بليييييليييييييييييييييز لاتخيبون ظني

[الحلى2009]

السلام عليكم ورحمة الله وبركاته الى اخواتي في المنتدى بصراحه انا عندي مشكله ومالقيت غيركم افضفضله واتمنى القى منكم الحل الشافي اول شي ابعطيكم مواصفات زوجي طيب وحنون وحساس ومسالم وتقريبا مواصفاتي قريبه منه المهمم لاحظت عليه بالفتره الاخيره تغيره علي خاصه بعد ولادتي لمولودي الثاني صار مايتحمل من اي كلمه وبسرعه يزعل وصرت احسب الف حساب لاي كلمه كنت اقوله يابنات والله زوجي اللي ماعمري سمعته رفع صوته علي هالايام جدع علي كلمه ومره تضايقت وانا من النوع اللي اكتم وبعد انا ماابي اي شي يضايقه واحيانا حتى لوهوالغلطان زوجي من النوع اللي دايم يخليني انا الغلطانه يعني مثال صارت مشكله قبل اسبوع ويوم كلمته نبي نتناقش قال اصلا انتي متغيره واجد وانا كنت اشوف اشياء واسكت وانا والله هذي انا ماتغيرت طبعا يقصد فترة حملي وانا هالحين بفترة نفاس ويعني هوبعيد عني مع انه يجينا يوميا بس القلوووووووووووووب بعيده وانا صراحه مليت ونفسيتي زفت وش تنصحوني فيه وياليت تصنفون زوجي من اي نمط من الشخصيات ودعواتكم لي بان يصلح الحال ويرد لي زوجي ردا جميلا انتظر ردودكم

 

[أم هيا]

يمكن عزيزتي زوجج محتاجلج هالفترة ومب عارف يعبر لج........
انا مريت بنفس الشي تصدقين كان زوجي يبيني ارجع البيت باي طريقة وانا مب حاسة وكلن يسمعني كلام كنت استغرب يوم زين واليوم اللي بعده فجاه ينجلب ويقولي متى بتين ولي متى بتمين عند امج وانا ماكنت جاسة فيه كنت شاكه فيه انه يكره اني اتم عند اهلي بس عقب ما رديت البيت بكم يوم اكتشفت انه في وحدة في دوام زوجي قاعدة تلعب عليه وتلف حوالينه وكان هو مايل لها بس الحمدلله مع اني ماواجهت زوجي باللي عرفته بس هو حس من نظراتي وتغير عليها وما قام يرد عليها حتى يوم تتصل له في شغل يقعد يمي بالعمالة وهو يكلمها عشان ما شك فيه لدرجة اني سمعتها مرة تقوله والله اشفيه مويايلك ماترد ولاتطرش مسجات ريلي ماعطاها ويه وسكراه في وييهها وعقب عاد لما ماحصلت ويه منه تركته والحين تلعب على غيره والحمدلله قلت يمكن ريلي كان يبغيني ارد البيت لانه كان يعرف انه يسوي شي غلط وخايف يتمادى فيه

 

[بنت الكـــويت ~]

انا مع الاخت ام هيا يمكن من شدة حاجته لج وابتعادج عنه سبب نفسيته الشينه يعني كنتي ماليه البيت عليه فجأه مافي احد اكيد تتغير نفسيته عليج اعذريه ولاتشيلين هم يعني قعدي معاه واسأليه عن السبب واذا على هالسبب ارجعي بيتج كملي نفاسج هناك اذا طبقتي 20 يوم
الله يسخر زوجج لج ويصب محبتج في قلبه صبا ومايشوف بهالدنيا غيرج اللهم امين

 

[الحلى2009]

ام هيا وبنت الكويت ردودكن اثلج صدري مسالة رجعتي للبيت شوي صعبه بحكم اني ماعندي خدامه وامي ماتقدر تخلي البيت بس قبل يومين جا وكان مشتاق لذاك الشي وقال خلينا نروح للبيت وطبعا اتفقنا انه لما اخف شوي لان توي مالي الا اسبوعين والده وطبعا امس صارت سالفه وزعل علي وماكلمني الا اليوم ولا حتى جا يعني انا في دوامه يوم اشوفه راضي ويوم زعلان بس ابحاول ارضيه باي وسيله والله يعين