بنااات ابي رايكم بسرعه انا مليت من زوجي الي تاركني وطلبت الطلاق بعد هجره لي

[ام قلبي عبدالله]

بناااااااااااااات
ابي مشورتكم بعد الله


انا وزوجي صارت لنل مشاكل كثيره ارهقتني ولله الحمد

ومااشوف منه الا الصد والهجر لين طالت الفتره وصرت اعاني من فراغ عاطفي وانا متزوجه

وصبرت وسكتت

مع ذلك مااشوف الا الصد

وكل يوم احسه يكرهني اكثر

لين جاء وقت روحتي لاهلي

وطلبت الطلاق لاني مليت ومن وقتها ما شفته



ويقول الي مايبينا مانبيه

والله مااشوف ولا شي يدل على انه يبيني

وانا مقرره مااسافر لاهلي زي العاده بمشكله وانا الي اتصل وارجع له ملييييييييتتتتتتت منه وانا ما اشوفه الحين ابي مشورة الحكيمات واصحاب الخبره

انتظركم

 

[ام قلبي عبدالله]

تعبببببتتتتتتتتتتتتتتتت منه مدري وش اسوي معه الحمد لله

احس مابي طاقه اتعامل معااه اكثر كل شي سويته

 

[صدى الأيااااام]

فرج الله همك

 

[ام قلبي عبدالله]

دلع قلبه قولي لي الله يوفقك وش اسوي الله يفرج همي تعببت منه الحمدلله

تدرون صرت احس بالي يكلمون ويغازلون الله يثبت علينا الدين والعقل ولا يبلانا بس وضعي تازم

 

[سفن بااارد]

اللي فهمتة انك طالبة الطلاق انتي اذا شايفة هذا الحل اريحلك سوية والله يفرج همك

 

[نور كندا]

انتى طلبتى الطلاق ويمكن يقول لك مثل ماتريدين لاتتوقعى ان يتمسك بك كثيرا للاسف الرجل يبيع بسهوله ولايهمه احد وخاصة ازا كانت حياته مشكل وملل

 

[ام قلبي عبدالله]

ايه طالبه الطلاق لان طاقتي نفذت منه كل معاملته لي تطنيش بشلكل فظيع مستحيل يرد على رساله ارسله

ومستحيل يبادر بحل المشكله الحل عنده السكوت والصمت السلبي الزااايد تعبت ساعدوني الله يجزاكم خييير

نفسيتي تعبت كنت احبه بس الحين اتمنى انه يموت من القهر والظلم الي شفته ياليتي ماتزوجته بس الطلاق مر الله يفرجلي ادعو لي

 

[سهرانه89]

داام الطلااق مريحك
خليك
وشووفي اذاماكلمك وقال تعوذي من بليس ومن هالكلام
معناته مايبيكي
لان حراام الواحد يهجر زوجته
>>>معك عياال؟؟؟

 

[ام قلبي عبدالله]

ايوه حبيبتي معي ولد

تكفون قولولي اصبر عليه واموت من القهر

ولا اتطلق واموت من حكي الناس ونظرتهم

امس كنت اتكلم عليه وهو بينام ويسكتني باسلوب مقزز
قلت له لاتستهين بالوظع تراني صرت اعرف ليش البنات يلجاون للحرام اعوذبالله
قال انتي جربتيه قلت جربت ادوره بس عندك قال اسكتي وناام

 

[أخت شمّا]

ياعزيزتي اذا تبين نساعدك لازم نعرف عنك وعنه وعن وضعكم أكثر
اذا بغينا نحل مشكله لازم نعرف اسبابها
طيب ..
كم لكم متزوجين ؟
وش سبب المشاكل اللي بينكم ؟
وليش هو ينطشك كذا من الباب للطاقه ولا صار شي معين ؟
قبل ماتطلبين الطلاق كان فكرتي واستخرتي واستشرتي ..
ننتظرك =)

 

[وهم79]

وش نمطه وش شخصيته بالبوصله

 

[ام قلبي عبدالله]

وهم انتي قلتي لي انه شمالي غربي بس انا ماادري

 

[ملكة بإحساسي]

ما أنصحج تطلقي أستغفري ربج وفكري بهدوء وعقل وخلي النفسيات ترتاااح الريال اذا كان متضااايق خليه لين يهدى وانتي بعد تهدي,,ترا الطلاق ما هو بسهل والله ,,وتقولي كانت مشااكل كثيرة ونفسيته ونفسيتج أكيد ما زينة ابد وتحتااج بعد هالمشااكل شوي هدوووء,,,ظلي في بيتج بس لا تقعدي تعيدي السوالف وكوني سااكته عالأقل هالفترة وحاولي تعالجي الموضوع بهدوووء وأغلب القرارات الغلط نتخذها في حالة غضب رووحي صلي وقعدي اقري قرآآآن وادعي ربج والله يفرج همج يارب..​

 

[دلع قلبه]

تدرين وين حقيقة مشكلتك؟؟
فيك انتي سبق ونزلتي موضوع واعطيناك نصايح ونصايح
لكن رايت فيك الشخص الشكاي بدون تصرف
شخصيتك فقط شكوى وتذمر بدون بذل
ماننكر ان زوجك سيئ وتعامله سيئ وان لك طاقه وقدرة تحمل
لكن ماتبذلين شي لتعديل حياتك
نصحناك تعرفين نمطه وتتعاملين معه حسب نمطه
لكن لانــرى منك سوى الشكوى هداك الله
عزيزتي لامصلحة لي من قسوتي سوى حياة مريحه لك
فراجعي نفسك وشخصيتك التي تحتاج للكثير من التعديل والتثقيف والتغيير
لديك في قسم الزوج والزواج الكثير والكثير من المواضيع التي ستعينك على اصلاح حياتك والعيش براحه..
هــــداك الله واصلح قلبه
اخبرك بأمر حتى وان قلنا لك تطلقي لن تتطلقي لانك تريدنه وبشده ايضا
والطلاق حل الفشله والعاجزين فقط لاغير!!

 

[ام قلبي عبدالله]

لي5 سنوات وشوي متزوجه
وسبب المشاكل عدم التوافق ولسانه بذيء

ويحب يقول لا كثثثثثير بكل شي
يبيني اسيره عنده
دائم الزعل والهجر على كل شي وتدوم بالاسابيع
مب حنون يبي حاجته بس مايعطيني حب وحنان هو يقول انه يحبني بس انا احس انه بحاجه لي بس
بسرعه جاوبوني تكفوووووووووون

وسبق قالي روحي لهلك وابطلقك

 

[>واحة القلوب<]

اصبري ولا تطلبي الطلاق
..... واجلسي ببيتك وكا،ك مطلقة

 

[ام قلبي عبدالله]

دلع قلبه

صحيح قسيتي علي
بس فهمتيني
باخر شي اني اريده وبقوه مب علشانه علشان نفسي

والله اني قريت اكثر مواضيع الزوج والزواج بس احس مانفع معه شي كل ماله تتازم

طيب قولي لي وش الخطوه الجايه الي اسويها ولا تشوفين

 

[دلع قلبه]

الخطوه الجايه اذا انتي بتروحين لاهلك روحي زياره واطلعي من عنده بنفس راضيه
وخليه راضي عليك
اذا كنت متزاعلين راضيه حتى لوهو غلطان وبعدها ابدئي من جديد في التعامل معه
اعتبري نفسك عروس توك في اول يوم زواج وتعاملي معاه مثل ماطلع لك من الانماط
واذا كنتي اصلا مو ناويه تروحين لاهلك اقعدي وغيري نفسك واسلوبك معاه
ادخلي الحين الانماط واعرفي نمطه
http://www.niswh.com/vb/showthread.php?t=279293&highlight=%C7%E1%C7%E4%E3%C7%D8

واقرئي بعد ماتعرفين نمطه وسجلي بورقة وقلم كل الاشياء اللي تقرأينها وابدأي في تطبيقها

http://www.niswh.com/vb/showthread.php?t=278201

اتوقع اكثر من كذا مانقدر نسوي لك !!!
اتمنى تتخذين خطوة جاده في التغيير والتعديل..

 

[ام قلبي عبدالله]

الله يوفقكم ويوفقك دلع قلبه

ماشاء الله كلامك عسل على قلبي مع انك قسيتي علي مره حسيت اني طفله من كلامك يعني كني قاعه العب بس والله الحين بروح اراظيه وبكيفه احس كلامك فيه حكمه والله يعطي الحكمة من يشاء سبحانه اللهم لك الحمد الله يجعل كلامكم في ميزان حسناتكم ويعطيكم على قد نيتكم

 

[المــهــا]

ربي يفرجها علي وعليك وعلى المسلمين ياحي ياقيوم