بعد ما خلعته يبيني ارجع

[broker]

باختصار زوجي من النوع المعتدى بالضرب ((وصف كامل لشخصيته)) وكان يمارس علي اسلوب "الرجل المحقر" فيهم وصف دقيق لشخصيته واسلوبه معاي!!
طلعت من بعد 7 سنوات زواج بدمار نفسي فضيع لدرجه اني من اشوفه صرت يغمى علي او اتشنج:icon1366:
المهم بعد انفصال سنه .. صارت فيها احداث واااجد ماقصر الاخ.. بس ف الاخير ثبت على موقفي ونصرني الله ,
الحين رااجع يبيني ويقول انه تغير :dunno:
وانه بيموت بدوني و مايقدر يعيش
احس اني متشتته وما قادرة اخذ قرار واخاف ارجع واندم
مع العلم اني الحين تغيرت وااااااجد وصارت شخصيتي قويه واشتغلت ومعاد اخاف منه او من فكرة مطلقه ,, يعني مثلا من الاراء اللي انطرحت علي اني ارجع له واذا انفصلت مرة 2 مب مشكله لانه هو نفس الشخص وبتكون محاوله عشان عيالي ,,
ش رايكم اعطيه فرصه , صار لي فترة طويله اصلي استخاره وبعد محتارة .. مو قادرة اوصل لقرار؟؟؟!!!

 

[نجد33]

حبيبتي صلي استخاره واذا بترجعين لازم يكون له درس ماترجعين بالساهل

يعني تشرطين عليه ويدون او يشهد عليه انه مايمد يده نهائي بالضرب

ولو دون ذلك امام قاضي بالمحكمه يكون افضل

ومدام شخصيتك تغيرت فمارح اقول لك نصائح لان اكيد حتى حياتك بتتغير عن السابق

وربك يعين مب كاسر ظهر الام الا العيال

 

[lolaa]

فكري زين قبل لا ترجعين انا مشكلتي مثلك بس مايضربني اهلو يدخلون في حياتي وهو يسمحلهم ويسمع لهم وبعد ماخلعته رجعلي من ثاني ورجعت والحين باقي في مشاكل مع اهله ولا تغير شي .. الا احس اني ضايعه وندمانه وممكن وضعك احسن من وضعي بس فكري زين واستخيري اكثر من مره والله يوفقك ويكتبلك اللي فيه الخير.. قولي أأأمين

 

[broker]

اختى نجد33 &لولا
شكرا لكم انكم اهتميتوا ورديتوا علي لاني شفت انه فيه مشاهدات بس محد يرد !!
وانا صليت استخارة ونفس الشي محتارة
لولا الله يعينك الظاهر انه الله جعل ابتلائنا في ازواجنا وفيه امتحان للصبر

 

[**دلوعة بابا**]

والله انك شايفتك مياله للرجوع

معناها توكلي ع ربك ومنشان عيالك بس بعد لازم تقعدون قبل وتشترطين عليه بس بالمعقول

وربي يوفقك لكل خير

 

[آسيرهـ الذكريات]

ياحظك ياليتني اخلع زوجي وانفك

عيشة تقررررررررررف

 

[إبتسامة ملاك]

حبيبتي اذا انتي ظامنة انه مايمد يده عليك رجعي له

واذا لا فأنا انصحك ماترجعين له

انتي في بيت اهلك معززة ومكرمة وبيجيك اللي احسن منه ان شاء الله

الله يوفقك ان شاء الله

 

[حصريا في بلقيس]

دعيه يكتب تعهد ويوقع عليه بعدم ضربك وبأنه سيدفع مبلغ كبير مقابل الضرب أو يسجل البيت بإسمك مثلا

أجعليه يقيم لفكرة ضربك ألف حساب لأنك الآن في عينيه سهلة ولا تهذبي إلا بالضرب

وإذا قام بضربك لا سمح الله فلا تتراجعي عن تبليغ أقرب مركز شرطة بفعلته وستنالين اعظم التقدير والإحترام منه

 

[areem18]

الله المستعان

 

[balck berri]

استخيري ولله يكتب لك الخير وعليك بالاستغفار يجعل لله لك من كل هم فرج ومن كل ضيق مخرج

 

[ملكة ببلقيس]

كان الله في عونك
حبيبتي ان كان فيه أمل لرجعتك معاه
فلا ترجعي الا كما قالت الاخت ( حصريا في بلقيس )
و الا حالك الان سيكون افضل ..

 

[عيون محمد]

حبيبتي شوفي شو حقوققج كزوجه وخليه يوقع عليها ولازم اتكون محاميه او محامي شاهد....
واذا حصل اي اخلال خلاص اخلعيه...
هو طبعا بيخاف.. وما بيرضى
والله يردكم بسلام لبعض ويهنيكم

 

[أنا وزوجي]

تدري

عندنا مثل بجدة يقول عمرو ذيل الكلب ما ينعدل ولو انحط في قالب

ياقلبي الرجال لما يعتاد ضرب زوجته مايقدر يترك هالعاده
وهذي صفة دنيئة في الرجال يضرب الزوجه في النهار ويجيها في الليل

ماادري كيف تفكري ترجعيلو لو منك اطلقو بالثلاث ولا ارجعلو ولو كان اخر رجال في الكون كله

 

[أنا وزوجي]

ايوة صح نسيت اقلك

في شي في الشرع وهو شرط عقد الزواج
ان شرطتي في عقد الزواج ووثق كتابة انه مايضربك لاي سبب كان

فيكون غصب عنه انه يمنع نفسه عن ضربك ولا يكون العقد الي بينك وبينه باطل
اذا انتي وركزي معي ما اتنازلتي عن هالشرط
لو اتنازلتي راح الشرط عليكي وراح يضرب

فتكر مرة وحدة حكتني انو زوجها يضربها مرة كثير لدرجه انه يحكرها في بانيو الحمام ويضربها ضرب مبرح
الي صار انها شكته في المحكه وصدر عليه صك لو ضربها مرة ثانية تكون محرمه عليه
ومن بعدها ماضربها ابدا
لكن حياتهم كانت بصراحه جحيم صار يضربها معنويا خخخخخخخخ

 

[شيرينة]

السلام عليكم حبيبتى 7 سنوات ماتغير معقولة بسنة وحدة يتغير فكرى كلش زين اكو مثل يكول ريمة ترجع لعادتها قديمة والله يكون بعونج

 

[أحب الحياة]

نفس ماقالت الاخت احسج مايلة للرجوع أكثر
بس لازم تكون لج شروطج الحياة مب لعبة في ايدينه متى يبي يردج حصلج جاهزة قدامة...........
الله يوفقج ان شاء الله ويحببج في عيون زوجج

 

[فنون88]

استخيري
ثم استخيري
ثم استخيري
ثم اسالي عنه وشوفي هل عن جد تغير

 

[غدير الكويت]

اذا لج رغبه بالرجوع وانت فعلا صرتي قويه رجعي بشروط يتعهد فيها جدام كبار العايلتين وأهمها مايمد ايده وما يمنعج من الوظيفه ويعطيج مصروف لج ولعيالج باستقطاع بنكي
والله يوفقج

 

[وفية زمن]

الله يوفقك حبيبتي اهم شيء اذا قدر ربي ورجعتي لازم تكونين شخصية ثانيه قويه وواثقه من نفسها ولازم تشرطي عليه الي في خاطرك وحلو بعد لو تسالين عنه اقرب الناس اذا تغير فعلا والا خاف بس يبيك ترجعين بس اهم شرط انه مايمد ايده عليك والله يرزقك الخير حيث كان ويخليلك عيالك ويسخره لك اذا كان فيه خير لك آميييييييييييييين .

 

[أميره]

اختي هل يجوز ان ترجع المراه لزوجها بعد الخلع ؟؟