بموت من القهر

[نازي]

بنات والله بموت من القهر زوجي تزوج علي التايلندية وآنا كنت في أواخر شهر التاسع أي قبل ولادتي بأسبوع واحد وهي الأن حامل في الشهر الثامن وأبني فقط عمره 5 أشهر ويومين بما معنى أنها حامل بالحرام من قبل الزواج بشهرين وبعدين تزوجها وطلقني فقط من يومين وتنازل عن حضانة أبنه وعن زيارته وتنازلت عن نفقة العدة ونفقة الطفل ونفقة السكن يعني كل شي بالحرام وفضلها على أبنه بنات شنو اسوي رااااااااح أموت من القهر.​

 

[ام ترف1]

ليش ميتهاقهرمن باعناباعنهابرخص التراب

ليش انت تعبين نفسك في التفكيروهومستانس مع هالقذاره

اهدئ وركزي وعليك بقيام الليل والدعاء
وانتبهي لطفلك واهتمي فيه ياقلبي ماراح ينفعك هالرجل اذاجاك شي

والله يفرجهاعليك يارب

 

[بنت قلبي]

ما يستاهل ظفرك

انسيه

 

[العنود 19]

اي والله واحد زي هذا مايستاهل ظفرك
اللي كذا ياقلبي ماعليه حسافه
اصلا وش تبين منه وهو كذا
بكره بيجيك اللي احسن منه واللي يقدرك
خيرته بيعرف انه غلط غلطه كبيره وراح يعظ اصابعه ندم الحين هو ماهو حاس وش قاعد يسوي
مع الايام بيحس انه كان عايش معها بقذاره
وانه ماصان النعمه اللي كانت عنده الا هي انتي
الله يوفقك حبيبتي

 

[نون ومايعلمون]

الله يعينج وانسيه اريح لج ولولدج

 

[سمراء وافتخر]

السلام عليكم
ربي يصبرك ويعوضك بسيد سيده انسي الماضي وراء ضهرج وخلي بالك من ابنك ونفسك وديري بالك واستثمري وقتك في تطوير نفسك وتربيه ابنك وربي يوفقك ويرزقج ويغنيك عن الناس انصحك انك تغيري جو تسافري علشان نفسيتك واشتغلي واشغلي حياتك بالعمل وتربيه ابنك وانيه صفحه انطوت بس اهم شي لا تتكلمي بالسوء عنه عند ابنك لا تشوهي صورته مهما كان هم ابوه واهم شي الجئ لرب العباد طمنينا عليك

 

[بقعة ضوء]

لا تقهري حالك ولا تفكري

اللي باعك بيعيه ... وش تترجين من واحد متزوج من غير ديرته وديانته ...

اهتمي بمولودك وراعيه ولا تديري بال للهرجال وربي يعوضك خير ..

 

[نزف]

هي هذه الغلطه الي عملوها امهاتنا والحين نحن بنضيع حالنا لو عملناها
ليش ميته قهر ومحطمه نفسيتك كذا
لا تجعلينه كل حياتك
كوني قويه
شخص خانك وخذلك واررتكب جريمة زنا
خليه
بكره يجيك يبكي ندم
باع الطهر واشترى العفن

 

[سكون العتيبي]

عليك با التحلي با الصبر والاستغفار وقيام الليل والصيام في ها الايام واحتساب الاجر والاكثار من الصلاه على النبي والاكثار من الدعاء والتقرب من الله بشتى الوسائل ولاتيئسي ابد فان الله مع الصابرين والله يفرج همك واكثري من الادعيه المئثوره عند حلول المصائب

 

[الجـوري]

استعيني بالله وانسيه خيتوو

ارتكب جريمة الزنا ومايستاهل وحده عفيفة زيك حافظت على نفسها

انتي

 

[جراده شياكه]

ماقصروووا البناااااات ليش تقهرين نفسك

 

[تماني المتفاني]

ربي يصبرك ويقدرك على تربيه طفلك الهم امين

 

[عيون عزيز]

طز فيه ....هاي حرام تسمينه رجال ....مالت عليه هالنجس..اسمحيلي بس دمي فار من موقفه الزفت.احمدي ربج اللي فكج منه ومن عفانته ...ربي ولدج بروحج واستعيني بالواحد الأحد...ترا ربج ما ينسى عبيده...أصلا المفروض انج تخافين انه يربي ولدج وهو أخلاقه عدم ...انسان صايع ضايع شتبين فيه؟؟؟؟
. ,,,بس فديتج انتي ليش تنازلتي عن النفقة؟؟؟؟ غصب من ورا خشمه يدفعها ....المفروض تنشبين في بلعومه ...هاي حقج وحق ولدج ...اخذييييييه بالقوة....
تحسبي حبيبتي كثير ....الله يفرجها عليج ياقلبي...

 

[*جنان$]

افضل كلمه قولى ان الله وانا اليه راجعون اللهم اجبر مصيبتى وخلف لى خير منه)وهونى عليك المصيبه مو نافعك اهم شى صحتك واحب اقولك انى انا مريت تقريبن بنفس القصه وحاولت اطنشه مثل ماطنشنى

 

[نجود1404]

قولي هالدعاء قبل كل شي

( اللهم اجرني في مصيبتي واخلف لي خيرا منها )

الله بيعوضك احسـن منه أو بيرده لك وهو صالح حاله
صدقيني الله عند حسن ظن عبده به ان ظن خيرا فله وان ظن شرا فله

انتي الحين ربي ولدك واحسن تربيته
والله يعوضك بالخـــــــــــــير

 

[ريمية]

الله كفاك شره ..والله بيعوضك خير منه ان شاء الله

هو الآن في سكرة المجون والقذارة ..ولمن يفوق بيرجع لك يطلب الرضا

فوضي امرك لربك واشغلي نفسك بإبنك وتربيته ......واذا تقدري تطالبيه بنفقه يكون احسن

 

[شمس الحور]

الله يعوضك أفضل منه ويربط على قلبك ويخليلك ولدك

ولاتموتين من القهر ولا شي قولي الحمدالله

على كل حال وتفائلي بالخير .......

 

[عالم خاص]

امكن خييرة بغى ينقل لك مرض والا اي شيء ... حبيبتي اهتمي بولدك واسال الله ان يعوضك خير امييين ............الله ياخذهم الرجال الوسخين

 

[نوسي 2008]

عسوووووله ليش تحطمين حياتك
مافيه رجال يستاهل من باعنا بعناه
لو كان غالي
أبدي حياتك وأنسيه هذا مافيه خير
نسى حتى ضناه وش ترجين منه

 

[نازي]

برد الله على قلوبكم مثل ما بردتون على قلبي وأدعو لي يا بنات أن الله ياخذ حقي منه والله شفت المر معاه.​