بنات أنا ابي مشورتكم تكفون

[أم رشرش]

السلام عليكم بنات وش اخباركم ان شاء الله تمام
بنات مشكلتي صغنونه وان شاء الله ماراح تبخلون علي
انا وزوجي مانتكلم واذا جيت اسولف عليه كلمه ورد غطاها يعني "مايسولف"وانا نفسيتي مره تعبانه عشان الدوره جايتني وانا ودي" بيبي"انا مضايقه من هل شي وهو مافكر يواسيني بكلمه حلوه بس وده يطلع من البيت وبس والان لنا اسبوع على هل حال.
وش رايكم ؟؟؟؟؟؟؟؟لاتقولون كلميه وسويله ليله رومنسيه انا دايم اتنازل؟؟؟؟؟؟؟والله طفشت احيانا اقول خلاص بروح لهلي..........مع العلم توي لي سنتين متزوجه...........وانا حساسه بزياده وش اسوي:icon1366:

 

[أم رشرش]

بنااااااااااااااااااااااااااااااااااااااااااااااااااات وووووووووووووووووينكم

 

[بيالة شاي]

مافهمت وين المشكله ؟؟؟ انه قليل الكلام ..؟؟؟ ولا مايبي عيال ؟؟؟ ولا كثير الخروج ؟؟؟؟

ونصيحه ...لاتكررين كلمه باروح بيت هلي .....

 

[انا حياته]

 

[أم رشرش]

لا مايسولفي علي مثلا توه راجع من ربعه ولاعب كوره وانا متحمسه هاه حياتي وش اخبار الاستراحه الرد"الحمدالله"بس وانبسطت" الحمد الله" وبعدين يسأل وش لون انبسط ؟؟؟؟؟؟؟؟
وبعدين هو يبي عيال............... وروحاته كل يوم تقريب يطلع.............. مدري وش اسوي..................

 

[سامية الروح]

وعليكم السلام ورحمة الله

عزيزتي ... افرضي أن لديك أختين ... احداهما بشوشة ومرحة تحدثك

عن أمور تهمك ... تشجعك عندما تقومي بأعمال ناجحة ... تمتدحك كثيرا

وتشكـــــرك على أي عمل تفعلية لأجلها ولو كان صغيرا :bye1: ........

وأختك الأخرى ... تحبك بشدة أيضا ... لكنها تكثر عندك الشكوى لتواسيها

وعندما تراك تحدثك بأمور محــــزنة ، كئيـــبة ..... تطلب أن تراعي أنت شعورها

(دون أن تذكر ذلك صراحة ) ولا تــــهتم لمشاعرك ، عندما تكوني منهكة من

العمل وتحتاجي لمن يسليـــك وينسيك هموم ومشاكل العمل :no: ....



غاليتي ... أي أخواتك تفضلين الجلوس معها لوقت أطول ؟؟؟؟

أي أخواتك تفتقديهـــا أكثر ؟؟؟؟؟



ليست الليالي الرومانسية وحدها ...... تجذبه اليك

والرجل غالبا يعــــبر عن حبه بالعمل وليس الكلام والغزل ...

أنت مازلت في بداية حياتك الزوجية ... وتأسيس شراكة...

أجعلي بيتك جنــــة زوجك التي ُيسـَــر فيهـــا .... لاحظي اهتماماته وشاركيه فيها

أمدحي هواياته وشجعيه .... استخدمي اسلوب الإيحـــاء .. واقنعيه بأن لديه

اسلوب جيد للحديث والمناقشة ......

ولا تتســــــــــاهلي أبدا بالذهاب لبيت أهلك عند الغضب ...

حتى لايرى ذلك سهــــــلا عليه أيضا .....

وفقك الله .. وأنار دربك ....

 

[أم رشرش]

أشكرك سامية الروح على الكلام الجميل والله مقنع

 

[SUGAR AND SPICE]

حبيبتي الريايل هاذي طبيعتهم قليلين الكلام
تبين تتكلمين اتصلي لاختج لصديقتج لامج تكلمي فضفضي
الريال مايقدر يستوعب الثرثرة الزايدة يتعب نفسيا :santa_1:
لاتجبرينه يطلع كلام غصبا عنه طبيعته ماتستحمل القرقره !!
اتكلمي معاه بالمختصر المفيد واستمتعوا بوجودكم مع بعض التواصل مب شرط بالكلام
ممكن يكون التواصل بقعدة حلوة .. بشرب قهوة او عصير
لاتضعطين عليه يابنت الحلال خفي عليه خليه ينبسط مع ربعه بدون لاتطلبين منه تقرير شو سواو مع بعض
اذا تبينه يتكلم معاج ساليه اساله مفتوحه يعني سؤال مايتطلب الاجابه بنعم او لا
بل يتطلب ان يدلوا برايه عن شيء ما ولاتكررين الاساله ورا بعض ....
عن لا يشعر انه في لقاء صحفي

 

[أم رشرش]

تسلمين ع المرور والله ماأغصبه على السواليف وانا اصلا قليله الكلام بس على الاقل يعبر عن مشاعره لاأقل ولاأكثر

 

[.-. ذوق .-.]

هلا حبــوبه ..
انتي توج قلتي انج قليلة الكلام ؟
وتزعلين اذا سكت !!

أغلب الرياييب طبعهم جذي ..
مايسولفون وايد ..
انتي شوفي شنو في اهتماماته ؟
شنو يحب ؟
وسولفي عن هالأشياء ..

مثلاً : اليوم مباراة واهو وايد يحب المباريات والرياضة ..
عرفي اي فريق يشجع .. واقري عن هالفريق وحاولي تعرفين النتيجة ..
وناقشيه ..
بتشوفين شلون بيكون مهتم ويسولف ..

يهتم بالسياسه ؟
شفيها يعني ؟
كل يوم اقري الجريدة .. وناقشيه بآخر الأمور السياسية ..
قوليله صار جذي وجذي .. شرايك ؟
خليه يحس انج رفيجته ومرته !
مايحس انه في وايد اختلاف بينكم !

دوري عن هوايته واهتماماته ..
وتعمقي فيها ..
منها تكتسبين انتي معلومات يديدة ومنها تكسبينه اهو ..
تعوذي من ابليس ..
والموضوع ما يستاهل تروحين بيت اهلج عشانه ؟!​

 

[أم رشرش]

ياحبيلك ياذوق والله كلك ذوق

 

[ام كاكا]

اكثري في السجود من قول ربي لاتذرني فردا وانت خير الوارثين اربعين ليله وفي كل سجده اعرف وحده 7 سنوات ما حملت وبعد هذا الدعاء جابت ولد والحين حامل الله يكون في عونك وادعي ربك يسخر لك زوجك وخلك بشوشه في وجهه ولا ترهقيه بالاسئله انيسولفي بدون ماتسألينه

 

[مؤاسم الدهر]

الله يهديكم