بلييييييز ساعدوني لا تبخلووون علي

[AYDA-MOOON]

مرحبا شحالكم يا امهاااات انا ابي مساعدتكم
انا عندي ولد عمرها الحين 7 سنوات ولين الحين ما يمشي يبته على سبع شهور وتعرض يقوووولون لنقص الاكسجيين في الحضاته وهو الحين على العلاج الطبيعي الحمد الله حالته زينه هو ذكي كل شي عنده زين بس المشكله المشي الاعصاب عنده مشدووووده وفي ايدينه بعد
بس الحين مشكلتي الكبيره الحين هي المدرسه ما اعرف وين ادخله المدارس الخاصه لذوي الاحتياجات احس ما اقدر لانه حالته عاديه وهو اصلا يخاف يروح هذي المدارس انا دخلته مدرسه خاصه بس اخر شي قالوولي حرام ولدج يتم عندنا لانه هو عنده مشكله في الكتابه يبيله وحده عنده تهتم فيه في الكلاس والحين هو يالس في البيت قالولي في مدارس خاصه نفس حالة ولدي ولدي الكلام وكل شي عنده اوكي بس المشي والكتابه احس يباله اهتمام خاص
واتمنى انكم تساعدووووني اذا تعرفون مدارس خاصه مثل حالة ولدي وجزاكم الله الف خير هو الحين يالس في البيت ما اعرف وين ادخله احس اني دووم اكون متضايقه يوم اشووفه يالس وكل اليهال يسيرون المدرس احس حرام مستقبله بيضيع

 

[AYDA-MOOON]

ابي من كل وحده تدخل وما تقدر تساعدني اهم شي تدعي لولدي انه الله يشفيه
ومشكورات وجزاكم الله الف خير

 

[P.T]

الله يشفي ياااارب ويرفع عنه شوفي اختي انت ممكن اخصائيه العلاج الطبيعي الي ماسكه ابنك تقولينلها عن مشكلته في الكتابه وهي راح تساعده او راح تدلك علي اخصائيه متخصصه لها الشي لان مشكلته زي ما قلتي في الكتابه بس يعني مهارات الكتابه وانشالله راح تساعدك
وحابه اقولك شي خصصي وقت لابنك وقت وانيت ف البيت عوديه علي مسكه القلم وكيف يركز في الكتابه لانك انتي اكثر وحده معاه ومع الوقت راح يقدر لان اطفال الشلل الدماغي محتاجين وقت اطول عشان يتعلمو يعني كل شي راح يجي انشالله مع الوقت والتدريب
ويارب يشفيه انشالله

 

[P.T]

بس قوليلي وين مشكلته بالظبط يعني يمسك القلم ولا لا؟ يكتب ولا ابدا ما يقدر ؟ يمسك اششاء في ايده ولا لا ؟اشرحيلي بالظبط كيف يستخدم اياده وانشالله اقدر اساعدك

 

[AYDA-MOOON]

الله يشفي ياااارب ويرفع عنه شوفي اختي انت ممكن اخصائيه العلاج الطبيعي الي ماسكه ابنك تقولينلها عن مشكلته في الكتابه وهي راح تساعده او راح تدلك علي اخصائيه متخصصه لها الشي لان مشكلته زي ما قلتي في الكتابه بس يعني مهارات الكتابه وانشالله راح تساعدك
وحابه اقولك شي خصصي وقت لابنك وقت وانيت ف البيت عوديه علي مسكه القلم وكيف يركز في الكتابه لانك انتي اكثر وحده معاه ومع الوقت راح يقدر لان اطفال الشلل الدماغي محتاجين وقت اطول عشان يتعلمو يعني كل شي راح يجي انشالله مع الوقت والتدريب
ويارب يشفيه انشالله

مشكوره حبيبتي والله يعطيج العافيه ولدي يقدر يمسك القلم بس بدون تركيز يعني بيكتب في اي مكان وفوق هذا كله ما يحب المدرسه يحب يليس يسولف ويشوف التلفيزيون تخيلي من يوم ينش وهو على شاعر المليون حافظ تقريبا كل القصايد لا والحين طالعلي بشي جديد وهي الكوره صار ما يخلي مباره مي يتابعها طبعا مع عمامه او خواله