانها ماتعرف تطبخ واهل زوجها يستقبلون الضيوف ببيتهم


المهم يابنات انا ماسمعت الا من جانبها يعغني مدري وش وضع زوجها اهل زوجها

اهل زوجها قرايبنا من بعيد واسمعهم يقولون انها رفلا وانها ماتهتم بزوجها وعيالها ولاتسمع كلام زوجها

طبعا انا ماقلت لها هالكلام عشان لاتصير مشاكل


المهم زوجها ملك علسيها قبل سنه وجاها اكتئاب وتتعالج منه الحين

الحين زوجها تزوج قبل شهر وطلب منها تتنازل عن شهر يسافر فيه مع زوجتها والشرع قال سبع ايام ويعدل بس هو يقول عطيني شهر


هي بالاول رفضت بعدين سكتت ماقالت شي وهو كنه ماصدق خبر الحين قرب الشهر يخلص وهو ماخذها

واكيد انه بياخذها تقول يتصل يسال عن بناته لاكثر وهي تقول ماسكه نفسي واقول البنات اشتاقولك واحاول ماعاتبه ابدا


المهم العروس الجديده عاديه مقابلة بالزوجه الاولى ولكن طبيخه وراعية بيت وتستقبل الضيوف ههه طبعا هي شاده حيلها الحين عشان عارفه الاسباب وتحاول تكسب زوجها

الحين يابنات صديقتي تقول اذا جا كيف استقبله

وشقوله

وش اسوي معه

انا احترت مدري شقولها قلت استشيركم

اهلها يقولون تطلقي منه مادام سحب عليك وهي للاسف ماتبي تطلق عشان عيالها ولاتبي تعيش عند اهلها

انا حاولت انصحها تتعدل وتهتم بييتها وبناتها وتطبخ وتتسنع وتصير ربة بيت ممتازه تقول ان شاءالله وانا مدري عنها لانها تعاني من الاكتئاب الحين ولاتنام الا بحبوب

فشمكلها مو متحمسه كثير او تحس انه خلاص فاتها القطار عشان تتعدل لانها محبطه جدا


وش رايكم بنات

 

[nmt]

انصحك قوليله تزبط وتتعدل ولكانه تزوج كانها لحالها ولاتقارن نفسه بزوجته الجديده وتشتغل على نفسه وجسمه ولبسه وتخلي الطبخ والنفخ لثانيه وتتعلم حركات الفراش وتثقف نفسه بقسم الزوج والزوجه وتخلي الاكتاب وفيه ايات السكينه تقرها كل يوم تسوي بحث عنها بالنت وكذلك دعاء لكل زوجه تريد هداية زوجها تبحث عنة بالنت وتطلق وجهه لجى زوجه وتصير بشوشه لاتعبس في وجهه يقول:بعذري تزوجت عليه

 

[اوظاح]

اذا على الطبخ كتب الطبخ كثيره تقرا وتطبق بس الرجال مايهمه الطبخ كثر ما يهمه فراشه يعني ياما حريم ما يعرفون يسوون شي في البيت والرجال تلقينه حاطها فوق راسه لانها مونسته في فراشه وخلوقه معاه

 

[اسيرة الروح]

اللهم سخر قلب كل اثنين متزوجين والف بينهم

 

[هموسآ]

حبيبتي في كثيييييير قصص هنا مروووا بظروف اصعب من ظروفها لكن نجحواا وسعدوا في حياتهم

ارسلي لها القصص لتقرأ, دعيها تدخل هنا لتقرأ المشاكل الاشد والاقوى, فتحمد الله وتكتسب الخبرة والمعرفة,

اصلح الله حالها وبالها ولا أؤيد الطلاق ابددددددا, بل عليها ان تكافح حتى تصل الى ماتريد معتمدة على الله , انصحيها بالدعاء والاستغفار وقراءة القران وقيام الليل, وقولي لها تصلح علاقتها بربها حتى تصلح بينها وبن عبيده, (( من تقرب مني ذراعا تقربت منه باعا )) عز وجل,,​

 

[ربانة بحر]

كسرت خاطري ...

مثل ما قالوا البنات اهم شي المعامله الحسنه بين الزوجين والكلمه الطيبه ...
وهي شكلها طيبه .. لكن الطيبه وحدها ما تنفع اهم شي تتعلم انها ما تتنازل عن حقوقها وبنفس الوقت لا تظلم الثانيه ...

خليها تهتم بنفسها (لبسها , مكياجها, شعرها, طريقه كلامها)... ما تعصب وايد ..تمارس الرياضه .. لان مثل ماقالوا البنات الطبخ موب اهم شي صج لكن ما ننكر من اساسيات الزواج عن نفسي زوجي ماكلى من ايدي الا 3 مرات تقريبا خلال 3 سنوات ويموت فيني ...

لازم تعرف شلون ترحب بالضيوف وتقوم ببيتها وتوجب الناس وهي على قولتج صغيره يعني تقدر تتفنن ...
مب مثل الاربعينيه لما ياخذ عليها زوجها وحده عشرينيه...

واهممممممممم شي لاتسمع كلام اهلها وتطلب الطلاق ياما سمعنا عن شرايك حبو بعض ...

والله يكون فعونها

 

[توته حامضه]

شكرا لكم يابنات

 

[doonat]

قوليله تحااول تطلع ببيت لحااله هذا بدايه التغيير وتجيب شغاله وحبه حبه تبدا تغير من نفسه وطبااايعه تحااول تثقف نفسه وتتغير للاحسن بالنسبه للضرته لاتحاااول تشووفه ولا تحتك فيها مهما كان ------

 

[صبا الزمان]

السلام عليكم والله يكون بعونها وبعون الجميع يارب والبنات ماقصرو بالنصايح بس احب اكمل عليهم وقوليلها كل شي بالهدوء يمشي ويجي بصالحها خلها حكيمه وتفكر بهدوء وش استفادت لما اكتئبت واهملت بزيادة بيتها خلي ثقتها بنفسها تزيد وتبدأ بنفسها بالتغيير يرجع زوجها ويلاقي وحده ثانيه عمره ماشافها بحياته تقرا وتثقف وتزين بعمرها اولا عشانها وبعدين عشان زوجها والله يوفقها وتشيل فكرة الطلاق حرام العيال مالهم ذنب

 

[توته حامضه]

بنات نسيت اقولكم انها تعرف زوجته الثانيه وكانو زميلات ويتراسلون ويكلمون بعض الين خطبها الرجال ماعاد صارت تكلمها ولا شييي

 

[أمة الودود]

السلام عليكم لاتنس صديقتك الاستعانة بالدعاء وبكثرة الاستغفار وكما ذكرت الأخواتالرجل مايهمه غير الفراش .

 

[لين99]

بصراحه زميلتها دي اللي ما تستحي على وجهها و صح اللي يقولوا الحريم هم اللي يخربوا عالحريم
انصحها انها تسيب شغل البيت والطبيخ والقرف للتانيه و تدورلها على وظيفه و احسن لو تكون دوامين عشان تنشغل لانه الوظيفه حتغيرشخصيتها و حتكستسب الثقه في النفس حتتغير من كل النواحي من دون ما تقراء كتب ولا تاخد دورات ومنه تنشغل عن التفكير في زوجها و منها تضيع الاكتئاب اللي فيها
خليها تشتغل في اي وظيفه و بلاش تستاذن من زوجها ولكن تخبره بعد ما تلاقي الشغل عشان تحطه قدام الامر الواقع عشان لا يمنعها و الله يكون في عونها و يمنحها الصبر

 

[لين99]

كمان في نقطه انها ممكن تكمل دراستها اذا حابه بس لازم تشغل نفسها اسرع ما يمكن

 

[أسطورة خرآفية ~]

قولي لهآ

تعآملهـ عآدي لو جآء لهآ , تتصرف بطبيعتهآ لآتبين لهـ أنهآ مقهورة وبتموت بسببهـ ولآ تبين له إنهآ
رآضية عن اللي سوآهـ

و كشختهآ كمآن تكون عآديهـ نفس مآهي تكشخ قبل لآ يتزوج بنعومهـ لآ تسوي شي خآرج عن المألوف علشىن لآ يحسهآ تغآر
وأنهآ تكشخ علشاآن تبي ترجعهـ له

وتحآآول تهتمـ أكثر ببيتهآ وعيآلهآ و زوجهآ وتتعلم طبخ أكثر لآلآ تصير رفلآ مثل مآيقولون عنهآآآ

 

[الدنيا دنيئة]

سبحان الله من هدا الزمن ادا الواحد يبي يتزوج على زوجته حط عيوب العالم كله فيها الله ينصر كل ضعيفه على من ظلمها