بكريه وما تعرف شي........

[ربي يحفظك لي]

السلام عليكم ...............:18:

بنات ولادتي قربت وانا ما خذت لي وللبيبي شي ماعرف شو اخذ استحي اسال اهل زوجي اخاف يضحكون علي ......... انا بمنطقه واهلي بمنطقه بعيده عني ....:27:

 

[ِضيــآءْ]

والله ماادري ان شاءالله البنات يفيدوك
ربي يقومك بخير وسلامه وييسر ولادتك ويقر عينك بشوفة ضنآك
ادعي لي​

 

[fascinating]

اممم ,,,انا مسووويه تجميعه ...للأغراض البيبي ...من خوآتي اخذتهم ...
تبين اكتبهم تبين اكتبهم لكــ ...انا حآضره ...^^

 

[ربي يحفظك لي]

ياريت يالغاليه ........

 

[ريتاال]

الله يسهل امورك

 

[انثى تعشق رجل]

بسيطة ياقلبي


غالية والطلب رخيص

اولا في لفات قطنية داخلية للنونو جيبي منها كمية من 6 إلى 12 حبة
هذي طبعا تكون ملف سادة بدون او تول او زينه ممكن يكون فيها رسمة صغيرة بس
تحتاجي لفات خارجية اللي تجي مزينة بالتل والاشكال والوردات نفس العدد من 6 الى 12 حبة
الحبل اللي نلف البيبي فيه جيبي منها 5 حبات كفاية
الفانيلات الداخلية مقاس من 0-3 جيبي منها 6 حبات
ومن 3-6 جيبي منها 6 حبات لان النونو ماشاء الله يكبر بسرعة
ابرهولات اللي تجي كاملة والاحسن انك تجيبيها بدون شرابات موصوله معها علشان لو طال البيبي ماتنثني رجوله وتكون مرتاحة
جيبي منها مقاس من 3-6 لان غالبا المقاسات الصغيرة تكون مره صغيرة ولو صارت كبيره عليه شوي مو مشكلة بس لو صغيرة مشكلة
فيه لبس للاطفال في الثلاث اشهر الاولى على شكل ثوب بدون بنطلون قطني طبعا
جيبي منها من 6 حبات الى 10 لانها مريحة للطفل بالاول ثلث شهور وخاصة انه بيكون لسه باللفه
وغير كذا مريحة له باللبس وعند الغيار
جيبي لك كم ملف خارجي كبير علشان لو طلعتي فيه عند ناس او ماشابه يكون شكله مرتب ومريح
وللغيار في مفارش بلاستيكية تفرديها وتغيري لنونو عليها جيبي منها 2
وطبعا بودرة ومناديل اطفال نوع زين واعواد للاذن
للاستحمام شامبو وسائل استحمام وليفة طرية ومناسبة للنونو من عند الصيدلية
ومنشفة للمواليد تجي مربعة وفي طرفها طاقية
وطشت صغير للاستحمام
تحتاجي بعد رضاعتين والافضل يكونو زجاج علشان يشرب الطفل فيها الماء والزهورات والاعشاب
الحين الوقت صيف يعني ماتحتاجي طواقي للنونو لانه راح يتعرق ولما تشيليها بياخذ برد
والشرابات اشوفها مالها داعي بالصيف بس لو تحبي تجيبها مو مشكلة
القفازات حقت الاطفال جيبي لك منها كم حبة لان في اطفال يخرمشو نفسهم
وجيبي من الصيدلية طقم العناية بالاظافر حق الاطفال لو مالقيتي يكفيك مقص اظافر صغير
لو تحبي ممكن توفري جهاز قياس للحرارة انا بصراحة احسه ضروري
غالبا هذي الاساسيات اللي رح تحتاجيها
ولو شفتي شي واعجبك مافي مشكلة تزيدي بس انصحك ابعدي عن الملابس اللي تجي قطعتين
يعني بلوزه وبنطلون للطفل الاقل من ثلاث اشهر
احس البنطلون لسه بطنه صغير عليه
واهم شي اختاري ملابس مقاسها مناسب للطفل مافي مشكلة لو صارت كبيرة حبه
بس اهم شي ماتصير ضيقة عليه
واختاري ملابس مناسبة للجو اللي انت فيه يعني ماتجيبي شي خفيف والدنيا برد او العكس
وشوفي من الحين جهزي عندك الاعشاب حقت المغص للاطفال وسكر النبات واغراض النفاس حقتك
علشان ماتنحاسي بعد الولادة

هذا اللي تذكرته الحين واكيد البنات بيساعدوك
وان شاء الله ربي يتمم لك على خير ​

 

[روج احمرر]

روحي محل الاطفال واخذي سرير لطفل ومفرش يسوونه تفصال للأم والبيبي
وشبحات وصدريات وجواريب ورضاعه ومشط خفيف وناعم ولفات وشنطه للبيبي
ومدري انتي روحي محل الاطفال وتشوفين اشيا كثيييره وحلو
وماتطلعي الا وشاريه المحل كله <<< هع

 

[دلوعةزوجي]

اثى تعشق رجل كفت ووفت

 

[اللعنود]

الله يهون عليك يارب..
ابدي في نفسك اول ..
خذي لك جلابيه لاستقبال الضيوف << الحين طايحين بــ ميني جلابيه وادخلي قوقل وشوفي الصوره مره تجنن انا اخترت وحده وخيطتها
وخذي لك ملابس للبيت مريحه ويكون فيها فتحه بالصدر عشان الرضاعه
وستيان الرضاعه بتلقينه في سنتر بوينت
الكلوت خذي لك حق استخدام واحد تلقينه بالصيدليه
حفاضات الصدر <<<مهمه مره
وللبيبــــي..
خذي له 6 لفات خارجيه وتكون قطن ويسمونها ( مهاد) شكلي خذي كم لون اذا كان المولود بنت خذي وردي وابيض واذا كان ولد مايحتاج خذي سماوي وابيض وسكري (من سنتر بوينت)
البربتوزات خذي له خمسه كفايه وتلقينها بمحل ( نكست)
البجايم بعد ( نكست)
خذي له لبس كشخه حق الضيوف
عندك محلات ( غالب العيسائي) و ( القرعاوي) و ( محل دوباري او ميم )
مجموعة الجسم انتبهي تاخذي له جونسون لانهم يحذرون منها تسبب هشاشه بالعظام خذي له من (مذركير) اللوشن - الشامبو-الباودره- رغوة الجسم - أعواد الاذان
والفوطه ( من سنتر بوينت) خذي له مقاسين وحده حق تغير الحفاظه تكون صغيره وحده كبيره حق الترويش
وخذي له شنطه عشان المستشفى ان شاء الله خذيها من ( اوركسترا ) او ( جاكادي)
اتمنى اني افدتك
وهذي اغراض النفاس بس وعقب لاحقه تقضين على خير

 

[حياة الروووح]

اكتبي بقوقل وبيطلع لك اشياء بالهبل .. حتى بهالمنتدى .. حتلاقي اشياء حلوة .